খুরুমজরি!

চহি অসিগী বজেৎতা ‘আত্মনির্ভর ভারত’ অমসুং ‘মেক ইন ইন্দিয়া’গী মতাংদা লৌখিবা ৱারেপশিং অসি ঐখোয়গী ইন্দস্ত্রী অমসুং শেন্মীৎলোনগী ওইনা য়াম্না মরু ওই। ‘মেক ইন ইন্দিয়া’ কেম্পেন অসি ঙসিগী ২১শুবা চহিচাগী ভারতকীদমক মথৌ তাই অমসুং মসিনা মালেমদা ঐখোয়গী তৌবা ঙঞ্বা অদু উৎথোক্নবা খুদোংচাবা অমসু পীরি। করিগুম্বা লৈবাক অমা হেক্তনা রো মেতরিএলশিং এক্সপোর্ত তৌরগা চপ মান্নবা রো মেতরিএলশিং অদুদগী শাবা মেন্যুফেকচর্চ তৌরবা গুদশিং ইম্পোর্ত তৌরবদি মদু অমাংবা ফীভম ওইগনি। অমরোমদা করিগুম্বা ভারতকুম্বা অচৌবা লৈবাক অমনা মার্কেৎ ওইনা অদুমক লৈবা তারবদি মসি চাউখৎপা ঙম্লোই, অমদি মাগী হৌগৎলক্লিবা মীরোন্দা খুদোংচাবশিং ফংহনবা ঙম্লোই। হন্দক্কী মালেমগী লাইচৎকী মতমদা ঐখোয়না সপ্লাই চেন্দা অপনবা থোকপা থেংনখ্রে। অমসুং হৌজিক্কী মতম অসিদা ঐখোয়না সপ্লাই চেন্দা অপনবা থোকপনা করম্না মালেম পুম্বগী শেন্মীৎলোন্দা অকাইবা থোকহনবগে হায়বা উবা ফংলি। ঐখোয়না মসিগী নেগেতিব ওইবা সমস্যাশং অসি এনলাইজ তৌবা মতমদা ঐখোয়না অতোপ্পা হীরমশিংদসু মীৎয়েং চংবা মথৌ তাই। মসিগী মতাংদা ঐখোয়না অসিগুম্বা অচৌবা খুদোংথিবা থোকপদা ফীভম অসি খঙহৌদনা লুশিল্লকপা মতমদা ‘মেদ ইন ইন্দিয়া’ অসি হেন্না মথৌ তারকই। নাকল অমরোমদা ঐখোয়না ‘মেক ইন ইন্দিয়া’গীদমক ঐখোয়দা ইথিল পীগদবা অতোপ্পা পোজিতিব ইলিমেন্ত লৈবরা হায়না য়েংবা তাই। ঐখোয়না খুদোংচাবা অদু থিবা ফংগদ্রা? য়েংবীয়ু, অচৌবা হৌগৎলক্লিবা মীরোন লৈবা লৈবাক অমদা মাগী মথৌ তাবশিং অমসুং দেমোগ্রাফিক দিবিদেন্দগী মতুং ইন্না স্কিল মেনপাৱর দিবেলপ তৌবা ঙম্বা মাগী তেলেন্ত লৈবা অসিদা মালেমগী মীওই অমত্তনা চীংনবা পোক্লোই! অমসুং ঙসিগী মালেম অসিদা চাউনা মথৌ তাবা অমদি থাজবা থম্বগা লোয়ননা দেমোক্রেতিক ভেল্যুশিংদা মীৎয়েং চংলক্লি। হায়বদি মসি মশাদা শুনা য়াওজরবা অমনি। ঐখোয়না অচৌবা মঙলান শাগৎনবা হীরম কয়া লৈ। মসিগা লোয়ননা ঐখোয়দা মমল য়াম্লবা মহৌশাগী ওইবা লন লৈজৈ। ঐখোয়না ‘মেক ইন ইন্দিয়া’গীদমক মসি মপুং ফানা শীজিন্নবা তাই।

মরুপশিং,

ঙসি মালেমনা ভারতপু মেন্যুফেকচরিং পাৱরহাউস অমা ওইনা উরি। ঐখোয়গী মেন্যুফেকচরিং সেক্তরশিংনা ঐখোয়গী জি.দি.পি.দা ১৫% শরুক তম্মি, অদুবু ‘মেক ইন ইন্দিয়া’গী লোইবা নাইদ্রবা ওইথোকপা য়াবশিং লৈরি। ঐখোয়না ভারত্তা মপাঙ্গল কনবা মেন্যুফেকচরিং বেজ অমা শেম্নবা কন্না হোৎনবা তাই। কেন্দ্র সরকার, রাজ্য সরকারশিং, প্রাইবেৎ পার্তনরশিপশিং, কোর্পোরেৎ হাউসশিং ওইরবসু; ঐখোয়না লৈবাক অসিগীদমক করম্না পুন্না থবক তৌমিন্নবা য়াগনি। ঐখোয়না ঙসি লৈবাক অসিদা দিমান্দ হেনগৎলক্লিবা পোৎলমশিংগীদমক ‘মেদ ইন ইন্দিয়া’ প্রমোৎ তৌবা তাই। হৌজিক ঐখোয়না হীরম অনি থেংনগনি – অমনা ৱাখলদা এক্সপোর্তকী ৱাখল্লোন লৈবা অমসুং অনিশুবদা ভারতকী মথৌ তাবশিং থিংহনবা। ঐখোয়না মালেমদা লম্বা তৌনবা ঙমদ্রে হায়না লৌরসি অদু ওইরবদি ঐখোয়না ভারতনা মপাল লৈবাকশিংদা মীপাল আংদনবা ভারতকী মথৌ তাবশিংগী মতুং ইন্না ক্বালিতী মেতরিএলশিং ফংহন্নবা হোৎনবা য়াই। ঐখোয়না মসি পাঙথোকপা ঙমগনি, ঐহাক্না লাল কিলাদগী পীখিবা ৱারোলদা ‘জিরো দিফেক্ত, জিরো ইফেক্ত’কী মতাংদা পনখি। ঐখোয়গী প্রদক্তশিং অসি দিফেক্তিব ওইহল্লোইদবনি মরমদি কম্পিতিতিব ওইবা মালেম অসিদা ক্বালিতী হায়বা অসি য়াম্না মরু ওই। ঙসি মালেম্না অকোইবগী মতাংদা হেন্না খন্নরক্লি। মরম অসিনা অকোইবদা জিরো ইফেক্ত পীবা অমসুং জিরো-দিফেক্ত হায়বা মন্ত্র অনি অসি ঐখোয়না ক্বালিতী অমসুং গ্লোবেল ৱার্মিংগী শীংনশিং অসি থেংনবদা শীজিন্নবা তাই। মসিগা মান্নবা মওংদা, তেক্নোলোজীদা অহোংবশিং লাকপনা মরম ওইরগা কম্ম্যুনিকেসনগী লমদা অচৌবা অওনবা অমা লাকখি। খুদম ওইনা, সেমিকন্দক্তর! ঐখোয়না সেমিকন্দক্তরশিংগী লমদা আত্মনির্ভর ওইবা নত্তনা অতোপ্পা পাম্বৈ লৈতে। ঐহাক্না ‘মেক ইন ইন্দিয়া’গী লমদা অনৌবা ওইথোকপা য়াবশিং লৈ হায়না থাজৈ। ঐখোয়না মীৎয়েং শান্না য়েংবা তাই। মসি ঐখোয়গী তঙাই ফদবনি। লৈবাক অসিগী সেক্যুরিতীগী য়ীৎয়েংদগী য়েংলকপা তারবসু, মসিদা মীৎয়েং চংবা হায়বা অসি ঐখোয়গীদমক য়াম্না হেন্না মরু ওই। হৌজিক মীয়াম্না অকোইবগী খল্লগা ইলেক্ত্রিক ভেহিকলশিং পাম্নরক্লি অমসুং মসিগী দিমান্দসু হেনগৎলক্লি। ভারতনা লম অসিদা ইন্নোভেৎ তৌবা ঙম্লোইদ্রা? ভারতনা ই.ভি.শিং শাবা ঙম্লোইদ্রা? মসিদা ভারতকী মেন্যুফেকচর্রশিংনা মরু ওইবা থৌদাং লৌবা ঙম্লোইদ্রা? ঐখোয়না ‘মেক ইন ইন্দিয়া’গী ৱাখল্লোনগা লোয়ননা মাংদা চংশিনবা ঙমগনি হায়না ঐহাক্না খনজৈ। ভারতনা স্তীল মখল কয়ামরুমগীদমক ইম্পোর্ত তৌদুনা মীপাল তাংলি। ঐখোয়গী আইরন ওর অদু ঐখোয়না এক্সপোর্ত তৌরগা লৈবাকশিং অদুদগী ক্বালিতী স্তীম ইম্পোর্ত তৌবা হায়বা অসি করম্বা ফীভমনো? লৈবাক অসিদা মথৌ তাবা স্তীল অদু ঐখোয়না আইরন ওরদগী পুথোকপা ঙম্লোইদ্রা? ঐহাক্না মসি ঐখোয়গী ইথৌনি হায়না খনজৈ। অতোপ্পা লৈবাকশিংদা আইরন ওর য়োল্লগা লৈবাক অসিদা ঐখোয়না করি অফবা তৌরিবগে? মরম অসিনা ঐহাক্না ইন্দস্ত্রীগী মীয়ামদা হীরম অসিদা মাংদা থোরক্নবা হায়জরি।

মরুপশিং,

ভারতকী মেন্যুফেকচর্রশিংনা মপাল লৈবাকশিংদা লৈবাক অসিনা মীপাল তাংবা হন্থহন্নবা হোৎনবা তাই। মরম অসিনা ‘মেক ইন ইন্দিয়া’ অসি পুংফম অসিগী খ্বাইদগী মরু ওইবনি। মেদিকেল ইক্বিপমেন্ত অসিসু মরু ওইবা সেক্তরনি। ঐখোয়না মপালদগী তঙাই ফদবা মেদিজেল ইক্বিপমেন্ত লৈরি। ঐখোয়না মেদিকেল ইক্বিপমেন্ত শাবা ঙম্লোইদ্রা? ঐহাক্না মসি অরুবা থবক অমনি হায়না লৌদে। ঐখোয়গী মীয়াম্না মসি তৌবা ঙম্বগী মতিক লৈ। মসিদা ঐখোয়না মীৎয়েং চংবা য়ারোইদ্রা? ঐখোয়গী তঙাই ফদবশিংগী মতুং ইন্না মার্কেৎতা মথৌ তাবা প্রদক্ত পুম্নক ফংই হায়না ঐখোয়না পেন্থোক্লোইদবনি। মার্কেৎতা ফংলিবা প্রদক্ত কয়াদি ইম্পোর্ত তৌরকপা ঙাক্তনি। অমসুং মেদ ইন ইন্দিয়া প্রদক্তশিং ফংলবা মতমদা মীয়ামগী মরক্তা প্রদক্তশিং অসি ইম্পোর্ত তৌরকপা অদুদগী হেন্না ফৈ হায়না ফংগনি অমসুং ঐখোয়না মদু লৈবগদবনি। ঐখোয়না ফীভম অসি ওইথোক্নবা হোৎনগদবনি অমসুং মসিগী খেন্নবা অদু উবা ফংনবা হোৎনগদবনি। ঐখোয়গী লমদম অসিদা কুহ্মৈ কয়া লৈ। হোলি, গনেশোতসব, দীপাবালি অসিনচিংবা। কুহ্মৈশিং অসুগী মনুংদা প্রদক্ত কয়াগী অচৌবা মার্কেৎ অমা লৈ মদিনা অপীকপা ললোন-ইতিক তৌবশিংদা হিংনবগী লম্বীশিং পীরি। অদুবি ঙসিদি লম অসিদসু মপালগী প্রদক্তশিংনা খুদুম চনশিনখ্রে। মমাংদা ঐখোয়গী মেন্যুফেকচর্রশিংনা প্রদক্তশিং অসিগী দিমান্দ থুংহনলমখি। হৌজিক্তি মতমগী অহোংবগা লোয়ননা পোৎশিংদসু অহোংবা লাক্লে। ঐখোয়না অরিবা মতম অদুগুম্বা হিংবা য়াররোই। অমসুং ঐখোয়না মাংদা চংশিনবা তাই। ঐহাক্না ‘ভোকেল ফোর লোকেল’’ হায়বা মতমদা মীওই খরনা মসি দীপাবালী মতমদা খক্তা দিয়া লৈবগী ৱাখল্লোন্দা ‘ভোকেল ফোর লোকেল’ অসি লান্না খল্লি। ঐহাক্না হায়রিবা অসি দিয়াশিং খক্তা নত্তে। অদোমগী অকোয়বদা পোৎলম কয়া লৈ। অদোম্না মদুসি উশিনবা মথৌ তাই। ঙসিগী সেমিনার অসিদা শরুক য়ারিবশিংনা ৱাফম অমা তৌবা তাই। অদোমগী অঙাংশিংগা ফম্মিন্দুনা অদোমগী য়ুমদা অয়ুক্তগী নুমিদাং ফাওবা তঙাই ফদবা পোৎলমশিং অদু করিনো খঙদোকপীয়ু অমসুং অদোম্না ভারতকী প্রদক্তশিং শীজিন্নদবা অমদি মপালগী প্রদক্তশিং লৈবা অদুগী লিস্ত অমা শেম্বীয়ু। অদোম শোইদনা অঙকপা ফাওগনি। মরম অসিনা ঐহাক্না হীরম অসিদা মেন্যুফেকচর্রশিং ওনবোর্দ তৌবা পাম্মি।

মরুপশিং,

অতোপ্পা সমস্যা অমনা মেদ-ইন-ইন্দিয়া প্রদক্তশিংগী ব্রান্দিং তৌবা অসিনি। হৌজিক ঐহাক্না উবা ফংই মদুদি ঐখোয়গী কম্পনীশিংনা মখোয়গী প্রদক্তশিং এদভর্তাইজ তৌই অদুবু ‘মেদ ইন ইন্দিয়া’ হায়নদি পনদে। অদোমগী প্রদক্তশিং অদু এদভর্তাইজ তৌবা মতমদা অদোম্না মসিদা করিগী মীৎয়েং চংবা য়ারোইদবনো? অদোমগী প্রদক্তশিং অদুদি য়োনখিনি অদুবু লৈবাক অসিদা লৈরিবা অচৌবা শরুক অমনি লৈবাক্কী ওইবা অখন্নবা মফম অমা মখোয়গী থমোয়দা কন্দুনা থম্মি।  মসি মখোয়বু থৌনা হাপ্নবা বিজিনেস স্ত্রেতেজী অমনি হায়না খনবীয়ু। অদোমগী কম্পনীনা শাজবা প্রদক্তশিংগীদমক চাউথোকচবা পোকউ অমসুং মীয়ামদা মদুগীদমক চাউথোকপা পোক্নবা ইথিল পীবীয়ু। অদোম্না হোৎনরিবা অদু লেম্না মাংদে, অদোমদা অফবা প্রদক্ত কয়া লৈ। অদুবু থৌনা লৈনা মাংদা থোরকউ অমসুং লৈবাক মীয়ামদা প্রদক্তশিং অসি লৈবাক অসিগী লৈহাওদা শাবনি অমসুং ঐখোয়গী মীয়ামগী হুমাং মমলনা শাবনি হায়না ফোঙদোকউ। মখোয়গা নুংশিবা মরি থম্বীয়ু। হীরম অসিদা কম্মন ব্রান্দিং তৌনবা খন্নবা য়াই হায়না খনজৈ। সরকার অমসুং প্রাইবেৎ প্লেয়রশিংনা অসিগুম্বা অফবা থবক অসি দিবেলপ তৌবা য়াগনি।

মরুপশিং,

ঐখোয়গী প্রাইবেৎ সেক্তরনা মখোয়গী প্রদক্তশিংগীদমক লমথুংফমসু থিবা তাই। ঐখোয়না আর এন্দ দি দা ইনভেস্তমেন্ত তৌবা হেনগৎহনগদবনি অমসুং প্রদক্ত পোর্তফোলিও দাইভর্সিফাই তৌনবা অপগ্রেদ তৌবদা মীৎয়েংসু চংগদবনি। হৌজিক অদোম্না মালেম শিনবা থুংনা ২০২৩ অসি ইন্তরনেস্নেল ইয়র ওফ মিল্লেৎ হায়না খঙনৈ হায়বা খঙলে। মীয়াম্না মিল্লেৎশিংদা মীৎয়েং চংলকপা হায়বা অসি মহৌশানি। লৈবাক অসিগী মিল্লেৎশিংনা মালেমগী দাইনিং তেবলদা য়ৌবা হায়বা অসি ভারত মচা খুদিংমক্কী মঙলান ওইফম থোক্তব্রা? ঐখোয়গী অপীকপা লৌমীশিংনা মসিগীদমক ঐখোয়বু থৌজানবীগনি। মিল্লেৎশিংগী তেস্তশিং, অফবা পেকেজিং অমসুং মখোয়গী এক্সপোর্তশিং তৌগদবনি। ঐখোয়না মসি তৌবা ঙমগনি অমসুং ঐখোয়না মসি তৌগদবনি হায়না ঐহাক্না খল্লি। মসিদা নখোয়না শোইদনা মাইপাক্কনি। ঐখোয়না মালেমগী কৈথেলশিং অসি স্তদী তৌদুনা ঐখোয়না ঐখোয়গী মিলশিং অসি প্রদক্সন অমসুং পেকেজিং য়াম্না তৌবা ঙম্নবা মাংজৌননা শেম-শাহৌবা য়াগনি। মাইনিং, কোল দিফেন্স অসিগুম্বা সেক্তরশিং হাংদোরকপগা লোয়ননা অনৌবা ওইথোকপা য়াবা কয়া থোরক্লি। সেক্তরশিং অসিদগী এক্সপোর্ত তৌনবগী লালোং য়াৎপা য়ারোইদ্রা> অদোম্না গ্লোবেল স্তেন্দর্দশিং ঙাক্না চৎকদবনি অমসুং অদোম্না মালেমগী থাক্তা লম্বা তৌনগদনি।

মরুপশিং,

ক্রেদিৎ ফেসিলিতেসন অমসুং তেক্নোলোজী অপগ্রেদেসনগী খুত্থাংদা এম.এস.এম.ই.দা বজেৎ অসিনা শীংথানীংঙাই ওইনা মীৎয়েং চংখি। সরকারনা এম.এস.এম.ই.শিংগীদমক লুপা করোর ৬,০০০গী আর,এ.এম.পি. প্রোগ্রাম অমসু লাউথোকখি। বজেৎ অসিনা লৌমীশিং, অচৌবা ইন্দস্ত্রীশিং অমসুং এম.এস.এম.ই.শিংগীদমক অনৌবা রেলৱে লোজিস্তিক্স প্রদক্তশিং দিবেলপ তৌবদা মীৎয়েংসু চংলি। পোস্তেল অমসুং রেলৱে নেৎৱর্কশিং ইন্তিগ্রেসন তৌবনা স্মোল এন্তপ্রাইজশিং অমসুং মনুং হঞ্জিনবা মফমশিংদা লৈরিবা কন্নেক্তিবিতীগী সমস্যাশিং অসি কোকহনবা লম অসিদা ঐখোয়না ইন্নোবেতিব ওইবা প্রদক্তশিং দিবেলপ তৌবা তাই অমদি হীরম অসিদা অদোম্না এক্তিব ওইবা শরুক তম্বসু মথৌ তাগনি। রিজনেল মেন্যুফেকচরিং ইকোসস্তেম মরু ওইনা অৱাং-নোংপোক্কীদমক প্রমোৎ তৌনবা পি.এম. দিভাইন অসি বজেৎকী শরুক অমসু ওইরি। অদুবু ঐখোয়না তোঙান-তোঙানবা মওংশিংদা অমসুং লৈবাক অসিগী তোঙান-তোঙানবা রিজনশিংদা মোদেল অসি শীজিন্নবা য়াগনি। দুনা মপাঙ্গল কনখৎহনবা য়াগনি। অদুবু স্পেসিএল ইকনোমিক জোন এক্ততা রিফোর্ম পুরকপনা ঐখোয়গী এক্সপোর্তশিংদা চাউনা শাহৌ পীগনি অমসুং ‘মেদ ইন ইন্দিয়া’ মপাঙ্গল কনখৎহনগনি। অদোমগী সজেসনশিংনা এক্সপোর্তশিং অসি হেনগৎহন্নবা ঐখোয়গী হৌজিক লৈরিবা এস.ই.জেৎশোংগী ফঙ্কসন্দা করি অহোংবা পুরকপা মথৌ তাবগে হায়বা অসিদা কান্নবা ওইগনি।

মরুপশিং,

লেপ্পা লৈতনা রিফোর্মশিং পুরকপগী শাফুসু উবা ফংলি। খুদম ওইনা লার্জ স্কেল ইলেক্ত্রোনিক্স মেন্যুফেকচরিংগী পি.এল.আই.না প্রদক্সন্দা লুপা করোর লাখ ১গী তার্গেৎ দিসেম্বর ২০২১দা ফংবা ঙমখি। অতোপ্পা পি.এল.আই. স্কিম কয়ানা ইমপ্লিমেন্ত তৌবগী মরু ওইবা তাঙ্ককশিংদা লৈরি। মখোয়গী ইমপ্লিমেন্তেসন তৌবদা অদোমগী সজেসনশিংনা খোঙজেল য়াংখৎহনবদা মতেং ওইগনি।

মরুপশিং,

কম্প্লায়েন্সকী পোৎলুমনা ভারতকী মেন্যুফেকচরিংগী খোঙচৎতা অচৌবা স্পীদ ব্রেকর অমা হৌরি। হৌখিবা চহিমক্তদা ঐখোয়না কম্প্লায়েন্স লিশিং ২৫ লৌথোকখিবা অমসুং লাইসেন্সশিংগী ওতো রিন্যুএল তৌখিবা অসিনা কম্প্লায়েন্সকী পোৎলুম চাউনা হন্থহনবা ঙমখি । মসিগা মান্ননা দিজিতাইজেসন্না রিগ্যুলেতরী ফ্রেমৱার্ক্তা খোঙজেল য়াংখৎহনবা অমদি ত্রান্সপরেন্সী পুরকপা ঙমখি। কম্মন স্পাইস ফোর্মদগী কম্পনী অমা লিংখৎনবা নেস্নেল সিঙ্গল ৱিন্দো সিস্তেম ফাওবদা অদোম্না হৌজিক খোঙথাং খুদিংদা দিবেলপমেন্ত ফ্রেন্দলী এপ্রোচ অসি থেংনরি।

মরুপশিং,

ঐখোয়না খ্বাইদগী য়াম্বা কোলাবোরেসন, ইনোবেসন অমসুং রিসর্স-বেজ ফ্যুচরিস্তিক এপ্রোচ মথৌ তাই। মসিগী বেবিনার অসিগী ব্রেনস্তোর্মিং অসিনা ‘মেক ইন ইন্দিয়া’গী মিসন অসি মখাতানা মপাঙ্গল কনখৎহল্লগনি হায়না ঐহাক্না থাজবা থম্মি। মসিগী ৱেবিনার অসিনা মীয়াম্না পুক্নিং কয়া চংবীদবা দেমোক্রেসিগী মওং অমনি। মীয়ামগী মীহুৎশিংনা বজেৎ অসিগী মতাংদা খন্নগদবনি অমসুং মদু মাংলোমদা পুশিনগদবনি। সরকারগী ওফিসিএলশিং অমসুং রাজনিতীগী লুচিংবশিংনা বজেৎকী মতুং ইন্না প্রোগ্রামশিং শেনগদবনি। ঐহাক্না বজেৎ অসি লান্থোকখ্রবা মতুংদা থা অনি অসিগী মনুংদা স্তেকহোল্দর খুদিংমক্কা বজেৎ অসিগী এস্পেক খুদিংমক্তা খন্ন-নৈনরি। ঐহাক্না অদোমগী পাউতাকশিং ঙাইজরি অমসুং এপ্রিল ১দগী বজেৎ অসি ইম্প্লিমেন্তেসন তৌবদা অদোম্না শরুক য়াবীয়ু হায়জরি। ঐহাক্না মতম মাংহনবা পামদে অদু নত্ত্রবদি থা তরুক ফাইল মথং মথং রোতেসন তৌরিঙৈদা মাংখ্রগনি। নখোয় পুম্নমক অদোমগী লমদা হৈথোই শিংথোইরবা ঙাক্তনি অমসুং করিগুম্বা বজেৎ প্রোপোজলশিং অসিদা থবক পাংথোক্লবদি অদোম্না কান্নবা কয়ামরুম ফংগনি। অদোম্না অফবা অতোপ্পা প্রেক্তিকেল সজেসনশিং পীবা ঙম্মি। ঙসিদি ঐখোয়না বজেৎ হায়বসি করম্না তৌগদবনো হায়বগী মতাংদা খন্নদ্রে। ঙসিদি ঐখোয়না মতৌ করম্না ইম্প্লিমেন্ত তৌগনি হায়না খন্নরি। ঐখোয়গী খন্ন-নৈবগী পান্দম অসি বজেৎ অসি অচম্বা অমসুং হেন্না ইফেক্তিব ওইবা মওং অমদা ইম্প্লিমেন্ত তৌদুনা খ্বাইদগী য়াম্বা আউৎকম লাকহনগদবনি। মসি সরকারনা অদোম্বু তম্বীনবা ৱেবিনার অমখক নত্তে। মসিগী ৱেবিনার অসি অদোমদগী তম্নবা অমসুং মমুৎতানা খংনবা অমনি অমসুং মরম অদুনা অদোমদগী তানবা সরকারগী মেচিনরী খুদিংমক্না মফম অসিদা ফম্লিবনি। ঐখোয়না এপ্রিল ১দগী খ্বাইদগী ফবা মওংদা মতৌ করম্না ঐখোয়গী বজেৎ অসি ইম্প্লিমেন্ত তৌগনি প্লান তৌগদবনি। ইন্দস্ত্রীগী ওইবা ৱর্ল্দদগী লাক্লিবা মীওইশিংদা ঐহাক্না রিক্বেস্ত অমা তৌজরি। অখন্নবা প্রদক্ত অমা ইম্পোর্ত তৌদনবা চহি অমগী মনুংদা সিচ্যুএসন অমা শেম্নবা অদোম্না চেলেঞ্জ অমা লৌখৎপা ঙম্বরা? করিগুম্বা ইম্পোর্ত তৌরিবা পোৎশক ১০০ লৈরবদি, অদোম্না হায়রিবা পোৎশক অনি হন্থনবা থবক পাইখৎকদবনি। কনাগুম্বা অমনা অসিগুম্বা পোৎশক অহুমগী চেলেঞ্জ লৌগদবনি। হায়রিবা মওং অসিদা ‘মেক  ইন ইন্দিয়া’ অসি মাই পাক্কনি। মসি ঐখোয়গী মঙলান ওইদবনি। ঐহাক্না ফাইব স্তার হোতেলদা মথৌ তাবা অপীকপা খামেন অসিনবা, তিলহৌ অমসুং কোর্নগুম্বা মনা-মশিংশিং থাবা লৌমী অমা মশক খংই।   মহাক লাইরিক লাইশু লৈবা মীওই অমা নত্তে, অদুবু মহাক হোৎনবা কল্লি। মহাক্না মীয়ামগী মতেং লৌখি অমসুং ফাইব স্তার হোতেলশিংনা মঙোন্দগী মনা-মশিংশিং লৌবা হৌখি। মখোয়না শেল তাল্লি অমসুং লৈবাক অসিগী কান্নবা পুরক্লি। ইন্দস্ত্রী ৱর্ল্দদা লৈরিবা মীওইশিংনা মদু পাংথোকপা ঙম্লোইদরা? ঐহাক্না অদোমদা রিক্বেস্ত তৌজরি অমসুং মসিগী লৈবাক অসিনা অদোমদা মসিগী হক অমা লৈরি। ভারতপু মপাঙ্গল কনখৎনবা ঐখোয়না অদোম ইন্দস্ত্রী অসি মপাঙ্গল কনখৎহনবা পাম্মি। ঐখোয়না অদোমগী পোত্থোকশিং অদু মালেমনা ইকাই খুম্নবা পাম্মি। ঐখোয়না ৱারেপ লৌরসি অমসুং পুন্না চৎমিন্নরসি। মসিনা মরম ওইনা ঐহাক্না অদোম্বু কৌরিবনি। অদোম্না অদোমগী অচিনবা মতম কাইথোকপীরে অমসুং মসিগী খন্ন-নৈনবা অসি মহৈ য়ানবা ওইরগনি হায়না ঐহাক্না থাজবা থম্লি। ঐহাক্না পুম্নমকপু য়াইফ-মঙ্গোল পীজরি!

হন্না হন্না থাগৎচরি

*****