સાગરમાલા કાર્યક્રમના ભાગ રૂપે, આશરે રૂ. 5.48 લાખ કરોડના અંદાજિત ખર્ચે 800થી વધુ પ્રોજેક્ટ અમલીકરણ માટે ઓળખવામાં આવ્યા છે. સાગરમાલા પ્રોજેક્ટ્સમાં હાલના બંદરો અને ટર્મિનલ્સનું આધુનિકીકરણ, નવા બંદરો, ટર્મિનલ્સ, RoRo અને પ્રવાસન જેટીઓ, પોર્ટ કનેક્ટિવિટી વધારવા, અંતર્દેશીય જળમાર્ગો, લાઇટહાઉસ ટૂરિઝમ, બંદરની આસપાસ ઔદ્યોગિકીકરણ, કૌશલ્ય વિકાસ, તકનીકી કેન્દ્રો વગેરે જેવી વિવિધ શ્રેણીઓના પ્રોજેક્ટ્સનો સમાવેશ થાય છે. પાંચ સ્તંભો મુજબ સાગરમાલા કાર્યક્રમમાં હાથ ધરાયેલા પ્રોજેક્ટનો સારાંશ પરિશિષ્ટ I માં આપવામાં આવ્યો છે.

જવાહરલાલ નહેરુ પોર્ટ ખાતે સ્પેશિયલ ઈકોનોમિક ઝોન, દીનદયાળ પોર્ટ ખાતે સ્માર્ટ ઈન્ડસ્ટ્રીયલ પોર્ટ સિટી અને પારાદીપ પોર્ટ અને વીઓ ચિદમ્બરનાર ખાતે કોસ્ટલ એમ્પ્લોયમેન્ટ યુનિટ સાગરમાલા કાર્યક્રમનો બંદર વિસ્તાર છે.

રૂ. 1,25,776 કરોડના અંદાજિત રોકાણ સાથે નવા બંદરોના વિકાસ સાથે સંબંધિત 14 પ્રોજેક્ટ સાગરમાલા કાર્યક્રમનો ભાગ છે. આ પ્રોજેક્ટ્સ આંધ્ર પ્રદેશ, મહારાષ્ટ્ર, ગુજરાત, કર્ણાટક, આંદામાન અને નિકોબાર ટાપુઓ અને તમિલનાડુ સહિતના દરિયાકાંઠાના રાજ્યો/કેન્દ્રશાસિત પ્રદેશોમાં ફેલાયેલા છે. પ્રોજેક્ટ્સનું અમલીકરણ રાજ્ય મેરીટાઇમ બોર્ડ અને મુખ્ય બંદરો વગેરે દ્વારા કરવાનું છે. ગુજરાતમાં, છારા ખાતે બલ્ક ટર્મિનલ/ગ્રીનફિલ્ડ પોર્ટ અને ભાવનગર બંદર પર સીએનજી ટર્મિનલ સહિત નવા બંદરોના વિકાસ સંબંધિત 2 પ્રોજેક્ટ સાગરમાલા પ્રોગ્રામનો ભાગ છે અને જેનો અમલ ગુજરાત મેરીટાઇમ બોર્ડ દ્વારા કરવામાં આવી રહ્યો છે.

પરિશિષ્ટ I

આ માહિતી કેન્દ્રીય બંદરો, શિપિંગ અને જળમાર્ગ મંત્રી શ્રી સર્બાનંદ સોનોવાલે લોકસભામાં એક લેખિત જવાબમાં આપી હતી.

SD/GP/NP

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com