কম্যুনিকেসন অমসুং ইনফোর্মেসন তেক্নোলোজী মন্ত্রালয়
ইন্দিয়া পোস্তনা মীয়ামদা অকক্নবা সর্ভে, ৱাহং পাউহংগী খুত্থাঙদা সবসিদিশিং/মনা মথুম পীগনি হায়বা শাজিন্নবা য়ু.আর.এল.শিং/ৱেবসাইতশিংদগী চেকশিন্নবা খঙহল্লি
प्रविष्टि तिथि:
23 APR 2022 10:15AM by PIB Imphal
অকক্নবা সর্ভে, ৱাহং পাউহংশিংগী খুত্থাঙদা লৈঙাক্কী সবসিদিশিং পীগনি হায়বা অপীকপা য়ু.আর.এল.শিং/ অতেনবা য়ু.আর.এল.শিং য়াওবা য়ু.আর.এল./ৱেবসাইতশিং ৱাত্সএপ, তেলিগ্রাম, ইন্সতাগ্রাম অমসুং ই-মেল/ এস.এম.এস.নচিংবা সোসিএল মেদিয়াশিংদা শন্দোরকপা হৌখিবা নুমিৎ খরনিসিদা ইন্দিয়া পোস্তনা থেংনরে।
লৈবাকসিগী মীয়ামদা ঐখোয়না পাউদম্নিংবদি ইন্দিয়া পোস্তনা সবসিদি লাউথোকপা, সর্ভেদা য়ুম্ফম ওইরগা বোনস নৎত্রগা মনা মথুম পীবনচিংবা থবক থৌওংশিং তৌদে। অসিগুম্বা নোতিফিকেসন/মেসেজ/ইমেল ফংবদা মীয়াম্না থাজবিদনবা নৎত্রগা অসিগুম্বা শাজিন্নবা, মাঙনিংঙাই ওইবা মেসেজশিংগী পাউখুম পীবিদনবা নৎত্রগা ইশাগী লনাই ওইবা ৱাফমশিং ফোঙদোকপিদনবা নোল্লুকচরি। পোকপগী তাং, একাউন্ত নম্বর, মোবাইল নমবর, পোকফম অমসুং ও.তি.পি.নচিংবা ইশাগী শক্তাক খুদম ওইবা য়াবা ৱাফম অমত্তা পীথোকপিদনবা নোল্লুকচরি।
ইন্দিয়া পোস্তনা হায়রিবা য়ু.আর.এল./ লিঙ্ক/ ৱেবসাইতশিং অসি তোঙান তোঙানবা প্রিভেন্সন মেকানিজমশিংগী খুত্থাঙদা লৌথনবা মথৌ তাবা থবক থৌরমশিংবুদি পায়খৎলি। মীয়ামদা অমুক্কা হন্না অসিগুম্বা শেমজিন-শাজিনবা/ থাজনিংঙাই ওইদবা মেসেজ/ কম্ম্যুনিকেসন/ লিঙ্কশিংদা থাজবিদনবা নৎত্রগা পাউখুম পীবিদনবা নোল্লুকচরি।
***
(रिलीज़ आईडी: 1819254)
आगंतुक पटल : 257