ఆర్థిక మంత్రిత్వ శాఖ

పశ్చిమ బెంగాల్‌లో సామాజిక రక్షణ సేవలకు మద్దతుగా భారత్ మరియు ప్రపంచ బ్యాంకు $125 మిలియన్ రుణంపై సంతకం చేశాయి

Posted On: 10 MAR 2022 1:22PM by PIB Hyderabad

 

పశ్చిమ బెంగాల్ రాష్ట్రంలో పేద మరియు బలహీన వర్గాలకు సామాజిక రక్షణ సేవలను పొందడంలో సహాయపడే ప్రయత్నాలకు మద్దతుగా భారత ప్రభుత్వం, పశ్చిమ బెంగాల్ ప్రభుత్వం మరియు ప్రపంచ బ్యాంకు $125 మిలియన్ల ఐబీఆర్‌డీ రుణంపై సంతకం చేశాయి.

పశ్చిమ బెంగాల్ సామాజిక సహాయం, సంరక్షణ సేవలు మరియు ఉద్యోగాలను అందించే 400 కంటే ఎక్కువ కార్యక్రమాలను నిర్వహిస్తోంది. ఈ సేవలు చాలా వరకు జై బంగ్లా అనే  ప్లాట్‌ఫారమ్ ద్వారా అందించబడతాయి. పశ్చిమ బెంగాల్ బిల్డింగ్ స్టేట్ కెపాబిలిటీ ఫర్ ఇన్‌క్లూజివ్ సోషల్ ప్రొటెక్షన్ ప్రాజెక్ట్ రాష్ట్ర స్థాయిలో ఈ కార్యక్రమాలకు మద్దతు ఇస్తుంది. మహిళలు, గిరిజన మరియు షెడ్యూల్డ్ కులాల కుటుంబాలు మరియు వృద్ధులు, అలాగే రాష్ట్రంలోని తీర ప్రాంతంలో విపత్తు పీడిత కుటుంబాలపై ప్రత్యేక దృష్టి సారిస్తుంది.

ఆర్థిక మంత్రిత్వ శాఖలోని ఆర్థిక వ్యవహారాల శాఖ దీనిపై స్పందిస్తూ “కొవిడ్-19 మహమ్మారి సంక్షోభ సమయాల్లో సమ్మిళిత మరియు సమానమైన సామాజిక రక్షణను అందించడానికి అవాంతరాలు లేని వ్యవస్థలను కలిగి ఉండవలసిన అవసరాన్ని హైలైట్ చేసింది. ఈ ప్రాజెక్ట్ రాష్ట్రంలోని పేద మరియు బలహీన వర్గాలకు సామాజిక సహాయం మరియు లక్ష్య సేవలకు కవరేజీని విస్తరించడానికి మరియు యాక్సెస్ చేయడానికి రాష్ట్ర ప్రభుత్వ సామర్థ్యాలను పెంపొందించడంపై ఈ కార్యక్రమం దృష్టి సారిస్తుంది.

ఈ ఒప్పందంపై భారత ప్రభుత్వం తరపున ఆర్థిక మంత్రిత్వ శాఖ ఆర్థిక వ్యవహారాల శాఖ అదనపు కార్యదర్శి శ్రీ రజత్ కుమార్ మిశ్రా; పశ్చిమ బెంగాల్ ప్రభుత్వం తరపున ఆర్థిక శాఖ కార్యదర్శి శ్రీ సుదీప్ కుమార్ సిన్హా మరియు ప్రపంచ బ్యాంకు తరపున భారతదేశం యొక్క కంట్రీ డైరెక్టర్ శ్రీ జునైద్ అహ్మద్ సంతకం చేశారు.

పశ్చిమ బెంగాల్‌లోని చాలా పేద మరియు బలహీన కుటుంబాలకు ఆహారం మరియు వస్తువుల బదిలీలు చేరుతున్నప్పటికీ నగదు బదిలీల కవరేజీ బలహీనంగా ఉందని ఇటీవల సర్వే వెల్లడయింది. వృద్ధులు, వితంతువులు మరియు వికలాంగులకు సామాజిక పెన్షన్‌లకు ప్రాప్యత గజిబిజిగా ఉన్న దరఖాస్తు ప్రక్రియలు మరియు దరఖాస్తు మరియు అర్హత ధృవీకరణ కోసం స్వయంచాలక వ్యవస్థల కొరత కారణంగా బలహీనంగా ఉంది.

రాబోయే నాలుగు సంవత్సరాల్లో కవరేజీని విస్తరించడానికి మరియు సామాజిక సహాయానికి ప్రాప్యత మరియు ఏకీకృత సామాజిక రిజిస్ట్రీ ద్వారా పేద మరియు బలహీన వర్గాలకు నగదు బదిలీలను అందించడానికి రాష్ట్ర సామర్థ్యాన్ని బలోపేతం చేయడానికి ప్రాజెక్ట్ సహాయం చేస్తుంది.

పశ్చిమ బెంగాల్ మాన్యువల్ డేటా ఎంట్రీ, విభాగాల్లో అస్థిరమైన లబ్ధిదారుల డేటా మరియు డేటా నిల్వ మరియు డేటా మార్పిడి ప్రోటోకాల్‌ల లేకపోవడం వంటి సవాళ్లను ఎదుర్కొంటోంది. ఈ ప్రాజెక్ట్ రాష్ట్రం యొక్క ఏకీకృత డెలివరీ వ్యవస్థ, జై బంగ్లా ప్లాట్‌ఫారమ్‌ను డిజిటలైజ్ చేయడంలో సహాయం చేస్తుంది. ఇది భిన్నమైన సామాజిక సహాయ కార్యక్రమాలను ఏకీకృతం చేయడంలో మరియు బలహీన మరియు పేద కుటుంబాలకు సామాజిక పెన్షన్‌ల పంపిణీని వేగవంతం చేయడంలో సహాయపడుతుంది.

ఈ ప్రాజెక్ట్ సామాజిక సంరక్షణ సేవల కోసం టెలి-కన్సల్టేషన్ నెట్‌వర్క్‌ను రూపొందించడానికి మద్దతు ఇస్తుంది. పెద్దల సంరక్షణపై సలహాలు మరియు ఆరోగ్య సేవలు మరియు సౌకర్యాలకు సంబంధించిన లింక్‌లతో గృహాలకు సహాయం చేయగల కేడర్ మేనేజ్‌మెంట్ వర్కర్ల కేడర్‌తో అనుబంధించబడుతుంది. కార్మిక శక్తిలో మహిళల తక్కువ భాగస్వామ్యాన్ని పరిష్కరించడానికి ప్రభుత్వ జోక్యాల యొక్క సమన్వయం మరియు ప్రభావాన్ని మెరుగుపరచడానికి ఇది సంస్థాగత వేదికను కూడా సృష్టిస్తుంది.


 

****



(Release ID: 1804780) Visitor Counter : 169