“কোবিদ-১৯ লাইচৎকী অমসুং মরু ওইনা হন্দক্কী ওমিক্রোন হেনগৎলকপা অসি লাকশিনখিবা অসিনা আত্মনির্ভরগী খুত্থাংদা মপাঙ্গল কনবা রাজনিতীগী থৌনা, মীপাল তাংদবগী শক্তি, “সরকার পুম্বা” অমসুং “খুন্নাই পুম্বা” হায়বা থৌশিলগী খুত্থাংদা তেক্নোলোজী, অমত্তা ওইবা পান্দমশিং অমসুং চুংশিন্নবগী খোঙথাংশিংনা শাহৌ পীবা ইন্নোবেসনগী শক্তি অসি মালেমদা চাউনা উৎপা ঙমখি।” মসি নিতি আয়োগ অমসুং লাইচৎ মনুংদা গ্রাসরুৎতা থবক তৌখিবা এন.জি.ও. অমদি সিবিল ওর্গনাইজেসন ২০০ হেনবগা লোয়ননা পাঙথোকপা ৱেবিনার অমদা হকশেল অমসুং য়াইফ-য়ুম্বাল মন্ত্রালয়গী কেন্দ্র মন্ত্রী দা. মনসুখ মন্দাবিয়ানা ফোঙদোকখিবনি। ৱেবিনার অসি “কোবিদ-১৯ লাকশিন্নবা ভারতকী পব্লিক হেল্থ রেস্পোন্স” হায়না থোনখি।

অহৌবদা কেন্দ্রগী মন্ত্রীনা “ভারতকী পব্লিক হেল্থ রেস্পোন্সকী লালোংশিং অসিনা মরম ওইরগা অতোপ্পা লৈবাক কয়াগা য়েংনবদা ওমিক্তোনগী মশিং হেনগৎলকপা অসি নীংথিনা লাকশিনবা ঙমহনখি” হায়না ফোঙদোকখি। প্রজেন্তেসন অমদা মতম চানা পাইখৎখিবা পব্লিক হেল্থকী ওইবা থৌরাং কয়ামরুম উৎলিবা লৈবাক অসিনা লৌখৎখিবা খোঙথাং অদু উৎখি। লৈবাক কয়া অমনা নুমিৎ খুদিংগী কোবিদকী কেসশিং মশিং য়াম্না রিপোর্ত তৌরকখিবা মতম অদুদা ভারতকী নুমিৎ খুদিংগী ওইনা রিপোর্ত তৌরকপা কেস অসি চাউনা হন্থখি, মসি রিকবরী রেৎ অমসুং ভেক্সিনেসনগী চাং ৱাংবগা পুনখি। তেস্ত, ত্রেক অমসুং ত্রিৎ এপ্রোচ য়াওনা জিনোম সিক্বেন্সিং, কন্তেনমেন্ত জোনশিংগী খুত্থাংদা কন্তেনমেন্ত তৌবা, কম্ম্যুনিতী সর্ভিলেন্স, হোম আইসোলেসনগী প্রোতোকলশিং অমসুং নীংথিনা ক্লিনিকেল ত্রেৎমেন্ত চত্থবা অসিদা মীৎয়েং চংখিবগা লোয়ননা মসিনা ভারতকী কোবিদ-১৯ লাকশিনবদা চাউনা শরুক তমখি।

প্রজাশিংনা উৎখিবা অপুনবা থৌনা অদুবু থাগৎলদুনা মহাক্না হায়খি মদুদি “ভারতকী ভেক্সিনেসন দ্রাইব অসি ভারতকী তৌবা ঙম্বশিং অমসুং মীয়ামগী শক্তিগী খুদম ওইরি, মসি য়াওরমদবা তারবদি খোঙচৎ অসি অমসুং মসিগী ভেক্সিন কবরেজকী অৱাংবা থাক অসি ওইথোকপা ঙম্লমলোই।” জিওগ্রাফিকেল অমসুং সোসিওলোজিকেল দাইভর্সিতীশিংগা লোয়ননা পুল্লিবা মীশিং য়াম্বা লম ওইজরবসু ভারতনা কোবিদ ভেক্সিনেসনদা গ্লোবেল স্তেন্দর্দশিং থম্বা ঙমখি হায়না মহাক্না মখা তাখি। “মাইপাকপগী খ্বাইদগী মরু ওইবা মরমশিংগী মনুংদা রিজন অমসুং তেরেন কয়াদা কোবিদ ভেক্সিন বিলিয়ন ১.৮ হেন্না য়ৌহনবা ঙম্বগী ঐখোয়গী কেপাসিতী অসি অমনি।”

লাইচৎ মনুংদা ভারতনা মায়োক্নখিবা শীংনবশিংগী মতাংদা ঙাংলদুনা, লৈবাক অসিনা ‘ঐখোয়না ঙমগনি’ হায়বা অসি উৎখি হায়না মহাক্না ফোঙদোকখি। কন্তেনমেন্ত, মেনেজমেন্ত, ত্রীৎমেন্ত অমসুং ভেক্সিনেসনগীগী ওইবা ভারত সরকারনা ইলাই খুম্নরবা প্রধান মন্ত্রীগী লীচিং অমসুং মীৎয়েং মখাদা মতম চানা অমসুং খুদক্তা ৱারেপশিং লৌখি, হায়না মহাক্না ফোঙদোকখি। “ঐখোয়না মালেমদা লৌশিং লৈবা অমসং শক্তি লৈবা রাজনিতীগী থৌনানা করি ফংবা ঙম্বগে হায়বা অদু উৎখি”, হায়না মহাক্না মখা তাখি।

মহাক্না তেক্নোলোজীনা লৌখিবা মরু ওইবা থৌদাং অমসুং ইসঞ্জীবনিগী খুত্থাংদা লাইচৎ মনুংদা হেল্থকিয়র সর্ভিসশিংগী এক্সেসিবিলিতী হেনগৎহনবা, ভেক্সিনেসনগীদমক কোৱিন পোর্তেল, আরোগ্য সেতু এপ অসিনচিংবা অসিদা মসি করম্না শীজিন্নখি হায়বা ফোঙদোকখি। ভারতকী তেক্নোলোজিকেল ইন্নোবেসনশিং অসিনা লৈবাক অসিগী ভেক্সিনেসন দ্রাইবকী খোঙজেল অমসুং ইফিসিএন্সী হেনগৎহনখি হায়না মহাক্না ফোঙদোকখি।

ভারতকী ফিলোসোফী ‘বসধৈভা কুতুম্বম’ অমসুং ‘শুভ লাভ’ হায়বা অসি পল্লদুনা মহাক্না হায়খি, “ভারতনা ক্বালিতী লৈবা অমসুং অহোংবা ভেক্সিনশিং পুথোকপা খক্তা নত্তা, ঐখোয়না লৈবাক ১৫০ হেনবদা হ্যুমেনিতরিয়ন গ্রাউন্দদা হীদাক-লাংথকশিং এক্সপোর্ত তৌখি। সরকারগী ভেক্সিন মৈত্রি প্রোগ্রাম অসি মালেম শিনবা থুংবদগী থাগৎনরকখি।”

দা. মন্দাবিয়ানা তোঙান-তোঙানবা মওংদা মখোয়দা মতেং পাংনবা লাইচৎ মনুংদা চোকথবা লৈতনা হোৎনখিবা গ্রাসরুৎ এন.জি.ও.শিং. স্তেকহোল্দরশিং অমসুং সি.এস.ই.শিংবু থমোয় শেংনা তৌবীমল খঙবা উৎখি। “মখোয়দা হেল্থকিয়র সর্ভিসশিং য়ৌহন্নবা কম্ম্যুনিতীশিংগা লেপ্পা লৈতনা কন্নেক্ত তৌনবা অদোমগী পার্তনরশিপ অসি নীজরি। অদোমগী থবক অসিনা ই-হেল্থ সর্ভিসেস (ই-সঞ্জীবনি অমসুং তেলি-হেল্থ অসিগুম্বা) অসিগী মতাংদা মীয়ামদা এৱের্নেস পীবা অমসুং মসি শীজিন্নবা হেনগৎপদা মরু ওইবা থৌদাং লৌখি”, হায়না মহাক্না ফোঙদোকখি।

হরবর্দ য়ুনিভর্সিতীগী দা. মার্ক এস্পোসিতোনা হায়খি ভারত সরকারনা পাঙথোকখিবা শীংথানীংঙাই ওইবা থবক অসিনা প্রোম্প অমসুং সাইন্স-বেজ ওইবা রেস্পোন্স পীনবা সরকারগী সিস্তেম অমা দিবেলপ তৌনবা য়ুম্ফম ওইরগনি। লাইচৎ অসি লাকশিন্নবা অমসুং ভেক্সিনেসন দ্রাইব অসি মাইপাক্নবা ভারত সরকারনা পাইখৎখিবা “সরকার পুম্বা অমসুং খুন্নাই পুম্বা” হায়বা সরকারগী থৌশিল অসিনা খুদোংথিবা নত্ত্রগা মান্নবা শীংনবশিং তুংলমচৎতা থেংনবদা লাকশিন্নবা মোদেল অমা ওইরগনি হায়না মহাক্না ফোঙদোকখি।

ভারতকী মাইপাকপা অসি সাইন্সতা য়ুম্ফম ওই হায়না ফোঙদোক্লদুনা দা. খৃস ইলিয়াস, বিল এন্দ মেলিন্দা গেৎস ফাউন্দেসনগী প্রসিদেন্ত অসিনা ভারতনা কোবিদ লাইচৎ লাকশিনখিবগী মতৌ অসি শীংথানীংঙাই ওই হাবনা থাগৎখি। মহাক্না হায়খি, “শীংনবশিং অসি লাকশিনবা অমসুং ভেক্সিনেসন দ্রাইব চত্থবদা, ইন্দিজিনস ভেক্সিন পুথোকপদা, ক্লিনিকেল ত্রাইএলশিং কন্না চত্থবদা অমসং মীওই করোর কয়া শাফনা থম্নবা প্রোতোকলশিং অয়াবা পীবদা, হেল্থকিয়র অমসুং ্রন্তলাইন ৱার্করশিংগী ত্রেনিং পীবা, এ.ই.এফ.আই. মেনেজমেন্ত, ভারত্তা মীওই করোর কয়াদা কোবিদ-১৯ ভেক্সিনশিং শাফনা কাপহনবদা প্রধান মন্ত্রীগী লীচিং অমসুং মীৎয়েং মখাদা তোঙান-তোঙানবা তাঙ্ককশিংদা মরু ওইবা পোলিসীগী ৱারেপশিং লায়না লৌখিবা অসিনা মরু ওইবা থৌদাং লৌখি। ভারতকী পেন্দিমিক রেস্পোন্স অমসুং লৈবাক অসিনা দিবেলপ তৌখিবা লালোংশিং অসিনা হৌজিক তুংলমচৎতা থেংনবা লাইচৎ লাকশিন্নবা তেক্সবুক এপ্রোচ অমা ওইরে।”

কোবিদ মেনেজমেন্তকী লমশিংদা অতোপ্পা লৈবাকশিংদগী ভারতনা তোপ-তোপ্পা মশক অমা তাকখিবা অখন্নবা খোঙথাংশিংগী মতাংদা শমলপ্না পল্লদুনা শ্রী অমিতাভ কান্ত, সি.ই.ও., নিতি আয়োগনা হায় “ভারতকী খোঙথাং অসি তেক্নোলোজী লেদ ওইখিবনা সোসাইতী এপ্রোচ মপুংফানা ফংবদা মতেং ওইখি। কোৱিন এপ অসিনা ভেক্সিনেসন দ্রাইব অসিগী মরুওইবা মচাক অমা ওইখি। দেলিভরী অমসুং ভেক্সিন চাং মান্ননা য়েন্থোকপনচিংবা খুদোংচাদবা কয়ামরুম মতম চানা ত্রান্সপেরেন্ত তেক্নোলোজিকেল অমসুং ফিজিকেল ওইনা মীৎয়েং চংবগী খুত্থাংদা কোকহনবা ঙমখি। ভেক্সিনগী চিংনবশিং অদু মাস কম্ম্যুনিকেসনগী খুত্থাংদা ঙাকথোকখি। প্রোক্যুরমেন্ত, লোজিস্তিকশিং অসি অচৌবা কোল্দ চেন ইকোসিস্তেম দিবেলপমেন্ত অমগী খুত্থাংদা ফল পুরকখি।  মসিগা লোয়ননা ঐখোয়না ত্রেনিং পীবা অমসুং মরিক চুম্বা ই-পাউ পীবনা খুদোংথীনিংঙাই ওইরবা কাংলুপশিং ফেজ-নাইনা ভেক্সিনেসন তৌবগী খোঙজেল য়াংখৎহনবদা মতেং পাংখি”। মহাক্না সি.এস.ও., এন.জি.ও.শিংনা গ্রাউন্দদা থবক তৌয়দা লৌখীবা থৌদাং অদুবু থাগৎপা ফোঙদোকখি। রাজনিতীগী ওইবা থৌনা অমসুং কত্থোকপা, পোলিসিশিং ময়েক শেংহনবা অমসুং ভারতনা শিজিন্নরিবা অফবা লৈঙাক্কী মোদেল উৎলিবা ঐখোয়গী থৌশিল অসিদা স্তেকহোল্দর খুদিংমক য়াওহনবনা মসিগী শীংথানিংঙাই ওইনা ফীদম অসি ফংবা ঙম্বনি হায়না মহাক্না ফোঙদোকখি।

কম্ম্যুনিতী রেদিও স্তেসন (সি.আর.এস) অমসুং সিএস.ও কয়ামরুমদগী মীহুৎশিংনা লাইচৎ অসিগী মনুদা মখোয়না গ্রাউন্দদা থবক তৌবদা থেংনরকপশিং অদু শিয়র তৌখি। সি.আর.এস. স্তেসন কয়ামরুম্না লান্না থাজনা কয়ামরুম অশেংবা অমসুং মতিক চাবা ইপাউ পীদুনা কোকহনখি অমসুং মীয়ামদা ই-পাউ অসি মফম অদুগী লোলশিংদা শন্দোক্না তাকখি অমসুং লোকদাউনগী মনুংদা কম্ম্যুনিতীশিংদা সর্ভিস কয়ামরুম ফংহনখি।

****