প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদী অমসুং ভিএতনাম কম্ম্যুনিস্ত পার্তীগী জেনেরেল সেক্রেতরী, ঐচ.ই. ঙুয়েন ফু তোংগা ফোন্দা ৱারী শাবা
Posted On:
15 APR 2022 3:36PM by PIB Imphal
প্রধান মন্ত্রী শ্রী নরেন্দ্র মোদী অমসুং ভিএতনাম কম্ম্যুনিস্ত পার্তীগী জেনেরেল সেক্রেতরী, হিস এক্সেলেন্সী ঙুয়েন ফু তোংগা ঙসি তেলিফোন্দা ফোন্দা ৱারী শাখ্রে।
লুচিংবা অনি অসিনা হন্দক্কী চহিসিদা ভারত অমসুং ভিএতনামগী মরক্তা দিপ্লোমেতিক্কী মরী লৈনরকপগী চহি ৫০ ফাবগী কুমওন পাংথোকপগা মরী লৈননা অমনা অমবু য়াইফ পাউজেল পীনখি। প্রধান মন্ত্রীগী ইং ২০১৬কী খোঙচত্তা শেমখিবা ভারত-ভিএতনাম কম্প্রিহেন্সিব স্ত্রেতজিক পার্তনরশিপকী মখাদা পাক শনবা হীরম কয়াদা তেংবাংনবগী খোঙজেল য়াঙলিবা অসিদা অপেনবা ফোংদোক্নখি।
ভারতকী এক্ত-ইস্ত পোলিসী অমসুং ইন্দো-পেসিফিক ভিজন্দা ভিএতনাম্না মরু ওইবা য়ুম্বী ওইদুনা মখোয়গী মরু ওইবগী ৱাফম্বু প্রধান মন্ত্রীনা নৌহৌননা নীংশিংবগা লোয়ননা হৌজিক পায়খৎলিবা খোঙথাংশিংদা চাউখৎপা পুরক্নবা পাক-শন্না হোৎনমিন্নবগী মথক্তা লৈবাক অনিগী মরীগী হীরম কয়াবু হেন্না চাউথোকহন্নবা ৱাফম থমখি।
প্রধান মন্ত্রীনা ভারতকী ফার্মা অমসুং এগ্রি পোত্থোকশিংবু ভিএতনামগী কৈথেলদা ফংবা হেনগৎহনবদা তেংবাংনবা হায়জখি।
প্রধান মন্ত্রীনা লৈবাক অনিগী মরক্তা লৈবা পুৱারী অমসুং সিভিলাইজেসনগী মরীদা মিৎয়েং চঙলদুনা ভিএতনামগী চাম মোন্যুমেন্ত শেমজিন শাজিনবদা ভারতনা শরুক য়াবা ফংখিবদা নুংঙাইবসু ফোংদোকখি।
লুচিংবা অনি অসিনা লৈবাক অনিগী মরক্তা লৈবা ঙাক-শেলগী তেংবাংনবসু হেনগৎহন্নবা য়ানবা পুরকখি।
মখোয়না য়ুক্রেন্দ হৌজিক থোক্লিবা ইরাং অমসুং খাথংবা চাইনা সীদা ওইরিবা ফিভম য়াওনা, মিৎয়েং মান্নবা মালেমগী অমসুং রিজনেলগী শিংনবশিংগী মতাংদা মশাগী ৱাখল্লোনসু ফোংদোক্নখি।
×××××
(Release ID: 1817077)
Visitor Counter : 131
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam