بھارت کی اہم ہائیڈرو پاور کمپنی اور بھارت سرکار کی ایک ‘ منی رتن ’ کٹیگری  -1 انٹرپرائز ،  این ایچ  پی سی لمٹیڈ نے   مالی سال  22-2021  کے  لئے 4  مارچ  2022 کو  بھارت سرکار کو 933.61  کروڑروپے کا عبوری منافع  ادا کیاہے۔  یہ منافع 10 مارچ  2022 کو این ایچ  پی سی کے سی ایم ڈی جناب اے کے سنگھ نے بجلی، نے جدید  اور قابل تجدید توانائی  کے مرکز ی وزیر  جناب آر کے سنگھ    کو پیش کیا ۔ اس موقع پر جناب آلوک کمار  ،  سکریٹری  ( پاور ) بھارت سرکار  اور جناب وائی کے چوبے ،  ڈائریکٹر  ( ٹیکنیکل )  ، جناب آر پی گوئل  ،  ڈائریکٹر (فائنانس ) ، جناب کے کے گوئل  ، ایگزیکٹو ڈائریکٹر  (فائنانس ) اور جناب سنجے کمار مدان  ،  ایگریکٹو  ڈائریکٹر  (فائنانس ) ، این ایچ  پی سی  موجود تھے ۔

این ایچ  پی سی نے  مالی سال  21-2020 کے لئے حتمی منافع کے ضمن  میں  رواں  مالی سال 22-2021  کے دوران  بھارت سرکار  کو پہلے ہی  249.44 کروڑروپے  ادا کردئے ہیں۔ اس طرح  مالی سال  22-2021  کے  دوران  این ایچ  پی سی نے    بھارت سرکار کو   1183.05  کروڑروپے   کا مجموعی منافع ادا کردیا ہے ۔

کمپنی کے بورڈ آف ڈائریکٹر س  نے  11فروری  2022  کو  منعقد اپنی میٹنگ میں   1.31فی ایکوٹی شرح  یعنی  13.10  فیصد  کی فیس ویلیو   پر عبوری  منافع کا اعلان کیا تھا۔ این ایچ  پی سی   میں  اس وقت  8 لاکھ  سے زیادہ شئیر  ہولڈرس ہیں  اور مالی سال  22-2021  کے لئے  ادا کیا جانے والا مجموعی عبوری منافع   1315.90  کروڑروپے  ہے ۔ کمپنی نے 21-2020  کے مالی سال کے لئے  1.25 فی  شئیر  کا1255.63 کروڑروپے کے  مجموعی  آؤٹ فلو  کے ساتھ  عبوری  منافع  ادا  کیا تھا۔یہ  351.58 کروڑروپے کے مجموعی  آؤٹ فلو کے ساتھ  0.35 فی شیئر کے حتمی منافع کے  علاوہ ہے۔ اس  طرح سے  مالی سال  21-2020  کے لئے  1607.21 کروڑروپے  کے مجموعی آؤٹ فلو کے ساتھ  1.60 روپے  فی شئیر کا مجموعی  منافع   ادا کیا گیا ۔

 سی پی ایس ایز  کی پونجی  کی تشکیل نو سے متعلق  27 مئی  2016  کو  ڈپارٹمنٹ آْف انویسٹمنٹ   اینڈ  پبلک اسیٹ  مینجمنٹ  ( ڈی آئی پی اے ایم )   کے رہنما خطوط کے مطابق  ہر سی پی ایس یو   پی اے ٹی کے 30فیصد  کی شرح سے  یا مجموعی    مالیت   کا  پانچ فیصد،جو زیادہ ہو ،  کم سے کم  سالانہ منافع اد ا کرے گی۔ آئی بی آئی ڈی کے رہنما خطوط  کے مطابق   این ایچ  پی سی نے مالی سال  21-2020  کے لئے   1607.21 کروڑروپے  یعنی  کمپنی کی مجموعی مالیت   کا  5.08 فیصد  کا  مجموعی  منافع  اد ا کیاتھا ۔

این ایچ  پی سی نے  9  مہینے   کے لئے جو مالی سال 2022 میں  ختم ہوا،2977.62 کروڑروپے  کا خالص   منافع  کمایا تھا  جبکہ  پچھلے  عرصے کے دوران   یہ 2829.16  کروڑروپے  تھا۔ کمپنی نے  مالی سال  21-2020 کے لئے  3233.37  کروڑروپے  کا خالص  منافع کمایا تھا۔

*************

ش ح۔ف ا ۔رم

U-2477