অৱাং নোংপোক লমদমগী চাউখৎ-থৌরাং মন্ত্রালয়
লৈঙাক্কী দোনর মন্ত্রালয়গী মীৎয়েঙ মখাদা রেজিস্তর তৌরবা সোসাইতী অমা ওইরিবা এন.ই.আর.সি.আর.এম.এস.কী থৌরাংগী খুত্থাঙদা সপ্লাই চেন মেনেজমেন্ত ফগৎহনবা
Posted On:
17 MAR 2022 12:03PM by PIB Imphal
কোনসা খুল অরুনাচল প্রদেশকী লোংদিং দিস্ত্রিক্তা লৈ। পোংচাউ ব্লোক অসি ম্যান্মারগী ঙমখৈ মনাক্তা লৈবা খ্বাইদগী লাপ্পা খুলশিংগী মনুংদা অমনি। পি.আর.এ. রিপোর্তকী মতুং ইন্না খুল অসি য়ুম ১২০না কোইশিন্দুনা লৈ। দিস্ত্রিক্ত হেদক্বার্তর কিলোমিতর ৬৮ লাপ্না লৈ। খুল অসিগী এস.ঐচ.জি. নিপালদি বানু, জিংনুংজা, মোহিমন, জোসা, চিঙ্খো, জোঙ্খা, মোখা, অমসুং লমঙোইনি। হায়রিবা এস.ঐচ.জি. পুম্নমকসি এন.ই.আর.সি.ও.এম.পি. ৩ তিরাপ অমসুং লোংদিংনা য়োকখত্তুনা ঙাক্লৌ পীরিবনি।
মফম অদুগী রিসোর্সশিংদি অয়ামবনা মোরোক, মাইরেন, শিং, চুজাক, মিল্লেৎ, দসগুস অমদি লৌউ-শিংউগী অতৈ পোত্থোকশিং, লোয়ননা লাইৱা, লফু থরো, লমলক্কী চাবা য়াবা উনা, অমসুং উহৈনচিংবা নন-তিম্বর পোত্থোকশিংনি। অমরোমদা, খুঞ্জা নুপীশিংনা মখোয়গী মফমদুদা ফংবা পোত্থোকশিং অমসুং মখোয়গী সর্ভিসশিং পুথোক পুশিনগী পাম্বৈ ৱাৎপা অমদি ভরা য়ামবনা মরম ওইরগা য়োকখৎপা ঙম্লমদে।
সেপ্তেম্বর ৭, ২০১৯দা, পোংচাউ খুলদা পাঙথোকপা ক্লস্তর সেল্ফ-হেল্প গ্রুপ ফেদরেসনগী মীফম অমদা চয়োলগী ওইবা কৈথষল অমগী ৱাখল্লোন হৌদোক্নরকখি। খোঙবু ওইরিবা এন.জি.ও. এ.আই.দি.এ.গী কাঙবুগী মতেঙগা লোয়ননা, কোনসা, কোন্নু, পোংচাউ অমসুং বোনিয়াগী এস.ঐচ.জি. মেমবরশিংনা মীফম অদুদা মিস্তর খম্পাই ৱাংসা (চিংকে এন.এ.আর.এম.-জি. কোনসা ভিলেজ কম কেয়রতেকর ওফ পিক-অপ ভেনগী প্রেসিদেন্ত) পাউকৎ পীদুনা মখোয়গী পোত্থোকশিং য়োন্নিংবগী অপামবা ফোঙদোক্তুনা অমসু অমসু কায়দবা ভরাগী মমল অমা ঙাঙনদুনা ভরা অমসুং কৈথেল হাংগদবা নুমিৎশিং লেপ্নখি।
ওক্তোবর ৫, ২০১৯দা, এস.ঐচ.জি. মেমবরশিংনা অহানবা ওইনা মখোয়গী পোত্থোকশিং য়োন্নবগীদমক লোংদিং দিস্ত্রিক্ত হেদ ক্বার্তরদা চৎখি। মমাঙদা মখোয়বু এ.আই.দি.এ.গী কাঙবুনা ওন্ত্রপ্রিন্যুরসিপকী মতাঙদা তাকপি তমবিখ্রবনি। অদুম ওইনমক, মখোয়গী পোত্থোকশিংদু কদাইদা য়োনগদগে, কমদৌনা শিন্দোক্কদগে অমদি গ্রেদ খায়দোক্কদগে হায়বসিগী মতাঙদা খুদোংচাদবা কয়া মায়োক্নরম্মি। নুমিত্তু কৈথেলদা লাকপগী অমদি মদুদা হকথেংননা য়োনবগী অহানবা তাঞ্জানি।
এ.আই.দি.এ. কাঙবুগী থৌরাং অমসুং মতেঙগা লোয়ননা, মখোয়গী অকোয়বদা লৈরিবা নুপীশিংনা পোত্থোকশিংদুগী গ্রেদ খায়দোক্তুনা মমল লেপ্লম্মি। এস.ঐচ.জি. মেমবরশিংদু ফীভমদুদা মায় পাক্না চুশিন্নরকখি, অমদি মখোয়গী পোত্থোক পুম্নমক য়োনবদা শুপ্নতগী পুং অহুমখি চঙলম্মি।
য়েংবা য়াবা
১ মখোয়গী থাজবগী চাং হেনগৎলকখি
২ গ্রেদিং অমসুং স্তেন্দারদাইজেসন
৩ অঙ্ক হোৎপগী হৈশিংবা হেনগৎপা
৪ কমদৌনা পোৎ লৈরিবশিংগী মমল ঙাঙনগনি হায়বা মখোয়না খঙখি
৫ মফমদুদা লৈতবা মীওইশিংনসু লৈখি
তমশিনবা য়াবশিং
১ কোনসা এস.ঐচ.জি.না মায় পাক্লকপদগী পোংচাউ, কোন্নু অমসুং বোনিয়ানসু এ.আই.দি.এ. কাঙবুদা মখোয়সু হায়রিবা থৌওংদুমক তৌবা পাম্মি অমদি মতেং পাঙবিয়ু হায়না লাক্লম্মি।
২ এস.ঐচ.জি. মেমবরশিংনা কৈথেলদা পোৎ য়োন্থোক য়োনশিনগী মরমদা হকথেংননা খঙখি।
৩ পোত্থোকশিং অদু ওর্গানিক ওইরম্মি অমদি অইংবা মফমদা হৌবা ওইবনা মহাও খেন্নরম্মি, অমদি মীওই কয়া অমনা এস.ঐচ.জি. অসিদগী পোৎ হেন্না লৈবা পাম্নরম্মি।
৪ এস.ঐচ.জি.শিং অসিনা ভেল্যু এদিসনগী মরমদা অহেনবা কেপাসিতী বিল্দিং মখা তারকখি।
৫ কৈথেল কারুবা নুমিত্তা শেন্দোং কয়া য়াম্না ফংবগে হায়বা নৈননবা,
৬ তুংগী শেন্থোক লৈহন্নবা থবক থৌওংশিংগীদমক কৈথে কাবা নুমিৎশিংদা মখোয়না থেংনরকপা অমদি ৱাখল্লোনশিং পুথোক্তুনা খন্ন-নৈননবা।
*********
(Release ID: 1806902)
Visitor Counter : 301