অকোইবগী ফিভম অমসুং ঊমংগী মন্ত্রালয়

লৈবাক্কী কোনুংগী মপান্দা অহানবা ওইনা পাংথোকপা এন.তি.সি.এ. মীফম অরুনাচল প্রদেশতা ফমখ্রে


হোর্নবিল নেস্ত এদোপ্সন অমসুং এয়র গন সরেন্দর অভিয়ান প্রোগ্রামগুম্বগা মান্নবা য়াবা মোদেল অরুনাচলনা পীরিঃ শ্রী ভুপেন্দর য়াদব

খুন্নাই অমসুং অনীঙবা অপাম্বনা শাফু পীবা প্রোগ্রামগী চহি অমগী মনুংদা, অরুনাচলনা এয়র গন ২,২০০ হেন্না সরেন্দর তৌবা উখি, ঐহাক্না রাজ্য সরকার খুদিংনা এয়রগন সরেন্দর অভিয়ান পায়খৎনবা হায়রিঃ শ্রী ভুপেন্দর য়াদব

ইনভাইরনমেন্ত, ফোরেস্ত অমসুং ক্লাইমেত চেঞ্জকী কেন্দ্র মন্ত্রীনা লুচিংদুনা অরুনাচল প্রদেশতা ২০শুবা এন.তি.সি.এ. পাংথোকখ্রে

কৈশিংবু লম্লক্তা অমুক্কা হন্না থাদোকপা অমসুং মশিং য়ামখৎহনবগী এন.তি.সি.এ.না শেম-শাবা স্তেন্দর্দ ওপরেতিং প্রোতোকোল ফোঙখ্রে

তাইগর রিজর্বশিংগী ফোরেস্ত ফাইয়র ওদিৎ প্রোতোকোল ফোঙখ্রে

ভারতকী তাইগর রিজর্বশিংগী মেনেজমেন্ত ইফেক্তিবনেস ইভালুএসন (এম.ই.ই.)গী তেক্নিকেল মেনুএল এন.তি.সি.এ.না ফোঙখ্রে

Posted On: 09 APR 2022 3:24PM by PIB Imphal

ইনভাইরনমেন্ত, ফোরেস্ত অমসুং ক্লাইমেত চেঞ্জকী কেন্দ্র মন্ত্রী, শ্রী ভুপেন্দর য়াদবকী লুচিং মখাদা ঙসি নেস্নেল তাইগর কঞ্জর্বেসন ওথোরিতী (এন.তি.সি.এ.)গী ২০শুবা মীফম অরুনাচল প্রদেশকী পাক্কে তাইগর রিজর্বতা ফমখ্রে।

এন.তি.সি.এ.গী পুৱারীদা খ্বাইদগী অহানবা ওইনা, মখোয়গী মীফম অসি লৈবাক্কী কোনুংগী ৱাংমদা ফমখিবনি। রিজর্ব, লোকেলশিংনা থেংনবা খুদোংচাদবশিংগী ফর্স্ত হেন্দ নোলেজ ফংনবগীদমক্তা, কেন্দ্র মন্ত্রীনা হৌজিক্তগী হৌনা হায়রিবা মীফমশিং অসি দিল্লীগী মপান্দা লৈবা উমংগী মফমশিং নত্ত্রগা তাইগর রিজর্বতা ফম্লগনি হায়না লাউথোকখ্রে।

থৌরম অসিদা, ফ্লোরা অমসুং ফাউনা মশিং য়াম্না লৈরিবা অমসুং উমংদা মখা পোঞ্জবা মীওই কয়াগী পুন্সি মহিং তানহল্লিবা লৈবাক শিনবা থুংবগী তাইগর রিজর্বপু ঐখোয়না পুক্নিং থৌগৎকদবনি অমসুং চাউখৎহনগদবনি হায়না মন্ত্রীনা ফোংদোকখি।

উমংগী লম অমসুং তাইগর রিজর্বশিংবু য়োকখৎপা অমসুং হেন্না নিংথিজনা শেমগৎনবগীদমক্তা লোকেলশিংনা থৱাই য়াওনা শরুক য়াবীয়ু হায়না মন্ত্রীনা হায়খি। তোঙানবা শিংনবা কয়াগা মাইয়োক্নবা ফোরেস্ত ওফিসিএল, লোকেলগী মীওই, অখঙ-অহৈ, মহৈরোই য়াওনা স্তেকহোলদরশিংগা লোয়ননা পনখ্রিবা ৱাফম অসিগীদমক্তা চাই নাইনা মীফম ফমগদবনি হায়না মহাক্না ফোংদোকখি।

থৌরম অসিগী মনুংদা লোকেলগী মীওইশিংনা এয়র গন ১০০ হেন্না সরেন্দর তৌরকখি। এয়র গন মরাং কায়না শিজিন্নবা অসিনা অৱাং নোংপোক রাজ্যশিংদা অচৌবা শিংনবা অমা ওইদুনা লাক্লি। অরুনাচল প্রদেশনা মার্চ ২০২১দা এয়র গন সরেন্দর অভিয়ান হৌদোকখিবনি অমসুং মসিনা হৌজিক ফাওবদা য়াম্না চাউনা মায় পাক্লি।

এন.তি.সি.এ.না শেম-শাবা কৈশিংবু লম্লক্তা অমুক্কা হন্না থাদোকপা অমসুং মশিং য়ামখৎহনবগী স্তেন্দর্দ ওপরেতিং প্রোতোকোল, তাইগর রিজর্বশিংগী ফোরেস্ত ফাইয়র ওদিৎ প্রোতোকোল, মেনেজমেন্ত ইফেক্তিবনেস ইভালুএসন (এম.ই.ই.)গী তেক্নিকেল মেনুএলসু মন্ত্রীনা ফোঙখি।

ভারত্তা মালেমগী লম্লক্কী কৈ মশিংগী ৭০%গী চাংদা লৈ। কৈশিংনা লৈবাক্কী তোঙানবা লেন্দস্কেপশিংদা লৈ। লেন্দস্কেপ খরনা মখোয়গী লৈফম অমসুং মখোয়গী মচিঞ্জাক লৈবগী মতুং ইন্না মতিক চাবা মশিং লৈরবসু, মফম কয়া অমদা লৈনদনা লৈবা হেবিতেত খরদি লৈরি অদুবু মখোয়না কৈগী মশিং য়াম্না লৈহনবা য়াবগী মতিক্তি লৈ। অদুগা কৈগী মশিংনা পুম্মাং মাঙখ্রবা হেবিতেত খরসু লৈরে।

হৌজিক ওইরিবা ফিভমসিদা, কৈ মশিং হাপচিল্লকপা নত্ত্রগা মখোয়গী লৈরিবা মশিং হেনগৎহনবগী তঙাই ফদবা অমা ওইরক্লে। হায়রিবা অসি তঙাই ফদবা অমসুং তেক্নিকেল ওইবা থৌওং অমা ওইবনা হীরম অসিগা মাইয়োক্ননবা এন.তি.সি.এ.না স্তেন্দর্দ ওপরেতিং প্রোতোকোল (এস.ও.পি.) অমা শেম্লে। এস.ও.পি. অসিনা হীরম অসিগা মরী লৈননা লৈবা লৌশিং কয়াগা লোয়ননা ভারতকা চুনবা ফিভমসিং খন্ন-নৈনবদা য়াওরি। পুৱারীগী ওইনা হান্ননা কৈ লৈরম্বা অদুবু তোঙানবা মরম্না মরু ওইনা হৌজিক্তি মশিং য়ামশিল্লক্ত্রবা নত্ত্রগা অমত্তা লৈত্রবা, অদুবু মখোয়না লৈবা য়াবগী ফিভমদি হৌজিকসু লৈরিবা মফমদা মফমদা কৈ থাজিনবা নত্ত্রগা মশিং হেনগৎহনবগী থৌওং অসি হেন্না ফগৎহনবা য়াগনি। মরম অদুনা, এন.তি.সি.এ.না “তাইগর রি-ইন্ত্রদক্সন এন্দ সপ্লিমেন্তেসন ইন ৱাইল্দ প্রোতোকোল” কৌবা এস.ও.পি. অমা ফোঙলে।

লাম্মৈ চাকপনা উমংগী মওং-মতৌ শেন্নবদা য়াম্না মরু ওইবা থৌদাং লৌরি। লাম্মৈ চাকপনা উমংগী হকশেল, ন্যুত্রিএন্ত রিসাইকল, উবু নৌনা হৌগৎহনবা, কুঙনা হৌজিনবা উরি-ৱারী অমসুং পেথোজেন লৌথোকপা অমসুং লম্লক্কী শা খরগী লৈফম ঙাক-শেনবদা কান্নবা কয়া পীরি। মৈ তত্তনা চাকপনা হেন্না চাকহনবা য়াবা ফুএল লোদশিং হন্থহল্লি অমসুং অমাঙ-অতা হেন্না থোকপদগী কল্লি। অদুবু মীওই মশিং অমসুং উমংগী রিসোর্সতা মখা পোনবা হেনগৎলকপনা মৈ চাকপগী খোঙজেল অসি মহৌশাগী কাঙলোনগী ৱাংমা লাল্লে অমসুং অতেনবা মতমদা লাম্মৈ তোয়না থাবনা উমং মুৎশিল্লকপা অমসুং বাইওদাইবর্সিতী মাঙবগী মরম ওইরক্লে। লাম্মৈ চাকপা হেনগৎলকপা অসিনা মালেমগী পুক্নিং চঙফম অয়া ওইরক্লে। মরম অদুনা, তাইগর রিজর্ব শেন্নবশিংদা মখোয়গী মৈ চাকপা থেংনবগী মতিক য়েংশিনবা অমসুং লাম্মৈ চাকপগী মপুং ওইবা খোঙজেল শেন্নবা ঙমহন্নবগীদমক্তা, এন.তি.সি.এ.না তাইগর রিজর্বশিংগী ফোরেস্ত ফাইয়র ওদিত প্রোতোকোল অমা শেম্লে অমসুং হৌজিক থাদোক্লি।

 

ভারতকী তাইগর রিজর্বশিংগী মেনেজমেন্ত ইফেক্তিবনেস ইভালুএসন (এম.ই.ই.)

কৈশিংবু হিংহনবা হায়বসি য়োকখৎপা অমসুং শেন্নবগী থৌওংগী মখা পোল্লি অমসুং য়োকখৎপগী হোৎনজমনশিংগী মায় পাকপগী চাং ওনবা অমসুং মেনেজমেন্ত ইনপুত লমজিংনবগীদমক্তা, তাইগর রিজর্ব শেন্নবগী চাং য়েংশিনবগী মথৌ তারি। ভারত অসি এম.ই.ই.গী থৌওংবু ইন্সতিত্যুস্নেলাইজ তৌবা খনগৎলবা লৈবাকশিংগী মনুং চল্লি। তাইগর রিজর্বকী এম.ই.ই.গী মালেম্না য়ানরবা ফ্রেমৱার্ক অসিনা লৈবাক অসিদা পায়খৎলিবা কৈ য়োকখৎপগী থৌওং মায় পাক্না য়েংশিনবা য়াহল্লি। তাইগর রিজর্বশিংদা এম.ই.ই. পাংথোকপগী চৎনবী অসি ২০০৬তগী হৌখিবনি অমসুং হৌজিক ফাওবদা খোঙজেল মরি লোইশিনখ্রে। মতম অসিদগী হৌনা এক্সপেরিএন্স কয়া অমা ফংলে অমসুং মপুং ওইবা থৌওং অসিবু অমুক্কা হন্না য়েংশিনবগী মথৌ তাবসু খঙলে। মসিগা মরী লৈননা, ইং ২০২২দগী হৌগদবা এম.ই.ই.গী মঙাশুবা খোঙজেলগী তঙাই ফদবশিং খঙদোক্নবা কম্মিতী অমা নেস্নেল তাইগর কঞ্জর্বেসন ওথোরিতীনা শেমখ্রে। মসিগী পান্দমদি লৈবাক অসিদা লৈরিবা তোঙানবা তাইগর রিজর্বশিং য়েংশিনবদা মান্নবা মিৎয়েং পুরকপা অমসুং লাক্কদৌরিবা শেনবা চহিসিদা পাংথোক্কদৌরিবা য়েংশিনবগী থৌওং অসিগীদমক্তা ইভালুএতরশিংবু লামজিংবনি। কম্মিতী অসিনা হায়বা ৱাফম কয়াদা য়ুম্ফম ওইরগা, এন.তি.সি.এ.না ভারতকী তাইগর রিজর্বশিংগী মেনেজমেন্ত ইফেক্তিবনেস ইভালুএসন (এম.ই.ই.)গী তেক্নিকেল মেনুএল অমা ফোঙখ্রে।

***



(Release ID: 1815273) Visitor Counter : 148