প্রধানমন্ত্রীগী লোইশঙ

প্রধান মন্ত্রীনা ১১শুবা খেল মহাকুম্ভ হাংদোক্লে হায়না লাউথোকখ্রে


“চহি ১২গী মমাংদা ঐনা হুনখিবা মরু অদু ঙসিদি অচৌবা খোংনাং পাম্বী অমা ওইরে”

“ভারতনা হোৎনবসু লেপ্পা তৌরোই অমদি চোকথবসু নায়রোই”

“ভারতকী নহাশিংনা মখোয় মশামক অনৌবা ভারতকী কেম্পেন্দ খুদিংমক্কী থৌদাং লৌখ্রে”

“মাই-পাক্নবগী মন্ত্র অমা খক্তমক লৈ - 'লোং তর্ম প্লানিং অমদি লেপ্প-লৈতনা হোৎনবা'

“ঐখোয়না লৈবাক অসিগী তেলেন্তশিং রিকোগনাইজ তৌবা হৌরে অমদি মখোয়দা তঙাই ফদবা সপোর্ত পুম্নমক পীরি”

Posted On: 12 MAR 2022 8:29PM by PIB Imphal

প্রধান মন্ত্রী শ্রী নরেন্দ্র মোদীনা ঙসি অহমেদবাদতা ১১শুবা খেল মহাকুম্ভ হাংদোক্লে হায়না লাওথোকখ্রে৷ থৌরম অদুদা শরুক য়াখিবশিংগী মরক্তা গুজরাতকী রাজ্যপাল, অচার্য় দেবব্রত অমদি গুজরাতকী মুখ্য মন্ত্রী শ্রী ভুপেন্দ্রভাই পতেল য়াওখি৷

থৌরম হৌরকপদা, প্রধান মন্ত্রীনা স্তেদিয়মদা নহাগী ইনর্জী অমদি পুক্নিং লুপ্পগী ইপাক্কী মতাংদা পনখি অমদি হায়খি মদুদি মসি স্পোর্তস মহাকুম্ভ খক্তা নত্তে, মসি গুজরাতকী নহাশিংগী শক্তিগী মহাকুম্ভ অমনি৷ প্রধান মন্ত্রীগী ৱারোলগী মাংওইননা অচৌবা থৌরম অমা পাংথোকখি৷

প্রধান মন্ত্রীনা হায়খি মদুদি লাইচৎনা মরম ওইদুনা মহাকুম্ভ অসি চহি অনি পাংথোকখিদ্রে, অদুবু মসিগী অচৌবা থৌরম অসিনা শান্নরোইশিংবু অনৌবা থৌনা অমদি ইনর্জীনা পীক থলহল্লে ৷ “চহি ১২গী মমাংদা ঐনা হুনখিবা মরু অদু ঙসিদি অচৌবা খোংনাং পাম্বী অমা ওইরে”, হায়না মতমদুগী গুজরাতকী মুখ্য মন্ত্রী ওইদুনা মশান্নাশিং অসি হৌদোকখিবা প্রধান মন্ত্রীনা ফোংদোকখি৷ মীৎয়েং শান্না উবা ঙম্বা মতমদুগী মুখ্য মন্ত্রী শ্রী নরেন্দ্র মোদীগী লুচিং মখাদা গুজরাত্তা মশান্না ১৬ অমদি পার্তিসিপেন্ত লাখ ১৩গা লোইননা ২০১০দা হৌদোকখি, ঙসিদি খেল মহাকুম্ভদা জেনরেল স্পোর্তস ৩৬ অমদি পেরা স্পোর্তস ২৬ য়াওরি৷ ১১শুবা খেল মহাকুম্ভগীদমক শান্নরোই লাখ ৪৫ হেনবনা রেজিস্তর তৌরকখ্রে৷

মমাংঙৈ মতমদা ভারতকী শান্ন-খোৎনবগী ফিভম অসি স্পোর্তস খরা খক্তনা লাকশিন্দুনা মকোক থোংদুনা চৎলমখি অমদি ইন্দিজিনিয়র্সকী ওইবা স্পোর্তশিং মীরাইবিখি হায়না শ্রী মোদীনা ফোংদোকখি৷ নেপোতিজমনা শান্ন-খোৎনবদসু শোকহনখি অমদি “শান্নরোইশিং খনবদা ত্রান্সপরেন্সী ৱাৎপা অসিসু অচৌবা ফেক্তর অমনি৷ শান্নরোইশিংগী হৈ-শিংবা পুম্নমক প্রোব্লেমশিং অসি থেংনবদা শিজিন্নখি৷ ফৎতবা ফিভম অসিদগী লান্থোরক্তুনা, ভারতকী নহানা ঙসিদি অতিয়া খুৎনা শোকপা ঙাইনরি৷ সনা অমসুং লু্পাগী মঙালনা লৈবাক অসিগী কনফিদেন্সপু মথৌ হাপ্লি,” হায়না মহাক্না ফোংদোকখি৷ ঙসিদি, ভারতনা তোকিও ওলেম্পিকশিং অমদি পেরালিম্পিক্সকুম্বা ইভেন্তশিংদা রেকোর্দ ওইবা মওংদা মেদলশিং মাই পাক্না লৌবা ঙম্ল হায়না প্রধান মন্ত্রীনা ফোংদোকখি৷ লৈবাক অসিগী নহাদা মহাক্না চাওনা থাজবা থম্লি হায়না মহাক্না ফোংদোকখি৷ “তোকিও ওলেম্পিক্সতা ভারতনা ইহান হানবা ওইনা মেদল ৭ লৌবা ঙমখি৷ হায়রিবা রেকোর্দ অদুমক ভারতকতী মচানুপা অমদি মচানুপীশিংনা তোকিও পেরালিম্পিক্সতসু পীবা ঙমখি৷ মসিগী গ্লোবেল কম্পিতিসন অসিদা ভারতনা মেদল ১৯ ফংবা ঙমখি৷ অদুবু, মসিদি হৌরকপদা ঙাইরি৷ ভারতনা হোৎনবসু লেপ্পা তৌরোই অমদি চোকথবসু নাইরোই”, হায়না শ্রী মোদীনা ফোংদোকখি৷

য়ুক্রেন্দগী হল্লকখিবা মহৈরোইশিংনা মচু অহুমগী মতিক-ময়াই হেনগৎলক্লিবা অদু উৎখ্রে হায়না প্রধান মন্ত্রীনা ফোংদোকখি৷ মতৌ অসিগুম্না, স্পোর্তসকী পোদিয়মদসু, হায়রিবা চাওথোকচফম ওইরিবা অমদি মরৈবাকপু নুংশিবা অদু উবা ফংই৷ তোঙান তোঙানবা হিরমশিংদা তৌরিবা  নহাগী লমজিং লমতাকপুসু প্রধান মন্ত্রীনা পনখি৷ মহাক্না হায়খি, “স্তার্তঅপ ইন্দিয়াদগী হৌরগা ঙসিদি স্তেন্দঅপ ইন্দিয়াদা৷ মেক ইন ইন্দিয়াদগী হৌরগা  মশা-মরোমদোম লেপচবা ঙম্বা ভারত অমদি 'বোকেল ফোর লোকেল'দা, ভারতকী নহাশিংনা অনৌবা ভারতকী কেম্পেন্দ খুদিংমক্কী থৌদাং লৌখ্রে৷ ঐখোয়গী নহানা ভারতকী তৌবা ঙম্বা শক্তি শেমগৎখ্রে৷”

পুন্সিদা অতেনবা লম্বীশিং থিরিবা  অসিগী মাইয়োক্তা প্রধান মন্ত্রীনা নহাশিংদা পাউতাক পীখি৷ অতেনবা লম্বী থিবনা মতম পুম্নমক্তা পুন্সি তেলহল্লি৷ “মাই পাক্নবগী মন্ত্র অমা খক্তমক লৈ - 'লোং তর্ম প্লানিং তৌবা অমদি লেপ্প-লৈতনা হোৎনবা' অসিনি হায়না মহাক্না ফোংদোকখি৷ মাই পাকপা  নত্রগা মাইথিবা হায়বসিনা ঐখোয়গী অরোইবা পন্থুংফম ওইবা য়ারোই”৷

শান্ন-খোৎনবদা মাই-পাকপা হায়বসিদা ৩৬০ দিগ্রী এপ্রোচ চংই, লৈবাক অসিদা শান্ন-খোৎনববু য়োকখৎনবগীদমক ভারতনা হোলিস্তিক এপ্রোচ অমগা লোইননা হোৎনরি হায়না প্রধান মন্ত্রীনা ফোংদোকখি৷ খেলো ইন্দিয়া প্রোগ্রামনা অসিগুম্বা ৱাখল্লোন অসিগী অফবা খুদম অমা ওইরি৷ “ঐখোয়না লৈবাক অসিগী তেলেন্ত লৈরবশিংবু মশক খঙবা হৌরক্লি অমদি মখোয়দা তঙাই ফদবা সপোর্ত পুম্নমক পীরি৷ তেলেন্ত লৈজরবসু, ঐখোয়না নহাদা ত্রেনিং পীবা ৱাৎপনা মরম ওইরগা শোৎথদুনা লৈহৌরম্মী৷ ঙসিদি, শান্নরোইশিংদা হেন্না হেন্না ফবা ত্রেনিং ফেসিলিতীশিং পীরি,” হায়না মহাক্না ফোংদোকখি৷ শান্ন-খোৎনবগীদমক থাদখিবা হৌখিবা চহি ৭-৮গী বজেৎসু চাদা ৭০ হেনগৎলকখ্রে৷ শান্নরোইশিং অমদি কোচশিংগীদমক থৌনা হাপ্পা অমদি শান্নরোইশিংগীদমক ইন্সেন্তিব পীবসু চাওনা হেনগৎহনখ্রে৷ শান্ন-খোৎনববু  ওইবা য়াবা কেরিয়র অমা ওইনা শেমগৎপদা ফংখিবা প্রোগ্রেস অদুগী মতাংদা মহাক্না ৱারি শাখি৷ শান্ন-খোৎনবগী হিরমদা থৱাই য়াওজবা নহানা তৌবা য়াবা স্ত্রীম কয়া অমা খুদুম ওইনা কোচিং, মেনেজমেন্ত, ত্রেনরশিং, দাইতিসিয়নশিং, স্পোর্তস ৱাইতিং লৈরি৷ মনিপুর অমদি মীরুত্তা, স্পোর্তস য়ুনিভর্সিতীশিং শেমগৎখ্রে অমদি ইন্সতিত্যুসন কয়া অমদা স্পোর্তস কোর্সশিং হাপলক্লি৷ অচৌবা কোস্তলাইন অমা পীদুনা বিচ অমসুং ইশিংগী মশান্নশিংদা মীৎয়েং চংনবগীদমকসু মহাক্না হায়খি৷ মমা-মপা ওইবশিংনা মখোয়গী অঙাংশিংবু শান্ন-খোৎনবদা পুক্নিং থৌগৎনবগীদমকসু মহাক্না মমা-মপা ওইবশিংদা হায়জখি৷

খেল মহাকুম্ভনা গুজরাতকী স্পোর্তস সিস্তেমদা অওনবা পুরকখ্রে৷ চহি হেনবা-হেন্দবা থিদনা, রাজ্য অসিদা লৈরিবা মীয়াম্না থা অমগী মতমদা তোঙান তোঙানবা ইভেন্তশিংদা শরুক য়াবা থেংনখি৷ মসি ত্রেদিস্নেল স্পোর্তশিং খুদম ওইনা কবাদি, খো-খো, থৌরি চিংনবি, য়োগসানাস মল্লাখম্ভ অমদি মোদর্ন স্পোর্তশিং খুদম ওইনা আর্তিস্তিক স্কেতিং, তেনিস অমদি ফেন্সিংগী অখন্নবা তাইনফম অমনি৷ মসিনা গ্রাসরুত লেবেলদা লৈরিবা শান্ন-খোৎনবগী রো তেলেন্ত খন্দোকপদা য়াম্না মরু ওইবা থৌদাং অমা লৌখ্রে৷ মসিনা গুজরাতকী পেরা স্পোর্তসতসু শাফু অমা পীখ্রে৷

******



(Release ID: 1805451) Visitor Counter : 131


Read this release in: Marathi , Tamil , Telugu , English , Urdu , Hindi , Bengali , Assamese , Punjabi , Gujarati , Odia , Kannada , Malayalam