કેન્દ્રીય મંત્રી શ્રી અનુરાગ સિંહ ઠાકુરે ગ્લોબલ આયુષ ઇન્વેસ્ટમેન્ટ એન્ડ ઇનોવેશન સમિટ 2022- વેલેડિક્ટરી સેશનમાં ઉપસ્થિત લોકોને સંબોધિત કર્યાં હતાં. તેમનાં સંબોધનની શરૂઆતમાં તેમણે કહ્યું કે માનનીય પ્રધાનમંત્રીએ વિશ્વ આરોગ્ય સંસ્થાના ડીજીને તુલસીભાઈનું નામ શા માટે આપ્યું. તેમણે કહ્યું કે વિશ્વભરમાં ડબલ્યુએચઓના ડીજી પર સ્વાસ્થ્ય સંબંધિત ભાર હોય છે. તેવી જ રીતે તુલસીનું કામ પણ એવું છે કે તે સ્વાસ્થ્યને લગતી સમસ્યાઓમાં અનેક રીતે ઉપયોગી પણ છે. એટલા માટે પ્રધાનમંત્રીએ તેમને આ નામ આપ્યું છે.

શ્રી ઠાકુરે જણાવ્યું હતું કે ત્રણ દિવસીય આ સમિટમાં 90થી વધુ વક્તાઓએ ભાગ લીધો હતો. સંશોધન હોય કે વિકાસ, સ્ટાર્ટઅપ ઇકોસિસ્ટમ હોય કે વેલનેસ ઇન્ડસ્ટ્રીની વાત હોય, આ બધાને આ ઇવેન્ટથી પ્રોત્સાહન મળશે. આયુષનાં ક્ષેત્રમાં નવીનતાની વાત હોય કે રોકાણની, તેની શક્યતાઓ અમર્યાદિત છે. તેમણે કહ્યું કે હું જવાબદારીપૂર્વક કહું છું કે 2014માં 3 અબજ ડૉલરનો વેપાર હતો, તે આજે છ ગણો વધીને 18 અબજ ડૉલર થઈ ગયો છે.એટલે કે તે 22000 કરોડથી વધીને 1.35 હજાર કરોડ થઈ ગયો છે. આ પોતે જ દર્શાવે છે કે આયુષ મંત્રાલય અથવા આ ક્ષેત્રમાં અપાર સંભાવનાઓ છે. 75% વૃદ્ધિ એ એક અદ્ભુત વાત છે અને વ્યવસાય માટે ખૂબ જ આકર્ષક બાબત છે. આ સાથે ખાતરીપૂર્વક કહી શકાય કે આ ક્ષેત્રમાં ઘણા સ્ટાર્ટ અપ આવશે.આ ક્ષેત્રમાં પણ ઘણું રોકાણ આવશે. અને અત્યાર સુધીમાં રૂ.9000 કરોડનું રોકાણ સુનિશ્ચિત કરવામાં આવ્યું છે. જૉબની વાત કરીએ તો આ ક્ષેત્રમાં 5 લાખથી વધુ નોકરીઓ પણ સર્જાઈ છે. આ કોઈ નાના આંકડા નથી કારણ કે જ્યારે કોરોના વાયરસે આપણું આખું જીવન અસ્તવ્યસ્ત કરી નાખ્યું હતું ત્યારે પણ આ ક્ષેત્રમાં આવું અભૂતપૂર્વ કામ થયું છે.હવે કોરોના પછી ભારત વિશ્વની સૌથી ઝડપી અર્થવ્યવસ્થા બની જશે.

શ્રી અનુરાગ સિંહ ઠાકુરે કહ્યું કે એક વખત હિમાચલ પ્રદેશમાં તેમણે જોયું હતું કે એલોપેથી અને આયુર્વેદ ડોક્ટરો વચ્ચે વિવાદ થયો હતો. બતાવવું હતું કે અમારી લીટી તેમના કરતા લાંબી છે. ત્યાં સ્વચ્છ ભારત માટે જે પ્રકારનું અભિયાન ચાલી રહ્યું છે તે બધાએ જોયું. ત્યાં કુદરતી ખેતી શરૂ કરતા પહેલા, તેમણે હરિયાણામાં કર્યું. આજે ગુજરાતમાં લાખો એકર જમીન પર કુદરતી ખેતીને પ્રોત્સાહન આપવાનું કામ શરૂ કરો. હું એમ કહીશ, પ્રધાનમંત્રીએ જે પાંખો અને ઉડવા માટેનું આકાશ આયુષને આપ્યું છે એને આ રાજ્યમાં ગતિ આપવાનું કામ તમારા થકી થશે અને ખેડૂતો સુધી જવાનું કામ થશે.

શ્રી ઠાકુરે કહ્યું કે આયુષ સાથે જોડાયેલા તમામ યુવાનોએ શા માટે પાછું ફરીને જોવું પડે. છેલ્લાં 75 વર્ષમાં શું ખૂટતું હતું? ખામીઓ પણ પૂરી કરીશું અને આગામી 25 વર્ષનો ટાર્ગેટ અમૃતકાળમાં ભારતને બનાવવાનું સપનું સાકાર કરવા કામ કરીશું, ત્યારે ગુજરાતની આ ધરતી પર મહાત્મા ગાંધી અને સરદાર પટેલે જન્મ લીધો અને આજે શ્રી નરેન્દ્ર મોદીજી ભારતને વિશ્વમાં ઊંચાઈ પર લઈ જવાનું કામ કરી રહ્યા છે. હું આજના યુવાનોને પણ સલામ કરું છું અને હું આપ પાસેથી આ જ એક સંદેશ લઈને જાઉં છું કે આપણે આપણા ભારતને આગળ લઈ જઈશું. આયુષનાં માધ્યમથી પણ આગળ લઈ જઈશું. આપણે આયુર્વેદની સંસ્કૃતિને પણ વધારવી પડશે. હિમાચલમાં મોબાઈલ વાન દ્વારા આરોગ્ય સેવા પૂરી પાડવામાં આવે છે. તેમાં મોટાભાગે મહિલાઓ અને મોટાભાગે આયુર્વેદ ડૉક્ટરોનો સમાવેશ થાય છે. ભારત વિશ્વનો ત્રીજો દેશ છે જ્યાં ફાર્મા મેન્યુફેક્ચરિંગ થાય છે. આયુષનાં આ કાર્યો માટે આપણને આક્રમક માર્કેટિંગની જરૂર છે.

શ્રી ઠાકુરે કહ્યું કે મેં સાંભળ્યું છે કે આપ આયુષ તરફથી ઈ-માર્કેટ પ્લેસ સ્થાપવા જઈ રહ્યા છો. જેમ કે આપણાં GeM પોર્ટલમાં લાખો કરોડનો બિઝનેસ થાય છે. આવનારા સમયમાં આયુષના ઈ-માર્કેટપ્લેસમાં પણ કરોડો રૂપિયાનો બિઝનેસ થવાનો છે. આપણી પાસે આવી ઘણી આયુર્વેદિક દવાઓ છે, ઔષધીય વનસ્પતિઓનો ખજાનો છે.તેઓએ પણ રોકાણ કરવું જોઈએ. ખેડૂતોને પણ જાગૃત કરવા જોઈએ અને ઔષધિઓનો ખજાનો જે ભારતમાં છે. આ લીલાં સોનાની વાત આજે અહીં થઈ છે. આપણે આ અને અન્ય ઔષધીય વનસ્પતિઓ વિશે વધુ જ્ઞાન મેળવીશું જે ભારતની મૃદુ શક્તિ છે. આનાં માધ્યમથી હોમિયોપેથી દ્વારા,  યોગ અને આયુર્વેદના માધ્યમથી આપણે વિશ્વભરમાં આપણી શક્તિને વધુ મજબૂત બનાવી શકીએ છીએ અને જો સ્વામી વિવેકાનંદના ગુરુ હોય તો આપણે દરેક ક્ષેત્રમાં, આ ક્ષેત્રમાં પણ  વિશ્વ ગુરુ બનવાનું સપનું સાકાર કરીશું.

તેમણે કહ્યું કે પરંપરાગત દવા કેન્દ્ર જામનગર, ગુજરાત, ભારતમાં શરૂ થયું છે. પ્રધાનમંત્રી શ્રી મોદીએ આ કામ કર્યું છે. ભારતમાં આવું કેન્દ્ર લાવવાનું કામ પ્રધાનમંત્રીએ કર્યું છે. હવે અમે ભારતની પ્રોડક્ટને આખી દુનિયામાં લઈ જવા માટે કામ કરીશું. શ્રી અનુરાગ સિંહ ઠાકુરે જણાવ્યું હતું કે અમૃત કાળમાં, એટલે કે આઝાદીનાં 100 વર્ષો સુધીમાં, અમે ભારતને વિશ્વ ગુરુ બનાવવાનું કાર્ય કરીને જ રહીશું. અને તેથી વિશ્વની નજર ભારત તરફ, ભારતના યુવાનો તરફ છે. 

SD/GP/JD

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com