প্রধান মন্ত্রী শ্রী নরেন্দ্র মোদীনা মার্চ ৬, ২০২২তা পুনেদা চৎকনি অমসুং পুনে মেত্রো রেল প্রোজেক্ত শঙ্গাগনি। মহাক্না তোঙান-তোঙানবা চাউখৎ-থৌরাংগী প্রোজেক্তশিং শঙ্গাগনি অমসুং উরেপ-উয়ুং তমগনি।

অয়ুক পুং ১১ রোম তারকপদা প্রধান মন্ত্রীনা পুনে ম্যুনিসিপালিতী কোর্পোরেসনগী মনুং শ্রী ছত্রপতি শিবাজী মহারাজকী মীতম মাইখুম হাংগনি। মীতম অসি গন মেতেল কে.জি. ১৮৫০না শাখি অমসুং ফুত ৯.৫ রোম ৱাংই।

প্রধান মন্ত্রীনা পুনে মেত্রো রেল প্রোজেক্ত অয়ুক্কী পুং ১১:৩০রোম তাবদা শঙ্গাগনি। প্রোজেক্ত অসিনা পুনেদা অর্বান মোবিলিতীগীদমক মালেমগী থাক্কী ইনফ্রাস্ত্রকচর লৈহন্নবা পান্দম অমা থমখি। প্রোজেক্ত অসি প্রধান মন্ত্রীনা ২০১৬গী দিসেম্বর ২৪দা উরেপ-উয়ুং তমখি। প্রধান মন্ত্রীনা পুন্না কি.মি. ৩২.২ শাংবা পুনে মেত্রোল রেল প্রোজেক্তকী কি.মি.১২কী স্ত্রেচ শঙ্গাগনি। অপুনবা প্রোজেক্ত অসি লুপা করোর ১১,৪০০ হেন্না চংনা শারি। মহাক্না গরৱারে মেত্রো স্তেসন্দা লৈরিবা এগজিবিন শঙ্গাগনি অমসুং য়েংশিনগনি অমসুং মফম অদুদগী অনন্দনগর মেত্রো স্তেসন ফাওবা মেত্রো তোংদুনা চৎকনি।

নুমিৎ য়ুং পুং ১২ তারকপা প্রধান মন্ত্রীনা তোঙান-তোঙানবা চাউখৎ-থৌরাংগী প্রোজেক্তশিংগী উরেপ-উয়ুং তমগনি অমসুং শঙ্গাগনি। মহাক্না মুলা-মুথা রিবর প্রোজেক্তশিংগী রিজুবনেসন অমসুং পোলুসন এবেৎমেন্তগী উরেপ-উয়ুংসু তমগনি। রিজুবনেসন অসি লুপা করোর ১০৮০ হেনবা প্রোজেক্ত কোস্ত অমদা তুরেল অসিগী কি.মি. ৯ শাংবা স্ত্রেচতা চত্থগনি। মসিদা রিবর এদজ প্রোতেক্সন, ইন্তরসেপ্তর সিৱেজ নেৎৱর্ক, পব্লিক এমেনিতীজ, বোতিং এক্তিবিতী অসিনচিংবা থবকশিং য়াওগনি। মুলা-মুথা রিবর পোলুসন এবেৎমেন্ত প্রোজেক্ত অসি লুপা করোর ১৪৭০ চংনা “ৱান সিতী ৱান ওপরেতর” হায়বা ৱাখল্লোন্দা ইমপ্লিমেন্ত তৌগনি। প্রোজেক্ত অসিগী মখাদা ‌এম.এল.দি. ৪০০ রোমগী অপুনবা কেপাসিতী অমগা লোয়ননা পুন্না সিৱেজ ত্রীৎমেন্ত প্লান্ত ১১ শাগনি। প্রধান মন্ত্রীনা ই-বস ১০০ অমসুং বানেরদা শাবা ই-বস দিপোৎ শঙ্গাগনি।

প্রধান মন্ত্রীনা পুনেগী বালেৱাদীদা শাবা আর.কে. লক্ষ্মন আর্ত গেলরী-ম্যুজিয়ম শঙ্গাগনি। ম্যুজিয়ম অসিগী মপুং ওইবা মীৎয়েংফমদি ওদিও-বিজ্যুএল ইফেক্তশিংগী খুত্থাংদা হিংগৎহনগদৌরিবা মালগুদী খুঙ্গংদা য়ুম্ফম ওইবা মেনিএচর মোদেল অমনা ওইরগনি। ম্যুজিয়ম অসিদা কার্তুনিস্ত আর.কে. লক্ষ্মননা য়েংবা কার্তুনশিং শোকেস তৌগনি। মসিগী মতুংদা নুংথিল পুং ১:৪৫দা প্রধান মন্ত্রী সিম্বায়োসিস য়ুনিভর্সিতীগী গোল্দন জুবিলীগী থৌরম হৌদোক্কনি।

***