بھارتی حکومت کے آپریشن گنگا مشن کے حصے کے طور پر یوکرین سے 182 بھارتی شہریوں کو ساتویں پرواز کے ذریعہ وطن واپس لایا گیا ہے۔ایئر انڈیا ایکسپریس  کی خصوصی پرواز آج صبح ممبئی کے چھترپتی شیواجی مہاراج بین الاقوامی ہوائی اڈے پر اتری۔چھوٹی بہت چھوٹی اور اوسط درجے کی صنعتوں(ایم ایس ایم ای) کے مرکزی وزیر جناب نارائن رانے نے ہوائی اڈے پر یوکرین سے بھارت پہنچنے والے افراد جس میں زیادہ تر طلبا ہیں، کا خیر مقدم کیا۔

وزیر موصوف نے کہا کہ حکومت یوکرین سے سبھی بھارتیوں کو واپس لانے کے لئے عہد بستہ ہے ۔انہوں نے طلبا کو یقین دلایا کہ ان کے دوستوں او رساتھیوں کو بھی یوکرین سے جلد ہی وطن واپس لایا جائے گااور انہیں وہاں سے بحفاظت نکال لیا جائے گا۔

میڈیا سے بات چیت کرتے ہوئے وزیر موصوف نے کہا کہ جنگ سے تباہ حال خطے سے واپس آنے والے طلبا پریشان اور فکر مند ہیں اور انہوں نے انہیں یقین دلایا کہ وہ اب محفوظ ہیں۔انہوں نے کہا کہ انہیں ان کی متعلقہ ریاستوں  میں ان کے گھر تک پہنچنے میں تمام تر مدد فراہم کی جائےگی۔

وطن کی سرزمین پر قدم رکھنے اور اپنے اہل خانہ سے ملاقات کرنے پر طلبا نے حکومت کے تئیں تشکر کا اظہار کیا۔ بہت سی ریاستی حکومتوں نے طلبا کو سہولت فراہم کرنے کے لئے ممبئی ہوائی اڈے پر ایک ہیلتھ ڈیسک قائم کیا ہے۔

ایئر انڈیا ایکسپریس کی وہ پروازجوبخاریسٹ میں ہینری کونڈا انٹر نیشنل ایئر پورٹ سے (بھارت کے معیاری وقت کے مطابق) رات  11 بج کر10 منٹ پر  روانہ ہوئی تھی، دوبارہ ایندھن بھرنے کے لئے کویت میں کچھ دیر رکنے کے بعد آج صبح 7 بج کر 5منٹ پر ممبئی پہنچی ہے۔یوکرین میں پھنسے ہوئے بھارتی طلبا و دیگر کو باہر نکالے  جانے کے آپریشن گنگا مشن کے تحت یہ ساتویں پرواز تھی ۔

ایئر انڈیا ،ایئر انڈیا ایکسپریس ،انڈیگو اور اسپائیس جیٹ یوکرین سے ملحقہ ملکوں  سے  دہلی اور ممبئی تک مختلف پروازیں چلانے کے عمل میں شامل ہوگئیں۔

*************

ش ح ۔  ش ر ۔ م ش

U. No.2132