শেল-থুম অমদি কোর্পোরেৎ এফিয়র্সকী কেন্দ্র মন্ত্রী শ্রীমতি নির্মলা সিতারামননা ঙসি মফম অসিদা ৪৬শুবা সিবিল একাউন্তস দেদা কেন্দ্র সরকারগী মন্ত্রালয়শিংগীমদক ই-বিল সিস্তোম হৌদোকখি৷

ফেজ নাইবা মওং অমদা, অনৌবা সিস্তেম অসিনা বিলশিং পীশিনবা অমদি প্রোসেসিং লোইশিনবগী মপুং ওইবা প্রোসেস অসি মপুং-ফানা পেপরলেস অমদি ত্রান্সপরেন্ত ওইহনগনি৷ মতৌ অসুম্না, মসি “দিজিতেল ইন্দিয়া”গী মংলান অসি ফংনবগী ওইনদি অমদি অরাইবা মওংদা করবার তৌববু য়োকখৎনবগী ওইনদি মরু ওইবা খোংথাং অমনি৷

সিস্তেম অসিগী ওবজেক্তিবশিং অদুদি:

a) সরকারগী সপ্লাইয়রশিং/বেন্দর পুম্নমক্না মতম অমা হেক্তদা, মফম অমা হেক্তদগী মখোয়গী বিলশিং অদু পীশিনবদা হেন্না খুদোংচাবা ফংহনবা৷

b) সপ্লাইয়রশিং অমদি সরকারগী ওফিসরশিংগী মরক্তা ফিজিকেল ইন্তরফেজ তৌবা অসি লৌথোকপা৷

c) বিলশিং/ক্লেমশিংগী প্রোসেসিংদা ইফিসিয়েন্সী হেনগৎহনবা৷

d) “ফর্স্ত-ইন-ফর্স্ত-আউত”(এফ.আই.এফ.ও.) মেথর্দকী খুৎথাংদা বিলশিং প্রোসেস তৌবদা দিসক্রিসন হন্থহনবা৷

হৌজিক হৌজিক্কী ওইনা, সরকারদা তোঙান তোঙানবা গুদস অমসুং সর্ভিসেস পীরিবা সপ্লাইয়রশিংনা ভারত সরকারগী মরী লৈনবা ওফিসশিং/ মন্ত্রালয়শিং/দিপার্তমেন্তশিংদা মখোয় মখোয়গী বিলশিং অদুগী ফিজিকেল, ইঙ্কনা সাইন তৌরবা কোপীশিং পীশিনগদবনি৷ মতৌ অসিগুম্না, সরকারগী এমপ্লোইয়ীশিং অসিনসু মখোয়গী ক্লেমশিং অদুগী হার্দ কোপীশিং পীশিনবা দরকার ওইরি৷ লোইশিল্লকপগী শরুক্তসু, বিলশিং প্রোসেস তৌবগী থৌওং অসি ফিজিকেল অমদি দিজিতেল মোদশিংগী মিক্স সিস্তেম অমগী খুৎথাংদা পাংথোক্লিবনি৷ মরম অদুনা, মখোয় মখোয়গী রিপ্রজেন্তেতিবশিং নত্রগা সপ্লাইয়রশিং/বেন্দরশিংনা বিলশিং অসি পীশিন্নবা ওফিসশিংদা চৎপগী মথৌ তারি৷ অসিগীসু মথক্তা, মখোয়না মখোয়গী বিলশিং প্রোসেস তৌবগী স্তেতস অদু ত্রেক তৌবা ঙমলমদে৷

নৌনা হৌদোক্লিবা ই-বিল সিস্তেম অসিগী মখাদা, বেন্দরশিং/সপ্লাইয়রশিংনা দিজিতেল সিগনেচর তৌদুনা মখোয়গী ময়ুমশিং/ওফিসশিংদগী মতম অমা হেক্তদগী হেন্না খুদোং চাগদবা মওংদা সপোর্তিং দোকুমেন্তশিংগা লোইননা মখোয়গী বিলশিং অদু অপলোদ তৌবা য়াগনি৷ দিজিতেল সিগনেচর লৈতবশিংগী ওইনদি, আধার শিজিন্নদুনা ই-সাইন তৌবগী খুদোংচাবসু পীখ্রে৷ মরম অদুনা, সপ্লাইয়রশিংনা হিরম অসিগীদমক মখাতানা ওফিসশিংদা চৎপগী মথৌ তাররোই৷

লোইশিল্লকপগী শরুক্তসু,  ফংলিবা ইলেক্ত্রোনিক বিল অদু স্তেজ খুদিংমক্তা ওথোরিতীশিংনা দিজিতেল্লী প্রোসেস তৌরগনি অমদি অরোইবদা, পেমেন্তশিং অদু বেন্দরগী বেঙ্ক একাউন্তদা দিজিতেল্লী হাপলক্লগনি৷ বেন্দর/সপ্লাইয়রশিংনা মখোয়গী বিলশিং প্রোসেস তৌবগী স্তেতস অদু ওনলাইনদা ত্রেক তৌবা য়ারগনি৷ মতৌ অসিগুম্না, অনৌবা সিস্তেম অসিনা সিস্তেম অসিদা ইফিসিয়েন্সী অমদি ত্রান্সপরেন্সী কয়া অমা লাকহল্লগনি অমদি মসি ভারত সরকারগী প্রজাদা চাওনা মীৎয়েং থম্বা ৱারেপ অমনি৷

ই-বিল সিস্তেম অসি শেল-থুম মন্ত্রালয়গী এক্সপেন্দিচর দিপার্তমেন্তদা কন্ত্রোল্লর জেনেরেল ওফ একাউন্তসকীওফিসতা লৈরিবা পব্লিক ফাইনান্সিয়েল মেনেজমেন্ত সিস্তেম(পি.এফ.এম.এস.)না শেমগৎখিবনি৷ বিলশিং অসি ফর্সত-ইন-ফর্স্ত-আউত(এফ.আই.এফ.ও.) মেথর্দতা প্রোসেস তৌগনি৷

সিস্তেম অসি মখাগী মন্ত্রালয়শিং/দিপার্তমেন্ত মাপনগী পে অমসুং একাউন্তিং য়ুনিৎ মপানদা মাংজৌননা চৎনখ্রে:-

১) পি.এ.ও., ফুদ প্রোসেসিং ইন্দস্ত্রী মন্ত্রালয়

২) পি.এ.ও., ফার্মক্যুতিকেল্স দিপার্তমেন্ত, কেমিকেল অমসুং ফর্তিলাইজর মন্ত্রালয়

৩) পি.এ.ও., সাইন্স অমসুং তেক্নোলোজী দিপার্তমেন্ত, সাইন্স অমসুং তেক্নোলোজী মন্ত্রালয়

৪) পি.এ.ও. (সি.জি.এ. ঐচ.ক্বু.), এক্সপেন্দিচর দিপার্তমেন্ত, শেল-থুম মন্ত্রালয়

৫) পি.এ.ও. (পি.এফ.এম.এস. দিবিজন), এক্সপেন্দিচর দিপার্তমেন্ত, শেল-থুম মন্ত্রালয়

৬) পি.এ.ও., ন্যু অমসুং রেনিৱেবল ইনর্জী মন্ত্রালয়

৭) পি.এ.ও. (সেন্সস), হোম এফিয়র্স মন্ত্রালয়

৮) পি.এ.ও. এম/ও  স্তীল

৯) পি.এ.ও. (এন.আই.সি.), ইলেক্ত্রোনিক্স অমসুং ইনফোর্মেসন তেক্নোলোজী মন্ত্রালয়

২০২২-২৩দা ই-বিল সিস্তেম অসি অতোপ্পা মন্ত্রালয়শিং/দিপার্তমেন্তশিংদা চৎনরগনি৷

করবার হেন্না লাইনা তৌববু য়োকখৎনবা অমদি বেন্দরশিং/সপ্লাইয়র লাখ কয়াদা হেন্না খুদোংচাবা পীনবা হোৎনরিবা অসিগী মথক্তা, ই-বিল সিস্তেম অসিনা চহি খুদিংগী পেপর বিল কয়া পীশিনবগী দরকার ওইরিবা অদু লৌথোক্তুনা সিস্তেম অসি এনবাইরোনমেন্ত ফ্রেন্দলী ওইহল্লগনি অমদি মসিনা চহি খুদিংগী চে তন কয়া কনবা ঙম্লগনি৷ ই-বিল সিস্তেম অসিদা দোকুমেন্তশিং অমুক হন্না লৌখৎনবগী চাওরবা দিজিতেল স্তোরেজ ফেসিলিতী অমা অমদি অফবা ওদিৎ ত্রাইএল অমা লৈ৷

******