খুরুমজরি!

ঙসি ঐহাক্না লৈবাক অসিগী মফম কয়াদগী মীওই কয়ামরুমগা ৱাঈ শানবগী খুদোংচাবা অমা ফংজরি, মসিদা য়াম্না অপেনবা পোকচৈ। ঐহাক্না সরকারগী থৌরাংশিংগী কান্নবশিংবু মীয়ামদা য়ৌহন্নবা পাইখৎপা কেম্পেন অসিদা শরুক য়ারিবা মীওই পুম্নমক্তা তৌবীমল খঙবা উৎচরি। ঙসি সরকার অসিনা নখোয়শিংগী মরক্তা মীওই খরদা ইকাই খুম্নবা উৎচনবা খুদোংচাবা অমা লৌজরি। ঐহাক্না মীয়ামদা জন ওশধি দিৱসকী য়াইফ-পাউজেল পীজরি।

জন ওশধি কেন্দ্রশিং অসি হকচাংগী হীদাকশিংগী পীরি, ৱাখল ৱাবা হন্থহন্নবা হীদাকশিং লৈ অমসুং মফম অসিনা মীয়ামদা শেল চংবা হন্থহন্দুনা অৱাবা কোকহল্লিবা। হীদাকশিং অসিগী প্রেস্ক্রিপসন খুৎতা লৈরবা মতুংদা মীয়ামগী ৱাখলশিংদা অৱাবা পোকই, হীদাকশিং অদু লৈবদা শেল কয়াম য়াম্না চংগনি হায়না অকিবা পোকই হায়রিবা অসি কোকহনবা ঙমখ্রে। করিগুম্বা চহি অসিগী শেনবা চহিগী মশিংদা য়েংলুরবা তারবদি জন ওশধি কেন্দ্রশিংগী খুত্থাংদা হীদাক করোর ৮০০ হেন্না য়োনখি।

মসিনা তাকপদি চহি অসি খক্তদা জন ওশধি কেন্দ্রশিংগী খুত্থাংদা লায়রবা অমসুং মিদল ক্লাসনা লুপা করোর লিশিং ৫ তুংশিনবা ঙমখি। অমসুং অদোম্না ভিদিওদা উবীখ্রে মদুদি হৌজিক ফাওবদা পুম্নমক পুনশিল্লগা লুপা করোর লিশিং ১৩ তুংশিনবা ঙমখ্রে। অসুম্না মমাংদা তুংশিনবা ঙমখিবা অদুদগী হেন্না হেনগৎলক্লি। কোরোনাগী মতম অসিদা মসিমক লায়রবা অমসুং মিদল ক্লাসকীদমক লুপা করোর লিশিং ১৩গী পব্লিক মেদিসিন সেন্তরশিং চত্থনবা অচৌবা মতেং ওইখি। অমসুং মসিগী কান্নবা অসি লৈবাক অসিগী রাজ্য অয়াম্বগী অয়াম্বা মীয়ামদা য়ৌবা ঙম্বা অসি অপেনবা পোক্নীংঙাই ওইবা ৱাফম অমনি।

হোজিক ফাওবগী ওইনা জন ওশধি কেন্দ্র ৮,৫০০ হেন্না লৈবাক অসিদা হাংদোকখ্রে। মসিগী সেন্তরশিং অসি হৌজিক শুপ্নগী সরকারগী দুকানশিং ওইদ্রে, মখোয় অসি মীচম মীয়ামগী সোল্যুসনশিং পীরিবা অমসুং খুদোংচাবা ফংহন্নবা মফম অমা ওইরক্লি। মফম অসিদা লুপা ১দা নুপীশিংগী সেনিতরী নেপকিনসু ফংলি। সেনিতরী নেপকিন করোর ২১ য়োনখিবা অসিনা লৈবাক পুম্বদা জন ওশধি কেন্দ্রশিংনা নুপীশিংগী পুন্সি মহিংদা কান্নবা ফংহনখ্রে হায়না তাক্লি।

মরুপশিং,

ইংলিশতা হায়নবা অমা লৈ – মনী সেব ইস মনী অর্ন! হায়বদি তুংশিনবা ঙমখিবা শেল অসি অমরোমদা অদোমগী ইনকমদা হাপচিল্লকই হায়বনি। লায়রবা নত্ত্রগা মিদল ক্লাস ওইরবসু লায়েংমলদা লেম্লকপা মতমদা হায়রিবা শেল অদু অতোপ্পা থবকশিংদা শীজিন্নবা য়াই।

ঙসি, মীওই করোর ৫০ হেনবনা অয়ুশ্মান ভারত য়োজনাগী মনুংদা কোনশিনখ্রে। স্কিম অসি হৌদোকখিবদগী হৌনা মীওই করোর ৩ হেনবনা স্কিম অসিগী কান্নবা ফংহনখ্রে। মখোয়না হোস্পিতালশিংদা লেম্না য়েংবা ঙমখি। করিগুম্বা স্কিম অসি লৈরমদবা তারবদি ঐখোয়গী লায়রবা ইচিল-ইনাওশিংনা লুপা করোর লিশিং ৭০ না চাদিং তৌরমগনি। 

লায়রবশিংগী সরকার অমা লৈরবা মতমদা, মিদল ক্লাসকী ইমুংশিংগীদমক সরকার অমা লৈরবা মতমদা, লোৱর মিদল ক্লাসকী ইমুংশিংগীদমক সরকার অমা লৈরবা মতমদা খুন্নাইগী চাউখৎনবা অসিগুম্বা থবক মখল অসি পাইখৎপা ঙমগনি। ঐখোয়গী সরকারনা পি.এম. নেস্নেল দাইলাইসিস প্রোগ্রাম হৌদোকখি। হৌজিক মতম অসিদা কিদনীগা মরী লৈনবা অনাবা কয়া লৈরকপদা, দাইলাইসিসকী খুদোংচাবা অসিনা ৱাখলদা লাকই। মসিগীদমক ঐখোয়না কেম্পেন চত্থখি। ঙসি লায়রবশিংদা লেম্না দাইলাইসিস সেসন করোর হেন্না ফংহনখ্রে। মসিনা মরম ওইরগা ঐখোয়গী লায়রবা ইমুংশিং অসিদা লেম্না দাইলাইসিস তৌদুনা লুপা করোর ৫৫০ তুংশিনবা ঙমহনখি। লায়রবশিংগীদমক খনবা সরকার অমা লৈরবা মতমদা মখোয়গী চাদিংদা হন্থহনবা ঙম্মি। ঐখোয়গী সরকারনা কেন্সর, ত্যুবরক্যুলোসিস, দাইবেতিস, হর্ত দিজিজ অসিগুম্বা লাইনাশিং অসি লায়েংবদা মথৌ তাবা হীদাক ৮০০ হেনবগী মমল য়েংশিনখি।

স্তন্তিং অমসুং নী ইম্প্লান্ত তৌবগী মমল অসিসু কন্ত্রোল তৌরগনি হায়না সরকারনা থাজবা পীখ্রে। ৱারেপশিং অসিনা মরম ওইরগা লায়রবশিংগী লুপা করোর লিশিং ১৩ তুংশিনবা ঙমহনখি। লায়রবা অমসুং মিদল ক্লাসকীদমক খনবা সরকার অমা লৈরবা মতমদা সরকারগী ৱারেপশিংনা মীচম মীয়ামদা কান্নবা ফংহল্লি, অমসুং মীয়াম্না স্কিম অসিগী এম্বেসেদর অমসু ওইরি।

মরুপশিং,

কোরোনাগী মতম অসিদা মালেমগী অচৌবা লৈবাকশিংনা ভেক্সিন অমমমদা লুপা লিশিং কয়া থিদুনা লৈরি। অদুবু ভারত্তা ঐখোয়না অহৌবা নুমিৎতগী হৌনা লায়রবদা ভেক্সিন ফংহন্নবা ভারতকী প্রজা অমত্তনা ভেক্সিনগীদমক শেল তিংহন্দনবা হোৎনদুনা লাকখি। অমসুং ঙসি ভেক্সিন লেম্না ফংহনবগী কেম্পেন অসি লৈবাক অসিদা মাইপাক্না চত্থরো অমসুং ঐখোয়গী সরকারনা ঐখোয়গী লৈবাক অসিদা লৈরিবা প্রজাশিং মশা০মউ ফনা থম্নবগীদমক লুপা করোর লিশিং ৩০ হেন্না চাদিং তৌখি।

নুমিৎ খরনিগী মমাংদা ময়াম্না উবীখ্রে মদুদি সরকার অসিনা অতোপ্পা অচৌবা ৱারেপ অমগা লৌখি, মসিনা লায়রবা অমসুং মিদল ক্লাসকী অঙাংশিংগীদমক কান্নবা ফংহল্লগনি। ঐখোয়না লনাই মেদিকেল কোলেজশিংগী সীতশিংগী তঙ্খাই অমা সরকারগী মেদিকেল কোলেজশিংগী মতুং ইন্না শেল থীহল্লগনি, ঐখোয়না ফী অসিদগী হেন্না লৌররোই। মসিনা মরম ওইরগা লায়রবা অমসুং মিদল ক্লাসকী অঙাংশিংগীদমক লুপা করোর লিশিং অনি মখাই তুংশিনবা ঙম্লগনি। মসি খক্তা নত্তনা মখোয়না মশাগী মমা লোমদা মেদিকেল এজুকেসন তম্বা ফংলগনি, মখোয়না তেক্নিকেল এজুকেসন তম্বাফংলগনি। মসিনা মরম ওইরগা লায়রবা অঙাং, মিদল ক্লাসকী অঙাং, লোৱর-মিদল ক্লাসকী অঙাংনা, ইংলিশতা স্কুল তম্লক্তবা অঙাংশিংনা হৌজিক্তি দোক্তরশিং ওইবা ঙম্লগনি।

ইচিল-ইনাওশিং,

তুংলমচৎতা থেংনরক্কদবা শীংনবশিংগী য়েংলগা ঐখোয়গী সরকারনা হেল্থ ইনফ্রাস্ত্রকচর অসি লেপ্তনা ফগৎহল্লি। নীংতম্লবা মতুং দিকেদ কয়া লৈবাক অসিদা শুপ্নগী এম্স অমা খক্তা লৈরমখি, অদুবু ঙসিদি ২২ শুবা ঙম্লে। ঐখোয়গী পান্দমদি লৈবাক অসিগী জিলা খুদিংমক্তা য়ামদ্রবদা মেদিকেল কোলেজ অমা থম্বনি। হৌজিক চহি খুদিংগী লৈবাক অসিগী মেদিকেল ইন্সতিত্যুতশিংদগী অনৌবা দোক্তর লাখ ১.৫ থোরক্লি, মসিনা হেল্থ সর্ভিসেসকী ক্বালিতী অমসুং এসেসিবিলিতীদা চাউনা কান্নবা ফংহল্লগনি।

লৈবাক অসিগী খুঙ্গংগী মফমশিংদা ৱেলনেস সেন্তর লিশিং কয়া হাংদোক্লে। মসিগী খোঙথাংশিং অসিগা লোয়ননা ঐখোয়গী প্রজাশিংনা হোস্পিতালদা চৎপগী মথৌ তাহনদবনি। য়োগগী ৱাখল্লোন শন্দোকপা, লাইফস্তাইলদা আয়ুশ য়াওহনবা, ফিত ইন্দিয়া অমসুং খেলো ইন্দিয়া মুফমেন্ত ঙসিদি মসি ঐখোয়গী হেল্দী ইন্দিয়া কেম্পেনগী মরু ওইবা শরুক ওইরে।

ইচিল-ইনাওশিং,

‘সবকা সাথ, সবকা বিকাসম সবকা বিশ্বাস অমসুং সবকা প্রয়াস’কী মন্ত্রগা লোয়ননা ভারতনা মাংদা চংশিনবা অসিদা মীওই খুদিংমক্কী পুন্সিনা চপ মান্নবা ইকাই খুম্নবা ফংহনগনি। জন ওশধি কেন্দ্রশিংনা চপ মান্নবা ফিরেপকা লোয়ননা খুন্নাইদা মপাঙ্গল মখা তানা হাপলগনি। ঐহাক্না অমুক হন্না ময়ামদা য়াইফ-মঙ্গোল পীজরি।

হন্না-হন্না থাগৎচরি!

*****