কেন্দ্রগী শেল-থুম অমসুং কোর্পোরেৎ এফিয়র্সকী মন্ত্রী, শ্রীমতি নির্মলা সীতারামন্না ঙসি ৱাশিংতন দি.সি.দা ১০৫শুবা দিবেলপমেন্ত কম্মিতি প্লেনরীগী মীফমদা শরুক য়াখ্রে। এজেন্দাদা য়াওখিবা হীরমশিংদা দিজিতেলাইজেসন অমসুং দিবেলপমেন্ত, দিবেলপমেন্ত অমসুং মেক্রোইকনোমিক স্তেবিলিতীগীদমক দেৎ ৱার্ক শেম্বা অমসুং য়ুক্রেনগী লান্না মালেমদা পীরিবা শাফুশিং অসিদা ৱর্ল্দ বেঙ্ক গ্রুপকী তেংবাং: প্রপোজ তৌবা রোদমেপ অমা হায়বা অসি য়াওখি।

সেসন অদুদা মহাক্না ৱা ঙাংবদা, শেল-থুম মন্ত্রীনা চৎলিবা চহি অসিদা ভারতকী শেন্মীৎলোনগী শাহৌ অসি মপাঙ্গল কল্লি অমসুং অচৌবা ইকনোমীশিংগী মরক্তা খ্বাইদগী ৱাংনা লৈ হায়খি অমসুং ভারতকী মপাঙ্গল কনবা মতৌ অমসুং রিকবরী মপাঙ্গল কল্লি হায়না উৎখ্রে।

শ্রীমতি সীতারামন্না ভারতনা কোবিদ লাইচৎ অসি মপাঙ্গল কন্না মায়োক্নখি অমসুং ভেক্সিনেসন্দা শীংথানীংঙাই ওইনা খুমাং চাউশিনখি অমসুং কোবিদ-১৯ ভেক্সিন দোজ বিলিয়ন ১.৮৫ হেন্না কাপখ্রে হায়না ফোঙদোকখি।

শেল-থুম মন্ত্রীনা ভারতনা মালেম পুম্বদা কোবিদ ভেক্সিন ইন্তেলিজেন্স নেৎৱার্ক (কোৱিন) প্লেৎফোর্ম অসি পীখি অমসুং অচৌবা দিজিতেল প্লেৎফোর্মশিংগী রেপ্লিকেসন মথৌ তাবা অসি খঙলদুনা অতোপ্পা পব্লিক-গুদশিংগী প্লেৎফোর্মশিংগীদমক তেংবাং পীনবা লেপখি হায়না ফোঙদোকখ্রে।

শেল-থুম মন্ত্রীনা শ্রী লঙ্কাদা অমুক্তা থোকখিদ্রিবা ফীভম অমা থেংনরিবা অসিগী মতাংদা মীফম অদুদা তিল্লিবা মশক নাইবা মীওইশিংগী পুক্নিং চীংশিনখি অমসুং মখোয়না অৱাবা অসিদগী কোক্নবা শ্রী লঙ্গাদা কান্নগদবা তেংবাং পীগনি হায়না মহাক্না থাজবা ফোঙদোকখি।

****