પ્રધાનમંત્રી શ્રી નરેન્દ્ર મોદીની અધ્યક્ષતામાં મળેલ કેન્દ્રીય મંત્રીમંડળને ઈન્ડિયન કાઉન્સિલ ઑફ મેડિકલ રિસર્ચ (ICMR) અને નેશનલ ઈન્સ્ટિટ્યૂટ ઑફ એલર્જી એન્ડ ઈન્ફેક્શન ડિસીઝ (NIAID), અમેરિકાના આરોગ્ય અને માનવ સેવાઓ વિભાગના નેશનલ ઈન્સ્ટિટ્યૂટ ઑફ હેલ્થ વચ્ચે સપ્ટેમ્બર 2021માં અને ભારત સરકારના બીજા શિડ્યુલ (કાર્યવાહી વ્યવહાર) નિયમો 1961ના નિયમ 7(d)(i) અનુસાર હસ્તાક્ષર કરાયેલા સમજૂતી કરાર (એમઓયુ) વિશે માહિતગાર કરવામાં આવ્યું હતું.

એમઓયુના ઉદ્દેશો:

ICMRની નેશનલ ઇન્સ્ટિટ્યૂટ ફોર રિસર્ચ ઓન ટ્યુબરક્યુલોસિસ (NIRT) ખાતે મુખ્યત્વે ચેન્નઈ, ભારતમાં સહકાર હાથ ધરવામાં આવશે, જેમાં ઉષ્ણ કટિબંધીય ચેપી અને એલર્જીક રોગોના નિવારણ, નિદાન અને સારવાર માટેની તકનીકો પર ધ્યાન કેન્દ્રિત કરીને મૂળભૂત, અનુવાદાત્મક અને પ્રયોજિત નવીન સંશોધન, રોગશાસ્ત્ર, દવા, મોલેક્યુલર બાયોલોજી, મેડિકલ એન્ટોમોલોજી, પરોપજીવી, રોગપ્રતિકારક વિજ્ઞાન, દવા, માઇક્રોબાયોલોજી અને વાઈરોલોજીનો સમાવેશ થાય છે, પરંતુ તેના સુધી મર્યાદિત નથી.

સહયોગ પર ફોકસમાં ટ્યુબરક્યુલોસિસ, પરોપજીવી ચેપ, HIV/AIDS, એલર્જીક રોગો, રોગપ્રતિકારક તંત્રના રોગો, અન્ય ઉભરતા અને પુનઃઉભરતા રોગાણુઓ અને વહેંચાયેલ વૈજ્ઞાનિક હિતના અન્ય રોગોનો સમાવેશ થાય છે.

નાણાકીય અસરો:

યુ.એસ. સરકાર અને ભારતીય પ્રજાસત્તાક સરકાર સંસાધનોની ઉપલબ્ધતાના આધારે આ એમઓયુ હેઠળ પ્રવૃત્તિઓ માટે ભંડોળ સહાય પ્રદાન કરી શકે છે. વ્યક્તિગત પ્રોજેક્ટ્સને ટેકો આપવા માટે પક્ષકારો સરકારી, બિન-સરકારી, ખાનગી ક્ષેત્ર, ફાઉન્ડેશન અને અન્ય સ્ત્રોતો પાસેથી વધારાના ભંડોળ અને સક્રિય ભાગીદારીની માગ કરી શકે છે, જે જરૂરી છે અને સામાન્ય અને રૂઢિગત પ્રથા સાથે સુસંગત છે. પક્ષકારો વ્યક્તિગત, સંયુક્ત રીતે મંજૂર કરાયેલ, સહયોગી સંશોધન પ્રોજેક્ટ્સ અને સંબંધિત પ્રવૃત્તિઓના મંજૂર બજેટના આધારે ભંડોળનો ખર્ચ કરી શકે છે.

આ એમઓયુને અનુસરતી તમામ પ્રવૃત્તિઓ સંબંધિત પક્ષોના દેશોમાં પ્રવર્તતા લાગુ કાયદા, નિયમો, પ્રક્રિયાઓ, નીતિઓ અને માર્ગદર્શિકા અનુસાર હાથ ધરવામાં આવશે અને તે કર્મચારીઓ, સંસાધનો અને ફાળવેલ ભંડોળની ઉપલબ્ધતાને આધીન રહેશે.

રોજગાર સર્જન:

ICER પ્રોગ્રામમાંથી ઉદ્ભવતા સહયોગી સંશોધન પ્રોજેક્ટ્સ હેઠળ ભારતીય વૈજ્ઞાનિકો/સંશોધકો/વિદ્યાર્થીઓને કરાર આધારિત/પ્રોજેક્ટ મોડ પર લાગુ પડતા નિયમો અનુસાર રોજગારી આપવાનો અવકાશ તેમને ટીબી અને અન્ય રોગોનાં ક્ષેત્રોમાં વિવિધ તકનીકો/કૌશલ્ય વિકાસ અને ક્ષમતા નિર્માણ શીખવામાં મદદ કરશે.

પૃષ્ઠભૂમિ:

ઈન્ડો-યુએસ સંયુક્ત નિવેદન પર મૂળ 2003માં ચેન્નઈમાં ઈન્ટરનેશનલ સેન્ટર ફોર એક્સેલન્સ ઈન રિસર્ચ (ICER)ની સ્થાપના માટે હસ્તાક્ષર કરવામાં આવ્યા હતા. તે જ 2008માં લંબાવવામાં આવ્યું છે અને ફરીથી 2017માં નવીકરણ કરવામાં આવ્યું છે અને હવે MOU તરીકે નવીકરણ કરવામાં આવ્યું છે. ICER ચેન્નઈમાં સ્થિત છે અને તે NIAID અને ICMRની નેશનલ ઈન્સ્ટિટ્યૂટ ફોર રિસર્ચ ઓન ટ્યુબરક્યુલોસિસ (NIRT) વચ્ચેની ભાગીદારી છે. આ સહયોગે 13થી વધુ ક્લિનિકલ પ્રોટોકોલ્સને ટેકો આપ્યો છે, હેલ્મિન્થ ચેપની રોગપ્રતિકારક શક્તિની મુખ્ય સમજ વિકસાવવામાં મદદ કરી છે, ક્ષય રોગની રોગપ્રતિકારક પ્રતિક્રિયા પર ડાયાબિટીસ મેલીટસની અસરોને વિસ્તૃત કરી છે, કુપોષણ અને ક્ષય રોગને સમજવા માટે ઘણા અભ્યાસ હાથ ધર્યા છે, હેલ્મિન્થ ચેપની અસરો, ઈમ્યુન પ્રતિભાવ પર SARS-CooV-2 સેરોપોઝિટિવિટી,  વગેરેનો અભ્યાસ કરવા માટે એક પાયલોટ અભ્યાસ શરૂ કર્યો છે.

SD/GP/MR

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com