“ঙসি ভারতনা তেক্নোলোজী শীজিন্নফম অমসুং শীজিন্নবগী পাক-চাউরবা কৈথেল অমগী শক্লোন লৌরি‍। ভারতনা মথৌ নিংথিনা পাঙথোকপা ওন্ত্রপ্রিন্যুরশিংগী ইনোভেসন ইকোসিস্তেম অমসুং মচু মমেন থোকপা ইকোসিস্তেমদা থবক পায়খৎফম য়াম্না লৈবা লৈবাক অমগী শক্লোন লৌরি‍। হায়রিবা মচাক অনি অসি লৈঙাক্কী খুজিল থৌরাং অমসুং লৈঙাক্কী শেলথুম্না মথৌ হাপ্তুনা লাক্কদৌরিবা চহি তরাসিদা মালেমগী দিমান্দ অমদি ভারতকী মথৌ তাগদবশিং পীননবা তুং কোইগদবা ইকোসিস্তেম অমা শেম্লগনি” হায়না ভি.এল.এস.আই. সোসাইতী ওফ ইন্দিয়ানা ইন্দস্ত্রীগী খোঙবুশিংগা লোয়ননা পাঙথোকপা ৩৫শুবা ইন্তরনেসনেল ভি.এস.এল.আই. দিজাইন এন্দ ইমবেদেদ সিস্তেম কন্ফরেন্স ২০২২গী থৌরমদা ইলেক্ত্রোনিক্স অমসুং ইনফোর্মেসন তেক্নোলোজীগী রাজ্য মন্ত্রী মিস্তর রাজীব চন্দ্রসেখরনা হায়খ্রে‍। চহি অসিগী মীফম অসিগী থিমদি সিলিকোন কেতলাইজিং কম্পুতিং, কম্ম্যুনিকেসন এন্দ কোগনিতিব কনভর্জেন্সনি‍।

তেক্নোলোজী সেক্তর চাওখৎলকপা অমদি পাকথোক চাউথোরকপগী লমদা ভারতপু হান্না খন্নরুদবা মওংদা মরুওইবা তাঙ্কক অমা পুরকখিবা প্রধান মন্ত্রীগী মীৎয়েঙগী মতাঙদা পাউদম্লদুনা, মিস্তর রাজীব চন্দ্রসেখরনা হায়খিবদা, “ওগস্ত ১৫, ২০২১দা প্রধান মন্ত্রীনা ভারতকী তেক্নোলোজী অমসুং ইনোভেসন ইকোসিস্তেমগী লমদা পুক্নিং লুপচবা ঐখোয় পুম্নমক্কীদমক্তা মীৎয়েঙ অমা থমখি‍। মহাক্না লাক্কদৌরিবা চহি ১০সিবু ভারতকী ‘তেকেদ’ হায়বা মমিং পীদুনা মীওই কয়াগী ৱাফম কয়াবু ফ্রেজ অমদা ফোঙদোকখি‍। মসিদা ঐখোয়গী শেন্মিৎলোনগী মায়কৈ, তেক্নোলোজী ইকোসিস্তেমগী মায়কৈ অমসুং লৈঙাক্কী থবক থৌররমশিংগী লম্বী হোংহল্লিবা অমসুং মীয়ামগী পুন্সিদা অহোংবা পুরক্লিবা তেক্নোলোজীগী মতিক্কী মরমদা ৱাফম কয়া য়াওরি‍।”

কোবিদ লাইচৎগী শাফু অমসুং মসিগী মায়োক্তা ভারতনা লৌখৎখিবা থৌরাংশিংগী মতাঙদা পল্লদুনা, মহাক্না মখা তাখিবদা “কোবিদ লাইচৎ মনুংদা ভারতনা তৌখিবা থৌওংশিং অসিনা ভারতপু মালেমগী লৈনরিবা ফীভমশিং য়েংশিল্লিবশিংগী মফমদা হান্নগী ফীভমদা হঞ্জিল্লকপা ঙমবা শেন্মিৎলোন, লৈঙাক অমসুং মীয়ামগী পুন্সি শেমগৎপদা তেক্নোলোজী শিজিন্নখিবা লৈবাক অমা ওইনা শক্তাক্লি‍। ভারতনা হৌজিক ফাওবগী ওইনা খ্বাইদগী ৱাংবা এফ.দি.আই. ফংদুনা ২০২১ মনুংদা থাদা ৩গী চাংদা য়ুনিকোর্ন শেমখি‍।”

ইলেক্ত্রোনিক সেক্তরদা লৈরিবা খুদোংচাবশিংগী মতাঙদা পল্লদুনা মিস্তর রাজীব চন্দ্রসেখরনা মখা তাখিবদা “ই.এস.দি.এম. (ইলেক্ত্রোনিক সিস্তেম দিজাইন এন্দ মেনুফেকচরিং)গী লমদা, ইমবেদেদ দিজাইনগী লমদা, অমদি সেমিকন্দক্তরগী লমদা ঐখোয়গী ইফমদা পাক চাউরবা খুদোংচাবশিং ঙসিদি লৈরে হায়বসি শেংলে‍। মরুওইনা সেমিকন্দক্তরগী লমদা ঐখোয়গী ফিদম য়াম্না ময়েক শেংলি‍। হীরমসিদা লৈরিবা জিওপোলিতিক্স অসিনা মশানা তাজবা ফেবকী লমদা শেল চাউনা থাদরি, অদুগা ইনোভেসন, দিজাইন অমসুং সিস্তেমগী অকোয়বদা লৈরিবা ইকোসিস্তেমগী লমদসু শেল চাউনা থাদরি‍।”

লৈঙাক্না কমদৌনা হৈশিংবা মীওইশিং শেমগৎপদা রিছর্চ অমসুং দিজাইন ইঞ্জিনিয়রিংদগী হৌরগা ফেক্তরী, তেস্তিং অমসুং পেকেজিং ৱর্কফোর্স ফাওবদা শেল থাদরিবা, অদুগা ওন্ত্রপ্রি্ন্যুর অমসুং স্তার্তঅপশিংবু দিজাইন অমসুং ইনোভেসন ইকোসিস্তেমগী লমদা পুক্নিং থৌগৎলিবগে হায়বগী মতাঙদা মহাক্না পাউদমখি‍। লৈঙাক অসিনা রিদ্যুস ইন্সত্রক্সন সেত কম্প্যুতর (আর.আই.এস.সি. – ভি.) অমসুং অতৈ ওপন সোর্সকী ইন্সত্রক্সন সেত আর্কিতেকচর (আই.এস.এ.) সিস্তেমগী তুংগী লম্বী পরিংগী মতাঙদা মশাগী ওইবা দিজাইন অমসুং শেমগৎ শাগৎপগী থৌরাং পায়খৎনবগী লমদা পুক্নিং চঙলি‍।

লোইশিল্লকপদা, মিস্তর রাজীব চন্দ্রসেখরনা হায়খিবদা “তেক্নোলোজী অমসুং ওন্ত্রপ্রিন্যুরসিপকী লমদা চহি ৩০ হেনবগী হৈশিংবা লৈরবা অমা ওইনা ভারতকী হৌজিক লৈরিবা তাঙ্কক অসিদগী হেন্না থাজবা তাঞ্জা অমা লৈখিদ্রি‍। ফীভমসি হান্নদগী চৎনরকপা তেক্নোলোজীগী মঙমগী ৱাংমদা হান্না চাওখৎপা অমদি পাকথোক চাউথোকপা পুরক্নবগ তাঞ্জা অমা ওইরিবা তাঙ্কক অসি য়ৌনবা পুরক্লিবা ঐখোয়গী প্রধান মন্ত্রীগী লুচিং অমসুং মীৎয়েঙ য়াওনা তোঙান তোঙানবা মচাকশিং পুনশিল্লকপগী মশক্তুনি‍।”

*****