"ವಿಶ್ವದಾದ್ಯಂತ ದಂತವೈದ್ಯರಿಂದ ಶಿಫಾರಸು ಮಾಡಲ್ಪಟ್ಟಿದೆ" ಮತ್ತು "ವಿಶ್ವದ ನಂ.1 ಸಂವೇದನಾಶೀಲ ಟೂತ್‌ಪೇಸ್ಟ್" ಎಂದು ಹೇಳಿಕೊಳ್ಳುವ ಸೆನ್ಸೋಡೈನ್ ಉತ್ಪನ್ನಗಳ  ದಾರಿತಪ್ಪಿಸುವ ಜಾಹೀರಾತುಗಳನ್ನು ನಿಷೇಧಿಸಿ ನಿಧಿ ಖರೆ ನೇತೃತ್ವದ ಕೇಂದ್ರೀಯ ಗ್ರಾಹಕ ಸಂರಕ್ಷಣಾ ಪ್ರಾಧಿಕಾರ (ಸಿಸಿಪಿಎ) ಇತ್ತೀಚೆಗೆ ಆದೇಶವನ್ನು ಹೊರಡಿಸಿದೆ.
ಈ ಹಿಂದೆ, 09.02.2022 ರಂದು, ಸಿಸಿಪಿಎ ವಿದೇಶಿ ದಂತವೈದ್ಯರ ಅನುಮೋದನೆಯ ಸೆನ್ಸೋಡೈನ್ ಉತ್ಪನ್ನಗಳ ಜಾಹೀರಾತನ್ನು ಸ್ಥಗಿತಗೊಳಿಸುವಂತೆ ಆದೇಶಿಸಿದ್ದನ್ನು ಇಲ್ಲಿ ಉಲ್ಲೇಖಿಸಬಹುದು.
ಭಾರತದ ಹೊರಗೆ ಅಭ್ಯಾಸ ಮಾಡುತ್ತಿರುವ (ಯುನೈಟೆಡ್ ಕಿಂಗ್‌ಡಂನಲ್ಲಿ ಅಭ್ಯಾಸ ಮಾಡುತ್ತಿರುವ) ದಂತವೈದ್ಯರು ಸೆನ್ಸೋಡೈನ್ ಉತ್ಪನ್ನಗಳ ಬಳಕೆಯನ್ನು ಅನುಮೋದಿಸುವ ಟೆಲಿವಿಷನ್, ಯೂಟ್ಯೂಬ್, ಫೇಸ್‌ಬುಕ್ ಮತ್ತು ಟ್ವಿಟರ್ ಸೇರಿದಂತೆ ವಿವಿಧ ವೇದಿಕೆಗಳಲ್ಲಿ ಹಲ್ಲಿನ ಸಂವೇದನೆಯ ರಕ್ಷಣೆಗಾಗಿ ಸೆನ್ಸೋಡೈನ್ ರ‍್ಯಾಪಿಡ್ ರಿಲೀಫ್ ಮತ್ತು ಸೆನ್ಸೋಡೈನ್ ಫ್ರೆಶ್ ಜೆಲ್ ನಂತಹ ಸೆನ್ಸೋಡೈನ್ ಉತ್ಪನ್ನಗಳ ಜಾಹೀರಾತುಗಳು ಮತ್ತು  "ವಿಶ್ವದಾದ್ಯಂತ ದಂತವೈದ್ಯರಿಂದ ಶಿಫಾರಸು ಮಾಡಲ್ಪಟ್ಟಿದೆ", "ವಿಶ್ವದ ನಂ. 1 ಸಂವೇದನೆಯ ಟೂತ್‌ಪೇಸ್ಟ್" ಮತ್ತು "ವೈದ್ಯಕೀಯವಾಗಿ ಸಾಬೀತಾಗಿದೆ, 60 ಸೆಕೆಂಡುಗಳಲ್ಲಿ ಕೆಲಸ ಮಾಡುತ್ತದೆ" ಎಂದು ಹೇಳಿಕೊಳ್ಳುವ ಜಾಹೀರಾತುಗಳ ವಿರುದ್ಧ ಸಿಸಿಪಿಎ ಸ್ವಯಂಪ್ರೇರಿತವಾಗಿ  ಕ್ರಮಕೈಗೊಂಡಿದ್ದನ್ನು ಇಲ್ಲಿ ಉಲ್ಲೇಖಿಸಬಹುದು. 
ಈ ಕ್ರಮಕ್ಕೆ ಕಂಪನಿಯು ಸಲ್ಲಿಸಿದ ಉತ್ತರವನ್ನು ಪರಿಶೀಲಿಸಿದ ಸಿಸಿಪಿಎ, ಕಂಪನಿಯು ಸಲ್ಲಿಸಿದ ಎರಡು ಮಾರುಕಟ್ಟೆ ಸಮೀಕ್ಷೆಗಳಲ್ಲಿ "ವಿಶ್ವದಾದ್ಯಂತ ದಂತವೈದ್ಯರಿಂದ ಶಿಫಾರಸು ಮಾಡಲಾಗಿದೆ" ಮತ್ತು "ವಿಶ್ವದ ನಂ.1 ಸೂಕ್ಷ್ಮತೆಯ ಟೂತ್‌ಪೇಸ್ಟ್" ಜಾಹೀರಾತುಗಳನ್ನು ಬೆಂಬಲಿಸಲು ಕಂಪನಿಯು ಮಾರುಕಟ್ಟೆ ಸಮೀಕ್ಷೆಗಳನ್ನು ಭಾರತದ ದಂತವೈದ್ಯರೊಂದಿಗೆ ಮಾತ್ರ ನಡೆಸಲಾಗಿದೆ ಎಂಬುದನ್ನು ಗಮನಿಸಿತು. ಜಾಹೀರಾತುಗಳಲ್ಲಿ ಮಾಡಿದ ಕ್ಲೈಮುಗಳನ್ನು ಸಮರ್ಥಿಸಲು ಅಥವಾ ಸೆನ್ಸೋಡೈನ್ ಉತ್ಪನ್ನಗಳ ವಿಶ್ವಾದ್ಯಂತದ ಪ್ರಾಮುಖ್ಯವನ್ನು ಸೂಚಿಸಲು ಕಂಪನಿಯು ಯಾವುದೇ ಸಮರ್ಪಕ ಅಧ್ಯಯನ ಅಥವಾ ವಸ್ತುಗಳನ್ನು ಸಲ್ಲಿಸಿಲ್ಲ. ಹೀಗಾಗಿ, ಕ್ಲೈಮುಗಳಿಗೆ ಯಾವುದೇ ಕಾರಣ ಅಥವಾ ಸಮರ್ಥನೆಗಳಿಲ್ಲ ಎಂದು ಗಮನಿಸಲಾಗಿದೆ.
"ವೈದ್ಯಕೀಯವಾಗಿ ಸಾಬೀತಾದ ಪರಿಹಾರ, 60 ಸೆಕೆಂಡುಗಳಲ್ಲಿ ಕೆಲಸ ಮಾಡುತ್ತದೆ" ಎಂಬ ಕ್ಲೈಮ್‌ಗೆ ಸಂಬಂಧಿಸಿದಂತೆ, ಕಂಪನಿಯ ಕ್ಲೈಮ್‌ಗಳ ನಿಖರತೆಯ ಬಗ್ಗೆ ತನ್ನ ಅಭಿಪ್ರಾಯಗಳನ್ನು ನೀಡಲು ಸಿಸಿಪಿಎ ಡ್ರಗ್ಸ್ ಕಂಟ್ರೋಲರ್ ಜನರಲ್ ಆಫ್ ಇಂಡಿಯಾ, ಸೆಂಟ್ರಲ್ ಡ್ರಗ್ಸ್ ಸ್ಟ್ಯಾಂಡರ್ಡ್ ಕಂಟ್ರೋಲ್ ಆರ್ಗನೈಸೇಶನ್ (ಸಿ ಡಿ ಎಸ್ ಸಿ ಒ ) ಗೆ ಪತ್ರ ಬರೆದಿದೆ. ಸಿ ಡಿ ಎಸ್ ಸಿ ಒ ಸಹಾಯಕ ಔಷಧ ನಿಯಂತ್ರಕರು, ಪರವಾನಗಿ ಪ್ರಾಧಿಕಾರ, ಸಿಲ್ವಾಸ್ಸಾಗೆ ಕಂಪನಿಯು ಮಾಡಿದ ಕ್ಲೈಮ್‌ಗಳನ್ನು ತನಿಖೆ ಮಾಡಲು ನಿರ್ದೇಶಿಸಿದೆ. ಏಕೆಂದರೆ ಈ ಉತ್ಪನ್ನಗಳನ್ನು ರಾಜ್ಯ ಪರವಾನಗಿ ಪ್ರಾಧಿಕಾರ, ಸಿಲ್ವಾಸ್ಸಾದಿಂದ ನೀಡಲಾದ ಕಾಸ್ಮೆಟಿಕ್ ಪರವಾನಗಿ ಅಡಿಯಲ್ಲಿ ತಯಾರಿಸಲಾಗುತ್ತದೆ. ಸಹಾಯಕ ಔಷಧ ನಿಯಂತ್ರಕರು ಸಿಸಿಪಿಎಗೆ ಪತ್ರ ಬರೆದಿದ್ದು, ಕಂಪನಿಯು ಮಾಡಿದ ಕ್ಲೈಮ್‌ಗಳು ತನಿಖೆಯಲ್ಲಿವೆ ಮತ್ತು ವಿಚಾರಣೆ ಪ್ರಕ್ರಿಯೆಯ ನಂತರ ಮುಂದಿನ ಕ್ರಮವನ್ನು ಕೈಗೊಳ್ಳಲಾಗುವುದು ಎಂದು ತಿಳಿಸಿದ್ದಾರೆ. ಸಿ ಡಿ ಎಸ್ ಸಿ ಒ ಮತ್ತು ಸಹಾಯಕ ಔಷಧ ನಿಯಂತ್ರಕರು, ಪರವಾನಗಿ ಪ್ರಾಧಿಕಾರ, ಸಿಲ್ವಾಸ್ಸಾ ಅವರಿಂದ "ವೈದ್ಯಕೀಯವಾಗಿ ಸಾಬೀತಾಗಿರುವ ಪರಿಹಾರ, 60 ಸೆಕೆಂಡುಗಳಲ್ಲಿ ಕೆಲಸ ಮಾಡುತ್ತದೆ" ಎಂಬ ಕ್ಲೈಮ್ ಗೆ ಸಂಬಂಧಿಸಿದಂತೆ ಸ್ವೀಕರಿಸಿದ ಸಂವಹನದ ಹಿನ್ನೆಲೆಯಲ್ಲಿ, ಈ ವಿಷಯವು ಈಗ ಸಹಾಯಕ ಔಷಧ ನಿಯಂತ್ರಕ, ರಾಜ್ಯ ಪರವಾನಗಿ ಪ್ರಾಧಿಕಾರ, ಸಿಲ್ವಾಸ್ಸಾ ಅವರ ಮುಂದಿದೆ.
ಆದ್ದರಿಂದ, "ವಿಶ್ವದಾದ್ಯಂತ ದಂತವೈದ್ಯರಿಂದ ಶಿಫಾರಸು ಮಾಡಲ್ಪಟ್ಟಿದೆ" ಮತ್ತು "ವಿಶ್ವದ ನಂ.1 ಸೂಕ್ಷ್ಮತೆಯ ಟೂತ್‌ಪೇಸ್ಟ್" ಎಂಬ ಕ್ಲೈಮ್‌ಗಳನ್ನು ಮಾಡುವ ಸೆನ್ಸೋಡೈನ್ ಉತ್ಪನ್ನಗಳ ಜಾಹೀರಾತುಗಳನ್ನು ಏಳು ದಿನಗಳಲ್ಲಿ ನಿಲ್ಲಿಸುವಂತೆ ಸಿಸಿಪಿಎ ಆದೇಶಿಸಿದೆ ಮತ್ತು 10,00,000 ದಂಡವನ್ನು ಪಾವತಿಸುವಂತೆ ನಿರ್ದೇಶಿಸಿದೆ. ಅಲ್ಲದೆ, ಸಿಸಿಪಿಎ ಅಂಗೀಕರಿಸಿದ ಹಿಂದಿನ ಆದೇಶದ ಪ್ರಕಾರ ವಿದೇಶಿ ದಂತವೈದ್ಯರ ಅನುಮೋದನೆಗಳನ್ನು ತೋರಿಸುವ ಜಾಹೀರಾತುಗಳನ್ನು ಸ್ಥಗಿತಗೊಳಿಸುವಂತೆ ಆದೇಶಿಸಲಾಗಿದೆ.
ಕೋವಿಡ್-19 ಸಾಂಕ್ರಾಮಿಕದಿಂದಾಗಿ ಗ್ರಾಹಕರ ಸೂಕ್ಷ್ಮತೆಯ ಹಿನ್ನೆಲೆಯಲ್ಲಿ, ಸಿಸಿಪಿಎ ದಾರಿತಪ್ಪಿಸುವ ಜಾಹೀರಾತುಗಳ ವಿರುದ್ಧ ಕಠಿಣ ಕ್ರಮವನ್ನು ತೆಗೆದುಕೊಂಡಿತು, ಆ ಮೂಲಕ 13 ಕಂಪನಿಗಳು ತಮ್ಮ ಜಾಹೀರಾತುಗಳನ್ನು ಹಿಂತೆಗೆದುಕೊಂಡಿವೆ ಮತ್ತು 3 ಕಂಪನಿಗಳು ಜಾಹೀರಾತುಗಳನ್ನು ಸರಿಪಡಿಸಿವೆ.
ಇದಲ್ಲದೆ, ದಾರಿತಪ್ಪಿಸುವ ಜಾಹೀರಾತುಗಳು ಮತ್ತು ಅನ್ಯಾಯದ ವ್ಯಾಪಾರ ಅಭ್ಯಾಸಗಳ ವಿರುದ್ಧ ಗ್ರಾಹಕರ ಹಿತಾಸಕ್ತಿಗಳನ್ನು ಕಾಪಾಡಲು, ಸಿಸಿಪಿಎ ಎರಡು ಸಲಹೆಗಳನ್ನು ಸಹ ನೀಡಿದೆ. 20.01.2021 ರಂದು ನೀಡಿದ ಮೊದಲ ಸಲಹೆಯಲ್ಲಿ ಕೋವಿಡ್-19 ಸಾಂಕ್ರಾಮಿಕ ಪರಿಸ್ಥಿತಿಯ ಲಾಭವನ್ನು ಪಡೆದುಕೊಳ್ಳುವ ಮತ್ತು ಯಾವುದೇ ಸಮರ್ಥ ಮತ್ತು ವಿಶ್ವಾಸಾರ್ಹ ವೈಜ್ಞಾನಿಕ ಪುರಾವೆಗಳಿಂದ ಬೆಂಬಲಿತವಾಗಿಲ್ಲದ ತಪ್ಪುದಾರಿಗೆಳೆಯುವ ಕ್ಲೈಮುಗಳನ್ನು ಮಾಡುವುದನ್ನು ನಿಲ್ಲಿಸಲು ಉದ್ಯಮದ ಪಾಲುದಾರರಿಗೆ ಕರೆ ನೀಡಲಾಯಿತು. ಎರಡನೇ ಸಲಹೆಯನ್ನು 01.10.2021 ರಂದು ನೀಡಲಾಗಿದ್ದು, ಗ್ರಾಹಕ ರಕ್ಷಣೆ (ಇ-ಕಾಮರ್ಸ್) ನಿಯಮಗಳು, 2020 ರ ನಿಬಂಧನೆಗಳ ಅನುಸರಣೆಗೆ ಇದು ಒತ್ತು ನೀಡುತ್ತದೆ. ಇದು ಪ್ರತಿ ಮಾರುಕಟ್ಟೆಯ ಇ-ಕಾಮರ್ಸ್ ಘಟಕವು ನಿಯಮ 6(5) ಅಡಿಯಲ್ಲಿ ಮಾರಾಟಗಾರರ ಕುಂದುಕೊರತೆ ಅಧಿಕಾರಿಯ ಹೆಸರು, ಹುದ್ದೆ ಮತ್ತು ಸಂಪರ್ಕ ಮಾಹಿತಿ ಸೇರಿದಂತೆ ಮಾರಾಟಗಾರರಿಂದ ಒದಗಿಸಲಾದ ಎಲ್ಲಾ ಮಾಹಿತಿಯನ್ನು ಪ್ರಮುಖವಾಗಿ ಪ್ರದರ್ಶಿಸಬೇಕು. 
ಸಿಸಿಪಿಎಯು ಕಾಯಿದೆಯ ಸೆಕ್ಷನ್ 18(2)(ಜೆ) ಅಡಿಯಲ್ಲಿ ಎರಡು ಸುರಕ್ಷತಾ ಸೂಚನೆಗಳನ್ನು ಹೊರಡಿಸಿದ್ದು, ಮಾನ್ಯವಾದ ISI ಮಾರ್ಕ್ ಇಲ್ಲದಿರುವ ಮತ್ತು ಕೇಂದ್ರ ಸರ್ಕಾರವು ಕಡ್ಡಾಯವಾಗಿ ಬಳಸಲು ನಿರ್ದೇಶಿಸಿದ BIS ಮಾನದಂಡಗಳನ್ನು ಉಲ್ಲಂಘಿಸುವ ಸರಕುಗಳನ್ನು ಖರೀದಿಸದಂತೆ ಗ್ರಾಹಕರನ್ನು ಎಚ್ಚರಿಸಿದೆ. ಹೆಲ್ಮೆಟ್‌ಗಳು, ಪ್ರೆಶರ್ ಕುಕ್ಕರ್‌ಗಳು ಮತ್ತು ಅಡುಗೆ ಅನಿಲ ಸಿಲಿಂಡರ್‌ಗಳನ್ನು ಉಲ್ಲೇಖಿಸಿ ಮೊದಲ ಸುರಕ್ಷತಾ ಸೂಚನೆಯನ್ನು 06.12.2021 ರಂದು ನೀಡಲಾಗಿದ್ದರೆ, ಎರಡನೇ ಸುರಕ್ಷತಾ ಸೂಚನೆಯನ್ನು 16.12.2021 ರಂದು ಎಲೆಕ್ಟ್ರಿಕ್ ಇಮ್ಮರ್ಶನ್ ವಾಟರ್ ಹೀಟರ್‌ಗಳು, ಹೊಲಿಗೆ ಯಂತ್ರಗಳು, ಮೈಕ್ರೋವೇವ್ ಓವೆನ್‌ಗಳು, ಮನೆಬಳಕೆಯ ಎಲ್ ಪಿ ಜಿ ಗ್ಯಾಸ್ ಸ್ಟೌವ್ ಗಳು ಸೇರಿದಂತೆ ಗೃಹೋಪಯೋಗಿ ವಸ್ತುಗಳನ್ನು ಉಲ್ಲೇಖಿಸಿ ಹೊರಡಿಸಲಾಗಿದೆ.

***