হাউশিং অমসুং অর্বান পোবর্তী এল্লিবেসন মন্ত্রালয়
ইকাই খুম্নরবা প্রধান মন্ত্রীনা বজেৎতা লাউথোকখিবশিংগী মতুংদা পাঙথোকপা ৱেবিনার ‘লীবিং নো সিতিজেন বিহাইন্দ’দা ৱা ঙাংখ্রে
কেন্দ্রগী বজেৎ ২০২২না পি.এম. অৱাজ য়োজনা অসিগুম্বা স্কিম কয়ামরুমগী তার্গেৎশিং য়ৌনবা ময়েক শেংবা রোদ মেপ অমা শেমখি: ইকাই খুম্নরবা প্রধান মন্ত্রী
রুরেল এন্দ অর্বান হাউজিং সেক্তরদগী এক্সপর্তশিংনা ব্রকাউত সেসন্দা ‘রিএলাইজিং হাউজিং ফোর ওল ইন অমৃতকাল’গী মতাংদা খন্নখ্রে
Posted On:
23 FEB 2022 3:59PM by PIB Imphal
ইকাই খুম্নরবা প্রধান মন্ত্রী শ্রী নরেন্দ্র মোদীনা ঙসি কেন্দ্রগী বজেৎ ২০২২-২৩দা পুথোকখিবা থৌরাংশিং মপুং ফানা থবক্তা ওন্থোক্নবগী পাম্বৈশিং খন্ননবা ‘লীবিং নো সিতিজেন বিহাইন্দ’ হায়বা থীম অসিদা পাঙথোকপা কেন্দ্রগী বজেৎ ২০২২গী মতুংগী ওইবা ৱেবিনার অমদা ৱা ঙাংখ্রে। মসি পরিং নাইনা চত্থরকপা ৱেবিনারগী অনিসুবা তাঙ্কক্নি। মরী লৈনবা কেন্দ্রগী মন্ত্রীশিং, স্তেত লৈঙাকশিংগী মীহুৎশিং অমসুং অতৈ স্তেকহোল্দরশিংসু থৌরমদুদা শরুক য়াখি।
অহৌবদা প্রধান মন্ত্রীনা সরকারগী থৌরাং অমদি থবক থৌরম খুদিংগী মরুমদা ‘সবকা সাথ, সবকা বিকাস, সবকা বিস্বাস অমসুং সবকা প্রয়াস’ হায়বা লাইৱাসিনা ইথিল পীদুনা চৎলি হায়বা ৱাফম হন্না থমখি। “ঐখোয়গী অজাদি কা অমৃত কালগী ৱাশকশিং মীপুম খুদিংনা পুন্না হোৎনমিন্নরবা মতমদা ওইথোক্কনি অমদি মীপুম খুদিংনা হোৎনগদৌরিবা অসি মীওই খুদিংমক, কাঙলুপ খুদিংমক অমদি মফম খুদিংমক্না চাওখৎপগী কান্নবা মপুং ফানা ফংলবা মতমদা ওইথোক্কদৌরিবনি,” হায়না ইকাই খুম্নরবা প্রধান মন্ত্রীনা হায়খি।
ইকাই খুম্নরবা প্রধান মন্ত্রীনা কেন্দ্রগী বজেৎ ২০২২না পি.এম. অৱাজ য়োজনা, গ্রামিন সরক য়োজনা অমসুং জল জীবন মিসন অসিগুম্বা স্কিম কয়ামরুমগী তার্গেৎশিং য়ৌনবা ময়েক শেংবা রোদ মেপ অমা শেমখি হায়খি। বজেৎ ২০২২দা প্রধান মন্ত্রী অৱাজ য়োজনাগীদমক এলোকেৎ তৌখিবা ফন্দশিংগা মরী লৈননা ইকাই খুম্নরবা প্রধান মন্ত্রীনা হায়খি মদুদি পি.এম. অৱাজ য়োজনাদা কেন্দ্রগী বজেৎনা লুপা করোর ৪৮,০০০ এলোকেৎ তৌখি অমসুং য়ুম লাখ ৮০ শানবগী পান্দম ফংনবা খোঙথাং পাইখৎলি।
ৱেবনার মনুংদা ইকাই খুম্নরবা প্রধান মন্ত্রীনা লৈবাক অসিগী শহর তরুক্তা পি.এম.এ.ৱাই.(অর্বান)গী মখাদা লাইৎ হাউস প্রোজেক্তশিং শাবা, এফোর্দেবল হাউজিং প্রোমোৎ তৌনবগীদমক অনৌবা তেক্নোলোজীশিং শীজিন্নবগী মতাংদসু ফোঙদোকখি। মহাক্না লৈবাক অসিগী খুঙ্গং অমসুং শহরগী মফমশিংদা অতোপ্পা এফোর্দেবল হাউজিং প্রোজেক্তশিংগীদমক অসিগুম্বা কনস্ত্রক্সন তেক্নোলোজীশিং অসি থৌগৎতুনা থবক পাইখৎনবা অকনবা ৱাফম থমখি।
ইকাই খুম্নরবা প্রধান মন্ত্রীনা ৱেবিনারদা থমখিবা ৱাফম অদুগী মপুং ফাবা ৱারোল পানবগীদমক মসিদা ক্লিক তৌবীয়ু: https://pib.gov.in/PressReleasePage.aspx?PRID=1800489
ইকাই খুম্নরবা প্রধান মন্ত্রীনা হৌদোকপগী ৱারোল পীখ্রবা মতুংদা বজেৎ ইমপ্লিমেন্তেসন রোদমেপকী এক্সন পোইন্ত অমসুং লালোং করম্না য়াৎকদগে হায়বগী মতাংদা এক্সপর্তশিংগা লোয়ননা খন্ননবা অমসুং ব্রেনস্তোর্ম তৌনবা তোঙান-তোঙানবা ব্রেক-আউত সেসনশিং পাঙথোকখি। ‘হাউজিং ফোর ওল’ সেসনগী ওইনা খন্ন-নৈনবগী হীরম অসি সব-থীম ‘রিএলাইজিং হাউজিং ফোর ওল ইন অমৃতকাল’ হায়বা অসিনা ওইখি:
- এফোর্দেবল হাউজিংগী য়ুনিভর্সেল কবরেজ ফংহনবা
- এফোর্দেবল হাউজিংগী দেলিবরী হেনগৎহন্নবা অতোপ্পা স্কিমশিং, অর্বান প্লান্নিং অমসুং ইনফ্রাস্ত্রকচরগী লালোংশিংগা পুনশিনবা
- এফোর্দেবল হাউজিং সেক্তরদা প্রাইবেৎ পার্তিসিপেসন হেনগৎহনবা
![A group of people sitting around a tableDescription automatically generated with medium confidence](https://static.pib.gov.in/WriteReadData/userfiles/image/image003SY1J.jpg)
![A group of people in a meetingDescription automatically generated with medium confidence](https://static.pib.gov.in/WriteReadData/userfiles/image/image004WSG3.jpg)
আন্ধ্র প্রদেশকী স্পেসিএল চীফ সেক্রেতরী (অর্বান দিবেলপমেন্ত এন্দ হাউজিং) শ্রী অজয় জেন্না কনাগুম্বা অমগী পুন্সিদা য়ুমশিংগী মরু ওইবা অমসুং মসিনা ইশাদা থাজবা থম্বা হেনগৎহনবা অমসুং মীওইবা অমগী চাউখৎপদা তেংবাংবগী মতাংদা ৱাফম থমখি। মহাক্না সিবিক অমসুং অতোপ্পা মথৌ তাবা ইনফ্রাস্ত্রকচরগা লোয়ননা প্লান তৌরবা, ক্বালিতী লৈবা হাউজিং ফংহন্নবগী স্কিমশিং পুনশিনবদা মীৎয়েং থমখি। মহাক্না আন্ধ্র প্রদেশতা পি.এম.এ.ৱাই. (য়ু) খুমাং চাউশিল্লিবা, পাইখৎলিবা খ্বাইদগী ফবা থৌওংশিং অমসুং মিসন অসি মাইপাক্নবগী মরু ওইবা মচাকশিং অদু থমখি। শ্রী জেননা বজেৎকী ওইবা থৌশিলশিং অসিনা মপাঙ্গল কনবা অমসুং আত্মনির্ভর ভারত অমা শেম্নবগী লম্বী য়াৎলগনি হায়না ফোঙদোক্লদুনা ৱারোল পীবা লোইশিনখি।
সি.আর.ই.সি.এ.আই.গী শ্রী হর্শ বর্ধন পতোদিয়ানা এফোর্দেবল হাউজিংদা প্রাইবেৎ পার্তিসিপেসন থৌগৎনবগী মতাংদা ফোঙদোকখি। মহাক্না ইকাই খুম্নরবা প্রধান মন্ত্রীগী বিজন ‘হাউজিং ফোর ওল’ অসিদা তেংবাংনবা সি.আর.ই.দি.এ.আই. মেম্বর কয়ানা লৈবাক অসিদা এফোর্দেবল হাউজিং প্রোজেক্তশিং হৌদোকখি হায়না ফোঙদোকখি। “২০১৫দগী হৌনা চাংচৎ ওইনা চহিদা য়ুনিৎ লাখ ২.৫তা প্রাইবেৎ সেক্তরা এফোর্দেবল হাউজিং সেগমেন্তদা য়ুনিৎ লাখ ১৫ হেন্না শাখি,” হায়না শ্রী পতোদিয়ানা ফোঙদোকখি। মহাক্না মিং ওইনা খরা পল্লবদা - থ্রেসহোল্দ লিমিত, ইনপুৎ তেক্স ক্রেদিৎ, এম.আই.জি.গী সি.এল.এস.এস.কী এক্সতেন্সন, এফোর্দেবল হাউজিং প্রোজেক্তশিংগী লম ফন্দিং তৌবা – অসিগুম্বা এফোর্দেবল হাউজিং সেক্তরদা মতম শাংনা কান্নবা ফংগদবা সোল্যুসন কয়ামরুম পুখৎখি।
সিনিয়র ফেল্লো (সেন্তর ফোর পোলিসী ইসর্চ) শ্রী শুভাগতো সাগুপ্তানা এফোর্দেবল হাউজিংগী য়ুনিভর্সেল কবরেজ তৌবা হেনগৎহন্নবা মহাক্কী ৱাখল্লোনশিং থমখি। মহাক্না হাউজিং হায়বা অসি শাবা লোইশিনখিবা দ্বেল্লিং য়ুনিৎকী মশিং খক্তা নত্তনা লৈবা য়াবা মফম অমা ওইহনবা হায়বা অসি খঙজিনবা মথৌ তাই হায়না ফোঙদোকখি। মহাক্না পি.এম.এ.ৱাই. (য়ু.)গী মখাদা চাউনা মাইপাকখিবশিং অদু থমখি অমসুং এদিক্বেৎ, এক্সেসিবল অমসুং এফোর্দেবল হাউজিংগী য়ুনিভর্সেল কবরেজ পীনবগী মতাংদা পি.এম.এ.ৱাই. ২.০গী রিকম্মেন্দেসন পীখি।
পি.এম.এ.ৱাই.-গ্রামিনগী মাইকৈদগী পি.এম.এ.ৱাই.জি. ইমপ্লিমেন্ত তৌবদা য়াবা রুরেল হাউজিংগী মীওি ওইরিবা রাজ্যগী সেক্রেতরীশিং অমসুং এক্সপর্তশিং য়াওনা ৱাঙাংলোই অমসুং স্কিম স্তেকহোল্দর কয়ামরুম অমসুং সিভিল সোসাইতীগী মেম্বরশিংনা শরুক য়াখি।
ঝার্খন্দগী রুরেল দিবেলপমেন্ত সেক্রেতরী দা. মনিশ রঞ্জননা “ত্রান্সলেতিং প্রাইম মিনিস্তর’স বিজন ইনতু রিএলিতী (ইফেক্তিব ইমপ্লিমেন্তেসন ওফ পি.এম.এ.ৱাই-জি ইন ঝার্খন্দ)” হায়বা অসিদা ৱা ঙাংখি। য়ু.এন.দি.পি. দিল্লী এন্দ ইন্তরনেস্নেল কনসলতেন্ত, স্কুল ওফ প্লান্নিং এন্দ আর্কিতেকচরগী বিজিতিং প্রোফেসর দা. পি.জে. দাসনা পি.এম.এ.ৱাই.জি.গী মখাদা লৈরিবা এমপ্লোইমেন্ত জেনরেসন, ত্রেনিং, দিজাইন, কোস্ত, গ্রীন হাউজিং অমসুং এনভাইরনমেন্তগী ওইবা হীরমগী মতাংদা ঙাংখি। সি.বি.আর.আই. চী সাইন্তিস্ত দা. এস.কে. নেগীনা উত্তর প্রদেশ অমসুং অসামদা তৌবা দেমো হাউসশিংগী মতাংদা ৱা ঙাংখি। সেসন অসিনা মাইপাক্না এৱের্নেস পীখি অমসুং তুংলমচৎকী ওইবা ইন্নোভেসন অমসুং পি.এম.এ.ৱাই.-জিগী মখাদা পাইখৎপা থৌরাংশিংগী ওইবা হীরম কয়াদা খন্ন-নৈনখি।
![Graphical user interfaceDescription automatically generated](https://static.pib.gov.in/WriteReadData/userfiles/image/image005Y3IE.png)
লোইশিনবগী ৱারোলশিং অদু এম.ও.ঐচ.য়ু.এ.গী সেক্রেতরী শ্রী মনোজ জোশিনা থমখি। শ্রী জোশিনা বজেৎতা লাউথোকখিবা অমসুং রিকম্মেন্দেসনশিংদা নৌনা মীৎয়েং থমখি। মহাক্না লম লৈজদবা বেনিফিসরীশিংদা লম পীনবা আন্ধ্র প্রদেশকী রাজ্য সরকারগী কেম্পেনগী মতাংদা ফোঙদোকখি অমসুং তঙাই ফদবা ইনফ্রাস্ত্রকচর সর্ভিসেসকা প্রোভিজনগা লোয়ননা লৈবাক শিনবা থুংবদা মসিগী মোদেল অসি মতৌ তম্বা য়াগনি হায়না ফোঙদোকখি। এফোর্দেবল হাউজিংগী য়ুনিভর্সেল কবরেজকী মতাংদা মীৎয়েং থম্লদুনা এম.ও.ঐচ.য়ু.এ.গী সেক্রেতরীনা শাবা লোইশিনখিবা দ্বেল্লিং য়ুনিৎকী মশিং খক্তা নত্তনা ইমুং অমনা লৈবা য়াবা মফম অমা ওইহনবা হায়বা অসি খঙজিনবা মথৌ তাই হায়না ফোঙদোকখি। মহাক্না স্বচ্ছ সুর্বেক্ষনগী মখাদা রাজ্য/য়ু.তি.শিংগী পি.এম.এ.ৱাই.(য়ু)গী মখাদা এফোর্দেবল হাউজিংগীদমক আউতকম-বেজ এএসমেন্ত ফ্রেমৱর্ক অমা শেম্নবা ৱাফম থমখি। সি.আর.ই.দি.এ.আই.গী প্রসিদেন্ত থমখিবা পোইন্তশিং অদু পুথোক্লদুনা শ্রী জোশিনা দিবেলপরশিংনা ফাইনান্স ইন্সতিত্যুতশিংদগী লায়না শেল ফংদুনা কান্নবা ফংগনি হায়না থমখি।
খন্ন-নৈনবা অসি লোইশিনবা ওইনা শ্রী জোশিনা য়ুম অমা শাবনা নুমিৎ ৩১৪ থবক পীবা ঙম্মি হায়না থমখি। এমপ্লোইমেন্ত জেনরেসন্দা মীৎয়েং থম্লদুনা মহাক্না হায় রেসিদেন্সিএল কনস্ত্রক্সন হায়বা অসি খুঙ্গংগী মফমশিংদা থবক পীনবা খ্বাইদগী চাউবা পাম্বৈ অমনি। মহাক্না কনস্ত্রক্সন সেক্তরগী লেবরশিং অমসুং অতোপ্পা য়াওরিবা মীওইশিং অপ-স্কিল্লিং তৌবগা মরী লৈনবা সজেসন অদু তরাম্না ওকখি। মহাক্না হাউজিং কনস্ত্রক্সনদা লৈরিবা অনৌবা অমসুং ইন্নোভেতিব কনস্ত্রক্সন তেক্নোলোজীশিংগী মতাংদা এৱের্নেস শন্দোকপগী থৌদাং লৌরিবা এজুকেস্নেল ইন্সতিত্যুসনশিংদা তৌবীমল খঙবা উৎখি। মহাক্না খুঙ্গাগী মফমশিংদা রিন্যুএবল ইনর্জী শীজিনবগী মেনস্ত্রীমদা ৱাঙাংলোইশিংনা পীখিবা সজেসনশিং তরাম্না ওকখি। এম.ও.ঐচ.য়ু.এ.গী সেক্রেতরীনা হায়খি খুঙ্গংগী মফমসিংদা লাইবলিহুদ প্রোগ্রামশিংগা লোয়ননা সস্তেনেবল বিল্দিং প্রেক্তিসশিং প্রমোৎ তৌবা মথৌ তাই হায়না থমখি। মহাক্না পেনেলিস্ত অমসুং শরুক য়ারিবশিংনা পীখিবা সজেসনশিং অসিনা পি.এম.এ.ৱাই. স্কিমশিং মথৌ তৌবদা হেনগৎহনবা অমসুং ‘হাউজিং ফোর ওল’গী বিজন অদু মঙফাওনবা ঙম্নবা শীজিন্নগনি হায়না ফোঙদোকখি।
*********
(Release ID: 1800683)
Visitor Counter : 138