وزیراعظم کا دفتر
وزیراعظم نے سرکردہ سکھ دانشوروں سے ملاقات کی
ہمارے اتحاد کا جذبہ ہمارے ملک کی عظیم اور خوبصورت تکثیریت کے اہم ستون
کی شکل میں کام کرتاہے :وزیراعظم
ہندوستانی زبانوں میں پروفیشنل کورسیز تیارکرنے کی کوشش کی جارہی ہے تاکہ مادری زبان میں اعلیٰ تعلیم کو حقیقت بنایاجاسکے :وزیراعظم
وفد نے غیررسمی بات چیت میں حصہ لینے کے لئے وزیراعظم کا شکریہ اداکیا
Posted On:
24 MAR 2022 9:20PM by PIB Delhi
وزیراعظم جناب نریندرمودی نے آج 7لوک کلیان مارگ پرملک کے سرکردہ سکھ دانشوروں کے ایک وفد کے ساتھ ملاقات کی ۔
وزیراعظم نے وفد کے ساتھ کسانوں کی بہبود ، نوجوانوں کو بااختیاربنانا ، نشہ سے آزاد معاشرہ ، قومی تعلیمی پالیسی ، ہنرمندی ،روزگار، ٹیکنالوجی اورپنجاب کی مکمل ترقی پر کھل کربات چیت کی ۔
وزیراعظم نے وفد کے ساتھ ملاقات پر مسرت کا اظہارکرتے ہوئے کہاکہ دانشور معاشرے میں رائے بناتے ہیں ۔ انھوں نے وفد کے ممبران سے گذارش کی کہ وہ عوام کو جوڑنے ، انھیں تعلیم یافتہ بنانے اور عوام کو بہترمعلومات حاصل ہو، اس سمت میں کام کریں ۔ انھوں نے اتحاد کے جذبہ پر زوردیا ۔جو ہمارے ملک کی عظیم اورخوبصورت تکثیریت میں اہم ستون کے طورپر کام کرتاہے ۔
وزیراعظم نے مادری زبان میں تعلیم دیئے جانے پرزوردیا۔ انھوں نے کہاکہ مادری زبان میں اعلیٰ تعلیم کو حقیقت بنانے کے لئے ہندوستانی زبانوں میں پروفیشنل کورسیز تیارکرنے کی کوششیں کی جارہی ہیں ۔
وفد نے دعوت نامے کے لئے وزیراعظم کا شکریہ اداکیااورکہاکہ انھیں اس بات کا علم نہیں تھا کہ ملک کے وزیراعظم ایسے غیررسمی ماحول میں ان کے ساتھ بات چیت کریں گے ۔ انھوں نے سکھ فرقہ کی بہبود کے لئے وزیراعظم کے ذریعہ کئے گئے مختلف اقدامات کی ستائش کی۔
*****
ش ح ۔ ج ق ۔ ع آ
U-3173
(Release ID: 1809472)
Visitor Counter : 162
Read this release in:
English
,
Marathi
,
Hindi
,
Assamese
,
Bengali
,
Manipuri
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam