হ্যুমেন রিসোর্স চাউখৎ-থৌরাংগী মন্ত্রালয়

নেস্নেল মীন্স-কম-মেরিৎ স্কোলারসিপ (এন.এম.এম.এস.এস.) চহি মঙা শাংদোকপদা লৈঙাক্না অয়াবা পীখ্রে

Posted On: 22 FEB 2022 5:20PM by PIB Imphal

লৈঙাক্না সেন্ত্রেল সেক্তর নেস্নেল মীন্স-কম-মেরিৎ স্কোলারসিপ (এন.এম.এম.এস.এস.) ১৫শুবা ফাইনান্স কম্মিসনগী মতমগী মথক্তা চহি মঙা হায়বদি ২০২১-২২দগী ২০২৫-২৬ ফাওবা লুপা করোর ১৮২৭.০০গী শেন্ফমগা লোয়ননা ইনকম সিলিং চহিদা লুপা লাখ ১.৫ ওইরমবদগী চহিদা লুপা লাখ ৩.৫ ফাওবা হেনগৎহনবা অমদি স্কিম অসিগী মখাদা রিনিউ তৌবগী ক্রাইতেরিয়াশিং নৌনা শেমদোকপা য়াওনা অচমবা শেমদোক শেমজিন খরা তৌরগা অয়াবা পীখ্রে‍।

স্কিম অসিগী পান্দমদি শেলথুমগী ফীভম ফত্তবা কাঙলুপকী লাইরিক ফবা মহৈরোয়শিং ক্লাস ৮তা মহৈ তমবা তোকখিবা থিংননবা অমদি মখোয়বু সেকেন্দরীগী থাক ফাওবা মহৈ মশিং তমবদা পুক্নিং থৌগৎনবগীদমক স্কোলারসিপ পীবনি‍।

চহি খুদিংগী ক্লাস ৯গী খনগৎলবা মহৈরোয়শিংদা অমদি মখোয়না লৈঙাক্কী, লৈঙাক্না তেংবাংবা অমদি লোকেল বোদীগী মহৈশঙশিংদা ক্লাস ১০ অমসুং ১২ ফাওবা মখা তানা তমথবদা মহৈরোয় অমদা চহিদা লুপা ১২,০০০গী (থাদা লুপা ১০০০) অনৌবা স্কোলারসিপ স্কিম অসিগী মখাদা পীরি‍। স্কোলারসিপ পীননবা মহৈরোয়শিং স্তেত/য়ূ.তি. লৈঙাক্না পাঙথোকপা চাংয়েং অমগী খুত্থাঙদা খনগৎলি‍। স্কিম অসি নেসনেল স্কোলারসিপ পোর্তেলদা (এন.এস.পি.) হাপচিল্লে‍। স্কোলারসিপকী শেনফম দি.বি.তি. থৌওং শীজিন্নদুনা পব্লিক ফাইনান্সিএল মেনেজমেন্ত সিস্তেম (পি.এফ.এম.এস.)কী খুত্থাঙদা মহৈরোয়শিংগী বেঙ্ক একাউন্ততা হকথেংননা থাজিল্লি‍। স্কিম অসিগী মখাদা অচঙবা শেনফম পুম্নমক কেন্দ্র লৈঙাক্না পুথোকপনি‍।

মসি মখা চত্থদুনা লৈবা স্কিম্নি অমদি ২০০৮-০৯দা অহানবা হৌরকপদগী ২০২০-২১ ফাওবদা স্কোলারসিপ লাখ ২২.০৬ পীদুনা লুপা করোর ১৭৮৩.০৩গী শেনফম শীজিন্নখ্রে‍।

স্কিম অসিগী অয়াবা পীরবা লুপা করোর ১৮২৭.০০গী শেনফম অসিগা লোয়ননা মহৈরোয় লাখ ১৪.৭৬তা স্কোলারসিপ পীননবা ৱাফম থম্লি‍।

*****



(Release ID: 1800395) Visitor Counter : 150