‘কোবিদ-১৯গা লান্থেংনরিবা হেল্থ কিয়র ৱার্করশিংগীদমক্তা প্রধান মন্ত্রী গরিব কল্যান পেকেজ (পি.এম.জি.কে.পি.), ইন্সুরেন্স স্কীম’ অসি ২০২২গী এপ্রিল ১৯দগী নুমিৎ ১৮০গী মতমগীদমক্তা মখাতানা শাংদোকখ্রে। কোবিদ-১৯ পেসেন্তশিং শেন্ননবগীদমক্তা থবক তৌরিবা হেল্থ ৱার্করশিংগী দেপেন্দেন্তশিংদা সেফতী নেত অমা মখাতানা পীনবগীদমক্তা পোলিসী অসিবু শাংদোক্নবা ৱারেপ লৌখি।

২০২২গী এপ্রিল  ১৯দা মসিগী মতাংদা থোকপা চিথি অমা রাজ্যশিং/য়ু.তি.শিংগী এদিস্নেল চীফ সেক্রেতরিশিং (হেল্থ)/ প্রিন্সিপাল সেক্রেতরিশিং (হেল্থ)/সেক্রেতরিশিং (হেল্থ)তা মখোয়গী রাজ্যশিং/য়ু.তি.শিংদা হেল্থ ৱার্করশিংগী মরক্তা পাকশন্না পব্লিসিতী পীনবগীদমক্তা থোকখি।

পি.এম.জি.কে.পি. অসি কোবিদ-১৯ পেসেন্তশিংগা শোক্না-শম্নবা অমসুং মখোয়বু শেন্নরুবা অমসুং মসিনা মরম ওইরগা খুদোংথিনিংঙাই ওইরবা কম্যুনিতী হেল্থ ৱার্করশিং অমসুং প্রাইভেত হেল্থ ৱার্করশিংবাওনা হেল্থ কিয়র প্রোভাইদর লাখ ২২.১২দা লুপা লাখ ৫০গী কমপ্রেহেন্সিব পর্সোনেল এক্সিদেন্ত কোভর অমা পীনবা ২০২০গী মার্চ ৩০দা হৌদোকখিবনি।

মখাতানা, খঙহৌদনা থোরকপা থৌদোক খরনা মরম ওইরগা কোবিদ-১৯ পেসেন্তশিংগি কিয়রগীদমক্তা অখন্ননা দ্রাফ তৌখিবা রাজ্যশিং/কেন্দ্রগী হোসপিতালশিং/কেন্দ্র/রাজ্যশিং/য়ু.তি.শিংগী ওতোনোমস হাসপিতালশিং, এ.আই.আই.এম.এস. অমসুং কেন্দ্রগী মন্ত্রালয়গী ইনস্তিত্যুত ওফ নেস্নেল ইমপোর্তেন্স (আই.এন.আই.) হোসপিতালশিংনা রেক্বিজিশন তৌখিবা লানাইগী হোসপিতাল স্তাফ/রিতাবর তৌখিবা/ভোলন্তিয়র তৌখিবা/লোকেল অর্বান বোদীশিং/কন্ত্রেক্ত/নোংমগী খুশুমলগী/এদ-হোচ/আউৎসোর্সন তৌখিবা স্তাফশিংসু পি.এম.জি.কে.পি.গী মখাদা কোভর তোই। 

স্কীম অসি হেক হৌদোরকপদগী, হৌজিক ফাওবদা, কোবিদকা মরী লৈনবা দ্যুতিশিংগীদমক্তা দিপ্লোই তৌরিঙৈ মনুংদা লৈখিদবা হেল্থ ৱার্কর ১৯০৫গী ক্লেম লাকখি।

****