২০২১-২২দগী ২০২৫-২৬ ফাওবা ওইরিবা ১৫শুবা ফাইনান্স কম্মিসন সাইকল হেন্দোক্না লুপা কোতি ১৩,০২০গী শেনফম থাদদুনা “বোর্দর ইনফ্রাস্ত্রকচর অমসুং মেনেজমেন্ত”(বি.আই.এম.)গী সেন্ত্রেল সেক্তর অমব্রেল্লা স্কিম মখা চৎথহন্নবা মোদী সরকারনা অয়াবা পীখ্রে৷ কেন্দ্রগী গৃহ মন্ত্রী শ্রী অমিত শাহগী লুচিং মখাদা হোম এফিয়র্স মন্ত্রালয়না ঙমখৈগী ইনফ্রাস্ত্রকচর অমসুং মেনেজমেন্ত ফগৎহন্নবা হোৎনরি৷ ঙমখৈগী মেনেজমেন্ত, পোলিসিং অমদি ঙমখৈশিং হেন্না নিংথিনা ঙাক শেন্নবগীদমক ৱারেপ অসিনা ঙমখৈগী ইনফ্রাস্ত্রকচর হেন্না মপাঙ্গল লৈহল্লগনি৷

বি.আই.এম. স্কিম অসিনা ইন্দো-পাকিস্তান, ইন্দো-বঙ্গলাদেশ, ইন্দো-চাইনা, ইন্দো-নেপাল, ইন্দো-ভুতান অমসুং ইন্দো-ম্যানমার ঙমখৈশিংবু সেক্যোর ওইহন্নবা ঙমখৈগী শম্বল, ঙমখৈগী ফ্লদ লাইতশিং, তেক্নোলোজিকেল সোলুসনশিং, ঙমখৈগী লম্বীশিং অমসুং বোর্দর আউতপোস্তশিং(বি.ও.পি.শিং)/কম্পেনী ওপরেতিং বেজশিং(সি.ও.বি.শিং) শেমগৎ-শাগৎপা য়াওনা ইনফ্রাস্ত্রকচর শেমগৎ-শাগৎপদা মতেং পাংগনি৷

******