దివ్యాంగులకు తోడ్పాటులు మరియు వివిధ సహాయక పరికరాల పంపిణీ కోసం వికలాంగుల సాధికారత శాఖ (డీఈపీడ‌బ్ల్యుడీ)
‘సామాజిక అధికార శివిర్’ను నిర్వహించింది. భారత ప్రభుత్వ సామాజిక న్యాయం మరియు సాధికారత మంత్రిత్వ శాఖ ఏడీఐపీ పథకం కింద 'దివ్యాంగజన్‌'ల‌కు ఈ కార్య‌క్ర‌మాన్ని ఏర్పాటు చేశారు. మధ్యప్రదేశ్‌లోని నివారి జిల్లా ప‌రిపాలనా విభాగం, అలీమ్‌కో సౌజ‌న్యంతో 15.02.2022 న ఉద‌యం 11 గంట‌ల‌కు  స్టేడియం వ‌ద్ద  షాస్కియా ఉచ్చత్తర్ మాధ్యమిక విద్యాలయ నం. 2 వ‌ద్ద ఈ కార్య‌క్ర‌మాన్ని ఏర్పాటు చేశారు. కేంద్ర సామాజిక న్యాయం మరియు సాధికారత మంత్రి డాక్టర్ వీరేంద్ర కుమార్ ఈ కార్యక్రమానికి ముఖ్య అతిథిగా విచ్చేయనున్నారు. మంత్రి హ‌జ‌రుతో ఈ వేడుకను ఘనంగా నిర్వహించనున్నారు. శ్రీ అనిల్ జైన్ ఎమ్మెల్యే (నివారి) మరియు డాక్టర్ శిశుపాల్ యాదవ్ ఎమ్మెల్యే (పృథ్వీపూర్) ఈ కార్యక్రమానికి అధ్యక్షత వహిస్తారు. శ్రీ రంజన్ సెహగల్, సీఎండీ, అలీమ్‌కో, లెఫ్టినెంట్ కల్నల్ పి.కె. డ్యూబ్ (రిటైర్డ్), జనరల్ మేనేజర్ (మార్కెటింగ్), అలీమ్‌కో మరియు నివారి జిల్లా ప‌రిపాల‌న వ్య‌వ‌స్థ నుంచి ఇతర సీనియర్ అధికారులు కూడా ఈ కార్యక్రమంలో పాల్గొంటారు. వివిధ కేటగిరీల వికలాంగులకు సంబంధించిన మొత్తం 737 తోడ్పాటుల‌ను, సహాయక పరికరాలను మధ్యప్రదేశ్‌లోని నివారి జిల్లాలో ముందుగా గుర్తించబడిన 409 మంది దివ్యాంగులకు  పంపిణీ చేయ‌నున్నారు. వీటి విలువ రూ. 44.48 లక్షలు. వీటిని ఉచితంగా పంపిణీ చేయనున్నారు. \
 

****