শেল-থুম মন্ত্রালয়গী দিপার্তমেন্ত ওফ এক্সপেন্দিচরনা ২০২১-২২দা পাৱর সেক্তরদা পাইখৎফম থোকপা রিফোর্মশিং পাইখৎনবগীদমক রাজ্য ১০দা লুপা করোর ২৮,২০৪গী অহেনবা শেল পুবগী অয়াবা পীখ্রে। রিফোর্মগী থবক পাইখৎনবগীদমক ইনসেন্তিব ওইনা রাজ্যশিংদা অহেনবা শেল পুবগী অয়াবা পীখ্রবা রাজ্য-ৱাজ্যগী ওইবা শেনফম অদু মখাদা পীরি:

শেল-থুম মন্ত্রালয়না তরামঙাশুবা ফাইনান্স কম্মিসনগী রিকম্মেন্দেসনশিংদা য়ুম্ফম ওইরগা পাৱর সেক্তরদা রাজ্যশিংনা পাইখৎখিবা রিফোর্মশিংদা য়ুম্ফম ওইরগা ২০২১-২২দগী ২০২৪-১৫ ফাওবগী চহি মরিগী মতম অমগী ওইনা চহি খুদিংদা রাজ্যশিংদা গ্রোস স্তেৎ দোমেস্তিক প্রদক্ত (জি.এস.দি.পি.)গী চাদা ০.৫ ফাওবা অহেনবা শেল পুবগী অয়াবা পীনবা ৱারেপ লৌখি। মসি শেল-থুম মন্ত্রীনা ২০২১-২২গী বজেৎ স্পীচতা লাউথোকখিবনি।

পাৱর সেক্তরদা রিফোর্মশিং পাইখৎহনবা অহেনবা শেল পুবগী অয়াবা ওইনা শেলগী তেংবাং পীনবগী পান্দম অসি সেক্তর অসিগী মথৌ তৌবা অমসুং ইকনোমিক ইফিসিএন্সী ফগৎহনবা অমসুং পেদ ইলেক্ত্রিসিতী কঞ্জুম্পসন্দা চাউনা হেনগৎনবা প্রমোৎ তৌবা অসিনি। হীরম অসিগী অকুপ্পা মরোল য়াওবা গাইদলাইনশিং অমসুং মার্কিং ক্রাইতেরিয়া ২০২১গী জুন ০৯দা দিপার্তমেন্ত ওফ এক্সপেন্দিচরনা থোকখি।

পাৱর সেক্তর রিফোর্মশিংগা মরী লৈনবা অহেনবা শেল পুবগী অয়াবা অসি ফংনবগীদমক রাজ্য সরকারশিংনা শুকশোই শোইবা য়াদবা রিফোর্মশিংগী সেৎ অমা পাইখৎখি অমসুং মথৌ তাবা পরফোর্মেন্স বেঞ্চমার্কশিং থুংহনখি। রাজ্যশিংনা পাইখৎখিবা রিফোর্মশিং অদুদি -

• রাজ্য সরকারনা পব্লিক সেক্তর পাৱর দিস্ত্রিব্যুন কম্পনীশিং (দিস্কোমশিং)গী অমাংবশিং খোঙজেল য়াংনা ফুগৎনবা থৌদাং লৌবা।
• সবসিদীশিং থীবা অমসুং সরকারনা দিস্কোমশিং অমসুং দিস্কোমশিংনা অতোপ্পশিংদা পীবা লাইএবিলিতীশিংগী রেকোর্দ তৌবা য়াওনা পাৱর সেক্তরগী ফাইনান্সিএল এফিয়রশিং রিপোর্ত তৌবদা ত্রান্সপরেন্সী লৈহনবা।
• মতম চানা ফাইনান্সিএল অমসুং ইনর্জী একাউন্তশিংগী হোৎপা অমসুং মতম চানা ওদিৎ চত্থবা।
• লিগেল অমসুং রিগ্যুলেতরীগী মথৌ তাবশিংগা লোয়ননা কমপ্লাইন্স তৌবা।

রাজ্য অমনা হায়রিবা রিফোর্মশিং অসি পাইখৎলবা মতুংদা রাজ্যগী পরফোর্মেন্স অদু মখাদা পীরিবা ক্রাইতেরিয়া অসিদা য়ুম্ফম ওইরগা ইভাল্যুৎ তৌগা ২০২১-২২গী অহেনবা শেল পুবা য়াবগী ইলিজিবিলিতী অসি লেপ্পী।

• লৌউ-শিংউগী কন্নেক্সনশিং বাওনা অপুনবা ইনর্জী কঞ্জুম্পসনশিংগী ওইবা মিতরদা হোৎপা ইলেক্ত্রিসিতী কঞ্জুম্পসগী পর্সেন্তেজ
• কঞ্জুমরশিংদা দাইরেক্ত বেনিফিৎ ত্রান্সফর (দি.বি.তি.)গী খুত্থাংদা সবসিদী পীবা
• সরকারগী বিভাগশিং অমসুং লোকেল বোদীশিংনা ইলেক্ত্রিসিতী বিলশিং থীবা
• সরকারগী লোইশঙশিংদা প্রিপেদ মিতরশিং ইন্সতোল তৌবা
• ইন্নোবেসন অমসুং ইন্নোবেতিব তেক্নোলোজীশিং শীজিন্নবা

মসিগী মথক্তা রাজ্যশিংনা পাৱর দিস্ত্রিব্যুসন কম্পনীশিং প্রাইভেতাইজেসন তৌবগী বোনস মার্কশিংগীদমক ইলিজিবল ওইখি।

পাৱর মন্ত্রালয়না অহেনবা শেল পুবগী অয়াবা অসিগীদমক রাজ্যশিংগী পরফোর্মেন্সকী এসেসমেন্ত তৌনবা অমসুং মখোয়গী ইলিজিবিলিতী লেপথোক্নবা নোদেল মিনিস্ত্রী ওইরি।

২০২২-২৩গী শেনবা চহিদা রাজ্যশিং অসিনা পাৱর সেক্তরগা মরী লৈনবা অহেনবা শেল পুবগী খুদোংচাবা অসি লৌবা য়াগনি। ২০২২-২৩দা রিফোর্মশিং অসি পাইখৎনবগীদমক রাজ্যশিংদা লুপা করোর ১,২২,৫৫১গী শেনফম অমা ইন্সেন্তিব ওইনা ফংগনি। ২০২১-২২দা রিফোর্মগী থৌওং অসি মপুং ফাবা ঙমখিদবা রাজ্যশিংনা চৎলিবা শেনবা চহি অসিদা করিগুম্বা মখোয়না রিফোর্মশিং অসি পাইখৎপা তারবদি ২০২২-২৩গীদমক খাক্তুনা থম্মি অহেনবা শেল পুবগী কান্নবা অসি ফংবা য়াগনি।

****