গোৱা, মনিপুর, পঞ্জাব, উত্তরখন্দ অমদি উত্তর প্রদেশকী এ.সি. ৬০দা পাংথোকখিবা লেজিসলেতিব এসেমব্লীশিংগী জেরেনেল ইলেক্সনশিং অমদি অসামগী ৯৯-মজুলি এ.সি.দা বাই-ইলেক্সন পাংথোকখিবগী ভোৎ মশিং থিবা অদু ১০.০৩.২০২২ (শগোলশেল)দা পাংথোক্লগনি৷ ভোৎ মশিং থিবগী প্রোসেস অসি নিংথিনা চৎহন্নবা কাউন্তিং ওবজরব ৬৭১, পুলিস ওবজরবর ১৩০ অমদি অখন্নবা ওবজরবর ১০ গ্রাউন্দদা থম্লগনি৷ ভোৎ মশিং থিনবগী শিল্লি-লাংলিবশিং অসি য়েংশিন্নবা কম্মিসননা অখন্নবা ওফিসর অনিসু খনখ্রে- দিল্লীদগী মীরুত ফাওবগী চীফ ইলেক্তোরেল ওফিসর অমদি বিহারদগী বরানাসি ফাওবগী চীফ ইলেক্তোরেল ওফিসরনি৷

(২) ভোৎ মশিং থিগদৌরিবা মফম পুম্নমক্তা ইলাবোরে্ত অমদি ফুল প্রুফ এরেঞ্জমেন্তশিং শেমখ্রে৷ ই.ভি.এম.শিং থম্লিবা কা খুদিংমক ইন্নর কোর্দোনদা সেন্ত্রেল আর্ম ফোর্সশিংনা ঙাক্তুনা কা অদু সেক্যুরিতী লায়র অহুমগী মখাদা থম্লি৷ মরী লৈনবা কেন্দিদেৎশিংনা চেকশিন্না ঙাক-শেল্লিবা কাশিং অদু সি.সি.তি.ভি. কভরেজকী খুৎথাংদা ২৪ x৭তা য়েংলি৷

(৩) ভোৎ থাদরিবা রাজ্যশিংদা, দিস্ত্রিক এদমিনিস্ত্রেসননা ভোৎ মশিং থিগদৌরিবা হোলশিং অদুগী অকোইবদা শান্তি লৈহন্নবা অমদি পামদবা থৌদোক থোকহন্দনব সেক্সন ১৪৪ সি.আর.পি.সি. থম্লি৷

(৪) ইলেক্সনশিংগী মতমদা ই.ভি.এম. দিপ্লোই তৌবগা মরী লৈনবা স্তেজ খুদিংমক্তা পোলিতিকেল পার্তীশিং/কেন্দিদেৎশিং য়াওরি, মখাগীশিং অসি মসিগী মনুং চল্লি:

• ই.ভি.এম. ৱেয়রহাউস হাংদোকপা অমদি লোনশিনবা
• ই.ভি.এম.শিং অমদি ভি.ভি.পি.এ.তি.শিং ফর্স্ত লেবেল চেকিং তৌবা
• এফ.এল.সি.গী মতুংদা ত্রেনিং অমদি এৱার্নেসকীদমক ই.ভি.এম.শিং অমদি ভি.ভি.পি.এ.তি.শিং লৌথোকপা৷
• ই.ভি.এম.শিং অমদি ভি.ভি.পি.এ.তি.শিং রেন্দমাইজ তৌবা
• ই.ভি.এম.শিং অমদি ভি.ভি.পি.এ.তি.শিং শিজিন্নহনবা
• পোল্লিং পার্তীশিংগা লোইননা ই.ভি.এম.শিং অমদি ভি.ভি.পি.এ.তি.শিং য়েন্থোকপা
• ভোৎ থাদবা নুমিৎতা মোক পোল অমদি একচুএল পোল তৌবা
• পোল্লিং স্তেসনশিংদগী কল্লেক্সন সেন্তরদা পোল তৌখিবা ই.ভি.এম.শিং অমদি ভি.ভি.পি.এ.তি.শিং পুরকপা
• পোল তৌরবা ই.ভি.এম.শিং অমদি ভি.ভি.পি.এ.তি.শিং থম্বা
• ভোৎশিং মশিং থিবা

(৫) তাংকক খুদিংমক্তা, ই.ভি.এম. খুদিংমক্কী (পোল তৌখিবা য়াওনা) সেরিএল নম্বর পোলিতিকেল পার্তীশিং/কেন্দিদেৎশিংদা সেয়র তৌরি৷

(৬) ভোৎ মশিং থিবা নুমিৎকী অয়ুক পুং ৮গী মমাংদা ফংখিবা পোস্তেল বেল্লোতশিং অদু কাউন্তিংগীদমক লৌশিল্লগনি৷

(৭) ভোৎ মশিং থিবগা মরী লৈনবা মরু ওইবা পোইন্তশিং অদু মখাদা লৈরে:

• পোস্তেল বেল্লোতশিংগীদমক ভোৎ মশিং থিবা অয়ুক্কী পুং ৮দগী হৌরগনি অমদি থৌওং অদু মপুং-ফানা লোইশিনদ্রিবা ফাওবা চৎথগনি৷ই.তি.পি.বি.এস. অমদি পোস্তেল বেল্লোতশিং মশিং থিবগী হৌজিক হৌজিক লৈরিবা ইন্সত্রক্সনশিং অদু ইল্লগনি৷
• পোস্তেল বেল্লোত পেপরশিং মশিং থিবা হৌখিবা মিনিত ৩০গী মতুংদা, ই.ভি.এম.শিংগীদমক ভোৎ মশিং থিবা অয়ুক্কী পুং ৮:৩০দগী হৌরগনি৷ ২০১৯গী মে ১৮দা থোকখিবা ই.সি.আই.গী ইন্সত্রক্সনশিংগী মতুং ইন্না পোস্তেল বেল্লোত মশিং থিবগী স্তেজ য়েংদনা ই.ভি.এম. মখাতানা থিগনি৷
• কাউন্তিংগী রাউন্দ খুদিংমক লোইরবা মতুংদা, প্রেসক্রাইব ফোরমেত্তা রিজল্তকী তেবুলেসন তৌরগনি৷ মসি আর.ও অমদি ওবজরবরনা খুৎয়েক পীরগনি,  অমদি কোপী অমনা কেন্দিদেৎশিংদা সেয়র তৌরগনি৷রাউন্দ-রাউন্দগী ওইবা ফল লাওথোকপা লোইরবা মতুংদা, লৈরিবা ইন্সত্রক্সনশিংগী মতুং ইন্না মথংগী রাউন্দ মশিং থিবা হৌগনি৷
• কেন্দিদেৎকী এজেন্তশিংগী খুৎয়েক ফংলবা মতুংদা পোস্তেল বেল্লোত রিজল্তবু প্রেস্ক্রাইব ফোর্মেত্তা সেয়র তৌরগনি৷
• ২০১৯, এপ্রীল ৮দা, ইকাই খুম্নরবা ভারতকী সুপ্রিম কোর্তনা স্তেকহোল্দরশিংগী অপেনবা হেন্না ফাওনবা, এসেমব্লী কন্সতিত্যুয়েন্সী/সেগমেন্ত অমদা হৌজিক হৌজিক লৈরিবা পোল্লিং স্তেসন ১ লৈরিবা অসিদগী ই.ভি.এম. কাউন্তগা চুননবা ভি.ভি.পি.এ.তি. স্লিপ মশিংগী সেম্পল সাইজ অসি এসেমব্লী কন্সতিত্যুয়েন্সী/সেগমেন্ত অমদা পোল্লিং স্তেসন ৫দা হেনগৎখি৷ জজমেন্ত অসিগী রিভ্যু অদুসু ইকাই খুম্নরবা ভারতকী সুপ্রিম কোর্তনা ২০১৯গী মে ৭তা ককথৎখি৷ ভারতকী ইকাই খুম্নরবা সুপ্রিম কোর্তনা মথক্তা থমখিবা ৱাফম অসি ভারতকী ইলেক্সন কম্মিসননা ইলেক্সন খুদিংমক্তা চেকশিন্না ঙাক্তুনা চৎলি৷
  • আর.ও.না ই.এন.সি.ও.আর.ই.না রাউন্দ-রাউন্দগী ওইবা রিজল্তশিংগী এন্ত্রী পীরগনি, মদু ই.সি.আই.গী ৱেবসাইত (https://results.eci.gov.in)তা উৎলগনি৷
  • ভোৎ মশিং থিবগী মতমদা ইনবেলিদ ওই হায়না রিজেক্ত তৌখিবা পোস্তেল বেল্লোত পেপর মশিং অদুদগী মাই-পাকপগী মার্জিন অদু তাথবা তারবদি, রিজেক্ত তৌখিবা পোস্তেল বেল্লোত পেপর পুম্নমক ই.সি.আই.না ২০১৯গী মে ১৮দা থোকখিবা ইন্সত্রক্সনশিংগী মতুং ইন্না রিজল্ত লাওথোক্ত্রিঙৈগী মমাংদা আর.ও.না তঙাই ফদনা অমুক হন্না বেরিফাই তৌগনি৷ অসিগুম্বা অমুক হন্না বেরিফাই তৌবগী থবক অসি চৎথবা মতমদা, প্রোসিদিংগী মপুং ওইবা শরুক পুম্নমক ই.সি.আই.না ২০০৯গী জনুৱারী ২১দা থোকখিবা ইন্সত্রক্সনশিংগী মতুং ইন্না ভিদিওগ্রাফ তৌগনি৷

৮.  ভোৎ মশিং থিবগা মরী লৈননা কম্মিসন অসিনা মতম মতমগী মতুং ইন্না অকুপ্পা ইন্সত্রক্সনশিং ফোংলগনি, অমদি মদু গোৱা, মনিপুর, পঞ্জাব, উত্তরখন্দ অমদি উত্তর প্রদেশকী লেজিসলেতিব এসেমব্লীশিংগী জেনেরেল ইলেক্সন অমদি অসামগী ৯৯-মাজুলি এ.সি.গী বাই ইলেক্সনগা মরী লৈননা ভোৎ মশিং থীবগী মতমদসু এপ্লিকেবল ওইরগনি৷

৯.  ত্রেন্দশিং রাউন্দ-রাউন্দ নাইনা য়েন্থোক্নবগীদমক ভোৎ মশিং থিফম মফম খুদিংমক্তা মেদিয়া সেন্তর লৈহনখ্রে৷ মেদিয়া চৎথোক-চৎশিন তৌবসু য়াহনখ্রে৷

     ১০. ভোৎ মশিং থিরিবা হোল মনুংদা ওথোরাইজ তৌরবা মীওই খক্তমক চংবা য়াগনি৷

১১.  ই-পাউ শন্দোক্নবগীদমক কাউন্তিং সেন্তর পুম্নমকশিং অসিদগী হেন্দোক্তুনা মখাগী মেদিয়মশিং অসিদা ত্রেন্দশিং অমদি রিজল্তশিং অদু ১০.০৩.২০২২গী অয়ুক পুং ৮গী মতুংদা ফংলগনি:

১. ফলশিং অদু ইলেক্সন কম্মিসন ওফ ইন্দিয়াগী ৱেবসাইত্তা (https://results.eci.gov.in) উৎলি অমদি কন্সতিত্যুয়েন্সী খুদিংমক্কী রিজল্ত অমদি হৌজিক হৌজিক লৈরিবা রাউন্দ-রাউন্দগী ওইবা ত্রেন্দশিং অসি উৎথোক্নবা চাং-নাইনা অপদেৎ তৌরি৷

২. ত্রেন্দশিং অমদি ফলশিং অসি গুগল প্লে স্তোর অমদি এপল এপ স্তোরদা ফংলিবা “ভোতর হেল্পলাইন এপ” মোবাইল এপকী খুৎথাংদা য়ৌহল্লগনি৷

“মরী লৈনবা কাউন্তিং সেন্তরশিংদগী রিতর্নিং ওফিসরশিংনা সিস্তেম অসিদা পীরকপগী মতুং ইন্না ৱেবসাইত/মোবাইল এপ অসিনা ই-পাউ শন্দোক্লগনি৷ রিতর্নিং ওফিসরশিংনা মখোয়গী মরী লৈনবা কাউন্তিং সেন্তরশিংদগী সিস্তেম অসিদা পীরকপগী মতুং ইন্না ই-পাউ শন্দোক্লগনি৷ এ.সি. খুদিংমক্কী অরোইবা দাতা অদু ফোর্ম ২০ খক্তদা সেয়র তৌরগনি৷”

১২. পোল ই.ভি.এম.শিংদা মপুং-ফানা মরী লৈনদবা, ই.ভি.এম.নচিংবশিংগা মরী লৈনবা তোকঙা খরা লৈরে, অমদি প্রোতোকোল খরা খক্তা ফাওবা থুগাইবা মতমদা, মরী লৈনবা ওফিসরশিংগী মাইয়োক্তা কম্মিসননা এক্সন লৌখ্রে৷

১৩. অরানবা ই-পাউ শন্দোক্লিবা অসিদা মীওই অমতনা থাজবিগনু৷ অসিগুম্বা লান্না ই-পাউ শন্দোক্লিবা অসিগী মাইয়োক্তা আইনগী ওইবা অকনবা এক্সন লৌখৎনবা কম্মিসননা সি.ই.ও.শিং অমদি দিস্ত্রিক এদমিনিস্ত্রেসনদা খঙহনখ্রে৷

১৪. ভোৎ মশিং থিবগী প্রোসেস অসি নিংথিনা শান্তি লৈনা মপুং-ফানা লোইশিন্নবগীদমক পোলিতিকেল পার্তীশিং অমদি কেন্দিদেৎশিং য়াওনা মরী লৈনবশিংদগী কম্মিসন এক্সপর্তশিংনা মতেং পাংলক্কনি হায়না অশা তৌরি৷

******