কেন্দ্রগী হকশেল মন্ত্রী, দা.মনসুখ মান্দৱিয়া ভীদিও কনফরেন্সকী (ভি.সি.) খুত্থাংদা ঙসি  এ.বি.-ঐচ.দবল্যু.সি. লাখ ১ হেনবা, রাজ্যগী হকশেল মন্ত্রীশিং, রাজ্য অমসুং য়ু.তি.শিং, হোসপিতলশীং অমসুং দেবেলপমেন্ত পার্তনরশিংদগী হেল্থকিয়র ৱার্করশীংগা লোইননা অয়ুশমান ভারত হেল্থ অমসুং ৱেলনেস সেন্তরৱশিংগী (এ.বি.-ঐচ.দবল্যু.সি.) ৪শুবা চহি কুমওন থৌরম পাংথোকপদা থৌবু ওইখি।

তেলি-কন্সল্তেশনগী দিজিতেল প্লেতফোর্মগী খুত্থাংদা পীরিবা হেল্থকিয়র সার্বিসশিংগ মরু ওইবা অদুবু পল্লদুনা কেন্দ্রগী হকশেল মন্ত্রীনা খঙহল্লকখি মদুদি “দেবেলপমেন্ত সেক্তরদা হকশেল হায়বসি য়াম্না মরু ওইবা ৱাফম অমনি। ইকাইখুম্নরবা প্রধান মন্ত্রীগী ভিজনরী ওইবা লুচিং মখাদা, ঐখোয়না হেল্থকিয়র সেক্তরদা “তোকন সোল্যুশনদগী তোতেল সোল্যুশনগী” মাইকৈ তম্না খুমাং চাউশিল্লি” অমসুং তেলিকন্সল্তেশন্না মসিগী খুদম অমনি। প্রধান মন্ত্রী শাগৎখিবা মঙলান অদুগী মতুং ইন্না ই-সাঞ্জীবনিনা অহোংবা অমসুং কোম্না ফংবা হেল্থকিয়র পীরি। রাজ্য কয়া অমগী মীশিংনা ই-সঞ্জিবনিগী কান্নবা অসিবু য়াম্না য়াংন আখংলকখি অমসুং মসিনা মরম ওইরগা দিজিতেল মোদতা হেল্থ সার্বিসশিং লৌবগী চৎনবী অসিগী মতাংদা  পাক শন্না শন্দোরক্লি। হেল্থ সার্বিসশিং অসি লৌনবগীদমক্তা মসিগী ইন্নভেতিব ওইবা দিজিতেল মীদিয়ম অসি শিজিন্নদুনা নুমিৎ খুদিংগী ওইবা মওংদা পেসেন্তশিংনা দোক্তরশিং অমসুং স্পেসিয়েলিস্তশিংগা তানরি। ঙসিদি ঐচ.দবল্যু.সি.শিং খরনা ওরেল কেন্সর, ব্রেস্ত কেন্সর অমসুং সর্ভিকেল কেন্সরগুম্বা য়াম্না শাথিবা লাইনাশিং অসিগীদমক্তা স্ক্রীনিং সার্বিসশিংসু পীরি। মসিনা লৈবাক অসিবু অসিগুম্বা লাইনাশিং অসিবু ঙন্না খঙদোকপদা মতেং পাংবদা নত্তনা পেসেন্ত অদুবু ঙন্না ত্রীতমেন্ত তৌবদসু মতেং পাংঙি। হকচাং ফবা প্রজাশিং খক্তনা অফবা খুনাই অমা শেমগনি অমসুং অফবা খুনাইনা অফবা লৈবাক অমা শেমগনি। এ.বি.-ঐচ.দবল্যু.সি.শিং মসিগী ভিজন অসিগী মাইকৈদা থাংজিল্লিবা খোংথাং অদুনি।

 “তেলিকন্সল্তেশন সার্বিসশিং অসি অথাপ্পা মফমশিংদা লৈবা মীশিংগীদমক্তদি য়াম্না মরু ওই অমসুং ময়ামগীদমক্তা হেল্থকিয়র সার্বিসশিং অসি য়াম্না লাইনা ফংহনবদা মতেং পাংঙি। রাজ্যশিং/য়ু.তি.শীংনা স্পোকশিংদা সার্বিসশিং পীবদা অমসুং মখোয়শিং অদুবু হবশিংগা খ্বাইদগী হেন্না ফবা মওংদা শম্নহনবদা স্তেকহোল্দরশিং অদুবু মোবিলাইজ তৌগদবনি”, হায়না মহাক্না হায়খি।কেন্দ্রগী হকশেল মন্ত্রীনা রাজ্যশিং/য়ু.তি.শিংদা এ.বি.-ঐচ.দবল্যু.সি. মেলাশিংগী মতাংদা য়াম্না য়াংনা অমসুং য়াম্না এক্তিব ওইনা এৱেবরনেস পীনবা খঙহনখি, হায়রিবা অসি ঐচ.চবল্যু.সি.শিংদা এপ্রিলগী ১৭তা শিনগদবা য়োগ সেসনশিং য়াওনা এপ্রিলগী ১৮দগীনা ২২ফাওবা অজাদিকাঅমৃতমাহোতসব (এ.কে.এ.এম.)গী মখাদা শিনগদৌরিবনি, প্রজাশিংনা হেল্থ মেলাশিং অসিদা হকথেংননা শরুক য়াবা ঙম্নবা অমসুং মখোয়গী রিজনশিং অদুদা ঐচ.সি.দবল্যু.শিংনা পীরিবা সার্বিসশিং অদুগী মতাংদা খঙহন্নবনি। মহাক্না রাজ্যশিংদা মসিগী হেল্থ মেলা অসিগী মনুংদা তি.বি., সর্ভিকেল কেন্সর, দাইবেতিস অমসুং ওরল কেন্সরগী মতাংদা নিংথিজনা স্ক্রীনিং তোনবসু হায়খি। মাহাক্না মীয়ামদা মসিগী মেলা অসিবু হকথেংননা শরুক য়ানবা থৌগৎখি অমসুং হায়খি।

কেন্দ্রগী হকশেল মন্ত্রীনসু বুকলেত মরি- এ.বি.-ঐচ.দবল্যু.শি.শিংগী মতাংদা রিপোর্ত, হেল্থকীদমক্তা হ্যুমেন রিসোর্সশিংগী মতাংদা গাইদলাইনশিং, ইমপ্লিমেন্তেশনগীদমক্তা পব্লিক হেল্থ মেনেজমেন্ত কেদর গাইদেন্স অমসুং ইন্দিয়ন পব্লিক হেল্থ সেন্তর গাইদলাইনশিং।

কেন্দ্রগী রাজ্য মন্ত্রী, দা. ভারতি প্রবীন পাৱরনা লৈবাক শিনবা থুংনা ঐচ.সি.দবল্যু. ১,১৭,৪৪০না ঙসিদি পাক শন্না হেল্থ সার্বিসশিং পীরি, মসিনা কনাগুম্বা মীওই অমবু হেল্থ কিয়র সেন্তরদগী মহাক্কী অরাপ্পা অদু মিনত ৩০দা হন্থহনখ্রে হায়না নুংঙাইবা ফোংদোক্লদুনা মহাক্না, “ঙসি অসি ঐখোয়গী ওইনা য়াম্না চাউথোকচনিংঙাই ওইবা ৱাফমনি মরমদি ঐখোয়গী ইকাইখুম্নরবা প্রধান মন্ত্রী, শ্রী নরেন্দ্র মোদীনা উৎপীখিবা লম্বি অদুগী মতুং ইন্দুনা ঙসিদি লৈবাকচা খুদিংমক্তা শেলগী অৱাবা অমত্তা লৈহন্দনা মখোয়গী ময়ুম মনাক্তা তঙাইফদবা হেল্থকিয়র সার্বিসশিং পুম্নমক ফংহল্লি। মসিদা মীরোল্লবি মমা, পোকপদা ঙাইরিবা অঙাংশিং, ইনখৎলক্লিবা নহাশিং নত্রগা ইকাইখুম্নরবা অহলশিং পুম্নমক্না হেল্থ অমসুং ৱেলনেস সেন্তরদা হেল্থ সার্বিসশিংগী কান্নবা ফংলি। মসিদা নত্তনা হেল্থ অমসুং ৱেলনেস সেন্তর ইনফ্রাস্ত্রকচর অসিসু  ময়ামগা মীমান্নদ্রবা পেসেন্তশিং অসিনসু প্রাইমরী হেল্থ সার্বিসশিং অসিগী খুদোংচাবা লৌবা ঙম্নবা দিব্যাংশিংগী তঙাইফদবশিং অদুবু য়েংলগা শাখি। হেল্থ সেন্তরশিংনা কম্যুবনিতীগী হকশেলগী মতাংদা য়েংলগা হেল্থ ফেসিলিতীশিং অসি শোইদনা ফংহন্নবা অমসুং নেস্নেল হেল্থ পোলিসী ২০১৭গী কমিৎমেন্তশিং অদুবু মপুং ফাহল্লি।”

নিতি আয়োগকী মেম্বর, দা. ভি.কে. পোলনা নিরোগি ইন্দিয়া অমা ওইহনবদা তেলিকন্সল্তেশন সার্বিশিং অসিনা লৌখৎলকপা গেম চেঞ্জিং ওইবা খোংথাং অদুবু থাগৎখি। মহাক্না মরু ওইনা প্রাইমরী হেল্থ সেন্তরশিং অসি ঐখোয়গী লৈবাক্কী হেল্থ সীস্তেমগী খ্বাইদগী মরু ওইবা কমপোনেন্ত অমনি মরমদি মখোয়না লোকেল পোপুলেশনগী তঙাইফদবশিং অদুবু ফংহল্লি অমসুং মখোয়গী ৱাখলদা হেল্থ সার্বিসশিংগীদমক্তা খ্বাইদগী অহানবা পোইন্ত ওফ কন্তেক্তনি হায়না লৈ। হেল্থ সেক্তরগী মিৎয়েং অসি হৌজিক্তি হান্নগী মমাশিং, অঙাং, ৱাশ সার্বিস হায়রিবা পারাদাইম খরা খক্তদা য়েংলম্বা অদু হৌজিক্তি মীপুম খুদিংমক্কী ওইনা কমপ্রেহেন্সিব ওইবা হেল্থ কোভরেজ পীরি হায়না মহাক্না হায়খি।

কেন্দ্রগী হেল্থ সেক্রেতরী, শ্রী রাজেশ ভুশন্না পার্তিসিপেন্তশিংদা খঙহনখি মদুদি ভারত সরকার অসিনা ২০২২গ দিসেম্বর ফাওবদা অয়ুশমান ভারত- হেল্থ অমসুং ৱেলনেস সেন্তরশিং (এ.বি.-ঐচ.দবল্যু.সি.) ১,৫০,০০০ লিংখৎনবগী অচেৎপা ফিরেপ থম্লি। মহাক্না হায়খি মদুদি লৈবাক অসিদা ঐখোয়না হান্নদগী এ.বি.-ঐচ.দবল্যু.সি. ১,১৭,৪০০ মথৌ তৌহল্লি অমসুং লাখ ১ এনবনা ই-সঞ্জীবনি ঐচ.দবল্যু.সি পোর্তেলদসু মাইপাক্না রেজিস্তর তৌখ্রে। নেস্নেল হেল্থ পোলিসীগী য়ুনিভর্সেল হেল্থ কোভরেজ ফংনবগী ৱাখল্লোন অদুবু হন্না পল্লদুনা, মহাক্না হায়খি মদুদি হায়রিবা অসি সরকারনা থবক ওইনা পাইখৎলি অমসুং মসিগী ঐচ.সি.দবল্যু.শিং অসিনা মসিবু ফংনবগীদমক্তা এখোয়না আহো৭নরিবশিং অদুবু হেন্না কনখৎহনবদা মতেং পাংগনি। মসিগী ঐচ.দবল্যু.সি.শিং অসিনা প্রজাশিংদা মখোয়গী ঐচ.সি.দবল্যু.শিংদা ক্বালিতী কিয়র ফংনবা তেস্তিং, দাইগ্নোস্তিক সার্বিস অসিনচিংবা লেম্না পীরি। মসিগী সার্বিসশিং অসিগী মথক্তা, ঐচ.দবল্যু.সি.শিং অসিনসু হকশেলগা লোইননা, ৱেলনেসকী ৱাখল্লোন অমসুং ৱেলবিং অসিগী মতাংদসু প্রজাশিংগী মরক্তা শন্দোক্নবা অতোপ্পা হেল্থ প্রোগ্রামশিং অমসুং স্কীমশিং চলাইরি। মহাক্না রাজ্যশিং/য়ু.তি.শিংদা মখোয়গী মশা-মশাগী রাজ্যশিংদা অৱাবা লৈতনা হোৎনবা অমসুং নিংথিনা লুচিংবগীদমক্তা থাগৎখি।

এ.বি.-ঐচ.দবল্যু.সি.শিং অমসুং মরিশুবা চহিগী কুমওন থৌরমশিংগী মতাংদা:

নেস্নেল হেল্থ পোলিসী ২০১৭গী য়ুনিভর্সেল হেল্থ কভরেজপু বজেতরী কমিৎমেন্ত ওইনা ওইহনবগী অপাম্বা অদুবু  থবক ওইনা পাংথোকপা ওইনা  ভারত সরকারনা ২০১৮দা অয়ুশমান ভারত- হেল্থ এন্দ ৱেলনেস সেন্তর (এ.বি.-ঐচ.দবল্যু.সি.) ১,৫০,০০০ লিংখৎনবা লাউথোকখ্রে।

হৌজিক-হৌজিক রুরল অমসুং অর্বান এরিয়াশিংদা লৈরিবা সব-হেল্থ সেন্তরশিং অমসুং প্রাইমরী হেল্থ সেন্তরশিং অদুবু প্রজাশিংদা লেম্না, য়ুমগা নক্ননা কমপ্রেহেন্সিব ওইবা প্রাইমরী হেল্থ কিয়র পীনবা ওন্থোকখ্রে। এ.বি.ঐচ.দবল্যু.সি.শিং অসি সেলেক্তিব ওইরম্বদগী প্রোমোতিব, প্রিভেন্তিব, ক্যুরেতিব, রিহেবিলিতেতিব অমসুং পলিয়েতিব কিয়র য়াওরবা কমপ্রেহেন্সিব ওইবা প্রাইমরী হেল্থ কিয়রদা ওইনা য়াম্না চাউনা অহোংনা অমা লাকপন; দিজীস-সেন্তর্ত ওইরম্বদগী ৱেলনেস সেন্তর্দ ওইরকপনি; অমসুং হোল-ওফ-সোসাইতী এপ্রোচ, ‘হেল্থ ফোর ওল’দা অহেনবা হাপচিল্লকপা ওইনা ‘হেল্থ ইন ওল’ হায়বা নৌনা ফাওগৎলক্লিবা ইন্তর্নেস্নেল এপ্রোচগা মান্ননা ইন্তরর্সেক্তোরেল কোওর্দিনেশনবু ইন্সতিত্যুস্নেলাইজ তৌবা।

এ.বি.-ঐচ.দবল্যু.সি.দা য়োগ সেসনশিং- ২০২২গী এপ্রিল ১৭

নি শুবা নুমিৎ, হায়বদি ২০২২গী এপ্রিল ১৭দা, এ.বি.-ঐচ.দবল্যু.সি.শিংদা পীরিবা সার্বিসশিংহেল্থ অমসুং ৱেলনেসকী ইন্তিগ্রেশন অদুবু হাইলাইত তৌনবা ‘অজাদিকাঅমৃতমাহোতসব’কী মখাদা এব.দবল্যু.সি.শিংদা য়োগ সেসনশিং শিল্লগনি।

ব্লোক হেল্থ মেলাশিং- ২০২২গী এপ্রিল ১৮দগী ২০২২গী এপ্রিল ২২ ফাওবা

২০২১গী এপ্রিল ১৮দগী লৈবাক পুম্বগী ওইনা রাজ্য/য়ু.তি.শিংগী রাজ্যদা জিলা খুদিংমক্তা য়ামদ্রবদা ব্লোক অমদা  এ.বি. – ঐচ.সি.দবল্যুশিংদা ব্লোক হেল্থ মেলাশিং  হৌদোক্লগনি। ব্লোক হেল্থ মেলা খুদিংমক নোংমগী ওইগনি অমসুং রাজ্য/য়ু.তি.দা লৈরিবা ব্লোক খুদিংমক মসিগী মনুং চনগনি।

দা. সুনি কুমার, দি.জি.ঐচ.এস., দা. মনোহর অগ্নানি, এদিস্নেল সেক্রেতরী, শ্রী ভিকাসশীল, এ.এস. অমসুং এম.দি., শ্রী ভিশাল চৌহন, জোইন্ত সেক্রেতরী , দা. হরমীত শিং, জোইন্ত সেক্রেতরী, দা. অশোক বাবু, জোইন্ত সেক্রেতরী অমসুং মন্ত্রালয় অমসুং রাজ্যশীং/য়ু.তি.শিংদগী অতোপ্পা সেনিয়র ওফিসিয়ৈলশিনা মীফম অদুদা শরুক য়াখি।

****