ভারতনা মশাগী ই.হেল্থকী খোঙচত্তা মশক থোকপা তাঙ্কক অমা লোইশিনখ্রে। কেন্দ্রগী হকশেল মন্ত্রালয়গী ই.সঞ্জীবনি তেলিমেদিসিন সর্ভিসনা তেলি-কন্সলতেন্সী করোর ৩গী থাক লানখ্রে। মসিদা নত্তনা, “ই.সঞ্জীবনি” তেলিমেদিসিন্না নোংমদা কন্সলতেসন লাখ ১.৭ মপুং ফানা পাংথোকপা ঙমদুনা অনৌবা রেকোর্দ অমসু থমখ্রে।

সেবা অসিনা রাজ্য খরদদি চয়োলগী নুমিৎ খুদিংমক্তা মথৌ পাংথোক্লি অমসুং মশিং য়ামদবা রাজ্য খরদনা, পুংজা খুদিংদা সেবা পীবসু য়াওরি। তেলিমেদিসিন সর্ভিসনা কোবিদ-১৯ লাইচৎ মনুংদা মশক থোক্না তেংবাংখি অমসুং হোস্পিতালগী লোদ হন্থহনখিবগা লোয়ননা অনাবশিংদা দিজিতেল নত্ত্রগা রিমোত ওইনা মেদিকেল প্রোফেস্নেলশিংদগী মতেং লৌবদসু তেংবাংখি। মসিনা বেনিফিশরীশিংগী ময়ুমক্তদা মগুন লৈবা হকশেলগী সেবা য়ৌহন্দুনা খুঙ্গং-শহর খায়দোক্লিবা অসিবুসু নকশিন্নহনখি।

লৈবাক অমনা পাংথোকপা মরী লৈনবা সেবাশিংদা খ্বাইদগী অহানবা ওইরিবা ই.সঞ্জীবনিগী মখল অনি লৈঃ

১) ই.সঞ্জীবনি আয়ুশমান ভারত-হেল্থ অমসুং ৱেলনেস সেন্তর (এ.বি.-ঐচ.দবল্যু.সি.): খুঙ্গং অমসুং মনুং তোখাইনা তাবা মফমশিংদা অয়াম্বা মতমদা পীফম থোকপা অমসুং অখন্নবা হকশেলগী সেবা ফংহন্নবা ভারত সরকারগী আয়ুশমান ভারত-হেল্থ অমসুং ৱেলনেস সেন্তর স্কিমগী মখাদা লৈবা দাক্তর-তু-দাক্তর তেলিমেদিসিন সর্ভিস। হায়রিবা মখল অসি হব অমসুং স্পোক মোদেলদা য়ুম্ফম ওইবনি। ‘ই.সঞ্জীবনি এ.বি.-ঐচ.দবল্যু.সি.’না বেনিফিশরীশিংনা (পেরামেদিক অমসুং জেনেরেলিস্ত অমগা লোয়ননা) স্পোক্তা, হায়বদি ঐচ.দবল্যু.সি.দা লৈদুনা অমসুং দাক্তর/স্পিসিএলিস্তনা হবতা (তর্সিএরী হেল্থকেয়র ফেসিলিতী/হোস্পিতাল/মেদিকেল কোলেজ) লৈদুনা মখোয়গী মরক্তা ভর্চুএল কন্নেক্সন লৈহল্লি। মসিনা হবতা লৈরিবা দাক্ত অমসুং স্পিসিএলিস্তকা স্পোক্তা লৈরিবা বেনিফিশরী (পেরামেদিকশিংগী খুত্থাংদা) অনিগগী মরক্তা হৌজিক্কী ওইবা মতমদা ভর্চুএলগী খুত্থাংদা ৱা তান্নবা য়াহল্লি। সেসন লোইরকপদা পীবা ই.-প্রেস্ক্রিপ্সন অসিনা হিদাক লৌনবগীদমক্তা শিজিন্নৈ। ‘ই.সঞ্জীবনি এ.বি.-ঐচ.দবল্যু.সি.’ অসি লম্মিৎ-তুম্মিৎ, ফংবদা লায়বা-লুবা, শেল চঙবা অমসুং অথাপ্পগী খুদোংচাদবা কয়া লান্থোক্তুনা ইনফোর্মেসন তেক্নোলোজীগী কান্নবা লৌদুনা মীয়াম মশিং য়াম্বদা মহুন লৈবা হকশেলগী সেবা পীবগী পান্দমগা লোয়ননা থবক পায়খৎপা হৌখিবনি। হৌজিক ফাওবগী ওইনা, ই.সঞ্জীবনি এ.বি.-ঐচ.দবল্যু.সি.না হেল্থ অমসুং ৱেলনেস সেন্তর চাউরাকপা ৫০,০০০দা মথৌ তৌরি।

২) ই.সঞ্জীবনি ও.পি.দি.: মসিদি মীয়াম্না মখোয়গী ময়ুম মক্তদা আউতপেসেন্ত সর্ভিস ফংহন্নবা পান্দমগা লোয়ননা পায়খৎপা পেসেন্ত-তু-দাক্তর তেলিমেদিসিন সর্ভিস অমনি। ‘ই.সঞ্জীবনি ও.পি.দি.’ অসিবুসু লৈবাক্কী মফম খুদিংদা মীয়াম্না পাক-শন্না অমসুং খোঙজেল য়াঙনা শিজিন্নবা হেনগৎলক্লি। মসিদি এন্দ্রোইদ অমসুং আই.ও.এস.তা য়ুম্ফম ওইবা স্মার্তফোন অনিমক্কী ফংই অমসুং মসিগী এপশিং অসি মিলিয়ন ৩ হেন্না দাউনলোদ তৌনখ্রে।

পনখ্রিবা বেনিফিশরী করোর ৩গী মরক্তগী, বেনিফিশরী ২,২৬,৭২,১৮৭বু ই.সঞ্জীবনি এ.বি.-ঐচ.দবল্যু.সি. পোর্তেলগী খুত্থাংদা তেংবাংখ্রে অমসুং ৭৩,৭৭,৭৭৯না ই.সঞ্জীবনি ও.পি.দি.গী খুত্থাংদা মতেং ফংনখ্রে। বেনিফিশরীশিংবু তেংবাংনবগীদমক্তা নেস্নেল তেলিমেদিসিন সর্ভিস অসিদা ১,০০,০০ হেনবা দাক্তর, স্পিসিএলিস্তনচিংববু মনুং চলহনখ্রে। ‘ই.সঞ্জীবনি এ.বি.-ঐচ.দবল্যু.সি.’গী খুত্থাংদা পাংথোকখিবা মশিং য়াম্লবা কন্সলতেসনশিংনা ভারতকী খুঙ্গংনা দিজিতেল হেল্থ তেক্নোলোজী শিজিন্নবা হৌরে হায়বা তাক্লি। মীয়ামগী ময়ুম নক্ননা পুম্নমক্তা ফংহনবা য়াবা, শেল তিংদবা অমসুং মগুন লৈবা হেল্থকেয়র পীবা য়ুনিভর্সেল হেল্থ কভরেজ ফংনবা হোৎনরিবা আয়ুশমান ভারত স্কিমগী পান্দমবু মসিনা মপাঙ্গল হেন্না হাপ্লি।

ই.সঞ্জীবনিনা হৌজিক্তি আয়ুশমান ভারত হেল্থ একাউন্ত (এ.বি.ঐচ.এ.) হাংদোকপা য়াহল্লে অমসুং মসিনা আয়ুশমান ভারত দিজিতেল মিসন (এ.বি.দি.এম.)গী মতুং ইন্না বেনিফিশরীগী অয়াবগী মখা পোন্না মহাক্কী হকশেলগী দেতাবু পথাপ অসিদা শরুক য়ারিবা হেল্থকেয়র পীরিবা মীওইশিংগা লান্নবা অমসুং য়েংবা য়াহল্লি।

ই.সঞ্জীবনি অসিদি সেন্তর ফোর দিভেলপমেন্ত অমসুং এদভান্স কম্প্যুতিং (সি.-দি.এ.সি.)গী মোহালী ব্রাঞ্চতা হেল্থ ইনফোর্মেতিক্স গ্রুপ্না লমদম অসিদা শাজবা ওইদুনা ‘মেক ইন ইন্দিয়া’ খোঙথাংগী থবক্না তাকপা খুদম্নি অমসুং থোরোপুত অমসুং অপ্তাইম য়াম্না লৈনবগীদমক্তা এক্সপেরিএন্স লৈরবা ইঞ্জিনিয়র কয়ানা বেকএন্দ তেক্নিকেল অমসুং ওপরেস্নেল সপ্পোর্ত লেপ্তনা পীরি; নেস্নেল তেলিমেদিসিন সর্ভিস অসি ৯৯.৫% হেনবা অপ্তাইমগা লোয়ননা মথৌ পাংথোক্লি। ই.সঞ্জীবনিবু হায়রিবা কাঙবু অসিনা হান্নদগী হেন্না ফবসু হেনগৎহল্লি। সেবা অসিগী মথৌ-তৌবা অমসুং শিজিন্নবদা নুংঙাইবগী চাং হেনগৎহন্নবা এ.আই.না কাঙলোন শেম্বা থবক-থৌরম কয়াসু পুথোক্নবা খন্ন-নৈনরি। নোংমদা য়ামদ্রবদা কন্সলতেসন লাখ ১০দগী হেনবা সর্ভিস পীবা ঙমগদবা পথাপসু অথুবা মতমদা পীনবা হোৎনরি।

এম.ঐচ.এফ.দবল্যু.গী নেস্নেল তেলিমেদিসিন সর্ভিসকী মায় পাকপা অমসুং তেলিমেদিসিনবু লৈবাক অসিদা য়াম্না থুনা শিজিন্নবা হৌরকপগী ফিভম উরদুনা, ঙাকশেল মন্ত্রালয়না দিফেন্সকী মীওইশিংগী তেলিমেদিসিন পোর্তেল, এস.ই.ঐচ.এ.তি.ও.পি.দি.-সর্ভিসেস ই-হেল্থ তেলিকন্সলতেসন & এসিস্তেন্স অমসু পুথোকখ্রে। ভেতেরেন অমসুং মখোয়গী ইমুং-মনুংদা তেলি-কন্সলতেসনগী কান্নবশিং লায়না ফংহন্নবগীদমক্তা এস.ই.ঐচ.এ.তি.ও.পি.দি.বু এক্স-সর্ভিসমেন কন্ত্রিব্যুতরী হেল্থ স্কিম (ই.সি.ঐচ.এস.)কা য়াম্না থুনা পুন্সিল্লগনি। নেস্নেল এদস কন্ত্রোল ওর্গনাইজেসন (এন.এ.সি.ও.) অমসুং এল্লাইএন্স ইন্দিয়ানা ঐচ.আই.ভি./এদসকা লোয়ননা হিংলিবা মীওইশিংগীদমক্তা নেস্নেল তেলিমেদিসিন প্লেৎফোর্ম (ই.ঐচ.আই.ভি. কেয়র) অমগীদমক্তা থবক পায়খৎলি। মসিনা তেক্নোলোজীগী মতাংদা ই.সঞ্জীবনিগা চপ মান্ননা মথৌ তৌগনি, অদুবু ঐচ.আই.ভি./এদস অনাবশিংবু হেন্না খুদোংচানা অমসুং মগুন লৈনা লাইয়েংবা য়াহন্নবগীদমক্তা মখোয়গী অখন্নবা তঙাই ফদবশিং খন্নদুনা শেমদোক-শেমজিন খরসু পাংথোক্কনি।

ই.সঞ্জীবনি শিজিন্নবদা মাংজিল থারিবা মকোক থংবা রাজ্য তরাদি আন্ধ্র প্রদেশ (১৩১৪৭৪৬১), কর্নাতকা (৪৪২৪৪০৭), নোংচুপ বেঙ্গোল (২৯৮৭৩৮৬), তমিল নাদু (১৮৫৬৮৬১), উত্তর প্রদেশ (১৭৫৮০৫৩), বিহার (১০০২৩৯৯), মহারাস্ত্রা (৯৩০৭২৫), মধ্য প্রদেশ (৭৮১২৬২), গুজরাত (৭৫৩৭৭৫) অমসুং অসম (৪৭৭৮২১)নি।

****