ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ଏକ ମହାସାଗର (ୱନ୍ ଓଶନ୍) ଶିଖର ସମ୍ମିଳନୀରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ବକ୍ତବ୍ୟ
Posted On:
11 FEB 2022 8:25PM by PIB Bhubaneshwar
ରାଷ୍ଟ୍ରପତି ମାକ୍ରନ,
ମହାମହିମ,
ନମସ୍କାର!
ମହାସାଗର ପାଇଁ ଏହି ଗୁରୁତ୍ୱପୂର୍ଣ୍ଣ ବିଶ୍ୱସ୍ତରୀୟ ପ୍ରୟାସ ପାଇଁ ମୁଁ ରାଷ୍ଟ୍ରପତି ମାକ୍ରନଙ୍କୁ ଅଭିନନ୍ଦନ ଜଣାଉଛି ।
ଭାରତ ସବୁବେଳେ ଏକ ସାମୁଦ୍ରିକ ସଭ୍ୟତା ହୋଇ ରହିଆସିଛି ।
ଆମର ପ୍ରାଚୀନ ଗ୍ରନ୍ଥ ଓ ସାହିତ୍ୟରେ ମହାସାଗର ଏବଂ ସାମୁଦ୍ରିକ ଜୀବନ ବିଷୟରେ ଉଲ୍ଲେଖ କରାଯାଇଛି ।
ଆଜି ଆମର ସୁରକ୍ଷା ଏବଂ ସମୃଦ୍ଧି ମହାସାଗର ସହିତ ସଂଯୋଗ ହୋଇ ରହିଛି ।
ଭାରତର ‘‘ଭାରତ-ପ୍ରଶାନ୍ତ ମହାସାଗରୀୟ ପ୍ରୟାସ’’ରେ ସାମୁଦ୍ରିକ ସମ୍ବଳକୁ ଏକ ପ୍ରମୁଖ ସ୍ତମ୍ଭ ଭାବେ ସାମିଲ କରାଯାଇଛି ।
‘‘ରାଷ୍ଟ୍ରୀୟ ସୀମା ଉର୍ଦ୍ଧ୍ବରେ ଜୈବ-ବିବିଧତା ଉପରେ ଏକ ଉଚ୍ଚ ଆକାଂକ୍ଷୀ ମେଣ୍ଟ’’ ପାଇଁ ଫ୍ରାନ୍ସର ଏହି ପ୍ରୟାସକୁ ଭାରତ ସମର୍ଥନ କରୁଛି।
ଚଳିତ ବର୍ଷ ଆଇନଗତ ଭାବରେ ବାଧ୍ୟତାମୂଳକ ଏକ ଅନ୍ତର୍ଜାତୀୟ ରାଜିନାମା ହେବ ବୋଲି ଆମେ ଆଶା କରୁଛୁ ।
ସିଙ୍ଗଲ୍ ୟୁଜ୍ ପ୍ଲାଷ୍ଟିକ୍ ବ୍ୟବହାର ବନ୍ଦ କରିବା ଲାଗି ଭାରତ ସଂକଳ୍ପବଦ୍ଧ ।
ସାମୁଦ୍ରିକ ଉପକୂଳ ଅଞ୍ଚଳରୁ ପ୍ଲାଷ୍ଟିକ ଏବଂ ଅନ୍ୟ ବର୍ଜ୍ୟବସ୍ତୁ ସଫା କରିବା ଲାଗି ଭାରତ ନିକଟରେ ଏକ ରାଷ୍ଟ୍ରବ୍ୟାପୀ ସଚେତନତା ଅଭିଯାନ କାର୍ଯ୍ୟକାରୀ କରିଛି ।
ତିନି ଲକ୍ଷ ଯୁବକଯୁବତୀ ୧୩ ଟନ୍ ପ୍ଲାଷ୍ଟିକ୍ ବର୍ଜ୍ୟବସ୍ତୁ ସଂଗ୍ରହ କରିଛନ୍ତି ।
ସମୁଦ୍ରରୁ ପ୍ଲାଷ୍ଟିକ୍ ବର୍ଜ୍ୟବସ୍ତୁ ସଂଗ୍ରହ ନିମନ୍ତେ ଚଳିତ ବର୍ଷ ୧୦୦ଟି ଜାହାଜ ଦିବସ ବିନିଯୋଗ କରିବା ପାଇଁ ମୁଁ ଆମର ନୌସେନାକୁ ନିର୍ଦ୍ଦେଶ ଦେଇଛି ।
ସିଙ୍ଗଲ ୟୁଜ୍ ପ୍ଲାଷ୍ଟିକ୍ ଉପରେ ଏକ ବିଶ୍ୱସ୍ତରୀୟ ପ୍ରୟାସ ଆରମ୍ଭ କରିବାରେ ଫ୍ରାନ୍ସ ସହ ଯୋଗ ଦେବା ଭାରତ ପାଇଁ ଏକ ଖୁସିର ବିଷୟ ହେବ ।
ଆପଣଙ୍କୁ ଧନ୍ୟବାଦ, ରାଷ୍ଟ୍ରପତି ମାକ୍ରନ୍ ।
*******
P.S.
(Release ID: 1797863)
Visitor Counter : 178
Read this release in:
Assamese
,
English
,
Urdu
,
Hindi
,
Marathi
,
Bengali
,
Manipuri
,
Punjabi
,
Gujarati
,
Tamil
,
Telugu
,
Kannada
,
Malayalam