প্রধানমন্ত্রীগী লোইশঙ

পি.এম.না ইন্দোরদা ম্যুনিসিপাল সোলিদ ৱেস্ততা য়ুম্ফম ওইবা গোবর-ধন প্লান্ত শঙ্গাখ্রে


“মতমগা ইরোইনানা, ইন্দোর অসি য়াইফনবগীদমক হোংবা নাইখি অদুবু দেবি অহিলিয়াভাইগী ইথিলদি মাংবা লৈখিদে অমসুং ঙসি ইন্দোরনা লুনানবা অমসুং সিবিক দ্যুতীবুসু নীংশিংহল্লি”

“ৱেস্ততগী গোবরধন, গোবর ধনদগী ক্লিন ফ্যুএল, ক্লিন ফ্যুএলদগী ইনর্জী অসি পুন্সিগী মরু ওইবা চেন অমনি”

“মথংগী চহি অনি অসিদা গোবর ধন বাইও সি.এন.জি. প্লান্তশিং অসি অচৌবা ম্যুনিসিপাল বোদী ৭৫দা লিংখৎলগনি”

“হৌখিবা চহি তরেৎ অসিদা সরকারনা সমস্যশিংগী অথুবা মতম খরগী ওইবা সোল্যুনসনশিংগী মহুৎ মতম চুপ্পগী ওইবা সোল্যুসনশিং পীনবা হোৎনখি”

“২০১৪দগী লৈবাক অসিগী অমোৎ-অকাইগী দিস্পোজেল কেপাসিতী অসি শরুক ৪ হেনখৎখি। বোদী ১৬০০ হেনবনা সিঙ্গল য়ুজ প্লাস্তিক মাংহন্নবা মেতরিএল রিকবরী ফেসিলিতীশিং ফংলি”

“ভারতকী শহর কয়ামরুমবু ৱাতর প্লস ওইহন্নবা সরকারনা হোৎনরি। মসি স্বচ্ছ ভারত মিসনগী অনিশুবা ফেসতা অকনবা ৱাফম থমখি”

“ঐখোয়গী সফাই ৱর্করশিংনা হোৎনরিবা অমসুং কত্থোকপা অসিগীদমক ঐখোয়না মখোয়গী লমন তোনশিল্লি”

Posted On: 19 FEB 2022 2:50PM by PIB Imphal

প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সিংগী খুত্থাংদা ইন্দোরদা “গোবত-ধন (বাইও-সি.এন.জি. প্লান্ত)” শঙ্গাখ্রে। থৌরম অদুদা মধ্য প্রদেশকী রাজ্যপাল, মঙ্গুভাই সি. পতেল; মধ্য প্রদেশকী মুখ্য মন্ত্রী, শিবরাজ সিংহ চৌহান; কেন্দ্রগী মন্ত্রীশিং শ্রী হর্দীপ সিংহ পুরি, দা. বিরেন্দ্র কুমার অমসুং শ্রী কৌশল কিশোরসু শরুক য়াখি।

প্রধান মন্ত্রীনা রানি অহিল্যাবাইদা ইকাই খুম্নবা উৎতুনা অমসুং ইন্দোরগী শহর অসিগী মহাক্কা লৈনরিবা মরী অদু নীংশিংলদুনা মহাক্না ৱা ঙাংবা হৌখি। মহাক্না হায়খি ইন্দোর পনবদা দেবি অহিল্যাবাই হোল্কর অমদি মহাক্না তৌরমখিবা সর্ভিসবু নীংশিংহল্লি। মতমগা ইরোইননা, ইন্দোর অসি য়াইফনবগীদমক হোংবা নাইখি অদুবু দেবি অহিলিয়াভাইগী ইথিলদি মাংবা লৈখিদে অমসুং ঙসি ইন্দোরনা লুনানবা অমসুং সিবিক দ্যুতীবুসু নীংশিংহল্লি হায়না প্রধান মন্ত্রীনা ফোঙদোকখি। শ্রী মোদীনা কাশী বিশ্বনাথ ধামদা লৈরিবা দেবি অহিল্যাবাইগী নীংথিরবা মীতম লৈ হায়না পনখি।

প্রধান মন্ত্রী গোবর ধনগী মরু ওইবগী মতাংদা অকনবা ৱাফম ফোঙদোকখি অমসুং শহরগী য়ুমদগী থাদোরকপা ৱেস্ত অমসুং শা-শন অমসুং ফার্মদগী থাদোরকপা ৱেস্ত অসি গোবর ধননি। মহাক্না হায়খি ৱেস্ততগী গোবরধন, গোবর ধনদগী ক্লিন ফ্যুএল, ক্লিন ফ্যুএলদগী ইনর্জী অসি পুন্সিগী মরু ওইবা চেন অমনি। প্রধান মন্ত্রীনা মথংগী চহি অনি অসিদা গোবর ধন বাইও সি.এন.জি. প্লান্তশিং অচৌবা ম্যুনিসিপাল বোদী ৭৫দা লিংখৎকনি হায়না খঙহনখি। “কেম্পেন অসিনা ভারতকী শহরশিংবু লুনানবা, পোলুসন ফ্রী ওইবা অমসুং ক্লিন নর্জীগী মাইকৈ চাংশিনবদা চাউনা মতেং পাংলগনি”, হায়না মহাক্না ফোঙদোকখি। প্রধান মন্ত্রীনা শহরশিংদতা নত্তনা গোবর ধন প্লান্তশিং অসি খুঙ্গংশিংদসু লিংখৎলি, মসিনা লৌমীশিংগীদমক অহেনবা শেন্থোক ফংহল্লি। মসিনা ভারতকী ক্লাইমেৎ কম্মিতমেন্তশিং থুংহনবগা লোয়ননা মপু লৈতবা অমসুং মতেং পাংবীনবা লৈতবা শা-শন অসিগী সমস্য লাকশিনবদা মতেং পাংলগনি, হায়না মহাক্না ফোঙদোকখি।

হৌখিবা চহি তরেৎ অসিদা সরকারনা সমস্যশিংগী অথুবা মতম খরগী ওইবা সোল্যুনসনশিংগী মহুৎ মতম চুপ্পগী ওইবা সোল্যুসনশিং পীনবা হোৎনখি হায়না প্রধান মন্ত্রীনা ফোঙদোকখি। স্বচ্ছ ভারত মিসনগী অনিশুবা ফেসতা সরকারনা লম একর লিশিং কয়া মাংহন্দুনা লৈরিবা অমসুং লায়না কয়া নাহল্লিবা এয়র অমসুং ৱাতর পোলুসন থোকহল্লিবা অমোৎ-অকাই তন লাখ কয়া লৌথোক্নবা হোৎনরি হায়না মহাক্না ফোঙদোকখ্রে। স্বচ্ছ ভারত কেম্পেন অসিনা নুপীশিংবু ইকাই খুম্নবা অমসুং শহর অমদি খুঙ্গংশিং ফজথোকহনবা হেনগৎহল্লি। হৌজিক ৱেৎ ৱেস্তকী দিস্পোজেলদা মীৎয়েং থম্মি হায়না মহাক্না হায়খি। সরকারনা চিংগুম্বা পৈদুনা লৈরিবা অমোৎ-অকাই অসি মথংগী চহি ২-৩ অসিদা গ্রিন জোনশিং ওন্থোক্নবা হোৎনরি। মহাক্না ২০১৪দগী লৈবাক অসিগী অমোৎ-অকাইগী দিস্পোজেল কেপাসিতী অসি শরুক ৪ হেনখৎখিবদা নুংঙাইবা ফোঙদোকখি। বোদী ১৬০০ হেনবনা সিঙ্গল য়ুজ প্লাস্তিক মাংহন্নবা মেতরিএল রিকবরী ফেসিলিতীশিং থম্মি।

প্রধান মন্ত্রীনা লুনানবা অমসুং তুরিজমগী মরক্তা লৈনরিবা মরী অসি থমখি অমদি লুনানবা অসিনা তুরিজম ফগৎহল্লি অমসুং অনৌবা শেন্মীৎলোন অমা লাকহল্লি হায়খ্রে। মহাক্না মসিগী মরী অসিগী খুদম ওইনা ইন্দোরনা ক্লীন সিতী অমা ওইবা মাইপাকপা অসি পীখি। মহাক্না মখা তারদুনা হায়খি “ভারতকী শহর কয়ামরুমবু ৱাতর প্লস ওইহন্নবা সরকারনা হোৎনরি। মসি স্বচ্ছ ভারত মিসনগী অনিশুবা ফেসতা অকনবা ৱাফম থমখি”।

প্রধান মন্ত্রীনা পেত্রোলদা ইথানোল ব্লেন্দিং তৌবা হেনগৎবগী মতাংদা পনখি, হায়রিবা অসি হৌখিবা চহি ৭-৮ অসিদা চাদা ১দগ চাদা ৮রোমদা হেনগৎলকখি। হায়রিবা মতম অসিগী মনুংদা ইথানোল সপ্লাই তৌবা অসি লিতর করোর ৪০দগী লিতর করোর ৩০০দা চাউনা হেনগৎলক্তুনা সুগর মিলশিং অমসুং লৌমীশিংদা মতেং পাংলি।

 প্রধান মন্ত্রীনা বজেৎতা লৌখিবা অচৌবা ৱারেপ অমগী মতাংদা ফোঙদোকখি। কোলদা য়ুম্ফম ওইবা ইলেক্ত্রিসিতী প্লান্তশিংনা পরালি নত্ত্রগা চুরুখোক শীজিন্নরগনি হায়না ৱারেপ লৌখি। “মসিনা লৌমীশিংগী অৱাবশিং কোকহল্লগনি অমসুং এগ্রি-ৱেস্ততগী লৌমীশিংদা অহেনবা শেন্থোকসু ফংহল্লগনি”, হায়না মহাক্না হায়খি।

প্রধান মন্ত্রীনা লুনাননবা চোকথবা লৈতনা থবক তৌরিবা লৈবাক অসিগী সফাই ৱর্কর লাখ কয়াদা মহাক্না তৌবীমল খঙবা উৎখ্রে। প্রধান মন্ত্রীনা লাইচৎ মনুংদা মখোয়গী সর্ভিস পীবগী মতৌ অদুগীদমক মখোয়বু অখন্ননা থাগৎপা ফোঙদোকখি। মহাক্না কুম্ভ মনুংদা প্রয়াগরাজতা সফাই ৱর্করশিংবু মখোয়গী মখোং হাম্বীদুনা মখোয়দা করম্না ইকাই খুম্নবা উৎখিবগে হায়না মহাক্না পনখি।

বেকগ্রাউন্দ

প্রধান মন্ত্রীনা “গার্বেজ ফ্রী সিতীশিং” শেম্নবা অপুনবা মীৎয়েং অমগা লোয়ননা হন্দক্তা স্ৱচ্ছ ভারত মিসন অর্বান ২.০ হৌদোকখি। মসি রিসোর্স রিকবরী মেক্সিমাইজ তৌনবগী পুম্নমক শুনা য়াওবা “ৱেস্ত তু ৱেল্থ” অমসুং “সর্ক্যুলর ইকনোমী”কী ৱাখল্লোনশিং অসিগী মখাদা ইমপ্লিমেন্ত তৌখি – অনিমক অসিনা ইন্দোর বাইও-সি.এন.জি. প্লান্তশিং মশক তাক্লি।

ঙসি শঙ্গাখিবা প্লান্ত অসিনা নোংমদা সেগ্রিগেতেদ ৱেত ওর্গানিক ৱেস্ত প্লান্ত তোন ৫৫০ ত্রিৎ তৌবা ঙম্বগী কেপেসিতী লৈ। মসিনা নোংমদা সি.এন.জি. কে.জি. ১৭,০০০ অমসুং ওর্গানিক কম্পোস্তনা নোংমদা তোন ১০০ পুথোক্কনি হায়না থাজবা থম্লি। প্লান্ত অসি জিরো লেন্দফিল মোদেলশিংদা য়ুম্ফম ওইরি, মরম অদুনা ফত্ত ঔদি অমত্তা পুথোক্লোই। মসিগী মথক্তা প্রোজেক্ত অসিনা গ্রীনহাউস গ্যাস ইম্মিসনশিং হন্থহন্দুনা, ওর্গানিক কম্পোস্তনা ফর্তিলাইজর ওইনা গ্রীন ইনর্জী পীদুনা অকোইবগী খলদা কান্নবা কয়ামরুম পীরগনি হায়না পানরি।   

প্রোজেক্ত অসি ইম্প্লিমেন্ত তৌনবা শাখিবা অখন্নবা পর্পোজ ভেহিকল অমা ওইরিবা ইন্দোর ক্লিন ইনর্জী প্রাইবেৎ লিমিতেদ অসি আই.ই.আই.এস.এল.নাগী লুপা করোর ১৫০গী ১০০% কেপিতেল ইনবেস্তমেন্তগা লোয়ননা পব্লিক প্রাইবেৎ পার্তনরশীপ মোদেলগী মখাদা ইন্দোর ম্যুনিসিপাল কোর্পোরেসন (আই.এম.সি.) অমসুং ইন্দো এনভাইরো ইন্তিগ্রেতেদ সোলুসন্স লিমিতেদ (আই.ই.আই.এস.এল.)না শেমগৎখিবনি। ইন্দোর ম্যুনিসিপাল কোর্পোরেসন্না প্লান্ত অসিনা পুথোকপা সি.এন.জি.গী য়ামদ্রবদা ৫০%দি লৈরগনি অমসুং মসিগী অহানবা খোঙথাং অসিগী অহানবা শরুক অমা ওইনা সি.এন.জি.না সিতী বস ৪০০ চেলহল্লগনি। সি.এন.জি.গী বেলেন্স ক্বান্তিতী অসি ওপন মার্কেত্তা য়োল্লগনি। ওর্গানিক কম্পোস্ত অসিনা লৌউ-শিংউ অমসুং হোর্তিকলচরগী লমশিংদা কেমিকেল ফর্তিলাইজরগী মহুৎ শিনবদা মতেং পাংলগনি।

***********



(Release ID: 1799658) Visitor Counter : 168


Read this release in: English , Urdu , Marathi , Hindi , Bengali , Assamese , Punjabi , Gujarati , Odia , Tamil , Telugu , Kannada , Malayalam