মোদী লৈঙাক্না ৱায়েৎ অহুমগী – কাস্মিরদা তেরোরিজম, লেফ্ত ৱিং এক্সত্রিমিজম অমসুং অৱাং নোংপোক্তা দ্রগ অমদি খুৎলায় পায়বা কাঙলুপশিংগী – মতম চুপ্পগী ওইবা ৱাখৈ পুরকপদা চাউনা মায় পাক্লে

খুৎলায় পায়বা কাঙলুপ কয়ানা খুৎলায় থাদোক্তুনা মহৌশাগী পুন্সিদা হঞ্জিল্লকখ্রে, আর্তিকল ৩৭০ মুত্থৎখ্রবা মতুংদা কাস্মিরদা ইখৌ লাংবা অমসুং চাওখৎপগী অনৌবা তাঙ্কক অমা লাকপা হৌরে

অহোংবা অসি লৈরিবা ৱাফমশিং নৈনদুনা মমুৎ তানা খঙবা, ৱাখৈগী মরমদা মনুং থিৎনা নৈনবা, লাল্লোং অমদা য়ুম্ফম ওইরগা পায়খৎলিবা থবকশিংনা মরম ওইরগা লাক্লিবনি

পুলিস দিপার্তমেন্তনা চহি ১০গী ওইবা পুলিসিংগী লাল্লোং য়াত্তুনা থবক তৌবা অমদি চহিগী ওইনা হন্না য়েংশিনবা মথৌ তাই

হৌজিক ক্রাইমশিং পুলিস মোদর্নাইজেসন, ত্রেনিং, স্তেত পুলিসকী মরক্তা তেংবাংনবা, স্তেতকী ৱাংমদা পুলিসশিংগী মরক্তা তেংবাংনবা অমসুং তেক্নোলোজী শীজিন্নবা য়াওদনা থেংনবা ঙম্লোইদবা মরম্না মসি য়াম্না মরু ওই

লৈবাক শিনবা থুংনা পুলিসশিংনা অমগা অমগা তেংবাংনদুনা থবক তৌবা তাই

“দেতানা অনৌবা কাংলোন্নি অমদি অচৌবা দেতানা ৱায়েৎ পুম্নমক্কী ৱাখৈনি”, হায়বসি লৈবাক শিনবা থুংনা লৈরিবা পুলিসশিংনা খঙজিনবা মথৌ তাই

পুলিসনা ক্রিমিনেলশিংদগী খোঙথাঙ অনি মাঙজিন থানা লৈবা মথৌ তাই অমদি মসিগীদমক মখোয় মতমগা চুনহনবা অমদি তেক্কী মরমদা মমুৎ তানা খঙবা তাই

মোদী লৈঙাক্কী মখাদা তেরোরিজমগী মরমদা ঐখোয়গী সিক্যুরিতী এজেন্সীশিংগী ঙমদুনা চৎপগী ফীভম উবা ফংলি

মায় পাক্নবগীদমক থৌওং অমসুং নীংথিনা তৌবা হায়বসি য়াম্না মরু ওই অদুবু মায় পাকপা হায়বসি পুক্নিং লুপ্লবা মতমদা ফংগনি অমদি পুলিস ফোর্সশিংদা কন্সতেবল ফাওবদা পুক্নিং লুপ্তুনা থবক তৌবা মথৌ তাই

লো এন্দ ওর্দর স্তেতকী ৱাফম্নি, মরম অসিননি পুলিসনা স্তেত অদুগী মীয়াম্না থাগৎলকপা লৈঙাক্কী পাউতাক মখাদা থবক তৌরিবসি, মরম অদুনা খ্বাইদগী চাউবা শিংনবদি থবক পায়খৎপদা চাং মান্নবদুনি

স্তেত পুলিসশিংনা নাইতোম থবক তৌরবদি ঐখোয়না শিংনবশিং নীংথিনা থেংনবা ঙম্লোই

ওল ইন্দিয়া পুলিস সাইন্স কংগ্রেস অমসুং দি.জি. কন্ফরেন্সনচিংবা মীফমশিংগী খুত্থাঙদা স্তেতশিংনা মখোয়গী মফমদা থেংনরিবা ৱাফমশিংগী মরমদা খন্নদুনা মান্নবা খুজিল থৌরাং অমা য়াত্থোকপা য়াই

ঙসি ভারতনা মালেমগী অচৌবা পৱার অমা ওইনা লিৎখৎলক্লি, ঐখোয়দা মীয়ামগী লৈঙাক, খেন্নবা মফমশিং, দিমান্দ অমসুং চপ চাবা ফিরেপ লৌবা অমদি ভারতকী মরাইবক হোংহনবা ঙমগদবা লুচিংবসু লৈরি

প্রধান মন্ত্রী নরেন্দ্র মোদীনা পুলিস তেক্নোলোজী মিসন লাউথোকখ্রে, গৃহ মন্ত্রালয়না মিসন অসিগী ব্লুপ্রিন্ত অমা শেম্লে অমদি হায়রিবা অসি ৱাখল্লোন লৌনবগীদমক বি.পি.আর.এন্দ.দি.গী খুত্থাঙদা স্তেত পুলিসশিংদা থারক্কনি, মসিগী খুত্থাঙদা লৈবাক শিনবা থুংনা লৈরিবা পুলিসশিংবু মান্নবা খুৎশু খুৎলায় অমসুং তেক্নোলোজী ফংহনগনি

পুলিস সাইন্সকী মমায় অনি লৈ – পুলিসশিংগীদমক সাইন্স অমসুং পুলিসকী সাইন্স, অনিসিগী মখাদা ঐখোয়না ঐখোয়গা মাঙদা তাদুনা লৈরিবা শিংনবশিং থেংনবা ঙমগনি

পুলিসকী সাইন্সকীদমক মেদিকেল সাইন্স, ফোরেন্সিক সাইন্স, মেনেজমেন্ত সাইন্স, আর্ম সাইন্স অমসুং ঈ-পাউ ফাওদোক ফাওজিনগী সাইন্স শিজিন্নবা খুমাঙ চাউশিলহনবা মথৌ তাই

ব্রিতিসকী মতৌগী পুলিসিংগী মতম লোইখ্রে, হৌজিক্তি ৱাখল লৌশিংদা য়ুম্ফম ওইবা, খুদম চাংদমদা য়ুম্ফম ওইবা অমদি লোজিক্তা য়ুম্ফম ওইবা পুলিসিং শিজিন্নবা তাই অমদি ঐখোয়না পুলিসকী সাইন্স হোংদোকপা মথৌ তাই

হোম অমসুং কোওপরেসনগী কেন্দ্র মন্ত্রী শ্রী অমিত সাহনা ঙসি ভোপালদা পাঙথোকপা ৪৮শুবা ওল ইন্দিয়া পুলিস সাইন্স কংগ্রেস হৌদোকপগী থৌরমদা ৱা ঙাঙখ্রে‍। থৌরম অসিদা মধ্য প্রদেশকী মুখ্য মন্ত্রী শ্রী সিবরাজ সিংহ চৌহান, হোমগী রাজ্য মন্ত্রী শ্রী অজ্র কুমার মিস্রা অমসুং শ্রী নিসিথ প্রমানিক অমদি বি.পি.আর.এন্দ.দি.গী দাইরেক্তর জেনেরেল শ্রী বালাজি স্রিভাস্তবসু শরুক য়াখি‍।

মহাক্কী ৱারোলদা কেন্দ্রগী গৃহ মন্ত্রীনা ওল ইন্দিয়া পুলিস সাইন্স কংগ্রেস অসি লৈবাকসিগী পুলিসিংগী লমদা মীৎয়েঙ অনিদা মরুওইবা থৌদাং লৈ‍। অমনা মান্নবা শিংনবশিং থেংননবগীদমক লৈবাক শিনবা থুংনা পুলিসশিংগী মরক্তা তেংবাংনবা অদুগা অমনা ক্রিমিনেলশিংদগী খোঙথাঙ অনি মাঙজিল থানা লৈনবগীদমক তেক্নোলোজী শীজিন্নবনি‍। ঐখোয়গী সংবিধান্দা পুলিসপু স্তেতশিংগী মঙম ওইনা লৌরি অমদি সংবিধান অসি হেক চৎনরকপদগী পুলিসশিংনা অচৌবা শিংনবা কয়া থেংনদুনা লাক্লি, মরমদি ক্রাইমগী তাইবংসিদা অনৌবা মাইওন কয়া হাপচিল্লক্লি‍। মীৎয়েঙ কয়া মাঙদা লাক্লি, মসিনা মরম ওইরগা লৈবাক শিনবা থুংনা লৈরিবা পুলিসশিংগী মরক্তা অমগা অমগা লিংজেল মান্ননা থবক তৌবা মথৌ তাই, মদু নৎত্রবদি হায়রিবা শিংনবশিং অসি থেংনবা ঙম্লোই‍। অমরোমদা লো অমসুং ওর্দর অসি স্তেতশিংগী মঙম ওইবা মরম্না পুলিস অসি স্তেততুগী মীয়ামগী মীহুৎনা শেমবা লৈঙাক্কা পাউতাক মখাদা থবক তৌরি‍। পুলিসশিংনা খুৎলায় পায়বা কাঙলুপশিংদগী মান্নবা শিংনবা অমা থেংনৈ‍। লেফ্ত ৱিং এক্সত্রিমিজমগী মফমদা স্তেত কয়ামরুম লৈ অদুবু থেংনরিবা শিংনবশিংদি চপ মান্নৈ‍। হায়রিবা শিংনবশিং অসি থেংননবগীদমক তেংবাংনবা, খুজিল থৌরাং অমসুং লিংজেল মান্নবা মথৌ তাই, অদুগা স্তেত পুলিসনা নাইতোম থবক তৌরবদি, হায়রিবা শিংনবশিং অসি ঐখোয়না মওং মরিল নাইনা থেংনবা ঙম্লোই‍। সংবিধান্দা অহোংবা পুরকপগী মথৌ করিসু তাদে, অদুবু ওল ইন্দিয়া পুলিস সাইন্স কংগ্রেস অমসুং দি.জি.শিংগী কন্ফরেন্সনবচিংবা মীফমশিংগী খুত্থাঙদা স্তেত খরদি পুনশিন্নদুনা মখোয়গী লমদা থেংনরিবা ৱায়েৎশিং খন্নবা অমদি মান্নবা থৌরাং য়াত্থোকমিন্নবা য়াই‍। লৈবাক শিনবা থুংনা পুলিসশিংনা দ্রগ, হৱালা ত্রাঞ্জেক্সন অমসুং সাইবর ফ্রোদনচিংবা মান্নবা শিংনবা খরা থেংনরি‍ হায়না মহাক্না ফোঙদোকখি‍। পুলিস সাইন্স কংগ্রেস অসি খন্ন-নৈননবা অমদি মান্নবা লাল্লোং অমসুং পরিংদা থবক তৌমিন্ননবা মতিক চাবা ফম্পাক অমনি‍। বি.পি.আর.এন্দ.দি.গী মীৎয়েঙ মখাদা পাঙথোক্লিবা অসিগুম্বা মীফমশিংনা লৈবাক শিনবা থুংনা লৈরিবা পুলিসশৎংদা মখোয়দা ৱাৎলিবশিংগী পাম্বৈ পুথোক্নবা অমদি মান্নবা শিংনবশিং থেংনমিন্ননবা ফম্পাক অমা পীরি‍। গৃহ মন্ত্রীনা বি.পি.আর.এন্দ.দি.দা লৈবাক শিনবা থুংনা লৈরিবা পুলিসশিংনা মান্নবা শিংবশিং থেংনমিন্ননবা লাল্লোংবু মাঙদা থমদুনা মখোয়গী থৌরমশিং অমসুং মীফমশিং শেম শানবা ৱাফম থমখি‍।

ক্রিমিনেলশিং মালেম পুম্বদা লৈরিবা অনৌবা তেক্নোলোজীশিং শীজিন্নরে অমদি পুলিসনা ক্রিমিনেলশিংদগী খোঙথাঙ অনি মাঙজিল থানা লৈবা য়াম্না মরু ওইরে, মসিগীদমক পুলিসসু মতমগা চুনহনবা, তেক্কী মরমদা মমুৎ তানা খঙবা অমদি মখোয়বু মায়থিবা পীবা ঙমবা চাংদা তেক্নোলোজী শীজিন্নবা মথৌ তাই হায়না শ্রী অমিত সাহনা ফোঙদোকখি‍। মনুং হঞ্জিন্না থবক পায়খৎপা তাই‍। তেক্নোলোজী শীজিন্নবগী থৌওং কন্সতেবল অমসুং হেদ কন্সতেবলগী থাক ফাওবা য়ৌদ্রিফাওবা ঐখোয়না অনৌবা মখলগী ক্রাইমশিং থেংনবা ঙম্লো‍ই‍। মসিগীদমক্তসু বি.পি.আর.এন্দ.দি.না ফম্পাক অমা পীরে‍। হায়রিবা পান্দম অনিসিগীদমক্তা পুলিস কংগ্রেস অসি মরু ওই অমদি মসি য়াওদনা ঐখোয়না লৈবাক মনুংগী ঙাকশেল নীংথিনা পীবা ঙম্লোই‍।

কেন্দ্রগী গৃহ মন্ত্রীনা হায়খিবদা ভারত লৈঙাক্না প্রধান মন্ত্রী নরেন্দ্র মোদীগী লুচিং মখাদা, হৌখিবা চহি ৮সিদা চহি কয়া লৈবাক মনুংগী ঙাকশেলদা অয়েৎপা পীরিবা ৱায়েৎ অহুমগী – কাস্মিরদা তেরোরিজম, লেফ্ত ৱিং এক্সত্রিমিজম অমসুং অৱাং নোংপোক্তা দ্রগ অমদি খুৎলায় পায়বা কাঙলুপশিংগী – মতম চুপ্পগী ওইবা ৱাখৈ পুরকপদা চাউনা মায় পাক্লে‍। হায়রিবা মওংসিদা মখোয়শিংদুগী পাম্বৈ পুথোক্তুনা মখোয়গী ৱাখৈ পুরকপদা চাউনা মায় পাক্লে‍। পুক্নিংদা ইখৌ লাংবা অমসুং চাওখৎপগী অনৌবা তাঙ্কক অমা হৌরে অমদি ঙসি তেরোরিজমগী মায়োক্তা ঐখোয়গী সিক্যুরিতী এজেন্সীশিংনা ঙমদুনা চৎপা উবগা লোয়ননা লেফ্ত ৱিং এক্সত্রিমিজমসু লোইশিল্লকপগী মায়কৈদা চঙশিল্লি‍। অহোংবশিং অসি লৈরিবা ৱাফমশিং নৈনদুনা মমুৎ তানা খঙবা, ৱাখৈগী মরমদা মনুং থিৎনা নৈনবা, লাল্লোং অমদা য়ুম্ফম ওইরগা পায়খৎলিবা থবকশিংনা মরম ওইরগা লাক্লিবনি‍। পুলিস দিপার্তমেন্তনা চহি ১০গী ওইবা পুলিসিংগী লাল্লোং য়াত্তুনা থবক তৌবা অমদি চহিগী ওইনা হন্না য়েংশিনবা মথৌ তাই‍। হৌজিক ক্রাইমশিং পুলিস মোদর্নাইজেসন, ত্রেনিং, স্তেত পুলিসকী মরক্তা তেংবাংনবা, স্তেতকী ৱাংমদা পুলিসশিংগী মরক্তা তেংবাংনবা অমসুং তেক্নোলোজী শীজিন্নবা য়াওদনা থেংনবা ঙম্লোইদবা মরম্না মসি য়াম্না মরু ওই‍। “দেতানা অনৌবা কাংলোন্নি অমদি অচৌবা দেতানা ৱায়েৎ পুম্নমক্কী ৱাখৈনি”, হায়বসি লৈবাক শিনবা থুংনা লৈরিবা পুলিসশিংনা খঙজিনবা মথৌ তাই‍। মসিগীদমক শ্রী মোদীনা পুলিস তেক্নোলোজী মিসন লাউথোকখ্রে, গৃহ মন্ত্রালয়না মিসন অসিগী ব্লুপ্রিন্ত অমা শেম্লে অমদি হায়রিবা অসি ৱাখল্লোন লৌনবগীদমক বি.পি.আর.এন্দ.দি.গী খুত্থাঙদা স্তেত পুলিসশিংদা থারক্কনি‍। মসিগী খুত্থাঙদা লৈবাক শিনবা থুংনা লৈরিবা পুলিসশিংবু মান্নবা খুৎশু খুৎলায় অমসুং তেক্নোলোজী ফংহনগনি হায়না শ্রী অমিত সাহনা ফোঙদোকখি‍।

প্রধান মন্ত্রী শ্রী নরেন্দ্র মোদীগী লুচিং মখাদা ভারত লৈঙাক্না ফেসিলিতী কয়ামরুম ফংহল্লি, অদুবু মখোয়শিংদু অয়াম্বনা শীজিন্নদে হায়বা ৱাফম শ্রী অমিত সাহনা ফোঙদোকখি‍। হৌজিক লৈরিবা দেতা খোমজিনবগী ফীভমসিদা ঐখোয় পেন্থোক্লোইদবনি‍। করিগুম্বা মতমদা পুলিসপু থবক তৌদে অদুগা করিগুম্বা মতমদনা কা হেনবা থবক তৌই হায়না মরাল শীরি, অদুবু ঐখোয়না মহৌশাগী ওইবা রিএক্সন উৎনবগী হৈনবী শেমগৎকদবনি, অমদি হায়রিবা হৈনবী অসি সিস্তেম্না লনাই মীওইদা তাংবা নত্তবা মীওই অমনা সিস্তেমদা তাংদুনা থবক তৌরবা মতমদা ওইথোকপা ঙমগনি‍। পুলিস সাইন্সকী মমায় অনি লৈ – পুলিসশিংগীদমক সাইন্স অমসুং পুলিসকী সাইন্স‍। অনিসিগী মখাদা ঐখোয়না ঐখোয়গা মাঙদা তাদুনা লৈরিবা শিংনবশিং থেংনবা ঙমগনি হায়না ঙসি ভারতনা মালেমগী অচৌবা পৱার অমা ওইনা লিৎখৎলক্লি, ঐখোয়দা মীয়ামগী লৈঙাক, খেন্নবা মফমশিং, দিমান্দ অমসুং চপ চাবা ফিরেপ লৌবা অমদি ভারতকী মরাইবক হোংহনবা ঙমগদবা লুচিংবসু লৈরি হায়না শ্রী অমিত সাহনা ফোঙদোকখি‍। হৌজিক পুলিস স্তেসন ১৬,০০০ হেন্না ওনলাইন ওইরে‍। সি.সি.তি.এন.এস.না সর্ভিস মাপল স্তেতকী থাক্তা ফংহল্লে অমদি মখোয়শিংদু মীয়ামদা পাক শন্না খঙহনবা মথৌ তাই হায়না মহাক্না মখা তাখি‍।

কেন্দ্রগী গৃহ মন্ত্রীনা ফোঙদোকখিবদা লৈবাক শিনবা থুংনা লৈরিবা পুলিসশিংনা সি.সি.তি.এন.এস.কী মখাদা লৈরিবা মীয়ামগী সর্ভিস মাপল অসি শীজিন্নগদবনি অমদি মখোয়শিংদু পুলিস স্তেসন পুম্নমক্তা য়ৌহনগদবনি‍। এফ.আই.আর. অমসুং দেতা নৈননবগীদমক এন্তি-তেরোরিস্ত স্ক্বাদশিং মথৌ তৌহনগদবনি, এন.সি.বি.দা নার্কোতিক্স কেসশিংগী দেতাবেজ অমা শেম্নবা হায়খ্রে অমদি ইন্তরওপরেবল ক্রিমিনেল জস্তিস সিস্তেম্নসু মশিং য়াম্লবা দেতা শেমগৎলে লোয়ন-লোয়ননা নেস্নেল দেতাবেজ ওফ সেক্স ওফেন্দর্স (এন.দি.এস.ও.)সু শেম্লে‍। পুলিসকী সাইন্সকীদমক মেদিকেল সাইন্স, ফোরেন্সিক সাইন্স, মেনেজমেন্ত সাইন্স, আর্ম সাইন্স অমসুং ঈ-পাউ ফাওদোক ফাওজিনগী সাইন্স শিজিন্নবা খুমাঙ চাউশিলহনবা মথৌ তাই‍। প্রধান মন্ত্রী শ্রী নরেন্দ্র মোদীগী লুচিং মখাদা কেন্দ্র লৈঙাক্না নেস্নেল ফোরেন্সিক সাইন্স য়ুনিভর্সিতী অমসুং রক্সা শক্তি য়ুনিভর্সিতী লিংখত্তুনা অচৌবা খোঙথাঙ অনি পায়খৎলে, অমদি নেস্নেল ফোরেন্সি সাইন্স য়ুনিভর্সিতীদা এফিলিএত তৌবা কলেজশিং স্তেত তরেত্তা হাংদোকখ্রে‍। ঐনা স্তেত পুম্নমক্কী দাইরেক্তর জেনেরেল ওফ পুলিসশিংদা পুলিসকী লমদা এক্সপর্তশিং ফংহন্নবগীদমক মখোয় মখোয়গী লৈঙাকশিংদা য়ুনিভর্সিতী অনিসিদা এফিলিএত তৌবা কলেজশিং মখোয়গী স্তেতশিংদা থম্নবা ৱাফম পুখৎপিয়ু হায়না ঐনা হায়জরি‍। ব্রিতিসকী মতৌগী পুলিসিংগী মতম লোইখ্রে‍। হৌজিক্তি ৱাখল লৌশিংদা য়ুম্ফম ওইবা, খুদম চাংদমদা য়ুম্ফম ওইবা অমদি লোজিক্তা য়ুম্ফম ওইবা পুলিসিং শিজিন্নবা তাই অমদি ঐখোয়না পুলিসকী সাইন্স হোংদোকপা মথৌ তাই হায়নসু শ্রী সাহনা ফোঙদোকখি‍।

বি.পি.আর.এন্দ.দি.না মোদস ওপরেন্দি ব্যুরো অমা শেমগৎলি অমদি মসি অথুবা মতমদা শীজিন্নবা য়ারগনি হায়না শ্রী অমিত সাহনা হায়খি‍। ফাদোকশিং মশক খঙদোক্নবগী অনৌবা বিল অমা পার্লিয়ামেন্তনা পাস তৌরে, মসি থবক ওইনা পায়খৎকদবা ৱাৎলি‍। অদোমগী মফমদা মোদেল জেল এক্ত থাখ্রবনি, মসি চৎনহনগদবনি, এফ.সি.আর.এ.গী কাঙলোন চপ চানা ইন্দুনা চৎন-পথাপশিং চৎনহনগদবনি‍। ঐখোয়না সি.আর.পি.সি., আই.পি.সি. অমসুং ইভিদেন্স এক্ততসু অওনবা পুরক্কদৌরি‍। নার্কোতিক্সকী লমদা পুনশিন্নদুনা মীফম পাঙথোকপগী থৌদাং স্তেতশিংগী পুলিস মকোকশিংদা খুৎশিন্নখ্রে‍। হেকাথোনশিং পাঙথোক্তুনা ৱায়েৎশিংগী ৱাখৈ পুরক্নবা হোৎনবা তাই‍। মায় পাকপা পুরক্নবগীদমক থবক মওং মরিল নাইনা তৌবা য়াম্না মরু ওই, অদুবু মায় পাকপা হায়বসি পুক্নিং লুপ্লবা মতমদতা ফংগদৌরিবনি‍। ঐখোয়গী থৌদাংদি পুক্নিং লুপ্পা মতৌ অসি পুলিস ফোর্সকী খ্বাইদগী মখাদা লৈরিবা মীওইশিংদা লৈহনবদুনি হায়না মহাক্না হায়খি‍।

কেন্দ্রগী গৃহ মন্ত্রীনা হায়খিবদা লৈবাক অসিনা অমদি মালেম অসিনা চহিচাসিগী খ্বাইদগী তমথিবা লাইচৎ থেংনখ্রে‍। মীওই মিলিয়ন কয়াগী পুন্সি মাঙখ্রে, পুলিস অমসুং সি.এ.পি.এফ. পর্সনেল লাখ ৪ হেন্না নাখ্রে অমদি পর্সনেল ২,৭০০ হেনবগী পুন্সিসু মাঙখ্রে‍। হায়রিবা মতমসিদনি মীয়াম্না পুলিসকী মীওইবগী মিনুংসিগী মায়থোঙ উবা ফংখিবসি, অমদি ফোর্স পুম্নমক্না লাংফমগী মতমদা পুলিসনা করি তৌবা ঙমবগে হায়বগী ময়েক লারবা অমদি থাগৎনিংঙাই ওইরবা মতৌ উৎখি‍। লাইচৎ অসি থেংনবদা, মাঙজিল থাবা থৌদাং লৌবদা পুন্সি পীখম্নখ্রবা জৱান ২৭১২গী মফমদা ঐনা ইকোক নোন্না শ্রদ্ধাঞ্জলি কৎচরি‍।

*******