হাউজিং অমসুং অর্বান এফিয়র্স মন্ত্রালয় (এম.ও.ঐচ.য়ু.এ.)গী সেক্রেতরী, মনোজ জোশিনা ময়াই তাংবল লৌদুনা ফমখিবা সেন্ত্রেল সেঙ্কসনিং এন্দ মোনিতরিং কম্মিতী (সি.এস.এম.সি.)গী ৬০শুবা মীফমদা প্রধান মন্ত্রী অৱাজ য়োজনা (অর্বান)গী মখাদা পুন্না অহেনবা য়ুম লাখ ২.৪২ শানবা রাজ্য তরুক্কী প্রোজেক্ত প্রপোজলশিং অয়াবা পীখ্রে। য়ুমশিং অসি পি.এম.এ.ৱাই.-য়ু.গী মশাশিং ওইরিবা বেনিফিসরী লেদ কন্সত্রক্সন (বি.এল.সি.), এফোর্দেবল হাউজিং ইন পার্তনরশীপ (এ.ঐচ.পি.) অমসুং ইন-সিতু স্লম রিহেবিতেসন (আই.এস.এস.আর.)গী মখাদা শানবা প্রপোজ তৌখি। প্রোজেক্ত প্রপোজগী অয়াবা পীখিবা রাজ্যশিং অদুদি আন্ধ্র প্রদেশ, গুজরাত, মহারাস্ত্র, ত্রিপুরা, তমিল নাদু অমসুং ৱেস্ত বেঙ্গলনি।   

মীফম অসি এম.ও.ঐচ.য়ু.এ.গী সেক্রেতরীনা রাজ্যশিং অসিদা য়ুমশিং উরেপ উয়ুং তম্বদা থেংনরিবা ইসুশিং খন্নদুনা হৌদোকখি। মহাক্না য়ুমশিং লোইশিনবগী অমসুং খুৎশিন্নবগী খোঙজেলসু য়েংশিনখি। মীফম অদুদা প্রোজেক্তশিং রিভিজন তৌবা অমসুং মিসন অসিগা মরী লৈননা শরুক য়ারিবা রাজ্যশিংগী পর্ফোর্মেন্সসু য়েংশিনখি।

পি.এম.এ.আই.-য়ু.গী য়ুমশিং অসি তাঙ্কক কয়াদা শাই। মিসন অসিগী মখাদা সেঙ্কসন তৌখ্রবা য়ুমগী অপুনবা মশিং অসি হৌজিক ১১৭.৯ শুরে; মসিগী মনুংদা লাখ ৯৫.২না য়ুম শানবা উরেপ উয়ুং তমখ্রে অমসুং লাখ ৫৬.৩না শাবা লোইশিল্লগা বেনিফিসরীশিংদা খুৎশিন্নখ্রে। মিসন অসিগী মখাদা লৈরিবা অপুনবা ইনভেস্তমেন্ত অসি সেন্ত্রেল এসিস্তেন্স লুপা করোর লাখ ১.৯৬ য়াওনা লুপা করোর লাখ ৭.৭০নি। হৌজিক ফাওবদা লুপা করোর লাখ ১.১৮কী শেনফম ওইগদবা সেন্ত্রেল এসিস্তেন্স থাদোকখ্রে। 

‘হাউজিং ফোর ওল’গী মীৎয়েংগা লোইননা পি.এম.এ.ৱাই-য়ু.গী মখাদা য়ুম শাবা, লোইশিনবা, অমসুং য়ুমশিং খুৎশিন্নবগী খোঙজেল য়াংখৎহনবদা মীৎয়েং চংনবা খন্নখি।

সি.এস.এম.সি.গী মীফমদা এম.ও.ঐচ.য়ু.এ.গী সেক্রেতরীনা আন্ধ্র প্রদেশতা এফোর্দেবল রেন্তেল হাউজিং কম্প্লেক্সেস (এ.আর.ঐচ.সি.এস.)কী মোদেল ২গী মখাদা লৈবা প্রপোজলশিং অয়াবা পীখি। লুপা করোর ৩.২৪গী তেক্নোলোজী ইন্নোবেসন গ্রান্ত (তি.আই.জি.) য়াওবা অর্বান মাইগ্রেন্তশিং/লায়রবগীদমক্তা পুন্না অনৌবা এ.আর.ঐচ.সি. য়ুনিৎ ১.৩৮৮ (সিঙ্গল বেদরুম অমসুং দোর্মিতরী য়াওনা) অয়াবা পীখ্রে।

পি.এম.এ.ৱাই.-য়ুগী মখাদা লৈরিবা সব স্কিম অমা ওইরিবা এ.আর.ঐচ.সি.শিং অসিনা অর্বান মাইগ্রেন্তশিং/লায়রবশিংদা মখোয়গী থবক মফমগী মনাক্তা নক্না শহরগী মফমশিংদা অহোংবা ভরাগী কাশিং ফংহল্লি। মসি মোদেল অনিগী খুত্থাংদা ইমপ্লিমেন্ত তৌরি। মোদেল ১গী মখাদা হান্না লৈরবা সরকারনা ফন্দিং তৌবা অহাংবা কাশিং অসি পব্লিক প্রাইবেৎ পার্তনরশিপ নত্ত্রগা পব্লিক এজেন্সীশিংগী খুত্থাংদা এ.আর.ঐচ.সি.শিংদা ওন্থোক্লি; মোদেল ২গী মখাদা পব্লিক/প্রাইবেৎ এন্তিতীশিংনা মখোয়গী মশাগী লমদা এ.আর.ঐচ.সি.শিংগী কনস্ত্রক্সন, ওপরেসন অমসুং মেন্তনেন্স তৌরি।

************