প্রধানমন্ত্রীগী লোইশঙ
পি.এম.না মচিন চৎপা সিখ ইন্তেলেকচুএলশিং উনখ্রে
ঐখোয়গী লৈবাক্কী পাক চাউরবা অমদি ফজরবা খেন্নবশিংগী মরকসিদা ঐখোয়গী অমত্তা ওইবগী ইহুলনা মরুওইবা য়ুম্বী ওইনা লেপ্লি: পি.এম.
মমালোলদা অৱাংবা থাক্কী মহৈ মশিং তমবা ফংহন্নবগীদমক ভারতকী লোলশিংদা প্রোফেস্নেল কোর্সশিং শেমগৎনবা থবক পায়খৎলি: পি.এম.
দেলিগেতশিংদুনা পি.এম.বু ইনফোর্মেল ওইবা ফীভম অমদা অপনবা লৈতনা ৱারী ৱাতায় শানমিন্নবগীদমক থাগৎপা ফোঙদোকখি
Posted On:
24 MAR 2022 9:20PM by PIB Imphal
প্রধান মন্ত্রী শ্রী নরেন্দ্র মোদীনা লৈবাক শিনবা থুংবদগী মচিন চৎপা সিখ ইন্তলেকচুএলশিংগা ঙসি ঙল্লিঙৈদা ৭ লোক কল্য়ান মার্গতা উনখ্রে।
মীফম অদুদা প্রধান মন্ত্রীনা দেলিগেসন অদুগা লৌমীশিংগী য়াইফ-থৌরাং, নহাশিংগী মপাঙ্গল কনখৎহনবা, দ্রগ লৈতবা খুন্নাই, নেস্নেল এজুকেসন পোলিসী, স্কিল্লিং, এমপ্লোইমেন্ত, তেক্নোলোজী অমসুং পঞ্জাবকী মপুং ওইবা চাউখৎ লম্বী পরিংনচিংবা তোঙান তোঙানবা হীরমশিংদা অপনবা লৈতবা মওংদা ৱারী ৱাতায় শানখি।
প্রধান মন্ত্রীনা, দেলিগেসন অদুগা উনবগী নুংঙাইবা ফোঙদোক্লদুনা, ইন্তলেকচুএলশিং অসিনা খুন্নাইগী ৱাখল্লোন শেম্লিবনি হায়না হায়খি। দেলিগেসন অদুদা য়াওরিবা মীওইশিংদা মীয়ামগা লোয়নদুনা তাকপি তম্বিনবা অমদি মীয়ামদা ঈ-পাউ মপুং ফানা য়ৌহন্নবগী লমদা থবক পায়খৎপিনবা ৱাফম থম্লদুনা, ঐখোয়গী লৈবাক্কী পাক চাউরবা অমদি ফজরবা খেন্নবশিংগী মরকসিদা ঐখোয়গী অমত্তা ওইবগী ইহুলনা মরুওইবা য়ুম্বী ওইনা লেপ্লি হায়বা ৱাফম মহাক্না থমখি।
প্রধান মন্ত্রীনা মমালোলদা মহৈ মশিং তমবগী মরুওইবগী মরমদা ৱা ঙাঙখি। মমালোলদা অৱাংবা থাক্কী মহৈ মশিং তমবা ফংহন্নবগীদমক ভারতকী লোলশিংদা প্রোফেস্নেল কোর্সশিং শেমগৎনবা থবক পায়খৎলি হায়বা ৱাফম মহাক্না থমখি।
দেলিগেসন অদুনা প্রধান মন্ত্রীবু পাউকৎ অসিগীদমক্তা থাগৎপা ফোঙদোকখি অমদি লৈবাক অসিগী প্রধান মন্ত্রীগা মখোয়গা অসিগুম্বা ইনফোর্মেল ওইবা ফীভম অমদা ৱারী ৱাতায় শানগনি হায়না কৈদৌঙৈদসু খল্লুদে হায়বা ৱাফম ফোঙদোকখি। মখোয়না প্রধান মন্ত্রীবু সিখ কাঙলুপকী য়াইফনবগীদমক্তা লেপ্পা নাইদনা খোঙথাঙ কয়া লৌখৎপগীদমক্তা তৌবিমল খঙবসু উৎখি।
***
(Release ID: 1809422)
Visitor Counter : 173
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam