ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਦੀ ਪ੍ਰਧਾਨਗੀ ਹੇਠ ਕੇਂਦਰੀ ਕੈਬਨਿਟ ਨੂੰ ਇੰਡੀਅਨ ਕੌਂਸਲ ਆਵ੍ ਮੈਡੀਕਲ ਰਿਸਰਚ (ਆਈਸੀਐੱਮਆਰ) ਅਤੇ ਨੈਸ਼ਨਲ ਇੰਸਟੀਟਿਊਟ ਆਵ੍ ਐਲਰਜੀ ਅਤੇ ਇਨਫੈਕਸ਼ੀਅਸ ਡਿਜ਼ੀਜ਼ਸ (ਐੱਨਆਈਏਆਈਡੀ), ਨੈਸ਼ਨਲ ਇੰਸਟੀਟਿਊਟ ਆਵ੍ ਹੈਲਥ ਆਵ੍ ਡਿਪਾਰਟਮੈਂਟ ਆਵ੍ ਹੈਲਥ ਐਂਡ ਹਿਊਮਨ ਸਰਵਿਸਿਜ਼ ਯੂਐੱਸਏ ਦੇ ਦਰਮਿਆਨ ਸਤੰਬਰ 2021 ਵਿੱਚ ਹਸਤਾਖਰ ਕੀਤੇ ਗਏ ਅਤੇ ਭਾਰਤ ਸਰਕਾਰ ਦੀ ਦੂਜੀ ਅਨੁਸੂਚੀ (ਕਾਰੋਬਾਰ ਦਾ ਲੈਣ-ਦੇਣ) ਨਿਯਮ 1961 ਦੇ ਨਿਯਮ 7(ਡੀ)(i) ਦੇ ਅਨੁਸਾਰ ਇੱਕ ਸਹਿਮਤੀ ਪੱਤਰ (ਐੱਮਓਯੂ) ਤੋਂ ਜਾਣੂ ਕਰਵਾਇਆ ਗਿਆ।

ਸਹਿਮਤੀ ਪੱਤਰ ਦੇ ਉਦੇਸ਼:

ਸਹਿਯੋਗ ਮੁੱਖ ਤੌਰ 'ਤੇ ਚੇਨਈ, ਭਾਰਤ ਵਿੱਚ ਆਈਸੀਐੱਮਆਰ ਦੇ ਨੈਸ਼ਨਲ ਇੰਸਟੀਟਿਊਟ ਫੌਰ ਰਿਸਰਚ ਔਨ ਟਿਊਬਰਕਲੋਸਿਸ (ਐੱਨਆਈਆਰਟੀ) ਵਿੱਚ ਟ੍ਰੌਪੀਕਲ ਛੂਤ ਅਤੇ ਐਲਰਜੀ ਵਾਲੀਆਂ ਬਿਮਾਰੀਆਂ ਦੀ ਰੋਕਥਾਮ, ਨਿਦਾਨ ਅਤੇ ਇਲਾਜ ਲਈ ਤਕਨੀਕਾਂ 'ਤੇ ਧਿਆਨ ਕੇਂਦ੍ਰਤ ਕਰਦੇ ਹੋਏ, ਵਿਗਿਆਨਕ ਖੇਤਰ ਵਿੱਚ ਕੀਤਾ ਜਾਵੇਗਾ, ਜਿਸ ਵਿੱਚ ਬੇਸਿਕ, ਟ੍ਰਾਂਸਲੇਸ਼ਨਲ ਅਤੇ ਅਪਲਾਈਡ ਇਨੋਵੇਟਿਵ ਰਿਸਰਚ, ਮਹਾਮਾਰੀ ਵਿਗਿਆਨ, ਚਿਕਿਤਸਾ, ਅਣੂ ਜੀਵ ਵਿਗਿਆਨ, ਮੈਡੀਕਲ ਕੀਟ ਵਿਗਿਆਨ, ਪਰਜੀਵੀ ਵਿਗਿਆਨ, ਇਮਿਊਨੋਲੋਜੀ, ਮੈਡੀਸਿਨ, ਮਾਈਕ੍ਰੋਬਾਇਓਲੌਜੀ ਅਤੇ ਵਾਇਰੋਲੌਜੀ ਸ਼ਾਮਲ ਹਨ, ਪਰ ਇਹ ਸਹਿਯੋਗ ਇਨ੍ਹਾਂ ਤੱਕ ਹੀ ਸੀਮਿਤ ਨਹੀਂ ਹੈ।

ਸਹਿਯੋਗ 'ਤੇ ਧਿਆਨ ਕੇਂਦ੍ਰਿਤ ਕੀਤੇ ਜਾਣ ਵਿੱਚ ਤਪਦਿਕ (ਟੀਬੀ), ਪਰਜੀਵੀ ਲਾਗ, ਐੱਚਆਈਵੀ/ਏਡਸ, ਐਲਰਜੀ ਸਬੰਧੀ ਬਿਮਾਰੀਆਂ, ਇਮਿਊਨ ਸਿਸਟਮ ਦੀਆਂ ਬਿਮਾਰੀਆਂ, ਹੋਰ ਉੱਭਰ ਰਹੇ ਅਤੇ ਦੁਬਾਰਾ-ਉਭਰ ਰਹੇ ਜਰਾਸੀਮ, ਅਤੇ ਸਾਂਝੀ ਵਿਗਿਆਨਕ ਦਿਲਚਸਪੀ ਵਾਲੀਆਂ ਹੋਰ ਬਿਮਾਰੀਆਂ ਸ਼ਾਮਲ ਹਨ।

 ਵਿੱਤੀ ਪ੍ਰਭਾਵ:

ਸੰਯੁਕਤ ਰਾਜ ਅਮਰੀਕਾ ਸਰਕਾਰ ਅਤੇ ਭਾਰਤ ਗਣਰਾਜ ਦੀ ਸਰਕਾਰ ਸੰਸਾਧਨਾਂ ਦੀ ਉਪਲਬਧਤਾ ਦੇ ਅਧਾਰ 'ਤੇ ਇਸ ਸਹਿਮਤੀ ਪੱਤਰ ਦੇ ਤਹਿਤ ਗਤੀਵਿਧੀਆਂ ਲਈ ਵਿੱਤਪੋਸ਼ਣ ਸਹਾਇਤਾ ਪ੍ਰਦਾਨ ਕਰ ਸਕਦੀਆਂ ਹਨ। ਪਾਰਟੀਆਂ ਵਿਅਕਤੀਗਤ ਪ੍ਰੋਜੈਕਟਾਂ ਦੀ ਸਹਾਇਤਾ ਕਰਨ ਲਈ ਲੋੜੀਂਦੇ ਅਤੇ ਆਮ ਅਤੇ ਪਰੰਪਰਾਗਤ ਪ੍ਰਥਾ ਦੇ ਅਨੁਸਾਰ ਸਰਕਾਰੀ, ਗ਼ੈਰ-ਸਰਕਾਰੀ, ਪ੍ਰਾਈਵੇਟ ਸੈਕਟਰ, ਫਾਊਂਡੇਸ਼ਨ, ਅਤੇ ਹੋਰ ਸਰੋਤਾਂ ਤੋਂ ਅਤਿਰਿਕਤ ਫੰਡਿੰਗ ਅਤੇ ਸਰਗਰਮ ਭਾਗੀਦਾਰੀ ਦੀ ਮੰਗ ਕਰ ਸਕਦੀਆਂ ਹਨ। ਪਾਰਟੀਆਂ ਸਾਂਝੇ ਤੌਰ 'ਤੇ ਪ੍ਰਵਾਨਿਤ, ਸਹਿਯੋਗੀ ਖੋਜ ਪ੍ਰੋਜੈਕਟਾਂ ਅਤੇ ਸਬੰਧਿਤ ਗਤੀਵਿਧੀਆਂ ਦੇ ਵਿਅਕਤੀਗਤ, ਪ੍ਰਵਾਨਿਤ ਬਜਟ ਦੇ ਅਧਾਰ 'ਤੇ ਫੰਡ ਖ਼ਰਚ ਕਰ ਸਕਦੀਆਂ ਹਨ।

ਇਸ ਸਹਿਮਤੀ ਪੱਤਰ (ਐੱਮਓਯੂ) ਦੇ ਅਨੁਸਾਰ ਸਾਰੀਆਂ ਗਤੀਵਿਧੀਆਂ ਸਬੰਧਿਤ ਪਾਰਟੀਆਂ ਦੇ ਦੇਸ਼ਾਂ ਵਿੱਚ ਲਾਗੂ ਕਾਨੂੰਨਾਂ, ਨਿਯਮਾਂ, ਪ੍ਰਕਿਰਿਆਵਾਂ, ਨੀਤੀਆਂ ਅਤੇ ਦਿਸ਼ਾ-ਨਿਰਦੇਸ਼ਾਂ ਦੇ ਅਨੁਸਾਰ ਕੀਤੀਆਂ ਜਾਣਗੀਆਂ ਅਤੇ ਕਰਮਚਾਰੀਆਂ, ਸੰਸਾਧਨਾਂ ਅਤੇ ਨਿਯਤ ਫੰਡਾਂ ਦੀ ਉਪਲਬਧਤਾ ਦੇ ਅਧੀਨ ਹੋਣਗੀਆਂ।

ਰੋਜ਼ਗਾਰ ਉਤਪਤੀ:

ਭਾਰਤੀ ਵਿਗਿਆਨੀਆਂ/ਖੋਜਕਾਰਾਂ/ਵਿਦਿਆਰਥੀਆਂ ਨੂੰ ਇਕਰਾਰਨਾਮੇ/ਪ੍ਰੋਜੈਕਟ ਮੋਡ 'ਤੇ ਨਿਯੁਕਤ ਕਰਨ ਦੀ ਗੁੰਜਾਇਸ਼, ਲਾਗੂ ਨਿਯਮਾਂ ਦੇ ਅਨੁਸਾਰ, ਆਈਸੀਈਆਰ ਪ੍ਰੋਗਰਾਮ ਤੋਂ ਪੈਦਾ ਹੋਏ ਸਹਿਯੋਗੀ ਖੋਜ ਪ੍ਰੋਜੈਕਟਾਂ ਦੇ ਤਹਿਤ, ਉਨ੍ਹਾਂ ਨੂੰ ਟੀਬੀ ਅਤੇ ਹੋਰ ਬਿਮਾਰੀਆਂ ਦੇ ਖੇਤਰਾਂ ਵਿੱਚ ਵਿਭਿੰਨ ਤਕਨੀਕਾਂ/ਕੌਸ਼ਲ ਵਿਕਾਸ ਅਤੇ ਸਮਰੱਥਾ ਨਿਰਮਾਣ ਬਾਰੇ ਸਿੱਖਣ ਵਿੱਚ ਮਦਦ ਕਰੇਗੀ। 

ਪਿਛੋਕੜ:

ਭਾਰਤ-ਅਮਰੀਕਾ ਸੰਯੁਕਤ ਬਿਆਨ 'ਤੇ ਮੂਲ ਰੂਪ ਵਿੱਚ 2003 ਵਿੱਚ ਚੇਨਈ ਵਿੱਚ ਇੰਟਰਨੈਸ਼ਨਲ ਸੈਂਟਰ ਫੌਰ ਐਕਸੀਲੈਂਸ ਇਨ ਰਿਸਰਚ (ਆਈਸੀਈਆਰ) ਦੀ ਸਥਾਪਨਾ ਲਈ ਹਸਤਾਖਰ ਕੀਤੇ ਗਏ ਸਨ। ਇਸ ਨੂੰ 2008 ਵਿੱਚ ਅੱਗੇ ਵਧਾਇਆ ਗਿਆ ਹੈ ਅਤੇ 2017 ਵਿੱਚ ਦੁਬਾਰਾ ਨਵਿਆਇਆ ਗਿਆ ਹੈ ਅਤੇ ਹੁਣ ਸਹਿਮਤੀ ਪੱਤਰ (ਐੱਮਓਯੂ) ਵਜੋਂ ਨਵਿਆਇਆ ਗਿਆ ਹੈ। ਆਈਸੀਈਆਰ ਚੇਨਈ ਵਿੱਚ ਸਥਿਤ ਹੈ ਅਤੇ ਐੱਨਆਈਏਆਈਡੀ ਅਤੇ ਆਈਸੀਐੱਮਆਰ ਦੇ ਨੈਸ਼ਨਲ ਇੰਸਟੀਟਿਊਟ ਫੌਰ ਰਿਸਰਚ ਔਨ ਟਿਊਬਰਕਲੋਸਿਸ (ਐੱਨਆਈਆਰਟੀ) ਦਰਮਿਆਨ ਇੱਕ ਪਾਰਟਨਰਸ਼ਿਪ ਹੈ। ਇਸ ਸਹਿਯੋਗ ਨੇ 13 ਤੋਂ ਵੱਧ ਕਲੀਨਿਕਲ ਪ੍ਰੋਟੋਕੋਲਾਂ ਦਾ ਸਮਰਥਨ ਕੀਤਾ ਹੈ, ਹੈਲਮਿੰਥ ਇਨਫੈਕਸ਼ਨਾਂ ਦੀ ਇਮਿਊਨੋਲੋਜੀ ਦੀ ਮੁਢਲੀ ਸਮਝ ਵਿਕਸਿਤ ਕਰਨ ਵਿੱਚ ਮਦਦ ਕੀਤੀ ਹੈ।

ਟੀਬੀ ਪ੍ਰਤੀ ਪ੍ਰਤੀਰੋਧਕ ਪ੍ਰਤੀਕਿਰਿਆ 'ਤੇ ਡਾਇਬੀਟੀਜ਼ ਮਲੇਟਸ ਦੇ ਪ੍ਰਭਾਵਾਂ ਨੂੰ ਵਿਸਤ੍ਰਿਤ ਕੀਤਾ ਹੈ, ਕੁਪੋਸ਼ਣ ਅਤੇ ਟੀਬੀ ਨੂੰ ਸਮਝਣ ਲਈ ਕਈ ਅਧਿਐਨ ਕੀਤੇ ਹਨ, ਇਮਿਊਨ ਪ੍ਰਤੀਕਿਰਿਆ 'ਤੇ ਹੈਲਮਿੰਥ ਇਨਫੈਕਸ਼ਨ, ਸਾਰਸ-ਸੀਓਓਵੀ-2 (SARS-CooV-2) ਸੀਰੋਪੋਜ਼ਿਟਿਵਿਟੀ ਦੇ ਪ੍ਰਭਾਵ ਆਦਿ ਦਾ ਅਧਿਐਨ ਕਰਨ ਲਈ ਇੱਕ ਪਾਇਲਟ ਅਧਿਐਨ ਸ਼ੁਰੂ ਕੀਤਾ ਹੈ।

 ************

ਡੀਐੱਸ