২০২২গী এপ্রিল ১৬তা অয়ুশমান ভারত – হেল্থ অমসুং ৱেললনেস সেন্তরশিং (এ.বি.-ঐচ.দবল্যু.সি.শিং)দা নোংমদা তেলিকন্সল্তেশন লাখ ৩গী মথক্তা তৌখি। মসিনা হান্নগী নোংমদা তেলিকন্সল্তেশন লাখ ১.৮ তৌখিবা অদু হেন্দুনা নোংমদা এ.বি.-ঐচ.দবল্যু.সি.শিংদা তেলিকন্সল্তেশন তৌখিবগী খ্বাইদগী য়াম্বা মশিং ওইখি। হায়রিবা অসি ইকাইখুম্নরবা কেন্দ্রগী হকশেল অমসুং য়াইফ-য়ুম্বাল মন্ত্রালয়গী মন্ত্রী, দা. মনসুখ মান্দৱিয়ানা থৌবু ওইদুনা এ.বি.-ঐচ.দবল্যু.সি.শিংগী ৪শুবা চহি কুমওন থৌরম পাংথোকপা নুমিৎ অদুদা ফংবা ঙমখিবনি।

তেলিকন্সল্তেশণ অসি ই-সঞ্জীবনি প্লেতফোর্মদা এ.বি.-ঐচ.দবল্যু.সি.না পাথোকখিবনি। মসিগী দোক্ত-তু-দোক্তর তেলিকন্সল্তেশণ সীস্তেম অসিদা নাকল অমদা জিলা হোসপিতালদা নত্রগা মেদিকেল কোলেজ হোসপিতালদা স্পেসিয়েলিস্ত দোক্তর অমা ফমগনি অমসুং অতোপ্পা নাকল অমদনা পেসেন্তকা লোইননা জেনরেল দোক্তর/কম্যুনিতী হেল্থ ওফিসর ফমগনি। মসিনা পেসেন্তশীং অদুবু মশানা চৎপা হন্থহন্দুনা শেল তিংবা অমসুং অৱাবা মায়োক্নবা হন্থহন্দুনা তোঙান-তোঙানবা কিবরগীদমক্তা স্পেসিয়েলিস্ত কন্সল্তেশন ফংহল্লি। সব হেল্থ সেন্তর – হেল্থ অমসুং ৱেলনেস সেন্তর (এস.ঐচ.সি.-ঐচ.দবল্যু.সি.)দা কম্যুনিতী হেল্থ ওফিসর অমসুং প্রাইমরী হেল্থ সেন্তর - হেল্থ অমসুং ৱেলনেস সেন্তর (পি.ঐচ.সি.-ঐচ.দবল্যু.সি.)না মখোয়গী (এ.বি.- ঐচ.দবল্যু.সি.)দা লাক্লিবা পেসেন্তকীদমক্তা কমপ্রেহেন্দসিব ওইবা কিয়র অমা পীনবগীদমক্তা লৈবাক শিনবা থুংনা লৈরিবা জিলা হোসপিতালশিং, মেদিকেল কোলেজশিং অমসুং ওল ইন্দিয়া মেদিকেল ইন্সতিত্যুত ওফ সাইন্সেস (এ.আই.আই.এম.এস.) ফাওবা য়াওনা মফম অদুদা লৈরিবা স্পেসিয়েলিস্তশিংগী গাইদেন্সকীদমক্তা তেলিক্সল্তেশনগী মতেং লৌরি।

ইকাইখুম্নরবা কেন্দ্রগী মন্ত্রীনা তেলিকন্সল্তেশনশিংগীদমক্তা রাজ্যশিং/য়ু.তি.শিংদা তত্তনা থৌগৎপীবা অমসুং মতেং পাংবনা রাজ্যশিং/য়ু.তি.শিংনা মসিগী কীনিংঙাই মশক ওইরবা রেকোর্দ অসিবু ফংবা ঙম্নবগী থৌনা ওইখি। ৪শুবা চহী কুমওনগী থৌরম পাংথোকপগী মনুংদসু, ইকাইখুম্নরবা মন্ত্রীনা পেসেন্তশিং, এ.আই.আই.এম.এস.দা লৈরিনা স্পেসিয়েলিস্তশিং অমসুং এ.বি.-ঐচ.দবল্যু.সি.শিংদা লৈরিবা কম্যুনিতী হেল্থ ওফিসরশিংদা তেলিকন্সল্তেশনশিং অসিগী মতাংদা মখোয়গী রায় লৌনবগীদমক্তা ৱারী-ৱাতাই শানখি।

নোংমদা রেকোর্দ লৈরবা এচীবমেন্ত অসি ই-সঞ্জীবনি প্লেতফোর্মগী য়াম্না লিংলবা তেক্নোলোজী অসিগ খুদম্নি। কন্সল্তেশন পাম্লিবা স্পোকশিং ওইনা এ.বি.-ঐচ.দবল্যু.সি. লাখ ১ রোম্না হান্নদগী রেজিস্তর তৌখ্রে অমসুং হব ২৫০০০ হেনবনা তেলিকন্সল্তেশনশিং  পীরি, ই-সঞ্জীবনি পোর্তলনা লৈবাক অসিগী মফম পুম্নমক্তা হেল্থকিয়র সার্বিসশিংগী খুদোংচাবা ফংহল্লি।   

তেলিকন্সল্তেশন অসিনা মখল মখা কয়াগী অমসুং চাউরবা লৈবাক অসিগী অথাপ্পা মফমশিংদা লৈরিবা লাইরবদগী লাইরবশিংদা স্পেসিয়েলিস্ত সসার্বিসশিং মতম চানা ফংহন্নবগী থৌজাল অমা ওইনা থোরক্লি।

****