প্রধান মন্ত্রী শ্রী নরেন্দ্র মোদীনা থৌরম মপু ওইদুনা পাঙথোকপা কেবিনেত কম্মিতী ওন ইকনমিক এফ্যার্সনা ঙসি ২০২২-২৩ সীজনগী ওইনা রো জুতকী মিনিমম সপোর্ত প্রাইস অয়াবা পীখ্রে‍। অয়াবা পীরিবা অসি কম্মিসন ফোর এগ্রিকলচরেল কোস্ত এন্দ প্রাইসনা পীরকপা রিকম্মেন্দেসনগী মতুং ইন্ননি‍।

রো জুৎকী এম.এস.পি. (তি.দি._৫ গ্রেদকা মান্নবা তি.দি.এন._৩) মমাঙ চহিদগী লুপা ২৫০/-গী মথক্তা হেনগৎহন্দুনা ২০২২-২৩ লৌরোক্কী ওইনা কুইন্তল অমদা লুপা ৪৭৫০/- লেপখ্রে‍। মসিনা ভারত পুমবগী ৱেতেদ এভরেজ কোস্ত ওফ প্রদক্সনদগী চাদা ৬০.৫৩গী শেন্দোং ফংহল্লগনি‍। ২০২২-২৩ লৌরোক্কী লাউথোক্লিবা রো জুৎকী এম.এস.পি. অসি লৈঙাক্না বজেৎ ২০১৮-১৯দা লাউথোকখিবা ওল ইন্দিয়া ৱেতেদ এভরেজ কোস্ত ওফ প্রদক্সনগী য়ামদ্রবদা শরুক ১.৫গী চাংদা এম.এস.পি. লেপকদবনি হায়বা কাঙলোন্দুগী মতুং ইন্ননি‍।

মসিনা য়ামদ্রবদা চাদা ৫০গী শেন্দোং লৈহল্লগনি‍। মসি জুৎ থারিবা লৌমীশিংদা শেন্দোং হেন্না লৈহন্নবা অমদি মতিং লৈবা জুৎ ফাইবর পুথোকপদা ইন্সেন্তিভাইজ তৌননবা মরুওইবা অমদি খুমাঙ চাউশিনবা খোঙথাঙশিংগী মরক্তা অমনি‍।

জুৎ কোর্পোরেসন ওফ ইন্দিয়া (জে.সি.আই.)না প্রাইস সপোর্ত ওপরেসন পায়খৎনবা সেন্ত্রেল গভর্নমেন্ত নোদেও এজেন্সী ওইনা মখা তানা থবক তৌখিগনি, অমদি অসিগুম্বা ওপরেসন অসিদা শেল মাঙবা য়াওরগদি কেন্দ্র লৈঙাক্না মপুং ফানা শেল হঞ্জিনগনি‍।

*********