য়ুমলৈ-কৈরৈ মন্ত্রালয়
প্রধান মন্ত্রী, শ্রী নরেন্দ্র মোদীনা লুচিংবা সরকার অসিগী থৌরাং অমগী মখাদা অহানবা ওইনা পদ্ম এৱার্দীশিংনা নই দিল্লীদা লৈবা নেস্নেল ৱার মেমোরিএলদা চৎখ্রে
Posted On:
22 MAR 2022 1:17PM by PIB Imphal
ভারতকী রাস্ত্রপতি শ্রী রাম নাথ কোবিদনা ঙরাং রাস্ত্রপতি ভবনদা পাঙথোকখিবা সিবিল ইনভেস্তিচর সেরমনী-Iদা ২০২২গী ওইনা পদ্ম বিভুশন অনি, পদ্ম ভুশন নিপান অমসুং পদ্ম শ্রী এৱার ৫৪ পীখ্রে। সিবিল ইনভেস্তিচর সেরমনী-II মার্চ ২৮দা পাঙথোক্কনি।
প্রধান মন্ত্রী, শ্রী নরেন্দ্র মোদীনা লুচিংবা সরকার অসিগী থৌরাং অমগী মখাদা ঙরাং অহানবা ওইনা ইকাই খুম্নবা উৎখিবা পদ্ম এৱার্দীশিংনা নই দিল্লীদা লৈবা নেস্নেল ৱার মেমোরিএলদা ঙসি চৎখ্রে। এৱার্দীশিং অদুনা মেমোরিএল অদুগী অকোইবদা চৎতুনা য়েংখি অমসুং চহি কয়া অসিদা চাউনা কত্থোক্তুনা অমসুং লৈবাক অসিগী ঙমখৈশিং ঙাকশেন্নবা মখোয়গী থৱায় থাখিবা দিফেন্স ফোর্সশিংগী পর্সনেলগী মমিং উবদা নুংঙাইতবা পোকখি। এৱার্দশিংনা সরকারনা অসিগুম্বা খোঙচৎ অমা শিনবীখিবা অমসুং মেমোরিএল অসি য়েংনবা মীয়াম অমদি অঙাংশিংনা লৈবাক অসিগী কোনুংদা লাক্নবা হোৎনরিবশিং অসিগীদমক থাগৎপা ফোঙদোকখি। মেমোরিএল অসিগী খোঙচৎ অসিনা লৈবাক নীংবগী ইথিলশিং, থৌদাং পাঙথোকপদা থৱায় য়াওনা হোৎনবা, থৌনা লৈবা অমসুং কত্থোকপা অমসুং লৈবাক নুংশিংবা হায়বা অসি ফাওহনবদা মতেং ওইগনি হায়না এৱার্দীশিংনা ফাওই।
নেস্নেল ৱার মেমোরিএল (এন.দবল্যু.এম.) অসি প্রধান মন্ত্রী শ্রী নরেন্দ্র মোদীনা ফেব্রুৱারী ২৫, ২০১৯দা জাতিদা খুৎশিন্নখি। মসিনা নীংতম্বা ফংখিবদগী মথৌনা লৈরিবা লান্মীশিংনা কত্থোকখিবশিং অদুগী খুদম ওইনা লৈরি। মোন্যুমেন্ত অসিদা লাইন ওফ দ্যুতীদা লান্মী অমনা চাউনা কত্থোকখিবা অদু তাক্লিবা মুনাইদ্রবা মৈরা অমা লৈরি মসিনা মহাকপু অমর ওইহল্লি। মসি শঙ্গাখিবদগী হৌদুনা, নেস্নেল দেশিং য়াওনা ইকাই খুম্নবা উৎনবগী থৌরমশিং এন.দবল্যু.এম.দা পাঙথোক্তুনা লাক্লি। নুমিদাং খুংগী নেক্স-তু-কিন (এন.ও.কে.) থৌরম পাঙথোক্লি, মসিগী মনুংদা থৱায় থাখ্রবা অথৌবা অমগী এন.ও.কে.না মেমোরিএল অসিদা লান্মীশিংনা চাউনা কত্থোকখিবা অদুবু নীংশিংলদুনা লৈ-পরেং কৎলি। লমদম অসিদগী অমসুং মপালদগী দিগ্নিতরীশিংনা মখোয়গী তারিবা মতম অদুগী শরুক অমা ওইনা এন.দবল্যু.এম.দা চৎলি অমসুং লৈবাক অসিগী অথৌবশিংদা ইকাই খুম্নবা উৎলি।
ঙরাং পীখিবা পদ্ম এৱার্দীশিং অসিনা এৱার্দীশিংগী হোংলক্লিবা প্রোফাইলশিং অদু তাক্লি, মসি সরকারনা অপুনবা থৌওংদা অওনবা অমা পুরক্নবা ৱাখল লৈবা ৱারেপ অমগী ফলনি। মসিনা খুন্নাইদা মশাগী ওইজবা থাদোক্তুনা শেবা তৌরিবা মীওইশিং মশক খঙনবা মীৎয়েং চংলি। তেক্নোলোজী শীজিন্নবা অমসুং ওনলাইন নোমিনেসন য়াহনবা অসিনা থৌওং অসি লাইথোকহল্লি অমসুং মীয়ামদা এক্সেসিবল ওইহল্লি অমসুং পদ্ম এৱার্দশিংগীদমক নোমিনেসন লাখ ৪.৮০ হেন্না রেকোর্দ ওইবা মশিংদা লাকখি। সেল্ফ-নোমিনেসন, ওনলাইন নোমিনেসন, মশক খঙবীদ্রবা অথৌবশিং মশিং য়াম্না খনবা অমসুং ত্রান্সপরেন্ত ওইবা সেলেক্সন প্রোসেস অসিনা পদ্ম এৱার্দশিং অসিনা “পিপল’স পদ্ম” ওইহল্লি।
এৱার্দীশিংনা মাইপাকপা অসি নুংঙাইবা ফোঙদোক্নবা গৃহ অমসুং কোওপরেসনগী কেন্দ্র মন্ত্রী শ্রী অমিত শাহনা ইনভেস্তিচর সেরেমনীগী মতুংদা নই দিল্লীদা ঙরাং পাঙথোকপা প্রোগ্রামদা এৱার্দীশিং অমসুং মখোয়গী ইমুং-মনুশিংগা লোয়ননা ৱারী ৱাতায় শাখি। ৱারী-ৱাতায় অসিগী মতুংদা পদ্ম এৱার্দীশিংবু ইকাই খুম্নবা ওইনা কেন্দ্রগী গৃহ মন্ত্রীনা নুমিদাংগী চাকলেন অমা শিনখি।
*********
(Release ID: 1808118)
Visitor Counter : 133