بجلی اور ایم این آر ای کے مرکزی وزیر  جناب آر کے سنگھ نے ، کل ورچوئل طور پر پاور فاؤنڈیشن کے ساتھ ایک میٹنگ کی صدارت کی۔ بجلی کے سکریٹری جناب آلوک کمار، ایم این آر ای کے سکریٹری جناب اندو شیکھر چترویدی اور سرکاری شعبے کی بجلی کے کمپنیوں کے سی ایم ڈیز بھی اس میٹنگ میں موجود تھے۔ میٹنگ میں پاور فاؤنڈیشن کے مقاصد، تحقیق وترقی کے حوالے سے کارروائی جاتی ڈھانچے، پالیسی کی وکالت اور مواصلاتی حکمت عملی پر تبادلہ خیال کیا گیا۔

وزیر موصوف جناب سنگھ نے تمام افسران کو ہدایت دی کہ وہ پاور فاؤنڈیشن سے استفادہ حاصل کریں تاکہ ہندوستان کے توانائی کے منتقلی کے سفر کو سہل بنانے اور ای موبیلٹی اور بجلی سے کھانا پکانے کے بارے میں صارفین کی بیداری کو فروغ دینے کے لیے، ثبوت پر مبنی تحقیقی مطالعہ کیا جاسکے۔

The Hon’ble Minister of Power and New & Renewable Energy, Shri R. K. Singh chaired a meeting with the Power Foundation, officers of @MinOfPower, @mnreindia and CMDs of @ntpclimited, @nhpcltd, @pfclindia, @RECLindia, @pgcilindia, @NEEPCOlimited, @THDCIL_MOP and @SjvnLimited… 1/2 pic.twitter.com/dT27VxmYu9

— Office of R.K. Singh (@OfficeOfRKSingh) February 8, 2022

وزیر موصوف نے پاور فاؤنڈیشن کو مندرجہ ذیل موضوعات پر مطالعہ کرنے کی تجویز دی:

• ہندوستان میں پن بجلی کے فروغ کو تیز کرنا۔
• ہندوستان میں ڈی کاربونائیزیشن کے لیے ایک جامع روڈ میپ تیار کرنا۔
• ماحولیات کے تقاضے کو پورا کرنے میں ، متبادل کے طور پر ایف جی ڈی ٹیکنالوجی کی مطابقت۔
• آر ای کا بڑے پیمانے پر انضمام۔
• ملک کے لیے توانائی کی منتقلی  کے لیے  قلیل مدتی، وسط مدتی اور طویل مدتی روڈ میپ۔

دیگر مجوزہ مطالعے جو کئے جائیں گے:

• ہندوستان میں ڈسکام کی بجلی کی خریداری کے اخراجات کا جائزہ اور اصلاح۔
• 500 گیگاواٹس نون فوسل ایندھن پر مبنی سرمایہ کاری کی ضرورت ہے؛ مارکیٹ سازی سے متعلق مسائل۔
• گرڈ کی سطح کے اسٹوریج، توانائی کے اسٹوریج (بیٹری اسٹوریج اور دیگر اختیارات)
• ہائیڈروجن معیشت: ہندوستان کے سامنے اختیارات

پاور فاؤنڈیشن، ہندوستان کی جی 20 صدارت اور صاف توانائی منسٹیریل کے لیے ایک معلوماتی شراکت دار کے طور پر ، بجلی کی وزارت کی بھی مدد کرنے جارہا ہے۔

پاور فاؤنڈیشن کے بارے میں:

پاور فاؤنڈیشن ایک اندراج شدہ سوسائٹی ہے جس کا مقصد سب سے اوّلین پالیسی کی وکالت کا ادارہ بننا ہے، جو بجلی اور اس سے منسلک شعبوں پر قومی مکالمے میں شرکت کرے گا اور مستند تجزیہ، اعداد وشمار، پالیسی کی سفارشات اور حقیقی دنیا کے حل فراہم کرے گا تاکہ سب کے لیے محفوظ اور پائیدار توانائی اور ہندوستان کی توانائی کی منتقلی کے لیے ہموار راستے وضع کرنے میں ریاستوں کو مدد فراہم کی جاسکے۔

اس کا مقصد بجلی کے شعبے میں توانائی کی منتقلی سے متعلق مختلف پہلوؤں پر معتبر اداروں کے ذریعے آزاد اور شواہد پر مبنی تحقیقی مطالعات کا آغاز کرنے میں بھی اہم کوشش کرنا ہے نیز بعد ازاں شناخت شدہ شراکت داروں میں بیداری پیدا کرنے کی غرض سے ، مناسب مواصلاتی چیلنجز کے ذریعے ، جمع کی گئی معلومات کو پھیلانا ہے۔

۔۔۔۔۔۔۔۔۔۔۔

ش ح۔ا ع۔ر ا۔

U-1362