કેન્દ્રીય બજેટ 2022 હેઠળ નાણામંત્રી દ્વારા કરવામાં આવેલી ઘોષણાઓના કાર્યક્ષમ અમલીકરણમાં મદદ કરવા માટે ભારત સરકાર વિવિધ ક્ષેત્રોમાં શ્રેણીબદ્ધ વેબિનારનું આયોજન કરી રહી છે. આ વેબિનાર શ્રેણી તમામ ક્ષેત્રોમાં અમલીકરણ વ્યૂહરચનાઓ પર વિચારણા કરવા માટે જાહેર અને ખાનગી ક્ષેત્રો, શૈક્ષણિક અને ઉદ્યોગના નિષ્ણાતોને એક મંચ પર એકસાથે લાવી રહી છે.

પ્રિન્સિપલ સાયન્ટિફિક એડવાઈઝર (PSA)ની ઑફિસ ભારત સરકારના અનેક વૈજ્ઞાનિક મંત્રાલયો અને વિભાગો સાથે મળીને 2જી માર્ચ, 2022ના રોજ “ટેક્નોલોજી-સક્ષમ વિકાસ” શીર્ષકથી વેબિનારનું આયોજન કરી રહી છે. વેબિનાર તેના પૂર્ણ સત્ર/ઉદઘાટન સત્ર પ્રધાનમંત્રીશ્રીના સંબોધન સાથે શરૂ થશે. આ વેબિનારના બીજા ભાગમાં ચાર અલગ-અલગ થીમેટિક સત્રોનું આયોજન કરવામાં આવશે. આ ચાર વિષયોનું દરેક સત્રનું નેતૃત્વ ઈલેક્ટ્રોનિક્સ અને ઈન્ફોર્મેશન ટેકનોલોજી મંત્રાલય, ટેલિકોમ્યુનિકેશન વિભાગ (DOT), વૈજ્ઞાનિક અને ઔદ્યોગિક સંશોધન વિભાગ (DSIR) અને વિજ્ઞાન અને ટેકનોલોજી વિભાગ (DST) દ્વારા કરવામાં આવશે.

'સસ્ટેનેબલ ડેવલપમેન્ટ માટે ઇમર્જિંગ ટેક્નોલોજીસ' વિષય પરના સત્રના ભાગ રૂપે, માહિતી અને ટેકનોલોજી મંત્રાલય દ્વારા નીચેના વિષયો પર બે પેનલ ચર્ચાઓનું આયોજન કરવામાં આવશે:-

1.    ડેટા અને આર્ટિફિશિયલ ઇન્ટેલિજન્સ સાથે સ્ટાર્ટ-અપ્સ અને ડીપ ટેકને સક્ષમ કરવું
2.    ડેટા સેન્ટર અને ક્લાઉડ માટે ભારતને વૈશ્વિક હબ બનાવવું

દરેક વિષય વિશે નીચેના પાસાઓની વિગતવાર ચર્ચા કરવામાં આવશે:-
1.    મુખ્ય પહેલ
2.    રોજગાર સર્જન / રોજગાર સર્જન સંભવિત
3.    તકનીકી આત્મનિર્ભરતા
4.    અમૃત કાલ - India@2047ના વિઝનને હાંસલ કરવાની યોજના
5.    અનુપાલનનો બોજ ઘટાડવા માટે સૂચવેલ કાર્ય યોજના

આ વેબિનારના ત્રીજા ભાગમાં, ઉપરોક્ત મંત્રાલયના મંત્રીઓ અને સચિવો જુદા જુદા સત્રોમાંથી કાર્યવાહીના મુદ્દાઓ પર ચર્ચા કરશે અને અમલીકરણ તરફ આગળનો માર્ગ નક્કી કરશે. રેલવે, સંચાર, ઈલેક્ટ્રોનિક્સ અને માહિતી પ્રૌદ્યોગિકી મંત્રી શ્રી અશ્વિની વૈષ્ણવ, કૌશલ્ય વિકાસ અને ઉદ્યોગ સાહસિકતા, ઈલેક્ટ્રોનિક્સ અને ઈન્ફોર્મેશન ટેક્નોલોજી રાજ્ય મંત્રી શ્રી રાજીવ ચંદ્રશેખર, અને વિજ્ઞાન અને ટેકનોલોજી રાજ્ય મંત્રી (સ્વતંત્ર હવાલો), પૃથ્વી વિજ્ઞાન (સ્વતંત્ર હવાલો) અને પ્રધાનમંત્રી કાર્યાલય, કર્મચારી, જાહેર ફરિયાદ અને પેન્શન, અણુ ઊર્જા અને અવકાશ રાજ્ય મંત્રી ડૉ. જીતેન્દ્ર સિંહ પણ આ પ્રસંગે ગૌરવપૂર્ણ હાજરી આપશે.

આ સત્રોમાં કેન્દ્રીય મંત્રાલયો/વિભાગો, રાજ્ય સરકારો, ઉદ્યોગ, ઉદ્યોગ સંગઠનો, સ્ટાર્ટ-અપ્સ અને શિક્ષણવિદોના સહભાગીઓ ભાગ લેશે. ઇવેન્ટની વિગતો https://events.negd.in/ પર ઍક્સેસ કરી શકાય છે. વેબિનારને ડિજિટલ ઈન્ડિયાની યુટ્યુબ ચેનલ પર અને https://youtu.be/vR5GbW-c9-c લિંક પર લાઈવ જોઈ શકાય છે.

SD/GP/MR

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com