উপ রাস্ত্রপতি শ্রী এম. ভেনকাইয়া নাইদুনা ২০২২গী এপ্রীল ৯গী অয়ুক্কী পুং ১১ তাবা মতমদা ন্যু দিল্লীগী বিগ্যান ভাবনদা পাংথোক্কদৌরিবা থৌরম অমদা ২০১৮গী সনগীত নাতক একাদমী ফেল্লোশিপ অমদি সনগীত নাতক এৱার্দশিং মমিং লৈরবা আর্তিস্ত ৪৪ (ফেল্লো ৪ অমসুং এৱার্দী ৪০)দা, অমদি ২০২১ চহিগী ওইনা ফেল্লো ৩ অমসুং মীওই ২০দা ললিত কলা একাদমীকী নেসনেল এৱার্দশিং খুৎশিন্নগনি৷

সনগীত নাতক একাদমীনা ২০১৮ চহিদা ফেল্লো মরী, মমিং ওইনা পল্লবদা শ্রী জকির হুসেন, শ্রী জতিন গোস্বমি, দা. সোনাল মন্সিং অমসুং শ্রী তিরুবিদাইমরুদুর কুপাইয়া কালয়নাসুন্দরামবু মখোয়না পর্ফোমিং আর্তসকী ফিল্দদা লৌরিবা মশক নাইরবা থৌদাং অদুগীদমক খনখিবনি৷ হেন্দোক্না মমিং লৈরবা আর্তিস্ত অহুম মমিং ওইনা পল্লবদা শ্রী হিম্মত শাহ, শ্রী জ্যোতি ভাত অমসুং শ্রী শ্যাম শর্মদা ললিত কলা একাদমীনা লেমজনিংঙাই ওইরবা ফেল্লোশিপ পীখ্রে৷

সনগীত নাতক একাদমী এৱার্দস (একাদমী পুরস্কর) অসি নেসনেল ওনরশিংনি, মসি ভারতনা আর্তসকী শিনফমদা লৈরিবা পর্ফোমিং আর্তিস্তশিং, ওজাশিং অমদি স্কোলরশিংদা পী৷ মনা ফংগদৌরিবা মীওইশিং অসি মমিং লৈরবা ম্যুজিসিয়নশিং, জগোই শাবীশিং, থ্রেতর আর্তিস্তশিং অমদি হায়রিবা দিসিপ্লিনশিং অসিদা লৈরিবা স্কোলরশিং অমসুং ভারত সরকার, রাজ্য সরকারশিং অমদি ইন্দিয়ন য়ুনিয়নগী য়ুনিয়ন তেরিতোরীশিংগী নোমিনীশিং য়াওরিবা একাদমীগী জেনেরেল কাউন্সিলনা খল্লি৷

আর্তকী নেসনেল একজিবিসন অসি চহি খুদিংগী ললিত কলা একাদমীনা শিল্লি, মসি খ্বাইদগী লেমজনিংঙাই ওইরবা থৌরমনি, মসিনা মনা ফংলিবা আর্তিস্তশিংগী থোইদোক হেন্দোকপা তেলেন্ত অমদি আর্তিস্তকী পাক-চাওরবা বোদী ওফ ৱার্ক অদুবু উৎলি৷ চহি অসিগী ওইনা শিল্লিবা ৬২শুবা নেসনেল একজিবিসন অসি নেসনৱাইদ স্কেলদা থোইদোক হেন্দোক্লবা আর্তিস্তশিংবু উৎথোক্লিবা প্লেতফোর্ম অমনি৷

৬২শুবা নেসনেল একজিবিসন আর্ত অসি কলচরগী রাজ্য মন্ত্রী শ্রীমতি মীনাকশি লেখি শরুক য়াদুনা ২০২২গী এপ্রীল ৯দা ন্যু দিল্লীগী ললিত কলা একাদমীগী গেল্লরীসতা কলচর মন্ত্রী শ্রী কিসন রেদ্দীনা হৌদোক্লগনি৷

এৱার্দ পীবগী থৌরম অসিগী মখা চৎথরকপদা, সনগীত নাতক একাদমীনা ন্যু দিল্লীদা লৈরিবা কমানি ওদিতোরিয়ম অমসুং মেঘদুত কমপ্লেক্স, রবিন্দ্র ভাবনদা ২০২২গী এপ্রীল ৯-১৯ ফাওবা পর্ফোমিং আর্তসকী কুহ্মৈ অমা পাংথোক্নবা মতম লেপখ্রে৷ কলচরগী মন্ত্রী শ্রী জি. কিসন রেদ্দী অমসুং কলচরগী রাজ্য মন্ত্রী  শ্রীমতি মীনাকশি লেখিনা ২০২২গী এপ্রীল ৯দা ন্যু দিল্লীগী কমানি ওদিতোরিয়মদা পাংথোক্কদৌরিবা কুহ্মৈ অসি হৌদোক্কনি৷

একাদমী এৱার্দীশিংবু উৎলিবা পর্ফোমিং আর্তসকী কুহ্মৈ অসি লেপ্প-লৈতনা নুমিৎ ১১ চুপনা পাংথোক্কনি, মসিনা য়েংলিবা মীয়ামদা লৈবাক শিনবা থুংবদগী অমদি ইশৈ, জগোই, দ্রমা, ফোল্ক অমসুং ত্রাইবেল অমদি মরী লৈনবা আর্তস অমসুং পপ্পেত্রীগুম্বা জেনরী কয়াগী পর্ফোমেন্সশিং উৎলগনি৷

******