கொவிட் பெருந்தொற்று காலத்தில் சரக்குகளை அனுப்புவதில் ஏற்பட்ட சவால்களுக்கு இடையே இந்தியாவின் வேளாண் மற்றும் பதப்படுத்தப்பட்ட உணவுப் பொருட்களின் ஏற்றுமதி முந்தைய நிதியாண்டின் முதல் பத்து மாதங்களைவிட  நடப்பு நிதியாண்டின் முதல் பத்து மாதங்களில் 23 சதவீதத்திற்கு மேல் அதிகரித்துள்ளது (ஏப்ரல்-ஜனவரி, 2021-22).  

வேளாண் மற்றும் பதப்படுத்தப்பட்ட உணவுப் பொருட்கள் ஏற்றுமதி வளர்ச்சி ஆணையத்தின் கீழ், பொருட்களின் ஏற்றுமதி மதிப்பு 2020-21 ஏப்ரல், ஜனவரி மாதங்களில் 15,974 மில்லியன் அமெரிக்கன் டாலராக இருந்தது. இது தற்போது 19,709 மில்லியன் டாலராக அதிகரித்துள்ளது.

2021-22-ல் 23,713 மில்லியன் அமெரிக்க டாலர் அளவிற்கு ஏற்றுமதி செய்யவேண்டும் என்ற இலக்கினை மத்திய வர்த்தகம் மற்றும் தொழில்துறை அமைச்சகம் நிர்ணயித்துள்ளது. 

2021-22 ஏப்ரல்–ஜனவரி மாதங்களில் அந்நியச் செலாவணியை  ஈட்டியதில் அரிசி ஏற்றுமதி முதலிடம் வகிக்கிறது. இது 7,696 மில்லியன் அமெரிக்க டாலர் அளவிற்கு அந்நிய செலாவணியைப் பெற்றுத் தந்துள்ளது.

2020-21 இதே காலகட்டத்தில் அரிசி ஏற்றுமதி மூலம் 6,793 மில்லியன் அமெரிக்க டாலர் அளவுக்கு அந்நியச்  செலாவணி கிடைத்துள்ளது.

மேலும் விவரங்களுக்கு இந்த ஆங்கிலச்  செய்திக் குறிப்பைக் காணவும்  https://pib.gov.in/PressReleasePage.aspx?PRID=1803561

----