প্রধান মন্ত্রী, শ্রী নরেন্দ্র মোদীনা পরিক্ষা পে চর্চা (পি.পি.সি.)গী ৫শুবা তাঙ্কক্তা মহৈরোই, মমা-মপা অমসুং ওজাশিংগা ঙসি নই দিল্লীগী তালকাতোরা স্তেদিয়মদা ৱারী শাখ্রে। ৱারী শাদ্রিঙৈগী মমাংদা, মফমসিদা মহৈরোইশিংনা পুথোকপা একজিবিৎশিংবু মহাক্না য়েংশিনখি। কেন্দ্রগী মন্ত্রী, শ্রী ধর্মেন্দর সিংহ, শ্রীমতি ন্নপুর্না দেবী, দাঃ সুভাস সরকার, দাঃ রাজকুমার রঞ্জন সিংহ অমসুং শ্রী রজীব চন্দ্রসেখর, ভর্চুএল ওইনা শরুক য়ারিবা রাজ্যপাল অমদি মুখ্য মন্ত্রীশিংগা লোয়ননা মহৈরোই, মমা-মপা অমসুং ওজাশিংনা থৌরমসিদা শরুক য়াখি। থৌরম মনুং অসিদা প্রধান মন্ত্রীনা ৱারী শাবা নুংঙাইবা, হরাও তয়াম্বা অমসুং ৱারী শান্ননীংনবগী মতৌ উৎখি।

প্রধান মন্ত্রীনা তিল্লীবা মীয়ামদা ৱা ঙাংলদুনা মমাং চহিগী ভর্চুএলদা পাংথোকখিবা থৌরমগী মতুংদা মহাক্কী নহা ওইরিবা মরুপশিংগা ৱারী শাবা ফংবসিদা নুংঙাইবা ফোংদোকখি। মহাক্না হয়েংদগী হৌগদবা ভিক্রম সমভাত অনৌবা চহিগী মতাংদা পল্লদুনা লাক্কদৌরিবা কুমহৈ কয়াগীদমক্তা মহৈরোইশিংগী মফমদা য়াইফ পাউজেল পীখি। পি.পি.সি.গী ৫শুবা তাঙ্কক অসিদা প্রধান মন্ত্রীনা অনৌবা থৌওং অমা হৌদোকখি। মহাক্না লৌবা ঙম্লোইদবা ৱাহংশিংগী পাউখুমদি নামো এপ্তা ভিদিও, ওদিও নত্ত্রগা তেক্স মেসেজকী খুত্থাংদা পীগনি হায়না ফোংদোকখি।

অহানবা ৱাহংদি দিল্লীগী খুশী জেন্দগী লাকখি। বিলাসপুর, ছতিসগর অমসুং ভদোদারাগী কিনি পতেলনা পরিক্ষাগা মরী লৈনবা অৱাবা অমসুং পাখৎপগী মতাংদা ৱাহং হংলকখি। পরিক্ষা অসি মখোয়না থাগদবা অহানবা নত্তবনা মসিগীদমক্তা থোকিদোক্না পাখত্তনবা প্রধান মন্ত্রীনা হায়খি। “অদোম অসি মওং অমদা, পরিক্ষাগী অৱাবদগী ঙাকথোক্লবনি”, হায়না মহাক্না হায়খি। মমাংগী পরিক্ষাদা মখোয়না থেংনখিবশিংদগী মখোয়না লাক্কদৌরিবা পরিক্ষা মায় পাক্না থাবদা তেংবাংগনি। পাগদবা শরুক খরা মখোয়না নান্থোক্লম্বদি য়াই, অদুবু মদুগীদমক্তা করিমত্তা ৱাগনি হায়না মহাক্না হায়খি। মখোয়না শেম-শারিবা অদুদা মখোয়না মিৎয়েং চঙগদবনি অমসুং মখোয়গী নোংমগী তৌফম থোকপা থবকশিংদা পোত্থাদুনা লৈনবা মহাক্না হায়খি। মীঙোন্দগী শীন্নবা হোৎনবগী করিসু কান্নবা লৈতে, মশাগী নোংমগী থবক পাংথোক্তুনা য়াম্না পোত্থাবা মওংদা লৈয়ু হায়না মহাক্না হায়খি।

মথংগী ৱাহংদি কর্নাতকাগী মৈসুরুগী তরুন্দগী লাকখি। য়ুত্যুবকুম্বা ওনলাইনগী ৱাখল থৈদোক্নীংঙাই ওইবা কয়া লৈরবসু, ওনলাইনগী খুত্থাংদা মতৌ করম্না মহৈ তম্বা মখা চত্থবা য়াবগে হায়না মহাক্না হংখি। দিল্লীগী শাহিদ অলি, কেরলাগী তিরুবন্তাপুরমগী কীর্তানা, তমিল নাদুগী কৃষ্ণগিরীগী ওজা, চন্দ্রচুরেস্বরন্না মান্নবা ৱাহং অসি মখোয়গী ৱাখল্লোন্দা লৈনখি। শিংনবা লৈরিবসি ওনলাইন নত্ত্রগা ওফলাইন পাম্বৈদা নত্তে হায়না প্রধান মন্ত্রীনা হায়খি। ওফলাইন্দা মহৈ তম্বগী ওইনসু অপনবা পীবা থৌওং য়াম্না লৈ। “শিংনবা অসিদি পাম্বৈদা নত্তাম ৱাখলদনি”, হায়না মহাক্না হায়খি। মহৈদা পুক্নিংবু চঙলবদি, ওনলাইন ওইগেরা, ওফলাইন ওইগেরা, অপনবশিং অসিনা মহৈরোই অমদা করিসু য়েৎলোই হায়না মহাক্না হায়খি। তেক্নোলোজী অসিদি চাউখৎলকখিগনি অমসুং মহৈরোইশিংনা মখোয়গী এজুকেসন্দা তেক্নোলোজী শিজিন্নবা তমগদবনি হায়না মহাক্না হায়খি। মহৈ তম্বগী অনৌবা পাম্বৈবু খুদোংচাবা ওইনা লৈগদবনি, শিংনবা ওইনা লৌগদবা নত্তে। ওনলাইন্দা মহৈ তম্বনা ওফলাইন্দা মহৈ তম্বদা মতেং পাংবা য়াই। ওনলাইন হায়বসিনা খোমজিন্দুনা থম্বগীনি, ওফলাইন হায়বসিনা মপুং-মরৈ ফানবা হোৎনবা অমসুং থবক ওইনা পাংথোকপনি হায়না মহাক্না হায়খি। মহাক্না খুদম ওইনা, দোসা শাবগী মতাংদা পনখি। মীওই অমনা দোসা করম্না শাগদগে হায়না ওনলাইন্দা তম্বা য়াই, অদুবু তসেংনা শাবদি ওফলাইন ওইনা পাংথোক্কদবনি। ভর্চুএলগী তাইবংদা হিংবদগীদি ইশাগীদমক্তা খনবা অমসুং ইশাগা লোয়ননা হিংবগী য়াম্না নুংঙাইবা লৈ হায়না মহাক্না হায়খি।।

হরিয়ানাগী পানিপতকী ওজা, সুমন রানীনা অনৌবা এজুকেসন পোলিসীনা অখন্নবা ওইনা মহৈরোইগী পুন্সি অমসুং খুন্নাইদা মতৌ করম্না তেংবাংগনি অমসুং অনৌবা ভারতকী লম্বী করম্না য়াৎকনি হায়না হংলকখি। মেঘালয়গী ইস্ত খাসী হিল্সতগী শীলানা মান্নবা হীরমগী ৱাহং হংখি। প্রধান মন্ত্রীনা মসিদি ‘লৈবাক্কী’ এজুকেসন পোলিসীনি, ‘অনৌবা’ এজুকেসন পোলিসী অমা নত্তে হায়না ফোংদোকখি। পোলিসী অসি স্তেকহোলদর কয়া অমগা পাক শন্না খন্ন-নৈনরবা মতুংদা শেমখিবনি হায়না ফোংদোকখি। মসিনা মশানা রেকোর্দ অমা অদুমক ওইজরগনি। “নেস্নেল এজুকেসন পোলিসীগী খন্ন নৈনবা অসি য়াম্না ৱাখি। ভারত পুম্বগী মীয়ামগা মসিগী মতাংদা খন্ন-নৈনখি”, হায়না মহাক্না হায়খি। মহাক্না মখা তারকপা ওইনা, পোলিসী অসি সরকারনা শেম্বা নত্তে, মসিগী মীয়াম, মহৈরোই অমসুং মখোয়গী ওজাশিংনা লৈবাক্কী চাউখৎনবগীদমক্তা শেম্বনি হায়খি। মমাংদদি, ফিজিকেল এজুকেসন অমসুং ত্রেনিং অসি এক্সত্রা-করিক্যুলর এক্তিবিতীগী মনুং চল্লম্মি হায়না মহাক্না হায়খি। অদুবু, মখোয়বু হৌজিক্তি এজুকেসনগী মরু ওইবা শরুক অমা ওইহল্লে অমসুং মখোয়বু ইকায় খুম্নবা হৌরে। ২০শুবা চহি-চাগী এজুকেসনগী পথাপ অমসুং ৱাখল্লোন্না ঐখোয়গী ২১শুবা চহি-চাগী চাউখৎপগী লম্বী য়াৎপা ঙম্লোই। ঐখোয়না মতমগা লোয়ননা হোংগদবনি হায়না মহাক্না হায়খি। ঐখোয়না হোংলক্লিবা মতমগা লোয়ননা চৎমিন্নদ্রবদি, ঐখোয় অসি তোঙান্না তাদুনা লৈহৌরগনি হায়না মহাক্না ফোংদোকখি। নেস্নেল এজুকেসন পোলিসীনা ইশাগী অপাম্বদা চৎপগী খুদোংচাবা পীরি হায়না মহাক্না হায়খি। লৌশিংগী মথক্তা স্কিলগী মরু ওইবদা মহাক্না মিৎয়েং চঙখি। মসিনা মরম ওইরগা স্কিলবু নেস্নেল এজুকেসন পোলিসীগী শরুক ওইহনখিবনি হায়না মহাক্না হায়খি। সবজেক্ত খনবগী মতাংদা এন.ই.পি.না পীরিবা অপাম্বা খনবা য়াবগী খুদোংচাবগী মতাংদা মহাক্না পনখি। এন.ই.পি. মতিক চানা চৎনবনা অনৌবা খুদোংচাবা কয়া লৈহনগনি হায়না মহাক্না হায়খি। মহৈরোইশিংনা পুথোকপা অনৌবা তেক্নোলোজীশিংবু মতৌ করম্না শিজিন্নবা য়াবগে হায়বা অনৌবা পয়াম্বৈ কয়া থিদোক্নবা মহাক্না স্কুলশিংদা খঙহনখি।

য়ু.পি.গী ঘাজিয়াবাদকী রোশনীনা পরিক্ষাগী মহৈগী মতাংদা মহাক্কী মমা-মপানা থম্লিবা থাজবা অসিগা মতৌ করম্না মাইয়োক্নগদগে, মখোয়না খনবগুম্না এজুকেসনবু য়াম্না লুনা লৌগদরা নত্ত্রগা কুমহৈগুম্না হরাও নুংঙাইনা লৌগদরা হায়না হংলকখি। পঞ্জাবকী ভতিন্দাগী কিরম প্রীত কৌরনা মান্নবা হীরমগী মতাংদা হংলকখি। প্রধান মন্ত্রীনা মমা-মপা অমসুং ওজাশিংদা মখোয়গী মঙলানশিংবু মহৈরোইশিংদা নম্ফুদা ইনশিনগনু হায়খি। “ওজা অমসুং মমা-মপাগী মঙফাওনহৌদ্রবা মঙলানবু অঙাংশিংদা নম্ফুদা নমশিনবা য়ারোই। অঙাংশিংনা মশাগী অপাম্বা তৌবা হায়বসি য়াম্না মরু ওই”, হায়না প্রধান মন্ত্রীনা হায়খি। মহৈরোই খুদিংগী মশাগী অখন্নবা অমা লৈ হায়বা খঙদুনা মদুবু মুন্না খঙদোক্নবা হোৎনসি হায়না মহাক্না মমা-মপা অমসুং ওজাশিংগী মফমদা থমখি। মহাক্না মহৈরোইশিংদা মখোয়গী মপাঙ্গল করিনো খঙদোক্তুনা মদুদা মখা তানা চত্থনবা হায়খি।

দিল্লীগী ভাইবভ কন্নোজিয়ানা ঐখোয়না তৌগদবা অৱাৎপা কয়া লৈনা-লৈনা মতৌ করম্না পুক্নিং চঙনা লৈদুনা মায় পাকপা ঙমদগে হায়না হংলকখি। ওরিশাদগী মমা-মপা অমা, সুজিত কুমার প্রধান, জয়পুরগী কোমল শর্মা অমসুং দোহাগী এরোন ইবেন্না মান্নবা ৱাহং হংখি। প্রধান মন্ত্রীনা অসুম্না হায়খি, “পুক্নিং থৌগৎপা হায়বগী ইঞ্জেক্সন নত্ত্রগা ফোর্মুলা লৈতে, নশাবু মুন্না খঙউ অমসুং ইশাবু করিনা নুংঙাইবা ফাওহল্লি খঙদোক্তুনা মদুদা থবক তৌ”। মহাক্না মহৈরোইশিংদা মখোয়বু মহৌশানা পুক্নিং করিনা চঙহল্লি হায়বা খঙদোক্নবা হায়খিবগা লোয়ননা থৌওং অসিদা মশাগী অপাম্বা ইনগদবনি, অতোপ্পগী অপাম-পামদ নত্ত্রগা নুংঙাইবা নুংঙাইতবা থীগদবা নত্তে হায়খি। অঙাং, নাম্মা শোইবা অমসুং মহৌশানা মখোয়গী পান্দম ফংনবা মতৌ করম্না হোৎনবগে হায়দুনা মখোয়গী অকোইবদা য়েংউ হায়না মহাক্না অঙাংশিংদা পাউতাক পীখি। “ঐখোয়না ঐখোয়গী অকোইবগী পাঙ্গল অমসুং হোৎনজম য়েংগদবনি অমসুং মখোয়দগী ইথিল লৈগদবনি”, হায়না মহাক্না হায়খি। মহাক্না মহাক্কী লাইরিক, একজাম ৱারিয়রবু নীংশিংলদুনা, পরিক্ষা মশামক্তা চিথি ইদুনা মীওই অমনা মশাগী মবুক্নিং করম্না হাপকদগে অমসুং মশাগী মপাঙ্গল অমসুং শেম-শাবগী মতৌনা পরিক্ষাবু শিংনবা য়াবগে হায়না ফোংদোকখি।

তেলঙ্গানাগী খম্মমগী অনুশানা মহাক্কী ওজানা পারা তাকপা মতমদা মহাক্না ভাব তাবা ঙম্মি অদুবু ঙৈহাক লৈরগা কাওথোকই, মসিবু করম্না মাইয়োক্নবা য়াবগে হায়না হংখি। গায়ত্রী সক্সেনানা নীংশিংবগী শক্তি অমসুং ভাব তাবগী মতাংদা মান্নবা ৱাহং অমা নামো এপ্তা হংলকখি। করিগুম্বা পোৎলম অমবু মমুৎ তানা খঙদুনা তম্লবদি, মদুবু ঐখোয়না কৈদৌনুংদা কাওথোক্লোই হায়না প্রধান মন্ত্রীনা হায়খি। হৌজিক্কী মতমদা পুক্নিং নীংথিনা চঙনবা মহাক্না মহৈরোইশিংদা হায়খি। হৌজিক্কী মতমদা পুক্নিং নীংথিনা চঙবনা পোৎলম অমা তম্বা অমসুং নীংথিনা নীংশিংবদা তেংবাংগনি হায়না মহাক্না হায়খি। হৌজিক হায়বসিনা খ্বাইদগী চাউবা ‘খুদোলপোৎ’ অমনি অমসুং হৌজিক্কী মতমদা হিংবা অমসুং নীংথিজনা খঙবা মীওইদুনা পুন্সিদা চাউনা মায় পাক্কনি হায়না মহাক্না ফোংদোকখি। নীংশিংবগী পাঙ্গলবু চেকশিন্না থম্নবা অমসুং মদুবু হেন্না পাকথোক চাউথোকহন্নবা মহাক্না হায়খি। তংদু লৈতাবা পুক্নিং হায়বসিনা করিগুম্বা অমা নীংশিংবগী খ্বাইদগী চুনবনি হায়না মহাক্না ফোংদোকখি।

ঝার্খন্দগী শ্বেতা কুমারীনা মহাক্তি নুমিদাংদা লাইরিক পাবা পামজৈ অদুবু নুংথিলগী মতমদা লাইরিক পাও হায়না মহাক্কী মফমদা হায় হায়না তমখি। রাঘব জোশীনসু লাইরিক পাবগী চুনবা মতমগী মতাংদা নামো এপ্তা মান্নবা ৱাহং হংলকখি। মীওই অমগী হোৎনজমনগী মহৈ অমসুং মহাক্না মশাগী মতমবু মতৌ করম্না নীংথিনা শিজিন্নবগে হায়বগী মতাংদা নৈনবা হায়বসি য়াম্না ফবা ৱাফম অমনি হায়না প্রধান মন্ত্রীনা হায়খি। মহৈবু নৈনবগী হৈনবী হায়বসি এজুকেসনগী মরু ওইবা শরুক অমনি হায়না মহাক্না হায়খি। অরায়বা অমসুং ঐখোয়না হেন্না পাম্বা সবজেক্ততা ঐখোয়না অয়াম্বা মতমদা ইশাগী মতম থাদৈ হায়না মহাক্না হায়খি। “ৱাখল, থম্মোই অমসুং হকচাংবু নম্থাক তৌবা” অসিবু মাইথীবা পীনবা ইশানা হোৎনবা অমা চঙই হায়না মহাক্না হায়খি। “ইশানা পাম্বা থবক তৌ অমসুং মদুগী মতমদা খ্বাইদগী অপেনবা মহৈ ফংগনি”, হায়না মহাক্না হায়খি।

জম্মু অমসুং কশ্মিরগী উধম্পুরগী ইরিকা জোর্জনা লৌশিং লৈবা মীওই, অদুবু করিগুম্বা মরম অমদগী চুনবা পরিক্ষা থাবা ঙমদবা মীওইগী মতাংদা করি পাংথোকপা য়াবগে হায়না হংলকখি। গৌতম বুধ নগরগী হরি ওম মিশ্রানা কম্পিতিতিব একজামগী তঙাই ফদবশিং অমসুং বোর্দ একজামগী লাইরিক পাববু মতৌ করম্না শেন্নগদগে হায়না হংলকখি। পরিক্ষাগীদমক্তা লাইরিক পাবা হায়বসি অরানবা ৱাফম অমনি হায়না প্রধান মন্ত্রীনা হায়খি। মীওই অমনা সিল্লেবস অমবু থৱাই য়াওনা পারবদি, তোঙানবা পরিক্ষানা মঙোন্দা করিমত্তা খেন্নবা লৈরোই হায়না মহাক্না হায়খি। পরিক্ষা মায় পাকপগী নত্তনা সবজেক্ত অদুবু মপুং ফানা খঙনবা পান্দম থমগদবনি হায়না মহাক্না ফোংদোকখি। এথলিৎশিংনা মশান্নগী ওইনা ত্রেন তৌই, কম্পিতিসনগী অইনা ত্রেন তৌদে হায়না মহাক্না মখা তানা হায়খি। “ অদোমদি অখন্নবা চারোন-শুরোনগী মতম অমদা হিংলিবনি। হোই, চাংয়েংনবা য়াম্না য়াম্মি, অদুবু খুদোংচাবসু মান্ননা য়াম্মি”, হায়না মহাক্না হায়খি। মহাক্না মহৈরোইশিংদা পরিক্ষাবু মখোয়গী খ্বাইদগী মমল নাইবা খুদোলপোৎনি খল্লু হায়না হায়খি।

গুজরাতকী নবসারীদগী মমা-মপা ওইবা, সীমা চেতন্না প্রধান মন্ত্রীদা খুন্নাইনা খুঙ্গংগী নুপীমচাশিংবু অৱাংবা থাক্তা পুখৎপদা করম্না তেংবাংবা য়াবগে হায়না হংখি। নুপীমচাশিংবু মহৈ তম্বীবদা মীরায়বীরম্বা মতমদগী হৌজিক্কী মতম্না য়াম্না হোংলে হায়না শ্রী মোদীনা হায়খি। নুপীমচাশিংবু নীংথিনা মহৈ তমহন্দনা খুন্নাই অমত্তনা চাউখৎপা ঙম্লোই হায়না মহাক্না হায়খি। নুপীমচাশিংবু খুদোংচাবা অমসুং মপাঙ্গল হাপ্পগী থবকশিং অসি ইন্সতিত্যুসন অমা ওইহনগদবনি হায়না মহাক্না হায়খি। নুপীমচাশিং অসিগী মগুন লৈবা হেনগৎলক্লি অমসুং মসিগী অহোংবা অসি য়াম্না অফবনি। ভারতনা মনীং তম্বা লৈবাক অমা ওইরকপগী পুৱারীদা নীংতম্বগী অমৃত মহোৎসবকী মতমসিদা পার্লিয়ামেন্ততা লৈবা নুপী মেম্বর মশিংনা খ্বাইদগী য়াম্বা ওইরি হায়না মহাক্না হায়খি। “মচানুপী হায়বসি ইমুং অমগী মপাঙ্গলনি। ঐখোয়গী নারী শক্তিনা পুন্সিগী তোঙানবা সেক্তরদা মায় পাকপা উবদা নুংঙাইবদগী হেনবা করি লৈবগে?”, হায়না প্রধান মন্ত্রীনা হংখি।

দিল্লীগী পবিত্র রাওনা অনৌবা চারোন-শুরোন অসিনা অকোয়বগী ফিভম কনবদা করি মতেং পাংবা য়াবগে হায়না হংলকখি। চৈতন্যনসু মহাক্কী ক্লাসপু ইনভাইরনমেন্ত ক্লীন অমসুং গ্রীন মতৌ করম্না ওইহনগনি হায়না হংলকখি। প্রধান মন্ত্রীনা মহৈরোইশিংবু থাগৎলদুনা লৈবাকপু ক্লীন অমসুং গ্রীন ওইহল্লিবসি মখোয়ননি হায়না ফোংদোকখি। অরানবা ঙাংবা মীওইশিংবু অঙাংশিংনা তাদনা প্রধান মন্ত্রীনা স্বচ্ছতাগী মতাংদা হায়খিববু তাখি অমসুং মহাক্কী স্বচ্ছতাগী ৱাশকপু ভাব তাখি। ঐখোয়না হৌজিক নুংঙাইবা লৌরিবা অকোয়বগী ফিভম অসি ইপা-ইপুনা তেংবাংবীরম্বদগীনি হায়না মহাক্না হায়খি। মসিগা মান্নবা ওইনা, ঐখোয়না তুংগী চারোন শুরোনগীদমক্তা অফবা অকোয়বগী ফিভম অমা থমমগদবনি। থৌওং অসি মীয়াম্না তেংবাংলকপা মতমদা খক্তা ওইথোকপা য়াগনি হায়না মহাক্না ফোংদোকখি। মহাক্না “পি.৩-ইহৌ” (এল.আই.এফ.ই.গী প্রো-প্লানেত পীপল)গী মরু ওইবদা মিৎয়েং চঙখি। ঐখোয়না “শিজিন্নরগা লংথোকপা” হায়বা চৎনবী অসি তোক্কদবনি অমসুং সর্ক্যুলর ইকোনোমীগী পুন্সিরোল অমগী মাইকৈদা চঙশিনগদবনি হায়না মহাক্না হায়খি। লৈবাক চাউখৎপদা মহৈরোইগী পুন্সিগী খ্বাইদগী ফবা চহি ওইরিবা নীংতম্বগী অমৃতকী মতমগী মতাংদা মহাক্না অহেনবা মিৎয়েং চঙখি। ইশাগী থৌদাং পাংথোকপগী মতাংদা মরু ওইবা লৈরিবশিংগী মতাংদা মহাক্না অহেনবা মিৎয়েংসু চঙখি। মহৈরোইশিংনা তীকা কাপ্পগী মতাংদা মশাগী থৌদাং পাংথোকপগীদমক্তা থাগৎপা ফোঙদোকখি।

থৌরমগী অরোইবদা, প্রধান মন্ত্রীনা থৌরম অসিবু পাংথোক্লিবা মহৈরোইবু কৌরদুনা মখোয়গী স্কিল অমসুং মশাদা থাজবগী মতৌবু থাগৎখি। অতোপ্পগী অফববু থাগৎপগী মতৌ লৈনবা অমসুং অতোপ্পদগী তমজবগী মগুন লৈনবা হোৎনবগী তঙাই ফদবা লৈ হায়না মহাক্না পনখি। ঐখোয়না মীতাবগী মহুত্তা তম্নীংবগী ইথিল লৈগদবনি। অসিগুম্বা তৌবা ঙম্বগী মতিক অসি পুন্সিদা মায় পাকপগী খ্বাইদগী মরু অইবা মচলনি।

মহাক্না পি.পি.সি. অসি মহাক্কী ওইনা কয়া য়াম্না মরু ওইবগে হায়রদুনা মশাগী ৱারোল লোইশিনখি। মহাক্না নহা ওইরিবা মহৈরোইশিংগা ৱারী শাবা মতমদা চহি ৫০ নৌথোকই হায়না ফোংদোকখি। “ঐহাক্না অদোমগী চারোন-শুরোনগা মরী লৈনদুনা অদোমদগী তম্নবা হোৎনজৈ। ঐহাক্না অদোমগা পুনবা অসিদা, ঐহাক্না অদোমগী অপাম্বা অমসুং মঙলানগী শক্তম উবা ফংজৈ অমসুং ঐহাক্না মদুগী মতুং ইন্না শেমদোকচনবা হোৎনজৈ। মরম অদুনা, থৌরম অসিনা ঐহাকপু তুংলমচৎকীদমক্তা চৎপদা তেংবাংলি”, হায়না থৱাই নুংঙাইনা উরিবা প্রধান মন্ত্রীনা লোইশিনখি।

#ParikshaPeCharcha with my young friends. https://t.co/VYwDO6PLLz

— Narendra Modi (@narendramodi) April 1, 2022

PM @narendramodi on #ParikshaPeCharcha… pic.twitter.com/ycoQ2oQbGd

— PMO India (@PMOIndia) April 1, 2022

Pre-exam stress is among the most common feelings among students. Not surprisingly, several questions on this were asked to PM @narendramodi.

Here is what he said… #ParikshaPeCharcha pic.twitter.com/U9kUvGZ4HS

— PMO India (@PMOIndia) April 1, 2022

#ParikshaPeCharcha - stress free exams. pic.twitter.com/iAmgpgPs8J

— PMO India (@PMOIndia) April 1, 2022

Students, teachers and parents have lots of questions on the role of technology in education. #ParikshaPeCharcha pic.twitter.com/5FALl6UUuI

— PMO India (@PMOIndia) April 1, 2022

#ParikshaPeCharcha - on the National Education Policy 2020. pic.twitter.com/g4nyOXt7WZ

— PMO India (@PMOIndia) April 1, 2022

#ParikshaPeCharcha - the NEP caters to 21st century aspirations. It takes India to the future. pic.twitter.com/waopfA081z

— PMO India (@PMOIndia) April 1, 2022

Students want to know from PM @narendramodi if they should be more scared of examinations or pressure from parents and teachers. #ParikshaPeCharcha pic.twitter.com/deoTadolyc

— PMO India (@PMOIndia) April 1, 2022

Is it tough to remain motivated during exam time? #ParikshaPeCharcha pic.twitter.com/BQ4uz5qULR

— PMO India (@PMOIndia) April 1, 2022

There is great inquisitiveness among youngsters on how to improve productivity while at work and how to prepare better for exams. #ParikshaPeCharcha pic.twitter.com/12Y6nQh3PN

— PMO India (@PMOIndia) April 1, 2022

Infinite opportunities await our youth. #ParikshaPeCharcha pic.twitter.com/vjk53InkvY

— PMO India (@PMOIndia) April 1, 2022

Let’s empower the girl child. #ParikshaPeCharcha pic.twitter.com/i4QA9T5vTI

— PMO India (@PMOIndia) April 1, 2022

***