২০২২গী ফেব্রুৱারী ১৬দা য়ুম করোর ৯ হেনবদা তোতি ইশিং সপ্লাই ফংহনবগী মাইলস্তোন অদু য়ৌরবা মতুংদা ঙসি জল জীবন মিসন্না লৈবাক অসিদা জিলা ১০০গী য়ুম খুদিংদা তোতি ইশিং ফংহনবগী অতোপ্পা মাইলস্তোন অমা ফংবা ঙমখ্রে। হিমাচল প্রদেশকী শোত্থরবা জিলা অমা ওইরিবা ছাম্বানা ১০০ শুবা ‘হর ঘর জল’ জিলা ওইরে। ছাম্বা অসি ‘হর ঘর জল’ ওইবা মঙাশুবা শোত্থরবা জিলানি। অতোপ্পা শোত্থরবা হর ঘর জল জিলা মরি অদুদি: ভাদ্রাদি কোথগুদেম, জয়াশঙ্কর ভুপালপল্লি, কোমরাম ভিম এসিফাবাদ (পুম্নমক তেলঙ্গনাদা) অমসুং হরিয়ানাদা মেৱাতনি।

২০২৪ ফাওবদা লৈবাক অসিদা য়ুমথোং খুদিংদা অরুবা তোতি ইশিং ফংহনবগী ওইবা প্রধান মন্ত্রীগী মীৎয়েং অদু ফংহন্নবা, চহি অনি মখায়গী তেনখ্রবা মতম অমদা অমসুং কোবিদ-১৯ লাইচৎ অমসুং লোকদাউনগী অপনবা লৈদুনসু জল জীবন মিসন্না খুঙ্গংগী য়ুমথোং করোর ৫.৭৮ হেনবদা তোতি ইশিং সপ্লাই ফংহল্লি। মদুগী মহৈ অমা ওইনা ঙসি লৈবাক অসিদা লৈরিবা জিলা ১০০না অরুবা তোতি ইশিং সপ্লাইগী কানবশিং ফংলি অমদি ২০২৪ ফাওবদা খুঙ্গংগী য়ুমথোং খুদিংদা তোতি ইশিং সপ্লাই ফংহন্নবা সরকারগী ৱারেপ অদু মপুং ফাহন্নবা জল জীবন মিসন মখা চত্থরি।

২০১৯গী ওগস্ত ১৫দা মিসন অসি লাউথোকখিবা মতমদা ভারত্তা য়ুমথোং করোর ১৯.২৭কী মনুংদা য়ুমথোং করোর ৩.২৩ (১৭%) খক্তদা তোতি ইশিং কনেক্সন লৈরম্মি। ‘সবকা সাথ, সবকা বিকাস, সবকা বিশ্বাস অমসুং সবকা প্রয়াস’কী ওইবা প্রধান মন্ত্রীগী মীৎয়েং অদুগী প্রিন্সিপল অদু তুংইন্দুনা, মসিগী তেনখ্রবা মতম অসিগী মনুংদা, জিলা ১০০, ব্লোক ১,১৩৮, গ্রাম পঞ্চায়ৎ ৬৬,৩২৮ অমসুং খুঙ্গং ১,৩৬,৮০৩ ‘হর ঘর জল’ ওইরে। গৱা, হরিয়ানা, তেলঙ্গনা, অন্দমান অমসুং নিকোবার ইথৎশিং, পুদুচেরী, দাদর অমসুং নগর হভেলি অমদি দামন অমসুং দ্যুদা খুঙ্গংগী য়ুমথোং খুদিং তোতি ইশিং সপ্লাই লৈরে। পঞ্জাব (৯৯%), হিমাচল প্রদেশ (৯২.৫%), গুজরাত (৯২%) অমসুং বিহার (৯০%)গুম্বা রাজ্য কয়া ২০২২দা ‘হর ঘর জল’ ওইরকনবগী লম্বীদা লৈরে।

চহি মঙাগী মতমগী মনুংদা খুঙ্গংগী য়ুমথোং খুদিংদা তোতি ইশিং সপ্লাই ফংহন্নবা অচৌবা থবক অসি ফংনবগীদমক লুপা করোর লাখ ৩.৬০ কায়থোকখ্রে। য়ুমথোং করোর ৩.৮দা তোতি ইশিং ফংহন্নবা য়ুনিয়ন বজেৎ ২০২২-২৩দা ‘হর ঘর জল’দা লুপা করোর ৬০,০০০ কায়থোকখ্রে।

মথক্তা পনখ্রিবা অসিগী মথক্তা, ২০২১-২২দা, রুরেল লোকেল বোদীশিং/পি.আর.আই.শিংদা ইশিং অমসুং সেনিতেসনগীদমক ১৫শুবা ফাইনান্স কমিসন্না গ্রান্ত তাইদ তৌখিবগুম রাজ্যশিংদা লুপা করোর ২৬,৯৪০ কায়থোকখি। মথংগী চহি মঙা হায়বদি ২০২৫-২৬ ফাওবগীদমক লুপা করোর ১,৪২,০৮৪গী লেংদ্রবা ফন্দিং অমা লৈরে।

জল জীবন মিসনগী মখাদা, ক্বালিতী ফনা থমদ্রবা খুঙ্গংশিং, এস্পিরেস্নেল জিলাশিং, এস.সি./এস.তি.না মেজোরিতী ওইবা খুঙ্গংশিং, ইশিং তাংনা ফংবা মফমশিং অমদি সনসদ অদার্শ গ্রাম য়োজনা(এস.এ.জি.ৱাই.) খুঙ্গংশিংদা ইশিংগী সপ্লাই পীনবগীদমক প্রাইয়োরিতী পীরি৷ হৌখিবা থা ২৪দা, এস্পিরেস্নেল জিলা ১১৭তা তোতিগী ইশিং সপ্লাই তৌবা অসি য়ুমথোং লাখ ২৪(৭.১৭%)দগী য়ুমথোং কোতি ১.১৫রোমগী(৪০%)চাংদা শরুক মরি য়ৌনা হেনগৎলকখ্রে৷ মতৌ অসিগুম্না, জপানিজ এন্সেফলাইতিস-এক্যুইত এন্সেফলাইতিস সিন্দ্রোম(জে.ই.-আই.ই.এস.)না শোকহনখিবা জিলা ৬১দা লৌরিবা য়ুমথোং কোতি ১.১৫ হেনবদা(৩৮%)তোতিগী ইশিং ফংহনখ্রে৷ জে.জে.এম. লাওথোক্ত্রিঙৈগী মমাংদা, জে.ই.-এ.ই.এস.না শোকহল্লবা জিলাশিংদা লৈরিবা য়ুমথোং লাখ ৮ খক্তমক(২.৬৪%)তোতিগী ইশিং ফংখি৷ করিগুম্বা মতমদা, ক্বালিতী শোকহল্লবা মফমশিংদা সর্ফেজ ৱাতর-বেজ সিস্তেমশিং শেমগৎ-শাগৎপা হায়বসিদা মতম চংই, মতম খরগী ওইবা খোংথাং অমা ওইনা, য়ুমথোং খুদিংদা নোংমদা মীওই অমদা অফবা ইশিং লিতর @ ৮-১০ ফাওবা ফংহন্নবা কম্ম্যুনিতী ৱাতর প্যুরিফিকেসন প্লান্তশিং ইন্সতোল্দ তৌখ্রে৷

লৈবাক অসিদা লৈরিবা স্কুলশিং অমসুং অনগনৱাদি সেন্তরশিংদা অফবা তোতিগী ইশিং ফংহন্দুনা অঙাংশিংগী হকশেল ফহন্নবা অমদি তিনচং-কাইজংদনবা, প্রধান মন্ত্রী শ্রী নরেন্দ্র মোদীনা নুমিৎ ১০০নিগী ওইবা কেম্পেন্দ অমা লাওথোকখি, মদু জল শক্তিগী কেন্দ্র মন্ত্রী শ্রী গজেন্দ্র সিংহ সেখৱতনা ২০২০গী ওক্তোবর ২দা হৌদোকখি৷ হৌজিক ফাওবদা, তেল্লবা থা ১৬কী মতম অসিদা, লৈবাক অসিদা লৈরিবা স্কুল লাখ ৮.৪৭ (৮২%) অমসুং অনগনৱাদি সেন্তর লাখ ৮.৬৭ (৭৮%)  রোমদা থক্নবা অমসুং মিদ-দে মিল থোংবদা শিজিন্ননবা, খুৎ-শা হামদোক্নবা অমসুং তোইলেতশিংদা শিজিন্ননবা তোতিগী ইশিং ফংহনখ্রে৷ লৈবাক অসিদা লৈরিবা স্কুলশিংদা রেনৱাতর হার্বেস্তিং ফেসিলিতী লিশিং ৯৩ অমসুং গ্রে ৱাতর রিয়ুজ স্ত্রকচর লাখ ১.০৮ শেমগৎখ্রে৷ অন্দামন অমসুং নিকোবর ইথৎ, অন্ধ্র প্রদেশ, দি অমসুং এন.ঐচ. অমদি দি. অমসুং দি., গোৱা, গুজরাত, হরিয়ানা, হিমাচল প্রদেশ, জম্মু অমসুং কাশ্মীর, কর্নাতকা,কেরলা, পুদুচেরী, সিক্কিম, তামিল নাদু, তেলঙ্গনা অমসুং উত্তরখন্দনা স্কুল খুদিংমক্তা তোতিগী ইশিং পীবগী প্রোভিজন হাপখ্রে৷ অঙাংশিংগী হকশেল হেন্না ফনা থম্নবা, লুবা-নানবা হেনগৎহন্নবা অথুবা মতমদা লেমহৌরিবা স্কুলশিং অমসুং অনগনৱাদি সেন্তরশিং অসিদা অফবা তোতিগী ইশিং পীনবগী প্রোভিজন হাপনবা কেন্দ্র সরকারনা রাজ্যশিংদা হায়খ্রে৷

জল জীবন মিসন অসি কম্ম্যুনিতীনা প্লানিং তৌবদগী হৌরগা চৎনহনবা, মেনেজমেন্ত, ওপরেসন অমসুং মেন্তিনেন্স তৌবদা য়াম্না মরু ওইবা থৌদাং অমা লৌরিবা ‘বত্তম অপ’ এপ্রোচ অমনি৷ মসি ফংননবা, ভিলেজ ৱাতর অমসুং সেনিতেসন কম্মিতী (ভি.দবল্যু.এস.সি.)/পানি সমিতি শেমগৎলি অমদি হেন্না মপাঙ্গল লৈহল্লি; কম্ম্যুনিতী এনগেজমেন্তগী খুৎতাংদা ভিলেজ এক্স প্লান শেম্লি; প্রোগ্রাম পাংথোকপদা অমসুং মীয়ামগী মরক্তা এৱার্নেস শন্দোকপদা খুঙ্গংগী কম্ম্যুনিতীশিংবু সপোর্ত তৌনবা ইমপ্লিমেন্তেসন সপোর্ত এজেন্সীশিং(আই.এস.এ.শিং)না হোৎনরি৷ হৌজিক ফাওবদা, ভারত্তা ভি.দবল্যু.এস.সি. লাখ ৪.৭০রোম(পানি সমিতিশিং) শেমগৎখ্রে অমসুং ভিলেজ এক্সন প্লান লাখ ৩.৮৩ হেন্না শেমখ্রে৷

জল জীবন মিসন চৎনবদা হেন্না ত্রান্সপরেন্সী অমসুং একাউন্তেবিলিতী লৈহন্নবা, জল জীবন মিসনগী মরমদা লৈরিবা ই-পাউ অদু পব্লিক দোমেন্দা লৈরি অমদি জে.জে.এম. দাশবোর্দ অদু https://ejalshakti.gov.in/jjmreport/JJMIndia.aspxদা য়েংবা য়াই৷

*****