মন্ত্রীমন্দল

সর্প্লস লেন্দ মনিতাইজেসন পাংথোক্নবগীদমক্তা নেস্নেল লেন্দ মনিতাইজেসন কোর্পোরেসনবু স্পিসিএল পর্পজ ভেহিকল (এস.পি.ভি.) অমা ওইনা শেম্বগী কেবিনেৎনা অয়াবা পীখ্রে

Posted On: 09 MAR 2022 1:31PM by PIB Imphal

প্রধান মন্ত্রী, শ্রী নরেন্দ্র মোদীনা লুচিংবা কেন্দ্রগী মন্ত্রী-মন্দলনা নেস্নেল লেন্দ মনিতাইজেসন কোর্পোরেসন (এন.এল.এম.সি.)বু ভারত সরকারনা মপুং ওইনা মপু ওইবা কম্পেনী অমা ওইনা অহৌবগী ওইনা লুপা করোর ৫০০০গী ওথোরাইজ শেয়র কেপিতেল অমসুং লুপা করোর ১৫০গী পেদ-অপ শেয়র কেপিতেলগা লোয়ননা শেমগৎপগী অয়াবা পীখ্রে। এন.এল.এম.সি. অসিনা সেন্ত্রেল পব্লিক সেক্তর ইন্তরপ্রাইস (সি.পি.এস.ই.) অমসুং সরকারগী অতোপ্পা এজেন্সীশিংগী অহেনবা লম অমসুং বিলদিংশিংবু মনাইতাইজেসন তৌবগী থবক পায়গনি। ৱাহৌদোক অসি ইং ২০২১-২২গী বজেত্তা লাউথোকখিবগী মতুং ইনবনি।

সরকারনা নন-কোর এসেৎশিং মনিতাইজেসন তৌবগা লোয়ননা শিজিন্নদ্রবা অমসুং নীংথিনা শিজিন্নদবা এসেৎশিংগী মনিতাইজেসন তৌদুনা মশক থোকপা রেভেন্যু তানবা ঙমগনি।

হৌজিক্কী ওইনা, সি.পি.এস.ই.শিংনা অহেনবা, শিজিন্নদবা অমসুং নীংথিনা শিজিন্নদবা নন-কোর এসেৎ কয়াবু লম অমসুং বিলদিংগী মওংদা মশিং য়াম্না পায়রি। সি.পি.এস.ই.না স্ত্রেতজিক দিসইনভেস্তমেন্ত নত্ত্রগা ক্লোজরগী থৌওং পাংথোক্নবগীদমক্তা মসিগী অহেনবা লম অমসুং নন-কোর এসেৎশিং মনিতাইজেসন তৌবনা মখোয়গী ভেল্যু অনলোক তৌবদা য়াম্না মরু ওইবা থৌওং ওইগনি। এন.এল.এম.সি.না মতেং পাংদুনা এসেৎশিং অসিগী মনিতাইজেসন তৌবগী থবক পাংথোক্কনি। মসিনা প্রাইভেৎ সেক্তর ইনভেস্তমেন্ত, শেন্মিৎলোনগী অনৌবা থৌওং লৈহনবা, লোকেলগী শেন্মিৎলোনবু মপাঙ্গল হেন্না লৈহনবা অমসুং শেন্মিৎলোন অমসুং সোসিএল ইনফ্রাস্ত্রকচরশিংগী শেল-থুমগী ওইবা রিসোর্স লৈহন্নবগীদমক্তা শাফু পীনবা অসিগুম্বা নীংথিনা শিজিন্নদ্রবা এসেৎশিংবু কান্নবা মওংদা শিজিন্নবা য়াহনগনি।

সি.পি.এস.ই.শিংগী ক্লোজর তৌগদবগী লৈরবা অহেনবা লম অমসুং বিলদিং এসেৎ অমদি স্ত্রেতজিক ইনভেস্তমেন্তকী মনুং চনবা সরকারনা মপু ওইবা সি.পি.এস.ই.শিংগী সর্প্লস নন-কোর লেন্দ এসেৎশিংগীদমক্তা এন.এল.এম.সি.না মপু ওইগনি, থমগনি, শেন্নগনি অমসুং মনিতাইজ তৌগনি হায়বা থাজবা থম্লি। মসিনা সি.পি.এস.ই.শিংগী ক্লোজর তৌবগী থৌওং খোঙজেল য়াঙ্খৎহনগনি অমসুং সরকারনা মপু ওইবা সি.পি.এস.ই.শিংগী স্ত্রেতজিক দিসইনভেস্তমেন্ত তৌবগী থৌওংসু লাইথোকহনগনি। এসেৎশিং অসি এন.এল.এম.সি.না থম্নবা, শেন্ননবা অমসুং মনিতাইজ তৌনবগীদমক্তা মখোয়দা পীথবা য়াগনি। এন.এল.এম.সি.না সরকারগী এন্তিতীশিংদা (সি.পি.এস.ই. য়াওনা) মখোয়গী অহেনবা নন-কোর এসেৎ মশক খঙদোকপা অমসুং মখোয়গী খ্বাইদগী য়াম্বা মমল ফংহন্নবগীদমক্তা  প্রোফেস্নেল ওইবা অমসুং নীংথিনা কাংলোন ইন্দুনা মনিতাইজ তৌবদা পাউতাক পীদুনা তেংবাংগনি। অসিগুম্বা তাঞ্জা অসিদা, (খুদমঃ হৌজিক পাংথোক্লিবা সি.পি.এস.ই. অমসুং স্ত্রেতজিক দিসইনেভেস্তমেন্তকী মখাদা মমিং লৈরিবা সি.পি.এস.ই.), এন.এল.এম.সি.না অহেনবা লমগী মনিতাইজ তৌবগী থবকপু এজেন্সীগী মথৌ ওইনা পাংথোক্কনি। এন.এল.এম.সি.না লম মনিতাইজেসন তৌবগী খ্বাইদগী ফবা থৌওং কয়া খোমজিন্দুনা থম্বা, এসেৎ মনিতাইজেসন প্রোগ্রাম্বু থবক ওইনা পাংথোকপদা সরকারদা তেংবাংবা অমসুং তেক্নিকেল এসিস্তেন্স পীবগী থৌদাং লৌগনি হায়বগী থাজবা থম্লি।

এন.এল.এম.সি.না সি.পি.এস.ই. অমসুং সরকারগী অতোপ্পা এজেন্সীশিংগী মহুৎ শিন্দুনা লেন্দ এসেৎশিংবু প্রোফেস্নেল ওইনা শেন্নবা অমসুং মনিতাইজ তৌবদা মথৌ তাবা তেক্নিকেল এক্সপর্তিয়াস কয়া পীগনি। এন.এল.এম.সি.গী বোর্দ ওফ দাইরেক্তরদা কেন্দ্র সরকারগী সেনিয়র ওফিসর অমসুং মমিং লৈবা অখঙ-অহৈ কয়া য়াওগনি অমসুং মখোয়না কম্পেনী অসিগী প্রোফেস্নেল ওইনা চলায়বা অমসুং অমসুং শেন্নবদা তেংবাংগনি। এন.এল.এম.সি.গী চেয়রমেন, নন-গবর্নমেন্ত দাইরেক্তরবু মেরিত্তা য়ুফম ওইবা থৌওংগী মখাদা খনগনি।

রিএল ইস্তেত মার্কেট রিসর্চ, লিগেল দ্যু দিফরেন্স, ভেলুএসন, মাস্তর প্লানিং, ইনভেস্তমেন্ত বেঙ্কিং, লেন্দ মেনেজমেন্তনচিংবা এসেৎ মনিতাইজেসন তৌবদা তঙাই ফদবা মখল-মতৌ য়াম্লবা অখন্নবা স্কিল অমসুং হৈথোই-শিংথোইবা কয়াবু শকখঙলদুনা, নেস্নেল ইনভেস্তমেন্ত অমসুং ইনফ্রাস্ত্রকচর ফন্দ (এন.আই.আই.এফ.) অমসুং ইনভেস্ত ইন্দিয়াগুম্বা অতোপ্পা স্পেসিএলাইজ গবর্নমেন্ত কম্পেনীগা মান্নবা প্রাইভেত সেক্তরদগী প্রোফেস্নেল নেক্নবা ৱারেপ লৌখ্রে। এন.এল.এম.সি.না মার্কেত্তগী কন্ত্রেক্ত বেসিস্তা হকথেংননা নেকপা ফুল তাইম স্তাফ মশিং য়ামদনা লৈবা পঙচাও চাওদবা ওর্গনাইজেসন অমা ওইনা লৈগনি। এন.এল.এম.সি.গী দাইরেক্তরশিংদা প্রাইভেৎ সেক্তরদগী এক্সপেরিএন্স লৈরবা প্রোফেস্নেল নেকপা, মখোয়গী শেল পীনবা অয়াবসু পীগনি।

মখা চানা চত্থবা ওইনা, শেল-থুম মন্ত্রালয়গী পব্লিক ইন্তর্প্রাইস বিভাগনা কম্পেনী অসিবু শেমদুনা মসিগী এদমিন্সিত্রেতিব মন্ত্রালয় ওইনা থবক তৌগনি।

***



(Release ID: 1804523) Visitor Counter : 191