নই-দিল্লীগী বিগ্যান ভবন্দা ঙসি পাংথোকপা সিভিল সর্ভিসেস নুমিৎকী থৌরমদা, প্রধান মন্ত্রী, শ্রী নরেন্দ্র মোদীনা মীয়াম লৈঙাকপদা থোইদোক হেন্দোকপা থৌওং পাংথোকপগী প্রধান মন্ত্রীগী মনা পীথোকখ্রে। কেন্দ্রগী মন্ত্রী, শ্রী জিতেন্দ্র সিংহ, প্রধান মন্ত্রীগী প্রিন্সিপল সেক্রেতরী, শ্রী পি.কে. মিশ্রা, কেবিনেত সেক্রেতরী, শ্রী রজিব গৌবাসু অতোপ্পা মীথুংলেনগা লোয়ননা থৌরমসিদা শরুক য়াখি।

প্রধান মন্ত্রীনা থৌরম অসিদা ৱা ঙাংবদা, ‘কর্ময়োগী’ খুদিংবু সিভিল সর্ভিস নুমিৎ অসিদা থাগৎপা ফোংদোকখি। লৈঙাকপগী থৌওং শেমদোকপা অমসুং লৌশিং লান্নবগী পাউতাক্কা লোয়ননা মহাক্কী ৱারোল হৌদোকখি। মনা ফংলবশিংনা পাংথোকখিবা থৌওং অমসুং এক্সপেরিএন্সশিংবু ত্রেনিং একাদমী খুদিংনা চয়োল-চয়োলগী ওইনা ভর্চুএলগী খুত্থাংদা তাক্নবা য়াই হায়না মহাক্না ৱাহৌদোক থমখি। অনিশুবদা, মনা ফংলবা প্রোজেক্তশিংগী মরক্তগী স্কিম অমা খনগত্তুনা জিলা খরদা থবক ওইনা পাংথোকপা য়াই অমসুং মসিগী এক্সপেরিএন্সশিং অসিবুনা মথংগী সিভিল সর্ভিস নুমিত্তা অমুক্কা খন্ন-নৈনবা য়াগনি।

প্রধান মন্ত্রীনা পনখিবদা, মহাক্না হৌখিবা চহি ২০-২২দগী হৌনা, অহানবদা মুখ্য মন্ত্রী ওইনা, অমসুং মতুংদা প্রধান মন্ত্রী ওইনা, সিভিল সর্ভেন্তশিংগা ৱারী শাদুনা লাক্লি হায়খি। মসিদি অমনা অমদগী তমজবা ফংখিবা থৌওং অমা ওইখি হায়না মহাক্না মখা তাখি। হন্দক্কী চহিগী থৌরম অসিনা নীংতম্বগী অমৃত মহোৎসবকী মতমদা পাংথোকপা ওইবনা য়াম্না মরু ওই হায়না মহাক্না পনখি। মমাংগী মতমগী জিলাগী লৈঙাক্লোইশিংবু হন্দক্কী অখন্নবা চহিসিদা জিলাশিংদা কৌনবা মহাক্না লৈঙাক্লোইশিংগী মফমদা হায়খি। মসিনা জিলা অসিদা অনৌবা থৌনা হাপকনি অমসুং মমাংগী থৌদোকশিংনা তম্বীরম্বা জিলা লৈঙাকপগী অফবা থৌওংবু তরাম্না ওকপগী ফিভম অমা লৈহনগনি। মান্নবা থৌওং ওইনা, নীংতম্বা ভারতকী খোঙচত্তা মশক থোক্না তেংবাংবীরম্বা লৈঙাকপগী থৌওং কয়াগী লমজিংবশিংবু নীংশিংবা অমসুং মখোয়দগী কান্নবা লৌনবগীদমক্তা, হন্দক্কী মশক নাইবা চহি অসিদা রাজ্যশিংগী মুখ্য মন্ত্রীশিংনা হান্নগী চীফ সেক্রেতরী অমসুং রাজ্যগী কেবিনেত সেক্রেতরীশিংবুসু কৌবা য়াই। নীংতম্বগী অমৃত মহোৎসবকী মতমসিদা সিভিল সর্ভিসপু ইকায় খুম্নবগী খ্বাইদগী মতিক চাবা থৌওংদি মসিনা ওইগনি।

অমৃত কাল হায়বসিদি মমাংগী মতমগী হরাওবা ফোংদোকপা নত্ত্রগা থাগৎপা খক্তা নত্তে অমসুং চহি ৭৫দগী ১০০ ফাওবগী খোঙচৎ অসিনা চাং নাইনা পাংথোকপা থৌওং অমখক ওইবসু য়ারোই হায়না মহাক্না হায়খি। “ভারত @১০০ হায়বসি চাংনা নাইনা পাংথোকপা থৌওং অমা ওইবা য়ারোই। মসিগী চহি ২৫গী মতমসিদি য়ুনিৎ অমগুম্না য়েংগদবনি অমসুং ঐখোয়না হৌজিক্কী মিৎকুপসিদগী হৌদুনা পান্দম অমা থমগদবনি। হন্দক্কী চহিগী হরাওবা ফোংদোক্লিবা অসিদি অহোংবা অমা পুরক্কদবা থৌওং ওইহনগদবনি”। জিলা খুদিংনা ইথিল অসিগা লোয়ননা তুংলমচত্তা খোঙদাগদবনি। হোৎনরিবা কয়াগী মরক্তা অহাঙবা অমত্তা লৈবা য়াদে অমসুং হৌজিক্কী মতমসিদি ঙসিগী নুমিৎ অসিমক্তদা ইং ১৯৪৭তা সরদার পতেলনা পীবিরম্বা মাইকৈ অমসুং ৱাশকপু অমুক্কা হেন্না চেৎশিলহনবগী মতম্নি হায়না প্রধান মন্ত্রীনা হায়খি।

ঐখোয়গী গনতন্ত্রগী পথাপ অসিদা ঐখোয়না পান্দম অহুমদা খোঙফম চেৎকদবনি হায়না প্রধান মন্ত্রীনা হায়খি। অহানবা পান্দম অসিদি, লৈবাক্কী মীচম মীয়ামগী পুন্সিদা অহোংবা লাকফম থোকই, মখোয়গী পুন্সি অসি লায়গদবনি অমসুং মখোয়না অসুম্না নুংঙাইনা লৈবসু ঙমগদবনি হায়বসিনি। মীচম মীয়াম্না সরকারগা করিগুম্বা অমা পাংথোক্নবা মতমদা অৱাবা মাইয়োক্নবগী মথৌ তাহল্লোইদবনি অমসুং কান্নবা অমদি সেবা কয়াবু মখোয়দা অয়েৎপা লৈতনা ফংহনগদবনি। “মীচম মীয়ামগী অপাম্ববু পীদবা য়াদে হায়বা ৱাশক্কী থাক্তা লৈহনবা হায়বসি পথাপ অসিগী থৌদাংনি। মসিগী সঙ্কল্প (ৱাশক) অসিবু সিধী (মপুং ফাবা/মঙফাওনবা)দা পুখৎকদবনি অমসুং মসিনা ঐখোয় খুদিংগী পান্দম ওইগদবনি। মীচম মীয়াম অমগী সপ্নাবু (মঙলান) সংকল্পতা (ৱারেপ) ওন্দুনা সিধী (মপুং ফাবা) ওইহনবগী খোঙচৎকী থাক খুদিংদা ঐখোয়না তেংবাংনবা লৈগদবনি”, হায়না মহাক্না মখা তাখি। অনিশুবদা, ভারতকী হেনগৎলক্লিবা থাক অমসুং অহোংবা নাইরক্লিবা শক্তাক অসিবু য়েংলুরবা মতুংদা, ঐখোয়না পাংথোকপা খুদিংমক অসি মালেমগা মরী লৈনবা ওইগদবনি। ঐখোয়না মালেমগী থাক্তা থোক্লিবা থৌওংশিংবু খঙনবা হোৎনদ্রবদি, ঐখোয়গী পাংথোকফম থোকপা অমসুং মিৎয়েং চঙফম থোকপশিং খঙবদা ৱানা থোক্কনি। ৱাফমশিং অসিবু খন্নদুনা ঐখোয়না ঐখোয়গী স্কিম অমসুং লৈঙাকপগী মওং-মতৌ শেমগদবনি হায়না প্রধান মন্ত্রীনা হায়খি। ঐখোয়গী পথাপ অমসুং মওং-মতৌশিংবু চাং নাইবা খোঙজেলগা লোয়ননা অপদেত তৌদুনা চৎকদবনি অমসুং মমাংগী চহি-চাগী পথাপ শিজিন্নদুনা ঙসিগী শিংনবশিংগা ঐখোয়না মাইয়োক্নবা ঙম্লোই। অহুমশুবদা, মহাক্না অসুম্না হায়খি, “ঐখোয়না পথাপ অমগী থাক অমা হেক্তদা লৈবা ওইসনু, ঐখোয়গী মরু ওইবা থৌদাংদি লৈবাক্কী অপুনবা অমসুং অমত্তা ওইবা মতৌ ঙাকপনি অমসুং মসিদা ঐখোয়না লাইথোকপা য়াদে। লোকেলগী ৱারেপ ফাওবদা হায়রিবা হীরম অসিগী মনুং চনগদবনি। ঐখোয়গী ৱারেপ খুদিংমক মদুনা লৈবাক্কী অপুনবা অমসুং অমত্তা ওইবা মতৌদা পাঙ্গল হাপ্পা ঙম্বগী মতিক্কী মতুং ইন্না য়েংশিনগদবনি। লৈবাক্না অহানবদা’ হায়বসিনা ঐখোয়গী ৱারেপশিংবু মতম পুম্বদা লমজিংগদবনি”।

ভারতকী থোইদোক হেন্দোকপা চৎনবী, ঐখোয়গী লৈবাক অসি নিংথৌগী চৎনবী অমসুং নিংথৌগী সিংহাসন্না শেম্বা নত্তে। ঐখোয়না চহি-চা কয়াদগী লৈদুনা লাক্লবা চৎনবী অসিদি মীচম মীয়ামগী পাঙ্গলবু মখা তানা য়োকখৎপগী চৎনবীনি। মসিনা লৈবাক অসিনা মশাগী লিরবা লৌশিংবু য়োক্তুনা থম্বগা লোয়ননা মতমগী অহোংবা অমসুং মতমগা চুনবা মতৌ য়াবগী ইথিলবুসু তাক্লি হায়না প্রধান মন্ত্রীনা হায়খি। খুন্নাই অমগী তৌবা ঙম্বগী মতিকপু য়েংশিনবা, পাংথোকহনবা অমসুং শৌগৎপা হায়বসি সরকারগী পথাপকী থৌদাংনি হায়না মহাক্না মরু ওইনা পনখি। মহাক্না স্তার্ত-অপ ইকোসীস্তেম অমসুং লৌউ-শিংউদা পাংথোক্লিবা অনৌবা থৌওংগী খুদম পীরদুনা লৈঙাক্লোইশিংনা মসিদা লমজিংবা অমসুং শৌগৎপগী থৌদাং লৌনবা হায়খি।

প্রধান মন্ত্রীনা তাইপিস্ত অমসুং সিতার খোংবা অনিগী খেন্নবা তাক্লদুনা, মঙলান, নুংঙাইবা অমসুং পান্দম্না থনবা পুন্সি অমা ওইরিবা ইশাগী ফিভম নীংথিনা খঙজবা পুন্সি হিংবগী তঙাই ফদবদা মহাক্না মিৎয়েং চঙখি। “অতোপ্পনা নীংথিনা হিংবা ঙমহন্নবগীদমক্তা তেংবাংবা ঙম্নবগীদমক্তা ঐহাক্না মিৎকুপ খুদিং হিংবা পাম্মি”, হায়না মহাক্না হায়খি। শ্রী মোদীনা হান্নদগী চত্থদুনা লাক্লবা লম্বীদা চত্তনা, তোঙানবা মওংদা ৱাখল খন্নবা ওফিসরশিংনা হায়খি। লৈঙাক্তা অহোংবা পুরকপা হায়বসি ঐখোয়গী মহৌশাগী ৱারেপ ওইগদবনি হায়না মহাক্না মখা তারদুনা লৈঙাকপগী থৌওং শেমদোকপা হায়বসি মতম অমসুং লৈবাক্কী অপাম্বগী মতুং ইন্না চাংয়েং তৌদুনা পাংথোক্কদবনি হায়না মখা তাখি। চৎনদ্রবা আইন অমসুং কান্নদবা কাঙলোন কয়া হন্থহনবনা মহাক্কী মিৎয়েং ওইরি হায়বা ৱাফমসু মহাক্না ফোংদোকখি। ঐখোয়না প্রেসর লৈবা মতমদতা হোংগদবা নত্তে, ইশাবু হেন্না ফনবা ওইনা হোৎনগদবনি হায়না প্রধান মন্ত্রীনা হায়খি। অৱাৎ-অপাগী মতমদা থোকখিবা কাঙলোন অমসুং ৱাখল্লোন্না ঐখোয়বু লৈঙাক্কদবা নত্তে, ঐখোয়না ৱাত্ত-পাদবগী ৱাখল্লোন চেনগদবনি। মান্নবা ওইনা, ঐখোয়না শিংনবা অমগীদমক্তা থবক হেক্তা পায়খত্ত্রিঙৈদা করি ওইরকপা য়াবগে হায়না হান্না খনগদবনি। প্রধান মন্ত্রীনা “মমাংগী চহি ৮গী মনুংদা, লৈবাক অসিদা চাউর-চাউরবা থৌদোক কয়া থোকখ্রে। কেম্পেন কয়া অসিগী মরক্তগী, খরা অমদি হৌরকফমদগী হৌনা লিচৎ-শাজত্তা অহোংবা লৈবা ফাওবা য়াওখি” হায়না মিৎয়েং চঙখি। ঐহাক রাজনিতীদা খোইদাজবা মীওই নত্তে অদু মহৌশানা জননিতীদা পুক্নীং লুপ্পি হায়না মহাক্না হায়খি।

মহাক্না ওফিসরশিংদা মখোয় মশাগী পুন্সিদা মরু ওইবা শেমদোকপগী থৌওং পাংথোক্নবা হায়রদুনা মহাক্কী ৱারোল লোইশিনখি। খুদম ওইনা হায়রবদা, লু-নানবা, জি.ই.এম. নত্ত্রগা য়ু.পি.আই. শিজিন্নবগী থৌওং অসি মখোয় মশাগী পুন্সিগী মনুং চল্লবরা হায়না হংখি।

মীয়ামগী লৈঙাকপদা থোইদোক হেন্দোকপা থৌওং পাংথোকপগী প্রধান মন্ত্রীগী মনা অসি মীচম মীয়ামগী য়াইফ-য়ুম্বালগীদমক্তা কেন্দ্র/রাজ্যগী লুপ অমসুং জিলা/থবক পায়খৎপা য়ুনিৎশিংনা পাংথোকখিবা তোপ-তোপ্পা অমসুং অনৌবা থৌওং চেনবা থবক-থৌরম কয়া শকখঙনবগীদমক্তা শেমখিবনি। মশক খঙদোক্লবা অমসুং অহানবা মিৎয়েং চঙলিবা প্রোগ্রাম অমসুং ইন্নোবেসনবু নীংথিনা পাংথোকপগীদমক্তা হায়রিবা মনা অসি পীবনি।

মখাদা পীরিবা মশক খঙদোক্লবা অমসুং অহানবা মিৎয়েং চঙলিবা প্রোগ্রাম মঙাদা খুদম ওইবা থবক পাংথোকপদা মনা অসি পীগনি অমসুং সিভিল সর্ভিস নুমিৎ ২০২২দা মনা অসি খুৎশিন্নগনিঃ ১) পোশন অভিয়ান্দা “জন ভাগিদারী” নত্ত্রগা মীয়াম্না শরুক য়াববু পুক্নিং থৌগৎপা, ২) খেলো ইন্দিয়া স্কিমগী খুত্থাংদা শান্ন-খোৎনবা অমসুং হকশেল ফনা লৈববু খুমাং চাউশিলহনবা, ৩) পি.এম. স্বনিধী য়োজনাদা দিজিতেল পেমেন্ত অমসুং গুদ গবর্নেন্স, ৪) জিলা অমা, প্রদক্ত অমগী স্কিমগী খুত্থাংদা হীরম খুদিং মনুং চন্নবা চাউখৎপা পুরকপা অমসুং ৫) মীওইবগী থৌওং য়াওদনা এন্দ-তু-এন্দ দেলিবরী ওফ সর্ভিস পরিং নাইনা চত্থহনবা।

মশক খঙদোক্লবা অমসুং অহানবা মিৎয়েং চঙবা প্রোগ্রাম ৫ অমসুং মীয়াম লৈঙাকপা/সেবা ফংহনবনচিংবা হীরমদা ইন্নোবেসন পাংথোকপগীদমক্তা হন্দকী চহিগী ওইনা মনা ১৬ পীগনি।

Greetings to all the civil servants on Civil Services Day. Addressing a programme on the occasion. https://t.co/iKMY8s6PtN

— Narendra Modi (@narendramodi) April 21, 2022

हम एक लोकतांत्रिक व्यवस्था में है और हमारे सामने तीन लक्ष्य साफ-साफ होने चाहिए।

पहला लक्ष्य है कि देश में सामान्य से सामान्य मानवी के जीवन में बदलाव आए, उसके जीवन में सुगमता आए और उसे इसका एहसास भी हो: PM @narendramodi

— PMO India (@PMOIndia) April 21, 2022

हम एक लोकतांत्रिक व्यवस्था में है और हमारे सामने तीन लक्ष्य साफ-साफ होने चाहिए।

पहला लक्ष्य है कि देश में सामान्य से सामान्य मानवी के जीवन में बदलाव आए, उसके जीवन में सुगमता आए और उसे इसका एहसास भी हो: PM @narendramodi

— PMO India (@PMOIndia) April 21, 2022

दूसरे लक्ष्य की बात करूं...आज हम भारत में कुछ भी करें, उसको वैश्विक सन्दर्भ में करना समय की मांग है: PM @narendramodi

— PMO India (@PMOIndia) April 21, 2022

भारत की महान संस्कृति की ये विशेषता है कि हमारा देश राज व्यवस्थाओं से नहीं बना है, हमारा देश राज सिंहासनों से नहीं बना है।

हमारी हजारों साल की जो परंपरा है वो जन सामान्य के सामर्थ्य को लेकर चलने की परंपरा रही है: PM @narendramodi

— PMO India (@PMOIndia) April 21, 2022

बीते 8 साल के दौरान देश में अनेक बड़े काम हुए हैं।

इनमें से अनेक अभियान ऐसे हैं जिनके मूल में behavioral change है: PM @narendramodi

— PMO India (@PMOIndia) April 21, 2022

********