ভারত সরকারনা কেনদ্র্গী বজেত ২০২২গী মখাদা ফাইনান্স মন্ত্রীনা লা্থোকখিশিং অদুবু খ্বাইদগী হেন্না ফবা মওংদা থবক ওইনা ওন্থোকপদা মতেং পাংনবা সেক্তর কয়া অমদা ৱেবিনারশিংগী সিরিজ অমা শিল্লগনি। ৱেবিনার সিরিজ অসিনা সেক্তরশিংদা থবক পাইখৎনবগী স্ত্রেতেজীশিংগী মতাংদা অনৌবা ৱাখল কয়া অমা পুথোক্নবা প্লেতফোর্ম অমদা পব্লিক অমসুং প্রাইভেত সেক্তরশিং, একাদেমিয়া, অমসুং ইন্দস্ত্রীদগী এক্সপার্তশিং য়াওরগনি।

ভারত সরকারগী সাইন্তিফিক মিনিস্ত্রীশিং অমসুং দিপার্তমেন্তশিংগা লোইননা প্রিন্সিপাল সাইন্তিফিক এদভাইজর (পি.এস.এ.)গী লোইশঙনা ২০২২গী মার্চ ২দা “তেক্নোলোজি-ইনেবল্দ দেবেলপমেন্ত” হায়না মীংথোনবা ৱেবিনার অমা শিল্লগনি। ৱেবিনার অসি প্লেনরী ১ / ইনোগুরেল সেসনদা প্রধান মন্ত্রীনা ৱা ঙাংবগা লোইননা হৌদোক্লগনি। ৱেবিনারগী অনিশুবা শরুক্তা থিমেতিক ব্রেকঅৱে সেসন মরি লৈগনি। মসিগী থিমেতিক সেসনশিং অসি অমমমতা ওইনা মিনিস্ত্রী ওফ ইলেক্ত্রোনিক্স অমসুং ইনফোর্মেশন তেক্নোলোজী (এম.ই.আই.তি.ৱাই), দিপার্তমেন্ত ওফ তেলিকম্যুনিকেশন (দি.ও.তি.), দিপার্তমেন্ত ওফ সাইন্তিফিক এন্দ ইন্দস্ত্রিয়েল রিসর্চ (দি.এস.আই.আর.), অমসুং দিপার্তমেন্ত ওফ সাইন্স এন্দ তেক্নোলোজী (দি.এস.তি.)না লুচিংগনি। 

‘‌ইমর্জিং তেক্নোলোজীজ ফোর সস্তেনেবল দেবেলপমেন্ত’কী মতাংদা ওইবা থিমেতিক ব্রেকঅৱে সেসনগী শরুক অমা ওইনা, পেনেল দিসকসন অনি মখাদা পীরিবা হীরমশিং অসিদা এম.ই.আই.তি.ৱাই.না শিল্লগনি:

১.  ইনর্জাইজিং স্তার্ত-অপস এন্দ দীপ তেক ৱিথ দেতা এন্দ আর্তিফিসিয়েল ইন্তেলিজেন্স

২.   মেকিং ইন্দিয়া গ্লোবল হব ফোর দেতা সেন্তর এন্দ ক্লাউদ

হীরম খুদিংমক্না মখাদা পীরিবা ৱাফমশিং অসিদা কুপথনা খন্ন-নৈনরগনি:

 ১.    মরু ওইবা ইনিসিয়েতিবশিং

  ২.    জোব ক্রিয়েশন/ এমপ্লোয়েবিলিতী হেনগৎহন্নবগীদমক্তা পোতেন্সিয়েল লৈবা

  ৩.   তেক্নোলোজীগী মতাংদা ইরোমদোম লেপচবা ঙম্বা

  ৪.    অমরুত কালগী ভিজন অদুবু ফংনবগী থৌরাং – ইন্দিয়া @২০৪৭

  ৫.    কমপ্লায়েন্স বর্দন হন্থহন্দুনা পাংথোক্কদবা এক্সনগী সজেসন

ৱেবিনার অসিগী অহুমশুবা শরুক্তা সেক্রেতরীশিং অমসুং মথক্কী দিপার্তমেন্তশিং অসিগী মন্ত্রীশিংনা ব্রেকঅৱে সেসনশিংদগী এক্সন পোইন্তশিং অসিগী মতাংদা খন্ন-নৈনররগনি অমসুং মসিবু থবক ওইনা পাইখৎনবগী মতাংদা লম্বি য়াৎলগনি। রেলৱেজ, কম্যুনিকেশনস, ইলেক্ত্রোনিক্স অমসুং ইনফোর্মেশন তেক্নোলোজীগী মন্ত্রী শ্রী অশ্বিনি ৱৈস্নব; স্কিল দেবেলপমেন্ত অমসুং এন্ত্রপ্রেনোরশিপ; অমসুং লেক্ত্রোনিক্স অমসুং ইনফোর্মেশণ তেক্নোলোজীগী রাজ্য মন্ত্রী, শ্রী রাজীব চন্দ্রশেখর অমসুং সাইন্স অমসুং তেক্নোলোজীগী রাজ্য মন্ত্রী (আই./সি.), অর্থ সাইন্সকী রাজ্য মন্ত্রী (আই./সি.)অমসুং প্রধান মন্ত্রীগী লোইশঙ, পার্সোনেল, পব্লিক গ্রীভান্সেস অমসুং পেন্সন‌স, এতোমিক ইনর্জী অমসুং স্পেসকী রাজ্য মন্ত্রী, দা. জিতেন্দ্র সিংনসু থৌরাম অসিদা শরুক য়ারগনি।

সেসনশিং অসিদা কেন্দ্রগী মন্ত্রালয়শিং/দিপার্তমেন্তশীং, রাজ্য সরকারশিং, ইন্দস্ত্রী, ইন্দস্ত্রী এসোসিয়েশনশিং, স্তার্ত-অপশিং, অমসুং একাদেমিয়াদগী পার্তিসিপেন্তশিং য়াওগনি। থৌরম অসিগী অকুপ্পা মরোলশিং অদু https://events.negd.in/ দা উবা ফংগনি। ৱেবিনার অসি দিজিতেল ইন্দিয়াগী য়ুত্যুব চেনেলদা অমসুং https://youtu.be/vR5GbW-c9-c লিঙ্ক অসিদা লাইব ওইনা য়েংবা য়াগনি।

*****