কোবিদ-১৯গী লাইচৎ অসিনা মরম ওইরগা লোজিস্তিক্কী মতাংদা খুদোংচদবশিং মায়োক্নরবসু, ভারতকী এগ্রিকলচরেল এক্সপোর্ত অমসুং প্রোসেসদ ফুদ প্রোদক্তশিং অদু হৌজিক্কী ফিস্কেল অসিগী অহানবা থা তরা (২০২১-২২গী এপ্রিল-জনুৱারী)গী মনুংদা অমসুং মমাং চহিগী চপ মান্নবা মতমগা চাংদম্নবা মতমদা য়ু.এস.দি.গী মতাংদা চাদা ২৩গী মথক্তা হেনগৎলকপা থেংনখি।

এগ্রিকলচরেল এন্দ প্রোসেসদ ফুদ প্রোদক্তস এক্সপোর্ত দেবেলপমেন্ত ওথোরিতী (এ.পি.ই.দি.এ.)গী মখাদা লৈবা প্রোদক্তশিংগী এক্সপোর্ত অদু ২০২০-২১গী এপ্রিল-জনুৱারীদা য়ু.এস.দি. মিলিয়ন ১৫,৯৭৪ ওইরম্বদগী হন্দক্কী মতম অসিগী মনুংদা য়ু.এস.দি. ১৯,৭০৯দা হেনগৎলকখ্রে।

কমর্স অমসুং ইন্দস্ত্রী মন্ত্রালয়না ২০২১-২২দা এ.পি.ই.দি.এ বাস্কেত প্রোদক্তশিংগী মখাদা য়ু.এস.দি মিলিয়ন ২৩,৭১৩দা এক্সপোর্তশিংগীদমক্তা অকক্নবা তার্গেত থমখ্রে।

চেংগী এক্সপোর্তনা ২০২১-২২গী এপ্রিল-জনুৱারীগী মনুংদা য়ু.এস.দি. মিলিয়ন ৭৬৯৬ ওইদুনা ফোরেক্স আর্নরগী খ্বাইদগী মকোক থোংবা ওইখি, হায়রিবা অসি ২০২০-২১দা য়ু.এস.দি. মিলিয়ন ৬,৭,৯৩ ফংখিবা অদুগা চাংদম্নবদা চাদা ১৩গী চাংদা হেনগৎলকখ্রে।

গেহু এক্সপোর্ত তৌবদা ২০২১-২২গী এপ্রিল-জনুৱারী মনুংদা য়ু.এস.দি. মিলিয়ন ১৭৮২ ফংদুনা য়াম্না চাউনা হেনগৎলকপা থেংনখি, হায়রিবা অসি ২০২০-২০২১দা য়ু.এস.দি. মিলিয়ন ৩৫৮ ফংখিবা অদুগা চাংদম্নবদা চাদা ৩৮৭ হেন্না হেনখি। অদুগা অতোপ্পা হৱাই-চেংৱাইশিংদা চাদা ৬৬ হেনগৎলকপা থেংনখি, মসিনা ২০২১-২২গী এপ্রিল-জনুৱারীগী মনুংদা মিলিয়ন ৮৬৯ ফংদুনা ২০২০-২১দা য়ু.এস.দি. ৫২৭ ফংখিবা অদুগা চাংদম্নবদা চাদা ৬৬কী চাংদা হেনগৎলকপা থেংনখি।

মীত দায়রী অমসুং পোলত্রিগী পোত্থোকশিংগী এক্সপোর্তশিং অদু চাদা ১৩ চাংদা হেনগৎলক্তুনা ২০২১-২২গী এপ্রিল-জনুৱারীদা য়ু.এস.দি. মিলিয়ন ৩৪০৮ ওইখি হায়রিবা অসি ২০২০-২১দা থা তরাগী মনুংদা য়ু.এস.দি. মিলিয়ন ৩০০৫ ফংখিবা অদুগা চাংদম্নবদা চাদা ১৩ চাংদা হেনগৎখি। হৈশিং অমসুং ইনশাং নাপিশিংগী এক্সপোর্ত অদু ২০২০-২১গী এপ্রিল-জনুৱারীদা  য়ু.এস.দি. মিলিয়ন ১০৩৭ ফংখিবা অদুগা চাংদম্নবদা ২০২১-২২দা য়ু.এস.দি. মিলিয়ন  ১২০৭ য়োদুনা চাদা ১৬ হেনগৎলকখি, অদুগা প্রোসেস তৌরবা হৈরাশিং অমসুং ইনশাং-নাপিশিং অদু মমাং চহিদা য়ু.এস.দি. মিলিয়ন  ১১৪৩ ফংখিবা অদুগা চাংদম্নবদা ২০২১-২২দা য়ু.এস.দি. ১২৬৯ য়ৌদুনা চাদা ১১ হেনগৎলকখি।

হৱাই-চেংৱাইশিংনা শাবা পোৎলমশিং অমসুং অতোপ্পা প্রোসেস তৌরবা ফুদ আইতেমশিং অদু ২০২০-২১, এপ্রিল-জনুৱারীদা য়ু.এস.দি. মিলিয়ন ২৫৯৯ ফংখিবা অদুগা চাংদম্নবদা ২০২১-২২গী এপ্রিল-জনুৱারী মনুংদা য়ু.এস.দি. মিলিয়ন ২৯৫৬ য়ৌদুনা চাদা ১৮ হেনগৎলকখি। চাশভু এক্সপোর্তশিংদসু মমাং চহিগা চাংদম্নবদা য়ু.এস.দি. মিলিয়ন ৩৪৩ য়ৌদুনা চাদা ১১ হনেগৎলকখি। 

“এগ্রিকলচরেল এক্সপোর্ত পোলিসী, ২০১৮কী পাম্দম অদুগী মতাংদা খল্লগা রাজ্য সরকারশিংগা খুৎশম্নদুনা ক্লস্তরশিংদা মীৎয়েং থমদুনা এক্সপোর্তশিং হেনগৎহন্নবা ঐখোয়না ইনফ্রস্ত্রকচর শেমগৎপগী মতাংদা মীৎয়েং চংগদবনি,” দা. এম. অঙ্গামুথু, চেবরমেন, এ.পি.ই.দি.এ.ণা হায়খি।

“ঐখোয়না নোর্থ-ইস্তর্ন অমসুং চিংগী রাজ্যশিংদগী তোপ-তোপ্পা পোৎলমশিং লোইননা জিয়োগ্রাফিকেল ইন্দিকেশন রেজিস্তরদ প্রোদক্তশিংগী এক্পোর্তশিং প্রোমোত তৌরি,” হায়না অঙ্গমুথুনা হায়খি।

এ.পি.ই.দি.এ. অসি এগ্রিকলচরেল এক্সপোর্ত পোলিসী চৎনহন্নবগীদমক্তা রাজ্য সরকারশিংগা থবক টৌমিন্নরি। মহারাস্ত্র, য়ু.পি. কেরলা, নাগালেন্দ, তামিল নাদু, অসাম, পঞ্জাব, কর্নাতকা, গুজরাত, রাজস্থান , অন্ধ্র প্রদেশ, তেলঙ্গনা , মনিপুর, সিক্কিম, উত্ত্রখন্দ, এম.পি., মিজোরাম, অমসুং মেঘালয়ানা এক্সপোর্তশিংগীদমক্তা  রাজ্যগী অখন্নবা এক্সন প্লান অদু ফাইনেলাইজ তৌখ্রে অদুগা অতোপ্পা রাজ্যশিংগী এক্সন প্লানশিং অদুনা ফাইনেলাইজ তৌবগী তাংকক কবা অমদা লৈরি।

এ.পি.ই.দি.এ.না ভারত্তা জিয়োগ্রাফিকেল ইন্দিকেশনশিং (জি.আই.) রেজিস্তর তৌরবা এগ্রিকলচরেল অমসুং প্রোসেস তৌরবা ফুদ প্রোদক্তশিংবু প্রোমোত তৌনবা মালেম অসিগী মরু ওইবা ইমপোর্ত তৌবা লৈবাকশিংগা লোইননা এগ্রিকলচরেল অমসুং ফুদ প্রোদক্তশিংগী মতাংদা ভর্চুৱল ওইবা বায়র সেল্লর মীতশিং শিন্দুনা অনৌবা খোংথাং কয়া অমা পাইখৎলি।

অফবা ক্বালিতীগী সর্তিফাই তৌরবা  পৎলমশিং এক্সপোর্ত তৌনবগীদমক্তা, এ.পি.ই.দি.এ.না এক্সপোর্তরশিংদা প্রোদক্ত মখল কয়া অমগী তেস্তিং সার্বিসশিং পীনবগীদমক্তা ভারত শিনবা থুংনা লেব ২২০ রিকোগ্নাইজ তৌখ্রে।

এ.পি.ই.দি.এ.না এক্সপোর্ত তেস্তিং অমসুং রেসিদ্যু মোনিতরিং প্লানশিংগীদমক্তা মশক খঙলবা লেবোরেতরীশিংগী অপগ্রেদেশন অমসুং মপাঙ্গল কনখৎহনবদা মতেং পাংঙি এ.পি.ই.দি.এ.না এগ্রিকলচরেল প্রোদক্তশিংগী এক্সপোর্ত হেনগৎহন্নবগীদমক্তা ইনফ্রস্ত্রকচর দেবেলপমেন্ত, ক্বালিতী ইমপ্রুভমেন্ত অমসুং মার্কেত দেবেলপমেন্তকীদমক্তা ফাইনান্সিয়েল এসিস্তেন্চ স্কীমশিং অসিগী মখাদা মতেংসু পাংলি।

এ.পি.ই.দি.এ.না ইন্তর্নেস্নেল ত্রেদ ফেয়রশিংদা এক্সপোর্তরশিং শরুক য়ানবা শিল্লি, মসিনা এক্সপোর্তরশিংদা মখোয়গী ফুদ প্রোদক্তশিং অদু গ্লোবল মার্কেত প্লেসতা য়োন্নবা এক্সপোর্তরশিংদা প্লেতফোর্ম অমা পী। এ.পি.ই.দি.এ.নানেস্নেল ইভেন্তশীং খুদম ওইনা আহার, ওর্গানিক ৱার্লদ কোংগ্রেস, বায়োফেক ইন্দিয়ানচিংবা কয়া অমা এগ্রি এক্সপোর্ত প্রোমোত তৌনবা শিল্লি।

এ.পি.ই.দি.এ.না ইন্তর্নেস্নেল মার্কেতকী ক্বালিতী রিক্বায়রমেন্তশিং অদুগী মতুং ইন্না পীবা ঙম্নবা হোর্তিকলচরগী প্রোদক্তশীংগদমক্তা পেক হাউসীশংগী রেজিস্ত্রেশন হৌদোকখ্রে। পীনত শেলিং অমসুং গ্রেদিং অমসুং প্রোসেসিং য়ুনিৎশিংগীদমক্তা এক্সপোর্ত য়ুনিৎশিংগী রেজিস্ত্রেশন তৌরিবা অসি ই.বু. অমসুং নন-ই.য়ু লৈবাকশিংগীদমক্তা ক্বালিতী ঙাক্না চৎনবগীদমক্তনি।

এ.পি.ই.দি.এ.না গ্লোবল ফুদ সেফতী অমসুং ক্বালিতীগী তঙাইফদবশিং অদুবু ঙাক্না চৎনবগীদমক্তা  মীত প্রোসেসিং প্লান্তশিং অমসুং অমসুং শা হাৎফমশিংগী রেজিস্ত্রেশন পাংথোকই। অতোপ্পা য়াম্না মরু ওইবা অনৌবা খোংথাংশিংগী মনুংদা ত্রেসেবিলিতী সীস্তেমশিংগী দেবেলপমেন্ত অমসুং ইমপ্লিমেন্তেশন তৌবা, ইমপোর্ত তৌরিবা লৈবাকশিংগী ফুদ সেফতী অমসুং ক্বালিতীবু ঙাক্না চৎহনগনি। এক্সপোর্তশিং হেনগৎহন্নবা, এ.পি.ই.দি.এ.না ইন্তর্নেস্নেল ত্রেদ এনালিতিকেল ইনফোর্মেশন কমপাইল তৌবা অমসুং ময়ামদা খঙহল্লি, স্তেকহোল্দরশিংগী মরক্তা মার্কেত এক্সেস ইনফোর্মেশন পী অমসুং ত্রেদ ইনক্বাইরীশিং অদুবু য়েংশিল্লি

তেবল: এগ্রিকলচরেল অমসুং প্রোসেস ফুদ প্রোদক্তশিংগী এক্সপোর্ত (এপ্রিল-জনুৱারী), ২০২১-২২ অমসুং ২০২০-২১

**********