খুঙ্গংগী য়ুম্থোং খুদিংদা তোতিগী খুত্থাংদা ৫৫ এল.সি.পি.দি.গী অশেংবা তোতি ঈশিং ফংহন্দুনা আত্মানির্ভর ভারতকী পান্দম ফংনবা হোৎনবগী শরুক অমা ওইনা ঈশিং অমসুং সেনিতেসন্দা মিৎয়েং চঙদুনা বজেৎ ২০২২বু থবক্তা ওন্থোকপগী মতাংদা হয়েং ৱেবিনার অমা পাংথোক্কনি। প্রধান মন্ত্রী, শ্রী নরেন্দ্র মোদীনা ফেব্রুৱারী ২৩গী অয়ুক্কী পুং ১১ তাবা মতমদা ভর্চুএলগী ৱেবিনার অসিদা ৱা ঙাংগনি। জল শক্তিগী কেন্দ্র মন্ত্রী, শ্রী গজেন্দ্র সিংহ সেখাৱৎ অমসুং জল শক্তিগী রাজ্য মন্ত্রী, শ্রী প্রহলাদ সিংহ পতেল অমসুং শ্রী বিশ্বেস্বরগা লোয়ননা য়ু.এন.গী এজেন্সী, ৱাশকী স্তেকহোলদর অমদি দোমেন অসিগী তেক্নিকেল এক্সপর্তশিংনা থৌরম অসিদা ৱা ঙাংগনি। ৱেবিনার পরেং অসি প্রোগ্রাম অসিগা মরী লৈনবা তোঙান-তোঙানবা স্তেকহোলদরশিংগা খন্ন-নৈনবা অমসুং পাউতাক পীনবগী অনৌবা থৌওংগী মনুং চন্দুনা পাংথোকপনি।

অয়ুক্কী পুং ১১ তাবা মতমদা পাংথোক্কদবা ব্রেকআউত সেসন অসিদা সেক্তরগী মশক নাইবা মীওই, প্রাইভেত সেক্তরগী মীহুৎ অমসুং গ্রাসরুত স্তেকহোলদরশিংনা বজেৎ অসিগী মতাং অমসুং খুঙ্গংগী য়ুমশিংদা থক্নবা অফবা ঈশিং পীবদগী অফবা শাফু পীবগী মতাংদা মশা-মশাগী ৱাখল্লোন থম্নগনি।

অখঙ-অহৈশিং খক্তা নত্তনা, তোঙান-তোঙানবা স্তেকহোলদরশিংবু ত্রেন তৌনবা মিসন অসিনা শিন্নরবা কী রিসোর্স সেন্তর (কে.আর.সি.)গী মীওইশিংনা জল জীবন মিসনবু হেন্না ফগৎহন্নবা পাউতাক কয়া পীগনি। মখোয়না সেনিয়র ওফিসিএল, মিদ-লেভেল প্রোগ্রাম পাংথোকপশিং অমসুং গ্রাউন্দ লেভেল ৱর্কফোর্সশিংদা ত্রেনিং পীখিবা অমসুং মখোয়গী ফিল্দ এক্সপেরিএন্সকী মতাংদসু ৱাফম কয়া থমগনি।

রাজ্যনা খুন্নাইগী থবক পাংথোকপা, ত্রাঞ্জেক্ত ৱাল্ক শীনবা, পানি সমিতী শেম্বা অমসুং ভিলেজ এক্সন প্লান শেম-শাবদা পঞ্চায়তশিংবু মখুৎ পায়দুনা তাকপী তম্বীনবা ইমপ্লিমেন্তিং সপ্পোর্ত এজেন্সী ওইনা সিভিল সোসাইতী ওর্গনাইজেসন কয়া অমসু শিজিন্নরি। আই.এস.এ.গী মীওইশিংনা ফিল্দদা পাংথোকখিবা থবক-থৌরমগী মতাংদা ৱেবিনার অসিদা পাউদমগনি।

 ‘সবকা সাথ, সবকা বিকাস, সবকা বিশ্বাস অমসুং সবকা প্রয়াস’কী খুদম ইল্লদুনা, জিলা ১০০, ব্লোক ১,১৪৪, গ্রাম পঞ্চায়ত ৬৬,৬৪৭ অমসুং খুঙ্গং ১,৩৭,৬৪২না ‘হর ঘর জল’ ওইবা ঙমখ্রে। থা ৩০গী তেল্লবা মতমগী মনুংদা, লৈবাক্কী খুঙ্গংগী ইমুং করোর ৯ হেনবদা থক্নবা তোতি ঈশিং ফংহনখ্রে। রাজ্য অহুম (গোৱা, তেলঙ্গানা অমদি হরিয়ানা) অমসুং য়ুনিয়ন তেরিতোরী অহুম (অন্দমান অমসুং নিকোবর ইথৎ, দদ্রা অমসুং নগর হবেলী অমসুং দামন অমসুং দ্যু, পুদুচেরী)না মখোয়গী মীয়ামদা ১০০%গী চাংদা তোতি ঈশিং য়ৌহনখ্রে। অতোপ্পা রাজ্যশিংসু হীরম অসিদা খোঙজেল য়াঙনা থবক পায়খৎলি অমসুং অথুবা মতমদা ১০০%গী পান্দম ফংলগনি। হায়রিবশিং অসিগী মনুংদা, পঞ্জাবনা ৯৯%, হিমাচল প্রদেশনা ৯৩%, গুজরাতনা ৯২% অমসুং বিহারনা ৯০%গী চাংদা লৈদুনা হন্দক্কী চহিগী মনুংদা ‘হর ঘর জল’ ওইনবা শেম-শাদুনা লৈরবনি।

*******