અનધિકૃત જાહેરાતોના ઉપકરણો/હોર્ડિંગ્સ/જાહેરાતોને દૂર કરવા અંગેના નિર્દેશ દિલ્હી મ્યુનિસિપલ સંસ્થાઓની દિલ્હી આઉટડોર એડવર્ટાઇઝિંગ પોલિસી 2017 (ભારતના માનનીય સર્વોચ્ચ અદાલત દ્વારા યોગ્ય રીતે મંજૂર કરાયેલ)માં સમાયેલ છે. દિલ્હી પ્રિવેન્શન ઓફ ડિફેસમેન્ટ ઓફ પ્રોપર્ટી (DPDP)એક્ટ-2007ની જોગવાઈ હેઠળ પણ કાર્યવાહી કરવામાં આવે છે. આ સંબંધમાં, દિલ્હીના શહેરી વિકાસ વિભાગ, GNCT દ્વારા એક નીતિ ઘડવામાં આવી છે અને સૂચિત કરવામાં આવી છે.

વધુમાં, મોટર વાહન અધિનિયમ 1988ની કલમ 116 મુજબ, નેશનલ હાઈવે ઓથોરિટી ઓફ ઈન્ડિયા (NHAI) અથવા કેન્દ્ર સરકાર દ્વારા અધિકૃત કોઈપણ અન્ય એજન્સી રાજ્ય સરકારના સત્તાવાળાઓ પાસેથી મદદ માંગી શકે છે અને તે રાજ્ય સરકાર આવી સહાય પૂરી પાડશે. તદનુસાર, સ્થાનિક વહીવટીતંત્રની સતત સહાયતા સાથે NHAI દ્વારા રાષ્ટ્રીય ધોરીમાર્ગો પર હોર્ડિંગ્સ/જાહેરાતો દૂર કરવાની કામગીરી હાથ ધરવામાં આવે છે.

આ માહિતી કેન્દ્રીય માર્ગ પરિવહન અને રાજમાર્ગ મંત્રી શ્રી નીતિન ગડકરીએ રાજ્યસભામાં એક લેખિત જવાબમાં આપી હતી.

SD/GP/MR

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com